Արխիվային լուսանկար

Դոլարի փոխարժեքն աճում է, իսկ սննդի գինը՝ դեռ ոչ․ որո՞նք են այս «պարադոքսի» պատճառները

515
(Թարմացված է 00:12 08.12.2020)
Մեկ ամսվա ընթացքում դոլարի փոխարժեքը Հայաստանում աճել է, իսկ մթերքն ու դեղերը գրեթե չեն թանկացել։

ԵՐԵՎԱՆ, 7 դեկտեմբերի — Sputnik Նոյեմբերի սկզբից դոլարի փոխարժեքն աճել է (մոտ 490 դրամից հասել է 510 դրամի), սակայն գները, այդ թվում՝ մթերքինը, առանձնապես չեն աճել։ Այդ մասին են վկայում ՀՀ Վիճակագրական կոմիտեի տվյալները։

2020 թվականին նոյեմբերին, 2019 թվականի նոյեմբերի համեմատ, այսինքն՝ 12 ամսվա ընթացքում, գներն աճել են ընդամենը 1,6%-ով, իսկ վերջին մեկ ամսվա մեջ՝ 1,3%-ով։ Այսպիսով` գնաճը, որից բոլորը վախենում էին, տեղի չունեցավ։

Դա կարող է կապված լինել այն փաստի հետ, որ առևտրի ու ծառայությունների շրջանառությունը երկրում զգալիորեն կրճատվել է։ Մասամբ դա կարող է կապված լինել բնակչության եկամտի կրճատման հետ, մասամբ՝ սպառման ծավալի նվազեցման ( խոսքը հատկապես ոչ առաջին անհրաժեշտության ապրանքների մասին է)։ Ընդհանուր առմամբ՝ հոկտեմբերին, նախորդ տարվա նույն ժամանակահատվածի համեմատ, առևտրի ու ծառայությունների շրջանառությունն ավելի քան 10%-ով կրճատվել է։ Ընդ որում, հոկտեմբերին (հասանելի վերջին տվյալներն են) առևտրի շրջանառությունը շարունակում էր անկում ապրել, իսկ ծառայություններինը՝ արդեն ոչ («արդեն», քանի որ կորոնավիրուսային սահմանափակումների պատճառով այն դեռ գարնանն ու ամռանն էր անկում ապրել)։

Օղու ու սիգարետի հարցում ամեն ինչ պարզ է

Տարվա մեջ զգալի թանկացել են ալկոհոլն ու սիգարետը, բայց դրա պատճառները կապ չունեն ճգնաժամային իրադարձությունների հետ։ 2020 թվականի հունվարից դրանց ակցիզը նորից աճել է (բացառությամբ գինու)։ Յուրաքանչյուր տարի՝ մինչ 2024 թվականը, հարկն ավելանալու է մոտ 15%-ով, որ հասնի Եվրասիական տնտեսական միության միջին մակարդակին։

Ալյուրն ու կարագն ինչպես կարողանում` պահում են

Ինչ վերաբերում է ոչ թե ընդհանուր առմամբ վերջին տարուն, այլ վերջին ամսվան, ապա մյուս ապրանքների համեմատ թանկացել են (բայց ոչ զգալի) մթերային ապրանքները՝ 2,8%-ով։

Միաժամանակ հացի ու ձավարեղենի գինը գրեթե չի բարձրացել, կարագի ու արևածաղկի յուղի, շաքարավազի գինը մոտ 2%-ով է աճել։ Միաժամանակ, միջազգային շուկաներում բոլոր ապրանքները զգալիորեն թանկացել են․ հացահատիկը Ռուսաստանում հուլիսից թանկանում էր (գնի մի փոքր իջեցում է եղել նոյեմբերի վերջին), շաքարի համաշխարհային գները ապրիլից հոկտեմբեր ամիսներին դարձել են 230-ից 300 դոլար մեկ տոննայի դիմաց, մշակաբույսերը 2014 թվականից ամենաբարձր մակարդակի վրա են։

Ի դեպ, Հայաստանի ներսում ներկրողները փորձում են չբարձրացնել գները․ մասամբ երկրում ստեղծված բարդ սոցիալական վիճակի պայմանների պատճառով, մասամբ էլ այն պատճառով, որ 2018 թվականից հետո Հայաստանի շուկաներում իրական մրցակցությունն ուժեղացել է։ Իսկ սպառողի համար մրցելը հիմա առանձնապես դժվար է։

Դեղորայքը նույնպես

Թեև դեղորայքի (ու տեղական դեղորայքի հումքի) մեծ մասը ներմուծվում է Հայաստան, սակայն վերջին մեկ ամսվա ընթացքում դեղերն ընդամենը 0.6%-ով են թանկացել։

Թուրքական լոլիկնե՞րը

Ամենաշատը թանկացել են մրգերն ու բանջարեղենը։ Սակայն նույնիսկ հիմա բանջարեղենն ավելի էժան է, քան մեկ տարի առաջ՝ 2019 թվականի նոյեմբերին։ Ճիշտ է, պատճառներից մեկը կարող է լինել ոչ այդքան հաճելի․ նույնիսկ 2020 թվականի հոկտեմբերին ներկրողներն ակտիվորեն շարունակում էին թուրքական վարունգ ու լոլիկ ներկրել Հայաստան (դրա մասին հայտնել է «Ջերմոցային ասոցիացիա» ՀԿ նախագահ Պողոս Գևորգյանը)։ Հայաստանում ջերմոցում բանջարեղեն աճեցնողների բերքերը կրճատվել են այս տարվա տնտեսական բարդությունների պատճառով։

Իջել է նաև խաղողի գինը, քանի որ այս տարի գինու ու կոնյակի գործարանները կրճատել են մթերումը, այդ պատճառով շուկայում ավելի շատ խաղող է մնացել։

Եվ վերջապես` աշխատավարձերը

Աշխատավարձերը Հայաստանում հոկտեմբերին ոչ միայն չեն իջել, այլ նույնիսկ 1%-ով աճել են՝ կազմելով միջինը մոտ 182 հազար դրամ, իսկ հարկը հանած («մաքուր») աշխատավարձը կազմել է 140 հազար դրամ։ Ճիշտ է, աշխատողների զգալի մասը, հատկապես, քիչ վարձատրվող, աշխատում են առանց պայմանագրի (տաքսիստներ, մատուցողների մի մասը, լցակայանների աշխատակիցները և այլն)։ Այդ պատճառով վիճակագրությունը չի արձանագրում ՝արդյո՞ք նրանց եկամուտները նվազել են, և եթե այո` որքանով։ Սակայն ենթադրաբար մարդիկ ավելի քիչ ազատ գումար ունեն։ Դա անուղղակիորեն կարելի է ենթադրել այն փաստից, որ ներկրվող կարևոր սննդամթերքի գները զգալի չեն աճում, չնայած դոլարն աճում է։ Որպես կանոն` դա նշանակում է, որ սպառողները սկսում են ավելի քիչ ապրանք գնել, ու ներկրողները չեն բարձրացնում գները՝ մրցելով վաճառքի համար։

Դրամի փոխարժեքն ընկնում է, բայց անհանգստանալ պետք չէ․ Արամյանը բացատրում է` ինչու

515
թեգերը:
Հայաստան, գնաճ, Սննդամթերք, դոլար
Ըստ թեմայի
Ռազմական կոմունիզմ, կամ ինչպես են Հայաստանի ինժեներներն ամրապնդում պաշտպանությունը
Ինչպես օգնել տեղական արտադրողին. փորձագետները նոր գաղափար են ներկայացրել
Հյուրանոցներ պետք են, hi-tech՝  ոչ․ գերամուր ապակու հայկական նախագիծը ներդրող չի գտնում
 Նիկոլ Փաշինյանն ու իտալական «Ռենկո» ընկերության գործադիր տնօրեն Ջովաննի Ռուբինին

«Ռենկոյի» խոշոր ներդրումն անժամկետ հետաձգվում է. պատճառը կորոնավիրուսն ու պատերազմն են

261
(Թարմացված է 11:18 04.03.2021)
Նախնական պայմանավորվածության համաձայն` 250 մեգավատտ հզորությամբ նոր ջերմաէլեկտրակայանը Հայաստանում արդեն պետք է կառուցված լիներ և հավելյալ բացված լինեին 1000 նոր աշխատատեղեր։

ԵՐԵՎԱՆ, 4 մարտի - Sputnik. Իտալական «Ռենկո» ընկերության` 2018թ–ի մայիսին խոստացած 300 մլն դոլարի ներդրումն անորոշ ժամանակով հետաձգվում է։ Ներդրումային համաձայնագրում համապատասխան փոփոխությունների նախագիծն այսօր հաստատվեց ՀՀ կառավարության նիստում։

Հարցն ընդունվեց լուռումունջ` առանց զեկուցման ու քննարկման։ Իսկ կառավարությա կայքում հրապարակված նախագծում ներդրումային ծրագրի իրականացման նոր ժամկետը նշված չէ։ Նշվում է միայն, որ ժամկետները հետաձգելու անհրաժեշտությունն առաջացել է կորոնավիրուսային համաճարակի բռնկման, Արցախում պատերազմի ու Հայաստանի Հանրապետությունում ռազմական դրության պատճառով։

«Մասնավորապես, մատակարարման շղթաների էական խաթարումը, որն ազդել է Հայաստան նյութեր մատակարարելու հնարավորության վրա, միջազգային ճանապարհորդության սահմանափակումները, օտարերկրյա անձանակազմի ներգրավման անհնարինությունը: Հաշվի առնելով վերոգրյալը՝ առաջարկվում է երկարաձգել Շրջանակային համաձայնագրի «Նախատեսված կոմերցիոն շահագործման ամսաթիվը», ինչպես նաև ճանաչել նախկինում հետաձգված «Հետաձգող պայմանների վերջնաժամկետի» և «Ֆինանսական ամփոփման ծայրահեղ ամսաթվի» հետաձգումները»,– նշված է որոշման մեջ:

«Ունենք բազմամիլիարդ ներդրումային ծրագրեր». Քերոբյանը խոստանում է` մարդկանց կյանքը կփոխվի

Հիշեցնենք` խոսքը Երևանում նոր ՋԷԿ–ի կառուցման ծրագրի մասին է, որի շուրջ 2018թ–ի մայիսին պայմանավորվածություն էին ձեռք բերել ՀՀ վարչապետ Նիկոլ Փաշինյանն ու իտալական «Ռենկո» ընկերության գործադիր տնօրեն Ջովաննի Ռուբինին: Գործարարը նշել էր, որ ծրագրի արժեքը շուրջ 300 մլն դոլար է և այն նախատեսվում է իրականացնել 2-2.5 տարվա ընթացքում։ Այսինքն` ըստ այդ պայմանավորվածության` 250 մեգավատտ հզորությամբ նոր ջերմաէլեկտրակայանը Հայաստանում արդեն պետք է կառուցված լիներ, հավելյալ պետք է բացված լինեին 1000 նոր աշխատատեղեր։

Նշենք, որ հայկական կողմից ծրագրի իրագործմանը մասնակցում է «Արմփաուեր» ՓԲԸ-ն։

Փաշինյանն իտալական ընկերությանը հրահանգեց շուտ պատասխանել` այո կամ ոչ

261
թեգերը:
Իտալիա, Պատերազմ, Հայաստան, Ներդրում, կորոնավիրուս
Ըստ թեմայի
Ունենք իշխանություն, որն անսահման պոպուլիստ է. տնտեսագետը` ՀՀ ներդրումային միջավայրի մասին
Իրանցի մի շարք գործարարներ հետաքրքվել են ՀՀ–ում ներդրումներ անելու հնարավորություններով
Ներդրումներ չկան. ո՞ր ոլորտները կարող են թռիչքաձև զարգացում ապահովել
Խանութ

Լիբերալ անուշեղեն․ ինչու է Հայաստանի իշխանությունը մերժել բիզնեսին օգնելու նոր գաղափարը

222
(Թարմացված է 12:50 02.03.2021)
Հայկական խանութներում տեղական ապրանքների քանակն առայժմ չի ավելանա։ Էկոնոմիկայի նախարարությունը մերժել է Export Armenia փորձագիտական ասոցիացիայի նախաձեռնությունը։

«Export Armenia» փորձագիտական ասոցիացիան վերջերս առաջարկեց հետևյալ գաղափարը` եթե Հայաստանում որևէ ապրանք է արտադրվում, ապա ցանկացած խանութի տեսականու մեջ պետք է առկա լինի այդ արտադրանքի երաշխավորված նվազագույն քանակ։ Ընդ որում՝ առաջարկվում էր ցուցափեղկում տեղ երաշխավորել առհասարակ հայկական ապրանքների համար, ոչ թե նախապատվություն տալ որևէ կոնկրետ ապրանքանիշի։

«Export Armenia»-ի ներկայացուցիչները, որոնց թվում խոշոր ընկերությունների բիզնեսմեններ և մենեջերներ կան, կարծում են, որ մանրածախ վաճառքի հարցում պետք է աջակցել հայրենական արտադրության ապրանքներին, քանի որ շուկայում անհավասար պայմաններ են ստեղծվել նրանց համար։ Հայաստանում խոշոր բիզնեսն ավելի շատ ներդրում է անում առևտրի, ոչ թե սեփական արտադրության մեջ։ Առևտուրն ավելի շատ եկամուտ և ավելի քիչ հոգսեր է պահանջում` ի տարբերություն արդյունաբերության։

Բնականաբար, խոշոր ներկրողները տպավորիչ մարկետինգային ռեսուրսներ ունեն, ավելին՝ նրանք արտասահմանյան լուրջ ընկերություններ են ներկայացնում, որոնք է՛լ ավելի մեծ ռեսուրսներ ունեն։ Միասին աշխատելով` նրանք տեղական խանութներին զանազան բոնուսներ են առաջարկում դարակների վրա շահավետ տեղ ունենալու համար։ Հասկանալի է, որ «Mars»-ը, «Вимм-Билль-Данн»-ը և մի շարք ուրիշ հսկաներ «փրոմոուշընի» համար ավելի շատ ռեսուրսներ ունեն, քան կաթնամթերքի կամ շոկոլադի տեղական արտադրողը։ Ուստի խանութները հարգալից և քաղաքավարի են ներկրվող ապրանքների մատակարարների նկատմամբ։

Տեղական արտադրողի դեպքում այլ խոսակցություն է․ նրանց վճարները սովորաբար շաբաթներով ուշացնում են, իսկ ոչ մեծ, թույլ ընկերություններին հաճախ ամիսներով են քաշքշում (ավելի մանրամասն՝ այստեղ)։ Այս կանոնից դուրս են մնում կա՛մ շատ խոշոր ձեռնարկությունները (հայկական չափանիշներով, օրինակ, «Գրանդ Քենդին»), կա՛մ հենց առևտրային ցանցերի արտադրությունները։

Օրինակ՝ «Երևան Սիթի» սուպերմարկետների ցանցի սեփականատեր Սամվել Ալեքսանյանը մի քանի նմանատիպ արտադրություն ունի, ընդ որում՝ նրա ապրանքները վերցնում են նաև այլ խանութների ցանցերը, որպեսզի չփչացնեն գործարարի հետ հարաբերությունները։ Ալեքսանյանի ընկերությունն ամեն դեպքում պարենային ապրանքների ամենախոշոր ներկրողն է Հայաստանում, և նրա ներկրումից շատ խանութներ են կախված։

Իսկ եթե դուք Սամվել Ալեքսանյանը չե՞ք, այլ սկսնակ գործարար ու որոշել եք ոչ թե ռեստորան կամ խանութ բացել, այլ սեփական արտադրություն։ «Export Armenia»-ն դեկտեմբերին այդ հարցով դիմել էր էկոնոմիկայի նախարարությանը։

Եվ այսպիսի պատասխան է ստացել․ «Գտնում ենք, որ ազատ շուկայական տնտեսության շրջանակներում վաճառակետերում տեղական ապրանքատեսակների տեղադրման պարտադրմամբ (օրենքի կամ այլ իրավական ակտի տեսքով) վաճառքի խթանումը լավագույն տարբերակը չէ տեղական արտադրողին աջակցելու վերջիններիս կողմից արտադրվող ապրանքների վաճառքի ծավալներն ավելացնելու հարցում: Ըստ մեզ` տեղական արտադրողին աջակցելու առավել արդյունավետ մեխանիզմ կարող է հանդիսանալ պետության կողմից աջակցության գործիքակազմի միջոցով ներմուծվող ապրանքների նկատմամբ տեղական արտադրանքի մրցունակության, ներկայացվածության և գրավչության բարձրացումը»։

«Export Armenia»-ի համահիմնադիր Էմիլ Ստեփանյանը Sputnik Արմենիայի հետ զրույցում նշեց` դժվար է պատկերացնել, թե տեղական արտադրողներն ինչպես են «արդյունավետ մրցակցելու» խոշոր ներկրողների և նրանց հետևում կանգնած է՛լ ավելի խոշոր միջազգային կորպորացիաների հետ։

«Բայց եթե պետության քաղաքականությունն ավելի արդյունավետ լինի, քան մեր առաջարկները, մենք միայն ուրախ կլինենք։ Միայն թե այդ քաղաքականությունը գործնականում աշխատի, ոչ թե խոսք մնա։ Այս բոլոր տարիների ընթացքում, ցավոք, պետությունը դիտորդի կարգավիճակում է եղել»,-նշեց Ստեփանյանը։

Այդ պատճառով տեղական ընկերություններն արտադրությունը շատ ավելի թույլ են զարգացնում, քան կարող էին։ Ամենաշատը դա վերաբերում է մսամթերքի և հատկապես կաթնամթերքի արտադրողներին, որոնց համար արտահանման հնարավորությունները սահմանափակ են։ Շուկան ոչ միայն փոքր է, այլև ներկրողներն ու խանութները գրավել են այն։

Ստացվում է` խոշոր տնտեսվարողներն ամիսներ շարունակ «քնացնում» են արտադրողների ֆինանսական միջոցները՝ դրանով իսկ զրկելով պետությանը հարկեր, բանկերին վարկեր, աշխատակիցներին աշխատավարձեր վճարելու հնարավորությունից, իսկ արտադրության զարգացման համար՝ սարքավորումներ գնելու հնարավորությունից։ Ինչպե՞ս զարգանալ նման պայմաններում:

Դրա փոխարեն պետությունը բիզնեսին սուբսիդավորված տոկոսներով վարկեր է տրամադրում։ Սակայն հին խնդիրների դեպքում նոր վարկերը միայն խորացնում են պարտքերի փոսը, որից ոմանք արդեն երբեք դուրս չեն գա։

«Այդ պատճառով թող կառավարությունը բիզնեսին նույնիսկ ուղղակի չօգնի։ Սկզբի համար թող հոգ տանի, որ խանութները ժամանակին վճարեն մատակարարներին։ Չափազանցություն չի լինի, եթե ասենք, որ արտադրողների մոտ մշտապես խանութների դեբիտորական պարտքեր կան մի քանի միլիոն դոլարի չափով։ Այդ փողերն ուղղակի «քնած են», այսինքն՝ որևէ կերպ չեն ծառայում տնտեսությանը»,-ավելացրեց Ստեփանյանը։

Իշխանությունները (ինչպես նախկին, այնպես էլ ներկայիս) այսպես թե այնպես ոչ մի կերպ չեն օգնում արտադրողներին` հպարտ քայլելով ազատ մրցակցության դրոշի ներքո։

Նշենք, որ Արևմուտքի մեծ երկրներում տեղական արտադրությանն աջակցելու տարբեր եղանակներ են գործում։ Մի քանի օրինակ բերենք։

Իտալիայում, ինչպես Հայաստանում, գործում է կորոնավիրուսային ճգնաժամից տուժած ռեստորանատերերի և ֆերմերների աջակցության ծրագիր։ Միայն թե, ի տարբերություն Հայաստանի, ծրագիրը նրանց ներառում է մեկ օղակում․ ռեստորանները պետությունից մինչև 10 հազար եվրո փոխհատուցում են ստանում իտալական ապրանքներ գնելու դեպքում։
Մյուս օրինակը շատ հայտնի է․ դա ԱՄՆ նախագահ Ջո Բայդենի նոր ծրագիրն է, որը վերաբերում է ամերիկյան ապրանքների պետական գնմանը (բայց կարևոր է հիշել, որ այդ ծրագիրը երբեք էլ չի դադարել և գործում է 30-ականներից)։ Հետաքրքիր է, որ այդպիսի օրինակ է ցույց տալիս ոչ միայն պետությունը, այլև մասնավոր ընկերությունները։

Ամենահայտնի օրինակը «Walmart» ցանցի ընկերությունն է։ Վերջինս հայտարարել է, որ 2013-2023թթ․ 250 միլիարդ դոլարի ամերիկյան ապրանք կգնի (և կվաճառի գնորդներին)։ Եվ չնայած, ըստ որոշ կազմակերպությունների ուսումնասիրությունների, «Buy American» հայտարարությունները ոչ միշտ են համապատասխանում իրականությանը, սակայն արդեն իսկ ուշադրության է արժանի այն հանգամանքը, որ այնպիսի հսկաները, ինչպիսիք են «Walmart»-ը և «Carrefour»-ը, պատրաստ են «Գնի՛ր տեղականը» կոչը դարձնել իրենց գովազդի մի մասը և լուրջ ռեսուրսներ ծախսել դրա վրա։

Կարո՞ղ եք պատկերացնել, որ նման բան անեն Հայաստանի սուպերմարկետները։ Վատ չէր լինի։

222
թեգերը:
խանութ, բիզնես, Հայաստան
Ըստ թեմայի
Ամուլսարը` Փաշինյանի պահուստային տարբերակ. Հայաստանը կնստի հանքարդյունաբերության ասեղի վրա
Ստորջրյա քարեր «Հյուսիս–Հարավ» ճանապարհին. պե՞տք է արդյոք այն հիմա
Փակման մասին խոսակցությունները փուչ են. ԱԷԿ-ում ամրապնդելու են ռեակտորի պաշտպանությունը
Կարինե Թովմասյան

Ծաղկավաճառ կնոջը երբեք ծաղիկ չեն նվիրում. «կիսահայաֆիկացված» վարդերը գրավել են շուկան

0
(Թարմացված է 14:52 08.03.2021)
Մարտի 8-ին ծաղկավաճառների գործը բավական ակտիվ է լինում` այդ օրը գերակշիռ մասը հենց տղամարդիկ են ծաղիկ գնում։ Sputnik Արմենիան զրուցել է ծաղկավաճառ մի կնոջ հետ, որը պատմել է ծաղկի շուկայի, ինչպես նաև ծաղիկների առումով հայերի նախընտրությունների վերաբերյալ։

ԵՐԵՎԱՆ, 8 մարտի - Sputnik. Արարատի մարզի Գեղանիստ գյուղում ծաղկավաճառ Կարինե Թովմասյանին շատերն են ճանաչում. նա 13 տարի է, ինչ ընտանեկան բիզնես է հիմնել ու ծաղիկների վաճառքով է զբաղվում։

Цветочница Карине Товмасян в теплице
© Sputnik / Andranik Ghazaryan
Կարինե Թովմասյան

33-ամյա Կարինեն պատմում է, որ ամեն ինչ սկսվել է ծաղիկների հանդեպ մեծ սիրուց, որի միջոցով էլ հաղթահարել է բոլոր դժվարությունները։

Готовый букет в цветочном магазине Карине Товмасян
© Sputnik / Andranik Ghazaryan
Կարինե Թովմասյանի աճեցրած ծաղիկները

«Ծաղիկների վաճառքով զբաղվելու համար պետք է սեփական ջերմոց ունենայի։ Երբ ընտանիքիս ասացի, որ ուզում եմ ջերմոց հիմնել, հայրս դեմ էր, քանի որ կարծում էր` ծաղիկները շուտ են փչանում, «տակ կտամ»։ Բայց ես արդեն որոշել էի ու գործի անցա։ Առաջին իսկ տարին ճիշտ է` քիչ, բայց շահույթ ունեցա»,–պատմում է Կարինեն։

Бутоны роз в теплице Карине Товмасян
© Sputnik / Andranik Ghazaryan
Կարինե Թովմասյանի աճեցրած վարդերը

Ծաղկի գործը թվում է, թե շատ հեշտ է, սակայն իրականում բավականին նրբություններ ու համբերատարություն է պահանջում. Կարինեն ասում է` երկար ճանապարհ ես անցնում` մինչև սածիլը դարձնում ես ծաղիկ։ Ճիշտ վայր է պետք ընտրել սածիլների ներմուծման համար, հետո անհրաժեշտ է ջերմոցը լավ ջեռուցել, որպեսզի դրանք «կպչեն»։

Декоративные листья в теплице Карине Товмасян
© Sputnik / Andranik Ghazaryan
Կարինե Թովմասյանի ջերմոցը

Դրան պետք է հաջորդի ծաղիկներն էտելը, հետո քաղն ու նոր միայն փունջ պատրաստելը։ Այս ամենը Կարինեն ինքն է անում, դրա համար էլ ձեռքերը հաճախ են վնասվում, սակայն հաճախորդները տեսնում են միայն խանութում դրված գեղեցիկ փնջերը։

След от порезов розовых шипов на руке Карине Товмасян
© Sputnik / Andranik Ghazaryan
Կարինե Թովմասյանի վնասված ձեռքը

Նրա խանութում, որն, ի դեպ, անուն չունի, կարելի է գտնել ոչ միայն ծաղիկներ, այլև տնային բույսեր։ Կարինեն ասում է` վերջին տարիներին տնային բուսեր գնելու մշակույթ է ձևավորվել։ Պահանջարկ ունեն հատկապես արդեն ծաղկածները։

Комнатные растения в теплице Карине Товмасян
© Sputnik / Andranik Ghazaryan
Տնային բույսեր

Իսկ առհասարակ` հայերս ամենաշատը վարդ ենք գնում։ Մուգ կարմիր։ Կարինեն ինքն էլ վարդ է սիրում ու վաճառում է «կիսահայաֆիկացված» հոլանդական վարդեր։ Դրանց տարբերությունն այն է, որ գլուխներն ավելի փոքր և նուրբ են լինում` մեր եղանակային պայմաններից ելնելով։

Бутон розы в теплице Карине Товмасян
© Sputnik / Andranik Ghazaryan
Կարինե Թովմասյանի աճեցրած վարդերից

Իսկ թե ինչու են հատկապես վարդ գնում` Կարինեն կարծում է, որ գաղտնիք չէ` վարդը ծաղիկների թագուհին է և առանձնանում է մյուսներից։

Бутоны роз в теплице Карине Товмасян
© Sputnik / Andranik Ghazaryan
Կարինե Թովմասյանի աճեցրած վարդերից

Սակայն վարդից բացի, շատ են գնում նաև սեզոնային ծաղիկներ, հատկապես կակաչներ։ Կարինեն հիշում է` մեկ դեպք էլ եղել է, որ նշանադրության համար մեծ փունջ մեխակներ են գնել` ասելով, որ աղջիկը հենց մեխակ է սիրում։

Цветочница Карине Товмасян собирает букет в магазине при теплице
© Sputnik / Andranik Ghazaryan
Կարինե Թովմասյան

«Ճիշտ է, տոնական օրերին ավելի շատ են ծաղիկ գնում, սակայն մեզ մոտ անառիթ էլ ծաղիկ նվիրելու սովորություն կա։ Ես հաճախորդ ունեմ, որ ամեն շաբաթ իր կնոջ համար ծաղիկներ է գնում։ Ճիշտ է, կանայք էլ են իրար ծաղիկներ նվիրում, բայց, միևնույն է, ամենաշատը հենց տղամարդիկ են ծաղիկ գնում»,–ասում է Կարինեն ու հավելում` կանայք դաժան են ծաղիկ գնելիս, քանի որ շատ են «գին գցում»։

Гиацинты в теплице Карине Товмасян
© Sputnik / Andranik Ghazaryan
Կարինե Թովմասյանի ծաղկի խանութում

Տղամարդիկ, հատկապես այս` տոնական օրերին, բավական առատաձեռն են` երբեմն մանրն էլ չեն վերցնում։

Цветы Цинерарии в теплице Карине Товмасян
© Sputnik / Andranik Ghazaryan
Կարինե Թովմասյանի աճեցրած ծաղիկներից

Կարինեն Մարտի 8-ի տոնին 2 օր առաջ է պատրաստվում` փնջեր կապելով։ Փնջերի դիզայնն ինքն է ընտրում, սակայն այս տարի ավելի շատ մանուշակագույնի մեջ է պատրաստում` «դա է մոդա»։ Միշտ չէ, որ պատրաստած բոլոր փնջերը գնում են հենց մարտի 8-ին, սակայն Կարինեն սիրում է, որ խանութը լիքն է լինում` մարդիկ ընտրելու հնարավորություն են ունենում։

Цветы Антуриум Андре в теплице Карине Товмасян
© Sputnik / Andranik Ghazaryan
Կարինե Թովմասյանի աճեցրած ծաղիկներից

Իսկ մարտի 8-ին հաճախորդների մեծ մասը հենց տղամարդիկ են լինում, որոնք հիմնականում վարդեր են գնում։ Կարինեն ասում է` այդ օրը որոշակի թանկացում լինում է, սակայն ոչ այնքան, որ մարդիկ չկարողանան ծաղիկ գնել։ Բացի դրանից, յուրաքանչյուրին անհատական մոտեցում է ցուցաբերում. զինվորների ծնողներին, օրինակ, միշտ զեղչեր է անում, ծնողներն էլ Կարինեին հաճախ են քաղցրավենիք նվիրում։

«Մա՛յր իմ, արևս կուզեի քեզ տալ». հայ զինվորների շնորհավորանքները մարտի 8–ի առթիվ

Персидский лютик в теплице Карине Товмасян
© Sputnik / Andranik Ghazaryan
Կարինե Թովմասյանի ջերմոցը

Չնայած Կարինեն ծաղիկներ շատ է սիրում, սակայն ծաղիկ երբեք նվեր չի ստանում, քանի որ բոլորը նույնն են կարծում` ծաղկի գործի մեջ է Կարինեն, ծաղիկն ի՞նչ է անում։

Цветы Космея в теплице Карине Товмасян
© Sputnik / Andranik Ghazaryan
Կարինե Թովմասյանի աճեցրած ծաղիկներից

«Մի անգամ փողոցում ինձ մանուշակներ նվիրեցին` փոքր փունջ էր։ Այնքան էի ուրախացել` աշխարհն իմն էր։ Ճիշտ է, ծաղիկ նվեր չեմ ստանում, սակայն նաև շատ եմ ուրախանում, երբ տեսնում եմ մարդկանց երջանկությունը ծաղիկ գնելիս»,–ասում է նա։

Бутон розы в теплице Карине Товмасян
© Sputnik / Andranik Ghazaryan
Կարինե Թովմասյանի աճեցրած վարդերից

Կարինեն, ի դեպ, խորհուրդ է տալիս չմոռանալ խնամել ծաղիկները` դրանց ջուրն օրական երկու անգամ փոխելով։

Персидский лютик в теплице Карине Товмасян
© Sputnik / Andranik Ghazaryan
Կարինե Թովմասյանի աճեցրած վարդերից

Չափավոր ապրելու խնդիր ունենք. ի՞նչ է առաջարկում գյումրեցի գործարարը Մարտի 8–ի հետ կապված

0
թեգերը:
Կին, Շուկա, Ծաղիկ, Մարտի 8
Ըստ թեմայի
Դուք ազգապահպան առաքելություն ունեք. Արմեն Սարգսյանը շնորհավորել է Մարտի 8-ի կապակցությամբ
Ինչ օր է Մարտի 8-ը, և ինչ նվեր չեն ուզում ստանալ կանայք. հարցախույզ Երևանում
Ինչպես ծաղկեփնջի օգնությամբ Մարտի 8-ին աղջկան սեր խոստովանել
Ծաղիկներ` մարտի 8-ին ընդառաջ․ խաղաղապահները շնորհավորել են արցախցի կանանց տոնը․ տեսանյութ