Վահան Քերոբյան

«Ունենք բազմամիլիարդ ներդրումային ծրագրեր». Քերոբյանը խոստանում է` մարդկանց կյանքը կփոխվի

759
Հայաստանի տնտեսության մեջ, ըստ ՀՀ էկոնոմիկայի նախարարի, հաջորդ տարի երկնիշ աճ է սպասվում։ Ինչ վերաբերում է Արցախի տնտեսությանը, ապա այժմ գույքագրում են պատերազմի հետևանքով տուժած բիզնեսները։ Քերոբյանը խոսել է նաև «Կատարոյի» մասին։

ԵՐԵՎԱՆ, 26 դեկտեմբերի – Sputnik. ՀՀ էկոնոմիկայի նախարար Վահան Քերոբյանը վստահեցնում է, որ այս պահին ունենք բազմամիլիարդ ներդրումային ծրագրեր, և՛ ներդրողը կա, և՛ նախագիծը, ու հիմա գերխնդիրն այդ նախագծերը հնարավորինս արագ շուկա լցնելն է։ Քերոբյանը նման կարծիք է հայտնել կառավարության մամուլի կենտրոնի հետ հարցազրույցի ժամանակ` անդրադառնալով ներդրումային ծրագրերին։

«Ծանր, աղետներով լի տարի ենք ունեցել, բայց կյանքը շարժվում է առաջ։ Այստեղ մենք ստանձնում ենք առաջին ջութակի դերը և փորձում ենք օգնել, որ ներդրողներն այդ նախագծերը շուկա հասցնեն։ Սակայն մենք անընդհատ խոսում ենք օտարերկրյա ներդրողների մասին` մոռանալով տեղական ներդրողներին։ Պետք է հաշվի առնել, որ հենց տեղական ներդրողներն են առաջ տանում տնտեսությունը, իսկ նրանք շատ մեծ հավատով են լցված Հայաստանի ապագայի նկատմամբ»,–վստահեցնում է նախարարը։

Քերոբյանը, խոսելով հաջորդ տարվա տնտեսական ցուցանիշների մասին, նշում է, որ երկնիշ տնտեսական աճ է կանխատեսում։ Նախարարը տեսնում է բազմաթիվ չիրացված հնարավորություններ, որոնք մոտ ապագայում հերթով կդառնան մարդկանց կյանքը փոխող ծրագրեր։

Անդրադառնալով Արցախի տնտեսությանը` ՀՀ էկոնոմիկայի նախարարը նշում է, որ Արցախի գործընկերների հետ գույքագրում են այն ընկերությունները, որոնք իրենց բիզնեսնը կորցրել են Արցախում, օրինակ` «Կատարոն»։

«Ինքս խոսել եմ «Կատարոյի» սեփականատերերի հետ` առաջարկելով օգնել կարճ ժամանակում վերականգնել արտադրությունը։ Հիմա սպասում ենք արցախցի մեր գործընկերների արձագանքին»,–ասաց նա։

Քերոբյանի խոսքով` պատերազմի հետևանքով Արցախում տուժած բիզնեսները գույքագրելուց հետո ՀՀ կառավարությունը ներդրում կանի։

Հիշեցնենք, որ Հայաստանի գինեգործների միության նախագահ Ավագ Հարությունյանը Sputnik Արմենիայի հետ զրույցում հայտնել էր` Հադրութի շրջանի Տող գյուղում գտնվող «Կատարո» գինու գործարանը պատերազմի հետևանքով մնացել է Ադրբեջանի տիրապետության տակ։

759
թեգերը:
Արցախ, տնտեսություն, Վահան Քերոբյան, Հայաստան
Ըստ թեմայի
ՀՀ-ն 30 մլն խորանարդ գազ կխնայի հայ-ադրբեջանական սահմանին գազամուղի վերանորոգումից հետո
Տնտեսության բոլոր ոլորտներն անկում են ապրում. ի՞նչ պետք է անել ճգնաժամը հաղթահարելու համար
Ինչպիսին էր 2020 թվականը տնտեսական առումով. իշխանական պատգամավորն ամփոփում է տարին
Արխիվային լուսանկար

Հարկային եկամուտները ռեկորդ են սահմանել. Փաշինյանը բացեց խորամանկության գաղտնիքը

73
(Թարմացված է 13:34 06.05.2021)
Փաշինյանի բնորշմամբ, ապրիլին պատմական մինիմում է գրանցվել նաև գրծարարներին պետւթյան ունեցած պարտքի` ԱԱՀ–ի վերադարձի գծով։

ԵՐԵՎԱՆ, 6 մայիսի – Sputnik. ՀՀ հարկային եկամուտներն ապրիլին ռեկորդ են սահմանել։ Այս մասին այսօր ՀՀ կառավարության նիստում հայտարարեց ՀՀ վարչապետի պաշտոնակատար Նիկոլ Փաշինյանը` միաժամանակ հավելելով, որ դրանում կա մի փոքր խորամանկություն։

«Հիշում եք, որ անցյալ տարի մենք՝ կապված կորոնավիրուսի համավարակի հետ, հնարավորություն տվեցինք հետաձգել շահութահարկի վճարումները։ Եվ այս որոշումը ևս որոշակի ազդեցություն ունեցել է կարգավորւմների վրա, ինչը ոչ թե վատ է իրականում, այլ լավ, որովհետև, ըստ էության, արդարացվել է նախկինում կայացրած մեր որոշումը, և դժվար ժամանակներում մենք հնարավորությւն ենք տվել, որպեսզի այն գումարները, որ պետք է բիզնեսը վճարեր, մնան շրջանառության մեջ և օգնեն ճգնաժամի պայմաններում ավելի բարենպաստ վիճակում գտնվել»,– ասաց Փաշինյանը։

Այսպիսով, ապրիլին հարկային վճարումները` ներառյալ դրոշմանիշային վճարումները, կազմել են շուրջ 180 մլրդ դրամ։
Փաշինյանի բնորշմամբ, ապրիլին պատմական մինիմում է գրանցվել նաև գործարարներին պետության ունեցած պարտքի` ԱԱՀ–ի վերադարձի գծով։ Այն անցած ամսվա տվյալներով կազմում է 67.4 մլրդ դրամ։ Նախկինում ամենացածր ցուցանիշը գրանցվել էր 2020թ–ի օգոստոսին` կազմելով 69 մլրդ դրամ։ Իսկ 2018թ–ին կառավարության պարտքը բիզնեսին կազմում էր 276 մլրդ դրամ։
Փաշինյանը շեշտեց, որ 2 տարվա ընթացքում կառավարությւնը բիզնեսին է վերադարձրել 200 մլրդ դրամ։

Վարչապետի պաշտոնակատարի ներկայացրած հաջորդ ցուցանիշը ապրիլի դրամաշրջանառության ծավալներն են, որոնց համաձայն, վերջին 1 ամսում Հայաստանում 8.8 մլն գործարքով, կամ 26.6 տոկոսով, կամ 130 մլն դրամով գերազանցել են 2019թ–ի ապրիլի ցուցանիշը։

Ապրիլին հավաքագրվել են ռեկորդային հարկային եկամուտներ. Քերոբյանը տվյալներ է հայտնել

Փաշինյանը չբացառեց, որ այս աճի մեջ որոշակի դերակատարություն է ունեցել նաև Հայաստանում գրանցված գնաճը։ Բայց և փաստեց, որ գործարքների թիվը 8.8 մլն հատով ավելի են եղել։

«Կարծում եմ` այս ցուցանիշները վկայում են, որ տնտեսական մեր դինամիկան վերականգնման փուլում է»,– ասաց նա` հավելելով, որ այս տեմպը հարկավոր է պահպանել նաև առաջիկայում։

73
թեգերը:
Նիկոլ Փաշինյան, Հայաստան, հարկեր
Ըստ թեմայի
ՊԵԿ VS ռեստորանատերեր. ինչի՞ համար են «կռվում» հարկայինն ու գործարարները
ՊՆ–ն Հայաստանի երկրորդ խոշոր հարկատուն է. ՀՀ հարկային մուտքերն աճել են 15 միլիարդով
Մարզերում հարկավոր է խթանել բնակարանաշինությունը. Փաշինյանն ասաց` ինչպես
Սուպերմարկետում

Էկոնոմիկայի նախարարությունում շատ անհանգստացած են գների աճով

50
(Թարմացված է 17:48 05.05.2021)
Էկոնոմիկայի նախարարի պաշտոնակատարը համոզմունք հայտնեց, որ մինչև տարեվերջ իր խոստացած տնտեսական աճը իրականություն կդառնա։

ԵՐԵՎԱՆ, 5 մայիսի- Sputnik. Էկոնոմիկայի նախարարությունում շատ անհանգստացած են գների աճով։ Այսօր ԱԺ նիստում կառավարության անդամների հետ հարցուպատասխանի ժամանակ ասաց ՀՀ Էկոնոմիկայի նախարարի պաշտոնակատար Վահան Քերոբյանը։

«Այսօր հրապարակված գների ինդեքսը վկայում է, որ գնաճը նախորդ տարվա ապրիլի համեմատ կազմում է 6.2 տոկոս, որը երկնիշ չէ, բայց միջակայքից ավելի բարձր է, և մենք, իհարկե, շատ անհանգիստ ենք և աշխատում ենք այն ուղղությամբ, որ վերադարձնենք կանխատեսվող միջակայք»,– ասաց Քերբյանը` հիշեցնելով, որ այս տարվա գնաճի կանխատեսված միջակայքը 4+-1 տոկոսի սահմաններում է։

Նա նաև հույս հայտնեց, որ առաջիկա ամիսներին, նոր բերքի հետ, սննդամթերքի ու գյուղմթերքի ապրանքների գները կսկսեն նվազել։

Քերոբյանը նաև հիշեցրեց, որ երեկ ԿԲ–ն գնաճը զսպելու նպատակով ավելացրել է վերաֆինանսավորման տոկոսադրույքը, իսկ ասուլիսի ժամանակ ԿԲ նախագահը նաև հայտարարել էր, որ կանխատեսումները շատ ավելի հոռետեսական են եղել, մինչդեռ տնտեսությունը, նրա խոսքով, իրեն շատ ավելի լավ է պահում։

Էկոնոմիկայի նախարարի պաշտոնակատարը համոզմունք հայտնեց, որ մինչև տարեվերջ իր խոստացած տնտեսական աճը իրականություն կդառնա։

Համաշխարհային շուկայում նորից գնաճ է նկատվում. Հայաստանն անմասն մնալ չի կարող. ԿԲ նախագահ

50
թեգերը:
Վահան Քերոբյան, Էկոնոմիկայի նախարարություն, գնաճ
Ըստ թեմայի
ԿԲ–ի խուճապային տրամադրություն առաջացնող քայլը կարճաժամկետ էֆեկտ ունեցավ. Պարսյան
Եթե մի անգամ աչքի ես ընկնում, էլ ելք չկա. ԿԲ փոխնախագահը հիասթափեցրեց պատգամավորին
Տարեվերջին գնաճը Հայաստանում կվերադառնա կանխատեսված միջակայք. ԿԲ

Ամեն ինչ նոր է սկսվում. ի՞նչ է սպասվում արցախյան հիմնահարցի կարգավորման գործընթացում

0
(Թարմացված է 19:17 06.05.2021)
«Իրականում» հաղորդման հեղինակ Արման Վանեսքեհյանն Արցախի կարգավիճակի հետ կապված մի շարք խնդիրներ է առաջ քաշում: Հեղինակը պնդում է, որ արտաքին աշխարհը լրջագույն ջանքեր է գործադրում, որպեսզի գործընթացը ոչ թե Ռուսաստանը ղեկավարի, այլ նատոյական Թուրքիան:
Ամեն ինչ նոր է սկսվում. ի՞նչ է սպասվում արցախյան հիմնահարցի կարգավորման գործընթացում

Իրականում, ինչպես և արդեն բազմիցս նշվել է, Արցախի կարգավիճակի հետ կապված հիմնական քննարկումները, բանակցություններն ու կարևոր որոշումները դեռ նոր են սկսվում:

Sputnik Արմենիայի մեկնաբանը հաղորդման նախորդ թողարկման ժամանակ նշել էր, որ Ադրբեջանի նախագահ Ալիևն ակնհայտորեն ստում էր, երբ հայտարարում էր, թե Արցախի հարցը լուծվել է ռազմական ճանապարհով, մինչդեռ ամենևին էլ այդպես չէ։

Արցախի կարգավիճակը կարգավորելու ժամանակն է. Բաքուն սադրանքներով է պատասխանում

...Այդ պատերազմը ցույց տվեց, թե որքան անիրական է ենթադրել, որ Արցախի հայ բնակչությունը կարող է թուրք-ազերիների հետ համերաշխ ապրել: Իսկ հինգ հազար զոհի արյունը նույնիսկ տասնամյակների ընթացքում չի կարող մոռացվել…

Շուշիի Մայր տաճարը պետք է մնա Հայ Առաքելական եկեղեցու պաշտամունքի վայր. Արա Այվազյան

Հաջորդիվ հեղինակը վերլուծում է, թե ինչպես է միջազգային հանրությունը տրամադրված արցախյան խնդրի կարգավորման գործընթացում։

0
թեգերը:
Ռուսաստան, բանակցություն, ՆԱՏՕ, Արցախ, Հայաստան
թեմա:
Իրականում / Օրացույց
Ըստ թեմայի
Հայաստանը հետախուզում է հայտարարել Արցախի պատերազմին մասնակցած 40 ահաբեկչի նկատմամբ
Նժդեհի արձանն իր տեղում է. Արցախի նախագահի խոսնակը հերքում է լուրը
Մարդասիրության օրինակելի դրսևորում. Արցախի ԱԳՆ–ն` ԵԽ պատգամավորների նախաձեռնության մասին
Արցախյան պատերազմի վերաբերյալ հարուցվել է 1580 քրեական գործ. դատախազություն