Վարդան Արամյան

Դրամի փոխարժեքն ընկնում է, բայց անհանգստանալ պետք չէ․ Արամյանը բացատրում է` ինչու

550
(Թարմացված է 00:59 26.11.2020)
Դրամի փոխարժեքն ընկնում է, բայց ոչ շատ։ Մեր բախտը բերեց պղնձի և ոսկու գների հարցում, ինչը լրացուցիչ արժույթ բերեց և ամրացրեց դրամի փոխարժեքը։ Բացի այդ, ՀՀ–ն վարկի տեսքով արժույթ է ստանում Արժույթի միջազգային հիմնադրամից։ Եվ ի վերջո, ԿԲ–ն բավականաչափ արժույթ ունի։

ԵՐԵՎԱՆ, 26 նոյեմբերի – Sputnik. Հայկական դրամի փոխարժեքը շարունակում է նվազել։ Որոշ քաղաքացիների դա անհանգստացնում է, բայց վերջին երկու ամսում այն նվազել է ընդամենը 4 տոկոսից մի փոքր ավելի, ուստի դրամի լուրջ արժեզրկման մասին խոսք չկա։

Նույն այդ պատճառով Կենտրոնական բանկը ոչ մի կերպ չէր միջամտում արժութային շուկային և արտարժույթ չէր լցնում շուկա՝ դրամի փոխարժեքը պահելու համար։ Դրա անհրաժեշտությունը չկար նույնիսկ հոկտեմբերին և նոյեմբերի սկզբին։ Եվ հիմա եթե ԿԲ-ն անգամ պատրաստվում է միջամտել, ապա միմիայն փոխարժեքի անկումը մեղմելու համար։

Փոխարժեքի անկումը պայմանավորված էր տնտեսության ընդհանուր բարդություններով, որոնք առաջացել էին կորոնավիրուսի պատճառով (ճիշտ այնպես, ինչպես, օրինակ, մեկ տարվա ընթացքում նվազեց ռուսական ռուբլու փոխարժեքը)։ Հայաստանում արտարժույթի փոխարժեքը համեմատաբար կայուն է եղել նաև այն պատճառով, որ ապրանքների ներմուծումը խիստ կրճատվել է (հունվար-սեպտեմբերին՝ գրեթե 15 տոկոսով) բնակչության գնողունակության անկման պատճառով։ Ուստի, եթե նույնիսկ հիմա դոլարի թանկացման հետ կապված որոշ ներկրվող ապրանքների գները բարձրանան, ընդհանուր գնաճի վրա դա դժվար թե շատ ազդի։

Որքան կտևի դրամի արժեզրկումը և ինչ հետևանքներ կարող է ունենալ

«Թավշյա հեղափոխությունից» հետո լայն սպառման ապրանքների (ալյուրի, կարագի և այլն) շուկայում ուժեղ մրցակցություն է պահպանվում, ուստի գործարարները կփորձեն գները չբարձրացնել նույնիսկ սեփական շահույթի հաշվին։

Մինչդեռ արտահանումը շատ ավելի քիչ է նվազել (5 տոկոսից էլ քիչ)։ Դրան օգնել են նաև պղնձի և ոսկու բարենպաստ գները, որոնք Հայաստանն արտահանում է հումքի տեսքով։ Այսպիսով, արտարժույթի արտահոսքը (ներմուծման միջոցով) դանդաղել է, իսկ ներհոսքը (արտահանման միջոցով) մնացել է գրեթե նույնը։

Տարվա ընթացքում կրճատվել են բյուջեի եկամուտները, որոնց լրացման համար Արժույթի միջազգային հիմնադրամի հետ ստորագրվել է 280 մլն դոլարի վարկային համաձայնագիր՝ մինչև 420 մլն դոլարի ավելացման հնարավորությամբ: Դրանց մի մասը կհատկացնեն ԿԲ-ին՝ երկրի արժութային պահուստները համալրելու համար։ Արժույթի այս աստիճանական (տրանշերով) ներհոսքը կօգնի ամրապնդել ազգային արժույթի փոխարժեքը։

Ֆինանսների նախկին նախարար Վարդան Արամյանը Sputnik Արմենիայի հետ զրույցում ընդգծեց, որ դրա հետ մեկտեղ պետք է հասկանալ, որ արժույթի փոխարժեքը կախված է ոչ միայն կարճաժամկետ, այլև երկարաժամկետ գործոններից, որոնք պետք է շտկել։

Նա հավելեց, որ մասնավորապես 2018-19թթ․ թերակատարվել են կապիտալ ծախսերի պլանները, իսկ որքան ավելի զարգացած են հանրապետության ենթակառուցվածքները, այնքան ապագա տնտեսական աճի համար ավելի լավ հնարավորություններ կան։

Բայց եթե խոսենք ոչ թե երկարաժամկետ քաղաքականության, այլ տվյալ պահին արժութային փոխարժեքի մասին, ապա ԿԲ-ն արժութային շուկայում կայունությունը պահպանելու համար բավականաչափ ռեզերվներ ունի։

Կենտրոնական բանկի արժութային պահուստները, չնայած 2020թ․-ի երրորդ եռամսյակում նվազել են, սակայն կազմում են մոտ 1,8 մլրդ դոլար (զուտ պահուստներ): Այդ պահուստների պաշարը գնահատելու համար դրանք սովորաբար համեմատում են այն բանի հետ, թե դրանց օգնությամբ քանի ամիս կարելի է ապրանք ներմուծել երկիր։ ԿԲ արժութային պահուստները համապատասխանում են ներմուծման մոտ 6 ամսվա մակարդակին, մինչդեռ անհրաժեշտ նվազագույնը համարվում է 3 ամիս։

Անկայունությունը չի կարող չանդրադառնալ Հայաստանի վարկային վարկանիշի վրա․ տնտեսագետ

Ուստի հիմա իշխանությունների համար ամենակարևորը պարբերաբար մարդկանց բացատրելն է, որ դրամը եթե անգամ արժեզրկվի, ապա դա կլինի սահմանափակ և ոչ կտրուկ։ Արամյանը պարզաբանեց, որ դա հասկանալով` մարդիկ կհանգստանան և կդադարեն զանգվածաբար արտարժույթ գնել կամ բանկերից հանել ավանդները։

Նշենք, որ այս պահին հայկական դրամի փոխարժեքը կազմում է մեկ դոլարի դիմաց 500 դրամից մի փոքր ավելի։

550
թեգերը:
Կենտրոնական բանկ (ԿԲ), կորոնավիրուս, Վարդան Արամյան, Հայաստան, տնտեսություն, դրամ
Ջո Բայդեն

Ինչպես Բայդենի քաղաքականությունը կազդի աշխարհի, այդ թվում` Հայաստանի տնտեսության վրա

178
(Թարմացված է 17:29 17.01.2021)
Ամերիկայի նոր նախագահ Ջո Բայդենը մտադիր է աշխուժացնել Միացյալ Նահանգների տնտեսությունը։ Այդ խթանը կփոխանցվի նաև աշխարհին։

ԵՐԵՎԱՆ, 17 հունվարի – Sputnik. ԱՄՆ նոր կառավարությունը մտադիր է ուժեղացնել տնտեսության աջակցությունը, ինչի արդյունքում կարող են փոխվել հումքային ապրանքների (այդ թվում` Հայաստանի համար կարևոր պղնձի) համաշխարհային գները, ինչպես նաև դոլարի փոխարժեքը։

ԱՄՆ-ի տնտեսության աջակցության ծրագիրը, որի մասին հայտարարել է Ջո Բայդենը, շուրջ 1,9 տրիլիոն դոլար է կազմում։ Ծրագրի հիմնական կետերից է նվազագույն աշխատավարձի բարձրացումը, ինչպես նաև հայրենական արտադրության ապրանքների գնման վերաբերյալ Buy American քաղաքականության ընդլայնումը` ավելացնելով արտադրողների համար պետական գնումներն ու սուբսիդիաները։ Մյուս կետը վերաբերում է առաջիկա 10 տարվա ընթացքում ենթակառուցվածքների մեջ 1.3 տրիլիոն դոլար ներդրումներին։

Դա արդյունաբերական հումքի և ապրանքների լրացուցիչ պահանջարկ է ենթադրում։ Այդ պատճառով բորսաներում բարձրացել են ամերիկյան արդյունաբերական ձեռնարկությունների բաժնետոմսերը, ինչպես նաև արդյունաբերական ռեսուրսների գները (այդ թվում` պղնձի և նավթի)։ Կորոնավիրուսային ճգնաժամից ի վեր առաջին անգամ նավթը գերազանցել է մեկ բարելի դիմաց $55–ը։

Ինչ վերաբերում է պղնձի գնին, ապա այն աճում էր անցած տարվա կեսերից. եթե 2020 թվականի հունվարին մեկ տոննայի դիմաց պղնձի գինը մոտավորապես 6200 դոլարի մակարդակում էր, ապա հիմա` արդեն շուրջ 8 000 դոլարի։ Հիմնականում դա կապված էր Չինաստանի տնտեսության վերականգնման հետ (աշխարհում պղնձի հիմնական սպառողը)։ Financial Times–ը գրում է, որ հիմա դրան գումարվել են նաև ԱՄՆ նոր իշխանության խթանող ծրագրերի ակնկալիքները։

Իրավիճակը կարող է ազդել նաև աշխարհի ֆինանսական շուկաների վրա, այդ թվում` դոլարի փոխարժեքի և զարգացող երկրներում պետական պարտատոմսերի գնանշումների։ Դրանից կախված կլինի, թե Հայաստանը ինչ տոկոսով կվճարի իր արտասահմանյան պարտատոմսերի (եվրաբոնդերի) պարտքի դիմաց, որոնք տարեվերջին կկազմեն Հայաստանի պետական պարտքի մոտ 20%–ը։

Եթե խոսենք դոլարի փոխարժեքի մասին, ապա ԱՄՆ տնտեսության աշխուժացումը կնշանակի առևտրի և արտադրության աճ ամբողջ աշխարհում։ Այն ներդրողները, որոնք նախկինում գումարները պահում էին դոլարով, այժմ կարող են դրանք ներդնել զարգացող երկրների տնտեսության մեջ, որտեղ ռիսկերն ավելի մեծ են, բայց շահույթն էլ է ավելի խոշոր, գրում է New York Times–ը։

Դրանից կարող է նախ մի փոքր նվազել դոլարի փոխարժեքը, երկրորդ` զարգացող երկրների պետական պարտատոմսերի տոկոսադրույքները (այդ թվում` Հայաստանի)։ Նշանակում է` կնվազի պարտքային բեռը, որը մենք վճարելու ենք մեր պարտատոմսերի դիմաց։

Դրան կնպաստի նաև արտաքին առևտրում ԱՄՆ նոր իշխանության քաղաքականությունը. վերլուծաբանների սպասումների համաձայն` այն այդքան ագրեսիվ չի լինի, որքան Թրամփի ժամանակ, գրում է Global Capital–ը։ Դեռ վերջնական պարզ չէ, թե արդյոք ԱՄՆ–ն առևտրային պատերազմները կդադարեցնի Չինաստանի հետ, այնուամենայնիվ առևտրային պատժամիջոցների և սահմանափակումների սպառնալիքները կթուլանան, ինչը ևս կօգնի զարգացող երկրներին, իսկ դա նշանակում է, որ կրկին կարող է որոշակիորեն նվազել դոլարի փոխարժեքը։

Հիշեցնենք, որ ԱՄՆ նոր նախագահ Ջո Բայդենի երդմնակալության արարողությունը նախատեսված է հունվարի 20–ին։

178
թեգերը:
Ջո Բայդեն, Հայաստան, ԱՄՆ
Ըստ թեմայի
Գնաճը մինչև ո՞ւր կհասնի. էկոնոմիկայի նախարարը վստահեցնում է` մենք դեռ լավ վիճակում ենք
Ցանկացած ապաշրջափակման պետք է «այո» ասել. Արամ Սարգսյանը վարչապետի մոտ էր
Նախարարն ասել է` որ դեպքում չի երկարաձգվի թուրքական ապրանքների ներմուծման արգելքը
ՀՀ էկոնոմիկայի նախարար Վահան Քերոբյանն այցելել է ADM Diamonds ընկերություն։

Վահան Քերոբյանը մտադիր է զարգացնել ադամանդագործության ու ոսկերչության ոլորտները

84
(Թարմացված է 23:16 16.01.2021)
Հանդիպման մասնակիցները վստահ են, որ պետք է միավորել պետության և գործող ընկերությունների ջանքերը։

ԵՐԵՎԱՆ, 16 հունվարի - Sputnik. ՀՀ էկոնոմիկայի նախարար Վահան Քերոբյանը հանդիպել է Հայաստանի ադամանդագործության և ոսկերչական ընկերությունների ներկայացուցիչների հետ։ Տեղեկությունը հայտնում է նախարարության մամուլի ծառայությունը։ 

Министр экономики Ваган Керобян встретился с представителями компаний по обработке алмазов и золота (16 января 2021). Абовян
ՀՀ էկոնոմիկայի նախարար Վահան Քերոբյանն այցելել է ADM Diamonds ընկերություն։

Հանդիպումը կայացել է ADM Diamonds ընկերությունում, որտեղ նախարարը ծանոթացրել է ընկերության արտադրական պրոցեսներին և շենքի պայմաններին. այն ունի հաշմանդամություն ունեցող աշխատակիցների համար հարմարեցված հատված։

«Օրակարգում ընդգրկված էին ադամանդագործության, ոսկերչության ոլորտներում, ինչպես նաև գունավոր քարերի արտադրության մեջ նախապես գույքագրված խնդիրները և առաջարկվող լուծումները»,- նշված է հաղորդագրության մեջ։

Մեր երկրում ադամանդագործության և ոսկերչական ոլորտները զարգացնելու համար անհրաժեշտ է միավորել պետության և ոլորտի ընկերությունների ջանքերը։ Այս հարցում հանդիպման բոլոր մասնակիցները միակարծիք են եղել։

Տնտեսության բոլոր ոլորտներն անկում են ապրում. ի՞նչ պետք է անել ճգնաժամը հաղթահարելու համար

Հիշեցնենք, որ գործարար Վահան Քերոբյանը էկոնոմիկայի նախարար է նշանակվել նոյեմբերի 26-ին։

84
թեգերը:
Նախարար, ադամանդ, Վահան Քերոբյան
Ըստ թեմայի
Մինչև ապրիլ բան չի փոխվի. տնտեսագետը հուշում է` ինչ է պետք անել կյանքը լավացնելու համար
2021 թվականը լինելու է մեր տնտեսական ամբիցիաների վերականգնման տարի. Փաշինյան
Տնտեսական կապերի ապաշրջափակումը «թոզփչոցի» է. տնտեսագետը զգուշացնում է վտանգների մասին
Ալեքսեյ Նավալնուն ձերբակալել են Մոսկվայի «Շերեմետևո» օդանավակայանում

Նավալնուն ձերբակալել են Մոսկվայի «Շերեմետևո» օդանավակայանում. տեսանյութ

0
(Թարմացված է 23:25 17.01.2021)
Ալեքսեյ Նավալնու հետագա խափանման միջոցը կորոշի դատարանը, մինչ այդ նա կմնա կալանքի տակ։

ԵՐԵՎԱՆ, 17 հունվարի – Sputnik. Ռուսաստանցի քաղաքական գործիչ և բլոգերԱլեքսեյ Նավալնին Գերմանիայից Ռուսաստան է վերադարձել և ձերբակալվել օդանավակայանում։ Տեղեկությունը հայտնում է ՌԻԱ Նովոստին` հղում անելով Պատիժների կատարման դաշնային ծառայությանը (ՊԿԴԾ)։

«Ռուսաստանի Դաշնության ՊԿԴԾ օպերատիվ վարչության Մոսկվայի հետախուզության բաժնի աշխատակիցները «Շերեմետևո» օդանավակայանում ձերբակալել են Ալեքսեյ Նավալնուն, որը պայմանական ազատազրկման ժամկետը բազմիցս խախտելու համար հետախուզվում էր 2020 թվականի դեկտեմբերի 29–ից», - հավելել են գերատեսչությունում:

Նավալնու հետագա խափանման միջոցը կորոշի դատարանը, մինչ այդ նա կմնա կալանքի տակ։

Հիշեցնենք` Նավալնուն հիվանդանոց էին տեղափոխել 2020 թվականի օգոստոսի 20-ին Օմսկում, երբ նրա ինքնազգացողությունը վատացել էր Տոմսկից Մոսկվա թռչող ինքնաթիռում։ Զննումից հետո Օմսկի հիվանդանոցի բժիշկները որպես հիմնական ախտորոշում նշել էին նյութափոխանակության խանգարումը, որն արյան մեջ շաքարի մակարդակի կտրուկ անկում էր առաջացրել։

Մերկելը գաղտնի հանդիպել է Նավալնու հետ. Spiegel

Ավելի ուշ ընդդիմադիր գործչին ինքնաթիռով տեղափոխեցին Գերմանիա։ ԳԴՀ կառավարությունը, հղում անելով ռազմական բժիշկներին, հայտարարեց, որ Նավալնուն թունավորել են «Նովիչոկ» թունավոր նյութերի շարքին պատկանող սուբստանցիայով։ Կրեմլում այդ կապակցությամբ հայտարարեցին, որ Բեռլինը Մոսկվային չի տեղեկացրել Նավալնու՝ «Նովիչոկով» թունավորված լինելու իր եզրակացությունների մասին, Ռուսաստանը նման տվյալներ չունի:

Մինչ այդ Նավալնու դեմ երկու պայմանական ազատազրկման դատավճիռ էր կայացվել՝ 16 մլն ռուբլի վատնելու և ավելի քան 30 մլն ռուբլի յուրացնելու գործերով:

«Բեռլինը բլեֆ է անում». Զախարովան մեկնաբանել է Նավալնու գործը

0
թեգերը:
Ձերբակալություն, Շերեմետևո, Ալեքսեյ Նավալնի, Ռուսաստան
Ըստ թեմայի
Նավալնին չի օգնի. Գերմանիայում սխալ են որակել «Հյուսիսային հոսք - 2»–ը կասեցնելու կոչերը
Գերմանիան Նավալնուն կստիպի լռել, քանի որ նրա վերադարձը հղի է կանխատեսելի հետևանքներով
Թրամփը չի ցանկանում խառնվել Նավալնու հետ կապված «մութ պատմությանը»