ՀՀ վարչապետ Նիկոլ Փաշինյան. արխիվային լուսանկար

2.5 տարվա ամբոխահաճո տնտեսական քաղաքականությունը կոտրել է ՀՀ տնտեսության ողնաշարը

666
(Թարմացված է 19:33 31.12.2020)
ՀՀ տնտեսությունը փրկելու ու հնարավոր կոլապսից խուսափելու համար պետք է հրաժարվել ամբոխահաճո քայլերից։ Ֆինանսների նախկին նախարար Վարդան Արամյանը Sputnik Արմենիայի հետ զրույցում վերլուծել է 2020թ–ի տնտեսական տարին ու ներկայացրել 2021թ–ի վերաբերյալ իր կանխատեսումները։

ՀՀ ֆինանսների նախկին նախարար, պետական ֆինանսների կառավարման միջազգային փորձագետ Վարդան Արամյանը ՀՀ կառավարության վարած քաղաքականությունը մեկ բառով է որակում` «ամբոխահաճո»։

«Ամբոխահաճո գործողությունները հանգեցնում են տնտեսական պոտենցիալի խժռման, երբ կառավարության գործողությունները տվյալ պահին ուղղված են միայն նրան, որ հանրությունն ասի` էս կառավարության նմանը չկա, որովհետև որևիցե մեկը ծննդօգնության նպաստներն այսքան կտրուկ չբարձրացրեց, որևէ կառավարություն նվազագույն աշխատավարձն այսպես կտրուկ չբարձրացրեց, իսկ իրենք բարձրացրին»,– ասաց Արամյանը։

Ամբոխահաճո քաղաքականության մեջ նախկին նախարարը դիտարկում է նաև պետական համակարգին բաշխվող պարգևավճարներն ու հավելավճարները։

Նշենք, որ նվազագույն աշխատավարձը 2020 թ.–ին 55 000 դրամից դարձավ 68 000 դրամ, բազային կենսաթոշակը`16 000–ից` 18 000 դրամ, երեխայի ծննդյան նպաստը` 50 000–ից` 300 000 դրամ։ Արդյունքում`2021թ.–ի բյուջեով ընթացիկ ծախսերը 2018թ–ի նկատմամբ աճել են 335 մլրդ դրամով։ Իսկ քանի որ բյուջեի գումարները չեն բավարարում այդ ծախսերին, կառավարությունը, Արամյանի խոսքով, ստիպված է լինելու նոր պարտքեր ներգրավել։

2021թ–ի բյուջեով նախատեսված մեկ այլ ցուցանիշի` տնտեսական աճի 3.2 տոկոս աճին Վարդան Արամյանը թերահավատորեն է վերաբերվում`արձանագրելով, որ աճի համար անհրաժեշտ են ներդրումներ, մինչդեռ Հայաստանում նույնիսկ պատերազմից ու համաճարակից առաջ` 2019թ–ին, ներդրումների ծավալը 14 տոկոսով կրճատվել էր, իսկ 2020թ.–ին արդեն 20 տոկոսանոց անկում կա։

«Տնտեսական աճի պոտենցիալը բոլոր գործիքներով մինչև 2019 թվականը գնահատվում էր 4-4.5 տոկոս, իսկ հիմա հազիվ 2 տոկոսանոց աճի է հավակնում»,– ասաց Արամյանը։

Նախկին նախարարի գնահատմամբ` ՀՀ գործող իշխանությունը 2.5 տարվա ոչ խելամիտ տնտեսական քաղաքականության հետևանքով կոտրել է Հայաստանի տնտեսական ողնաշարը` լուրջ վտանգներ ստեղծելով 2021թ.–ի համար։ 

«Տնտեսվարողների ներդրումների կամ հեռանկարային տնտեսական քաղաքականության համար 4 կարևոր հենասյուն կա` հարկաբյուջետային կայունություն, դրամավարկային և ֆինանսական կայունություն, քաղաքական կայունություն և անվտանգություն։ Հիմա մենք այս 4 հենասյուներում բոլորում ունենք ռիսկեր»,– ասաց Արամյանը։

Ստեղծված իրավիճակից ելքը, նրա դիտարկմամբ, կարող է լինել միայն տնտեսական քաղաքականության կոշտացումը։ Բայց նրա կանխատեսմամբ, կառավարությունը դրա փոխարեն գնալու է նոր պոպուլյար քայլերի։

Այս կանխատեսումներն, ըստ Արամյանի, հիմնված են արդեն առկա իրական ազդակների վրա, երբ կառավարությունը վարչապետի մակարդակով հայտարարում է, որ իր վրա է վերցնում այս կամ այն ծախսը։ Այս կերպ շարունակելու դեպքում, Արամյանի կանխատեսմամբ, Հայաստանին ոչ միայն տնտեսական ճգնաժամ, այլև կոլապս ու դեֆոլտ է սպառնում։

«Օրինակ` Արգենտինայում մարդիկ առավոտյան արթնացան ու կառավարությունն ասաց, որ բանկային ավանդներն այդ օրվանից ոչ թե դոլարով, այլ պեսոյով են, ընդ որում, մարդիկ իրավունք չունեն դա միանգամից հանելու, մաս–մաս պիտի օգտագործեն և այլն։ Այսինքն` այն, ինչ մենք ունեցանք 90-ականներին` խորհրդային ավանդների հետ կապված։ Նույնը նաև Բրազիլիայում է եղել։ Մեկ այլ օրինակ էլ Հունգարիան է, երբ 2000–ականներին քաղաքացիների խնայողություններն ուղղակի պետականացվեցին»,– նշեց Արամյանը։

Մենք նորից ունենք սթրեսային իրավիճակին բնորոշ տնտեսություն. Քթոյան

Այս անցանկալի սցենարներից խուսափելու համար Վարդան Արամյանի դիտարկմամբ,  կառավարությանը հանրության համար ցավոտ գործիքակազմ պիտի սկսի կիրառել նախապես` չսպասելով իրավիճակի էլ ավելի խորացմանը։ Մինչդեռ վարվող քաղաքականությունը, հակառակը` միայն ավելի է վատացնում երկրի տնտեսական վիճակը։

«Այո, գալու է մի ժամանակ, երբ տնտեսությունն ունակ չի լինելու գեներացնել այդքան գումար, որպեսզի կարողանա ընթացիկ ծախսերը հոգալ։ Պարտք տվողներն էլ կա՛մ չեն տալու, կա՛մ տալու են այդ գումարն աստղաբաշխական թվերով։ Դրա արդյունքում հենց իմ հիշատակած կոլապսն է լինում, երբ ներդրողները հրաժարվում են քեզ գումար տրամադրել ու տեղի է ունենում դեֆոլտ»,– ասաց նա։

Անդրադառնալով հնարավոր իշխանափոխության դեպքում տնտեսական քաղաքականության հնարավոր փոփոխությանը, Վարդան Արամյանը հայտնեց, որ այդ պարտավորությունն իր վրա վերցրած ուժը ստիպված է լինելու մեծ ռիսկի դիմել, քանի որ ստիպված է լինելու հրաժարվել ամբոխահաճո քայլերից, կատարել ոչ պոպուլյար քայլեր, որոնք անխուսափելիորեն հանգեցնելու են հանրության շատ ավելի մեծ դժգոհությանը։

Մարդիկ սկսել են քիչ ծախսել. ինչպես են համավարակն ու պատերազմն ազդել տնտեսության վրա

666
թեգերը:
ՀՀ ֆինանսների նախարարություն, Վարդան Արամյան, տնտեսություն, Հայաստան
Ըստ թեմայի
Վարդան Արամյանը պաշտոն ստացավ Հայաստանի խոշոր ձեռնարկություններից մեկում
Ես վատ եմ զգում ինձ, երբ նման նախարարն իմ վճարած հարկից պարգևատրումներ է ստանում. Արամյան
Բարձր վարձատրվող մասնագետը չպետք է ընկալվի որպես հանրության թշնամի․ Վարդան Արամյան
Եվրո

Հայաստանը 10 տարվա եվրապարտատոմսեր կտեղաբաշխի. աղբյուր

54
(Թարմացված է 14:50 25.01.2021)
Հայաստանը մի շարք հեռախոսազանգեր կանցկացնի ներդրողների հետ՝ նվիրված եվրապարտատմսերի տեղաբաշխմանը։

ԵՐԵՎԱՆ, 25 հունվարի – Sputnik. Հայաստանը ծրագրում է 10-ամյա եվրապարտատոմսեր տեղաբաշխել դոլարով։ Տեղեկությունը հայտնում է ՌԻԱ Նովոստին՝ հղում անելով ֆինանսական շրջանակների իր աղբյուրին։

Ըստ այդ աղբյուրի` Հայաստանն այսօրվանից մի շարք հեռախոսազանգեր կանցկացնի ներդրողների հետ՝ նվիրված եվրապարտատմոսերի հնարավոր տեղաբաշխմանը։

Կազմակերպիչներն են Citi-ն, HSBC-ն և J. P. Morgan-ը:

Վերջին անգամ Հայաստանը փոխառությունների միջազգային շուկա է մուտք գործել 2019 թվականի սեպտեմբերին։ Այն ժամանակ հայկական կողմը տեղաբաշխեց 500 մլն դոլարի եվրոպարտատոմսեր ՝ տարեկան 4,2 տոկոս եկամտաբերությամբ։

54
թեգերը:
եվրապարտատոմս, Հայաստան
Ըստ թեմայի
Տնտեսական միջավայրն անորոշության մեջ է. Թադևոսյանը` եկամտահարկի նվազման մասին
Հայաստանն ու Իրանը տնտեսական հուշագիր են ստորագրել
Երկրորդը ԵԱՏՄ-ում. Հայաստանում մանրածախ առևտրի շրջանառության ցուցանիշը նվազել է
Սուպերմարկետ

Երկրորդը ԵԱՏՄ-ում. Հայաստանում մանրածախ առևտրի շրջանառության ցուցանիշը նվազել է

36
(Թարմացված է 11:29 25.01.2021)
ԵԱՏՀ-ի տվյալներով՝ Եվրասիական տնտեսական միության (ԵԱՏՄ) երկրների անցյալ տարվա առաջին տասնմեկ ամիսների ընդհանուր մանրածախ առևտրի շրջանառությունը 2019-ի նույն ամիսների համեմատ նվազել 4,1%-ով։

ԵՐԵՎԱՆ, 25 հունվարի- Sputnik. 2020-ի հունվար-նոյեմբերին Հայաստանում ընթացիկ գներով մանրածախ առևտրի շրջանառությունը, ՀՀ կենտրոնական բանկի կողմից հաշվարկված, ԱՄՆ դոլարի նկատմամբ հայկական դրամի միջին փոխարժեքով կազմել է 2 մլրդ 409,4 ԱՄՆ դոլար։ Այն  նախորդ տարվա նույն ժամանակահատվածի համեմատ նվազել 16,6%-ով։ Տեղեկությունը հայտնում է Եվրասիական տնտեսական հանձնաժողովի (ԵԱՏՀ) կայքը։

ԵԱՏՀ-ի տվյալներով՝ Եվրասիական տնտեսական միության (ԵԱՏՄ) երկրների անցյալ տարվա առաջին տասնմեկ ամիսների ընդհանուր մանրածախ առևտրի շրջանառությունը կազմել է 468 մլրդ 306,4 մլն ԱՄՆ դոլար և 2019-ի նույն ամիսների համեմատ նվազել 4,1%-ով։

Ընդ որում, Բելառուսում 2020-ի հունվար-նոյեմբերին  մանրածախ առևտրի շրջանառությունը`ընթացիկ գներով և այդ երկրի ազգային բանկի կողմից հաշվարկված ԱՄՆ դոլարի նկատմամբ ազգային արժույթի միջին կշռված փոխարժեքով, կազմել է 19 մլրդ 562,2 մլն ԱՄՆ դոլար և նախորդ տարվա նույն ժամանակահատվածի համեմատ աճել 2,0%-ով։ 

ԵԱՏՄ տարածքում նավթի ու գազի ընդհանուր շուկաներ են ձևավորվում. Պուտին

Ղազախստանի, Ղրղզստանի և Ռուսաստանի դեպքում մանրածախ առևտրի շրջանառության ծավալը հաշվարկվել է ընթացիկ գներով և կենտրոնական (ազգային) բանկերի կողմից հաշվարկված՝ ԱՄՆ դոլարի նկատմամբ ազգային արժույթների միջին փոխարժեքով։ Այսպես, Ղազախստանում այն 2020-ի առաջին տասնմեկ ամիսներին կազմել է 24 մլրդ 504,1 մլն ԱՄՆ դոլար և նվազել 5,0%-ով, Ղրղզստանում այդ ցուցանիշները կազմել են, համապատասխանաբար, 3 մլրդ 609,6 մլն ԱՄՆ դոլար և 17,4% նվազում, իսկ Ռուսաստանում՝ 418 մլրդ 221,1 մլն ԱՄՆ դոլար և 4,1% նվազում։  

36
թեգերը:
Կենտրոնական բանկ (ԿԲ), առևտուր, Հայաստան, Եվրասիական տնտեսական միություն (ԵԱՏՄ)
թեմա:
Հայաստան և ԵԱՏՄ
Ըստ թեմայի
Ինչպես դասի հանձնարարությունը դարձավ բիզնես, կամ Չինարիի աշակերտների խելահեղ մտքերը
Սիգարները` Երևանից, թառափը՝ Բաքվից. ինչպես էին հայերը զարգացնում փոստային բիզնեսը
ՊԵԿ–ը խոստանում է` բիզնեսը դուրս կգա 2020-ի դժվար իրավիճակից. ինչ փոփոխություններ են եղել
Արխիվային լուսանկար. 20 նոյեմբերի, 2020, Ստեփանակերտ

Մեկ օրում Արցախ է վերադարձել 220-ից ավելի բնակիչ

0
(Թարմացված է 21:21 25.01.2021)
Խաղաղապահ առաքելության ընթացքում Լեռնային Ղարաբաղում վնասազերծվել է 23 813 պայթյունավտանգ առարկա։

ԵՐԵՎԱՆ, 25 հունվարի – Sputnik. 222 արցախցիներ խաղաղապահների ուղեկցությամբ Հայաստանից վերադարձել են Արցախ։ Տեղեկությունը հաղորդում է Ռուսաստանի պաշտպանության նախարարության մամուլի ծառայությունը։

«Ռուսական խաղաղապահ զորախմբի զինծառայողների կողմից ապահովվում է քաղաքացիների անվտանգ վերադարձն իրենց մշտական բնակության վայրեր, ցուցաբերվում է մարդասիրական օգնություն, վերականգնվում են քաղաքացիական ենթակառուցվածքի օբյեկտները», - ասված է հաղորդագրությունում։

Ընդհանուր առմամբ, ռուսական պաշտպանական գերատեսչության տվյալներով, Լեռնային Ղարաբաղում մշտական բնակության վայրեր են վերադարձել 51065 փախստականներ:

ՌԴ պաշտպանության նախարարության Միջազգային հակաականային կենտրոնի մասնագետները շարունակում են Լեռնային Ղարաբաղի տարածքի ականազերծման աշխատանքները։ 2020 թ. նոյեմբերի 23-ից ի վեր չպայթած զինամթերքից մաքրվել է 672,3 հա տարածք, 225,8 կմ ճանապարհ, 883 բնակելի շինություն, այդ թվում՝ 25 հանրային նշանակության օբյեկտ, հայտնաբերվել և վնասազերծվել է 23 813 պայթյունավտանգ առարկա։

Նշվում է, որ խաղաղապահներն իրավիճակի շուրջօրյա մոնիթորինգ և հրադադարի ռեժիմի պահպանման վերահսկողություն են իրականացնում 27 դիտակետերում, վերականգնում են քաղաքացիական ենթակառուցվածքները:

Ռուս խաղաղապահ զորախմբի պատասխանատվության գոտում հնարավոր միջադեպերի կանխմանն ուղղված ջանքերը համակարգելու նպատակով շարունակական գործակցություն է պահպանվում Ադրբեջանի և Հայաստանի զինված ուժերի գլխավոր շտաբների հետ:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Մարտակերտում խաղաղապահները մշակում են հրադադարի խախտման դեպքում իրենց գործողությունները

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

0
թեգերը:
Ռուսաստան, խաղաղապահ, Արցախ
Ըստ թեմայի
Ի՞նչ է պահանջում Ադրբեջանը Արցախում խաղաղապահների ներկայության փոխարեն. Մինասյան
Արցախում ռուս խաղաղապահների համար ևս 5 մոդուլային ավան կկառուցվի
ՌԴ խաղաղապահների տարածքներն Արցախում ախտահանվում են, շարունակվում են նաև պատվաստումները