Վահան Քերոբյան

Թուրքիա գնացող գումարը դառնում է հայ զինվորի վրա ուղղված գնդակ. էկոնոմիկայի նախարար

160
Դեկտեմբերի 31-ից Թուրքիայից Հայաստան ապրանքների ներմուծումը կարգելվի։ Թուրքականին կփոխարինեն ԵԱՏՄ և ԵՄ երկրներից, Չինաստանից, ինչպես նաև Վրաստանից ներմուծվող ապրանքները։

ԵՐԵՎԱՆ, 26 դեկտեմբերի – Sputnik. Գումարը, որ գնում է Թուրքիա, դառնում է հայ զինվորի վրա ուղղված գնդակ. պետք է հնարավորինս քիչ փող ծախսել այդ ուղղությամբ։ Նման հայտարարություն է արել էկոնոմիկայի նախարար Վահան Քերոբյանը` անդրադառնալով դեկտեմբերի 31-ից Հայաստան թուրքական ապրանքների ներմուծման արգելքին։ Կառավարության ֆեյսբուքյան էջում հրապարակվել է նրա հետ հարցազրույցը։

«Վերջին մի քանի ամիսներին էկոնոմիկայի նախարարությունն ինտենսիվ աշխատել է բոլոր այն տնտեսվարողների հետ, ում մոտ հնարավոր է խնդիրներ առաջանային թուրքական ապրանքների ներկրումն արգելելու հետ: Լուծել ենք բոլոր խնդիրները»,–ասել է Քերոբյանը հարցազրույցի ժամանակ։

Նրա խոսքով` թուրքականին կփոխարինեն ԵԱՏՄ և ԵՄ երկրներից, Չինաստանից, ինչպես նաև Վրաստանից ներմուծվող ապրանքները։ Ինչ վերաբերում է այդ համատեքստում հայկական շուկայի զարգացմանը, ապա նախարարը նշում է, որ առաջին հերթին հայկական ապրանքը պետք է լինի որակով։ Ըստ Քերոբյանի` հայկական արտադրանքն իրավունք չունի արտադրվելու միայն Հայաստանի համար. պետք է ինչ–որ բան արտադրել` մտածելով աշխարհի մասին։

«Մենք ամեն կերպ հորդորում ենք Հայաստանից Թուրքիա մտնող գումարի խնդիրն ընկալել ամենայն խորությամբ և հայրենասիրությամբ. 99 տոկոսով մեզ դա հաջողվում է»,–ասում է էկոնոմիկայի նախարարը։

Հիշեցնենք, որ հունվարի 1-ից ուժի մեջ է մտնում թուրքական ապրանքների ներմուծման 6-ամսյա ժամանակավոր արգելքը։

ՊԵԿ–ը հիշեցնում է` ՀՀ–ում արգելվում է բոլոր երկրներից ներկրվող թուրքական ապրանքը

160
թեգերը:
Վահան Քերոբյան, Թուրքիա, Հայաստան
Ըստ թեմայի
Եթե հայ-թուրքական սահմանը բացվի, մենք բավականին առաջ կընկնենք. Եղիշե Հովհաննիսյան
Իսկ նրանց համար մեկ է․ թուրքական լոլիկն առաջվա պես գալիս է Հայաստանի մեծածախ շուկաներ
Ռուսաստանում առաջարկել են ավելացնել թուրքական լոլիկի ներկրման քվոտան

2021թ․–ի առաջին եռամսյակի 10 խոշոր հարկատուները

60
(Թարմացված է 23:28 15.06.2021)
ՀՀ պաշտպանության նախարարությունը Հայաստանի երկրորդ խոշոր հարկատուն է․ գերատեսչությունը 15 մլն դրամ հարկ է վճարել պետբյուջե։
2021թ–ի առաջին եռամսյակի առաջին 10 խոշոր հարկատուները
© Sputnik / Shushanik Avdalyan

Պետական եկամուտների կոմիտեն հրապարակվել է 2021 թ–ի առաջին եռամսյակի խոշոր հարկ վճարողների տվյալները:

Հրապարակման համաձայն՝ 1000 խոշոր հարկ վճարողների կողմից 2021թ–ի առաջին եռամսյակում պետական բյուջե է վճարվել ավելի քան 260 մլրդ 170 մլն դրամ:

Հայաստանի ամենախոշոր հարկատուն այս տարի «Գազպրոմ Արմենիա» ՓԲԸ–ն է` վճարած 18 704 826 դրամ հարկերով, երկրորդը պաշտպանության նախարարության աշխատակազմն է` 15 051 743 հարկերով, երրորդը` Զանգեզուրի պղնձամոլիբդենային կոմբինատը` 9 770 690 հարկերով։

Ով հասցրել է, վաճառել է․ ի՞նչ է կատարվում անշարժ գույքի շուկայում

Առաջին տասնյակում են նաև ծխախոտի տեղական արտադրողներն ու հեղուկ վառելիքի 2 խոշոր ներկրողները։

Հայաստանում ստվերային տնտեսությունը 2018-ից հետո կրճատվել է 40% -ով. Փաշինյան

60
թեգերը:
խոշոր հարկատու, Հայաստան
Ըստ թեմայի
Որքան պարգևավճար են ստացել պետական աշխատողները. Ջանջուղազյանը թվեր հրապարակեց
5 ամսում հավաքվել է 618.4 մլրդ դրամի հարկ, որից 68.6 միլիարդը վերադարձվել է հարկատուներին
Եթե ցանկանում եք երկիրը փլուզել ներսից` պարտք տվեք, կամ ինչ է պետք անել պետական պարտքի հետ
Դոլար

ԱՄՆ–ից Հայաստան տրանսֆերտներն աճում են. նաև ՌԴ–ից է ակտիվություն ակնկալվում

38
(Թարմացված է 16:27 15.06.2021)
Անկախ ամեն ինչից, ԿԲ նախագահի համոզմամբ, դեպի Հայաստան տրանսֆերտների ծավալով Ռուսաստանը շարունակելու է մնալ առաջատարի դիրքում։

ԵՐԵՎԱՆ, 15 հունիսի – Sputnik. ԱՄՆ–ից դեպի Հայաստան մասնավոր փոխանցումներն այս տարվա ընթացքում աճել են։ Այսօր հրավիրած մամուլի ասուլիսում հայտարարեց ՀՀ ԿԲ նախագահ Մարտին Գալստյանը։

Նրա խոսքով` տարվա տարբեր ամիսներին այդ աճը կազմել է 80-120 տոկոս։

«Մեր գնահատականներով` դա հիմնականում պայմանավորված է ԱՄՆ–ի տնտեսական քաղաքականությամբ, որը հսկայական օժանդակություն է տրամադրում իր քաղաքացիներին։ Ու բնականաբար, ԱՄՆ–ի քաղաքացիների շրջանում կան մարդիկ, ովքեր ասոցացվում են ՀՀ–ի հետ։ Օրինակ` ունեն բարեկամներ կամ այլ տնտեսական շահեր մեր երկրում։ Բնականաբար, այդ օժանդակության մի մասը նաև արտահոսում է Հայաստան»,– ասաց Գալստյանը։

ԿԲ նախագահը նշեց, որ այս տարվա ընթացքում նաև ՌԴ–ից Հայաստան ուղարկվող տրանսֆերտների ակտիվացում է ակնկալվում` պայմանավորված այս տարվա փետրվար–մարտ ամիսներին ՌԴ արտագնա աշխատանքի մեկնած ՀՀ քաղաքացիների մեծ թվով։

ԿԲ նախագահը վստահեցնում է՝ ընտրությունները կանցնեն հարթ, առանց միջադեպերի

ԿԲ–ն կանխատեսում է ՌԴ–ից փոխանցումների 16-17 տոկոսի ավելացում։

Անկախ ամեն ինչից, ԿԲ նախագահի համոզմամբ, միևնույն է դեպի Հայաստան տրանսֆերտների ծավալով Ռուսաստանը շարունակելու է մնալ առաջատարի դիրքում։

38
թեգերը:
Կենտրոնական բանկ (ԿԲ), Բանկ, ԱՄՆ, Ռուսաստան, Հայաստան
Ըստ թեմայի
Հայաստանում ստվերային տնտեսությունը 2018-ից հետո կրճատվել է 40% -ով. Փաշինյան
Ինչո՞ւ է ՀՀ–ում այսպիսի դեգրադացված իրավիճակ, և ի՞նչ տվեցին մեզ տնտեսական ռեֆորմները
Պետք է կարգի գցել այս մեքենան․ Ռոբերտ Քոչարյանը՝ ճգնաժամի, պատերազմի և անելիքների մասին
Ֆուտբոլ

Հայաստանը ներկայացնող 2 լրագրող հավատարմագրվել են Եվրո-2020-ը լուսաբանելու համար

35
(Թարմացված է 00:05 16.06.2021)
Ըստ Կարեն Ռաֆայելյանի` ՀՖՖ-ն է եղել միակ կառույցը, որ պաշտոնական դիմում է ներկայացրել ՈՒԵՖԱ` հարցի կարգավորման համար։

ԵՐԵՎԱՆ, 15 հունիսի - Sputnik. Հայաստանը ներկայացնող 2 լրագրողներ հավատարմագրվել են Եվրո-2020-ը լուսաբանելու համար: Լրագրող Կարեն Ռաֆայելյանը ֆեյսբուքյան իր էջում գրառում է արել` հայտնելով, որ իր գործընկեր Դավիթ Եղիազարյանը նույնպես ստացել է նոր հավատարմագիր։

Ավելի վաղ հայտնել էինք, որ 2 մարզական լրագրողները մերժում են ստացել Եվրո-2020-ի հավատարմագրման համար։ Այսօր առավոտյան հայտնի դարձավ, որ Կարեն Ռաֆայելյանը նոր հավատարմագիր է ստացել։

«Ադրբեջանի կապիկությունները` կապված Եվրո-2020-ում հայ լրագրողներիս հավատարմագրումից զրկելու հետ, 2 օր էլ չտևեցին: Շնորհակալություն Հայաստանի ֆուտբոլի ֆեդերացիային արագ և ազդեցիկ արձագանքի համար: Բացի մեր անձնական նամակներից, հենց ՀՖՖ-ն է եղել միակ կառույցը, որ պաշտոնական դիմում է ներկայացրել ՈՒԵՖԱ` հարցի կարգավորման համար»,–ֆեյսբուքի իր էջում գրել է Ռաֆայելյանը:

Հիշեցնենք, որ լրագրողները դեռևս 2020 թվականի հունվարին էին հայտ ներկայացրել և համաձայնեցրել ՈւԵՖԱ–ի մամուլի ծառայության հետ այն քաղաքներն ու խաղերը, որոնք կցանկանային այցելել։ Այդ ցանկում, բնականաբար, Բաքուն չի եղել։

«Դուք տղամարդ չեք». մարզական մեկնաբանի հարցը հունից հանել է Օլգա Բուզովային

Հավատարմագրումը ստացվել է մայիսին, բայց մեկ վերապահումով, որ այն կարող են չեղարկել, եթե մասնակից երկրներից որևէ մեկի իրավապահ մարմինները որոշեն, որ լրագրողներն առնչություն ունեն հանցագործության հետ։

Բնականաբար, հասկանալի է, թե որ երկիրը և ինչո՞ւ էր մերժել լրագրողներին։

35
թեգերը:
ֆուտբոլ, Ադրբեջան, Լրագրող, հայ, Հայաստան