Վարդան Արամյան

«Ի՞նչ է լինելու վաղը» հարցի պատասխանը կառավարության որևէ անդամ չի տալիս. Արամյան

490
(Թարմացված է 23:53 24.11.2020)
ՀՀ ֆինանսների նախկին նախարար Վարդան Արամյանը Sputnik Արմենիայի հետ զրույցում մեկնաբանել է դրամի արժեզրկման պատճառները, հնարավոր հետևանքները ու  կառավարության վարքագիծն այս իրավիճակում։

Այսօր` նոյեմբերի 24-ին Հայաստանում դոլարի փոխարժեքը հատեց 520 դրամի սահմանը, եվրոյինը` 620–ի։

ՀՀ ֆինանսների նախկին նախարար Վարդան Արամյանը Sputnik Արմենիայի հետ զրույցում դրամի այս արժեզրկումը օրինաչափ որակեց նշելով, որ յուրաքանչյուր երկրի ազգային արժույթ այլ երկրների արժույթների նկատմամբ արժեվորվում կամ արժեզրկվում է կապված այդ երկրի տնտեսական իրավիճակից։

«Փոխարժեքի շարժը ունի երկու գործոններով պայմանավորված վարքագիծ. մեկը կառուցվածքային գործոնն է, մյուսը՝ պահային գործոնը, որպիսին կարող է լինել պահի տակ ստեղծված պահանջարկը, առաջացած բացասական սպասումները և դրանց հիման վրա հանրության «հոտային» վարքագիծը»,– ասաց Արամյանը` շեշտելով, որ այսօր Հայաստանում ստեղծված իրողությունների պարագայում այս վերջինը հատկապես վտանգավոր է։

Նրա խոսքով, երբ տնտեսական սուբյեկտները սկսում են իրենց դրամական ակտիվները փոխել արտարժույթի, նրանց այդ վարքագծին հետևում է նաև հանրությունը։

«Այսինքն` հանրության յուրաքանչյուր անդամ, չհասկանալով, թե տնտեսության մեջ ինչ է կատարվում, ուղղակի բոլորը գնում են դեպոզիտ են հանում, կամ բոլորը գնում են արտարժույթի են փոխում իրենց խնայողությունները։ Այս «հոտային» վարքագիծը հանգեցնում է շատ վատ հետևանքների, քանի որ կարող է նպաստել, որ մեր տնտեսությունը շատ ավելի արագ արժեզրկվի»,– ասաց Արամյանը։

Կորոնավիրուսը, Հայաստանի տնտեսությունն ու պոպուլիզմը. ի՞նչ սպասել ապագայում

Բացասական հետևանքներից խուսափելու համար, նրա խոսքով, Կենտրոնական բանկը պետք է իր վարքագծում լինի բավականաչափ ագրեսիվ, այդ թվում` հանրության հետ հաղորդակցության մեջ։

«Երբ շարքային մարդը տեսնում է, որ դրամն արժեզրկվում է, իր բարեկամից, հարևանից իմանում է, որ բոլորը դոլար են գնում, բնականաբար իր վարքագիծը դառնում է մյուսների նման։ Ինֆորմացիոն վակուում է առաջանում։ Այդ ինֆորմացիաները չեն կասեցվում ու ճիշտ ինֆորմացիաներ չեն տրվում հանրությանը։ Դրա համար ես կարծում եմ, որ և՛ ԿԲ–ն, և՛ կառավարությունը բավական ագրեսիվ պետք է լինեն` հանրությանը տեղեկատվություն տրամադրելով»,– ասաց Արամյանը։

Սղաճը զսպելու մեկ այլ միջոց է տնտեսության մեջ դոլարային ինտերվենցիան, որը հնարավորություն է տալիս բավարարելու արտարժույթի նկատմամբ հանրության մեջ առաջացած պահանջարկը։ Այս գործիքի կիրառման համար, ըստ Արամյանի, ԿԲ–ի ռեզերվները միանգամայն բավարար են։

«Ներկա դրությամբ ԿԲ–ի արտարժութային պահուստները` առանց ոսկու և հատուկ փոխառության իրավունքի, շուրջ 2.2 մլրդ դոլար են։ Եվ սովորաբար ԿԲ-ի կարողությունը հաշվելու համար հարաբերում են այս ցուցանիշը ներմուծման ամսական ցուցանիշի հետ` հասկանալու համար, թե քանի ամսվա ներմուծման ծածկույթ ունի ԿԲ–ն։ Այս հաշվարկով, մենք 4-ից բարձր ներմուծման ծածկույթ ունենք, իսկ համաշխարհային կամֆորտային զոնան սովորաբար 3-ն է»,– մեկնաբանեց Արամյանը։

Ինչ վերաբերում է դրամի կտրուկ արժեզրկման պատճառներին, ֆինանսների նախկին նախարարը համաձայն չէ այն տեսակետին, թե դրա հիմնական պատճառը պատերազմն է։ Արամյանի համոզմամբ, շատ ավելի էական պատճառ է տնտեսության մեջ առաջացած անորոշությունը, որի հիմնական մեղավորը, ըստ նրա, կառավարությունն է։

Որքան է թանկացել կյանքը Հայաստանում արցախյան պատերազմի մեկ ամսում

«Այո, այստեղ կառավարությունն էական թերացում ունի։ 2.5 տարի ես անընդհատ խոսել եմ կառավարության էական խնդիրների մասին, որ կառավարության էական գործողություններն ու հաղորդակցությունը չեն համապատասխանում իրար, և դա խոռոչներ ու խոչընդոտներ է առաջացնում։ Եվ դրանով է նաև պայմանավորված, որ մենք 2019թ–ին ունեցանք ներդրումների անկում։ Որովհետև ներդրողները սովորաբար ցանկանում են, որ լինի կայունություն ու կառավարության գործողություններում լինի հստակություն։ Իսկ մեր կառավարությունը քնից վեր է կենում ու մի բան որոշում է»,– ասաց Արամյանը։

Նախկին նախարարի դիտարկմամբ, այսօր` պատերազմից հետո, այս անորոշությունների առկայությունը շատ ավելի էական է։ «Ի՞նչ է լինելու վաղը» հարցի պատասխանը, ըստ նրա, կառավարության ոչ մի անդամ մինչ օրս չի տվել։

Իսկ վաղը Հայաստանին նոր խնդիր է սպասում, այս անգամ` սպառողական գների թանկացման տեսքով։

Բանն այն է, որ հայաստանյան շուկան հիմնականում ձևավորվում է ներկրվող կամ ներկրված հումքով տեղում արտադրվող սպառողական ապրանքներից։ Հետևաբար, արտարժույթի թանկացումը հանգեցնելու է նաև այդ ապրանքների գների աճին։ Մի հուսադրող հանգամանք, այնուամենայնիվ, կա. մենք այնքան փող չունենք, որ միանգամից կտրուկ թանկացում կարողանանք մեզ թույլ տալ։

Ֆինանսների նախկին նախարարն այս հարցի իր բացատրությունն ունի։ Նրա համոզմամբ, Հայաստանում վերջին տարիներին գրանցված ցածր գնաճային ֆոնը ոչ թե տնտեսական կայունության, այլ հանրության ցածր վճարունակության հետևանք է։

«Գնաճային ֆոնը մեզ մոտ ցածր է, պետք չէ դրանից վախենալ։ Այնպես չէ, որ Հայաստանի տնտեսությունում դիտվում է 5 տոկոսանոց գնաճ, և այս փոխանցման ուղին կարող է հանգեցնել գնաճի սպիրալի, հետո գնաճը հսկողությունից դուրս գա... Ես այդպիսի խնդիրներ չեմ տեսնում։ Տեսնում եմ, որ ցածր գնաճային ֆոնը հիմնականում արդյունք է նրա, որ մեր տնտեսության մեջ էական պրոբլեմներ կան և՛ հանրության գնողունակության, և՛ տնտեսության մեջ, որը կառավարությունն ունակ չէ կառավարել»,–ասաց նա։

Նշենք, որ rate.am կայքի տվյալներով, ՀՀ առևտրային բանկերի սահմանած դոլարի առավելագույն փոխարժեքը առքի համար նոյեմբերի 24-ին կազմել է 510, վաճառքի համար` 522 դրամ, եվրոյի առքը կատարվել է առավելագույնը 605, վաճառքը` 629 դրամով, ռուսական ռուբլու համար առևտրային բանկերը սահմանել են 6.75 դրամ առքի, 7.10 դրամ` վաճառքի փոխարժեք։

Կենտրոնական բանկի սահմանած փոխարժեքները ևս առանձնապես չեն տարբերվում. 1 դոլարի դիմաց սահմանվել է  512.31 դրամ, եվրոյի դիմաց` 608.83, ռուսական ռուբլու դիմաց` 6.75 դրամ։

Համեմատության համար նշենք, որ մեկ ամիս առաջ` հոկտեմբերի 24-ին, պատերազմի ամենաթեժ պահին դոլարի պաշտոնական փոխարժեքը Հայաստանում 494.01 դրամ էր, եվրոյինը` 585.25, ռուսական ռուբլունը` 6.47 դրամ։

Իսկ պատերազմից առաջ` սեպտեմբերի 24-ին 1 դոլարը Հայաստանում փոխանակվում էր 485.32 դրամով, եվրոն` 565.06, ռուսական ռուբլին` 6.28 դրամով։

Փաստորեն վերջին 2 ամսվա ընթացքում արտարժույթը Հայաստանում արժևորվել է 6-7 տոկոսով, կամ, որ նույնն է` դրամն այդ չափով արժեզրկվել է։

Նշենք, որ ՀՀ կենտրոնական բանկն այսօր հայտարարություն էր տարածել, որում նշված էր, որ ֆինանսական շուկաներում մշտադիտարկում  է իրականացնում ու անհրաժեշտության դեպքում կկիրառի իր ողջ գործիքակազմը գների և ֆինանսական կայունությունն ապահովելու համար։

490
թեգերը:
Վարդան Արամյան, դոլար, դրամ
Ըստ թեմայի
ՊԵԿ նախագահը հայտնեց` որ ոլորտների շնորհիվ է նախատեսվածից ավել հարկ հավաքվել
Հայաստանն ազատ առևտրի պայմանագրեր կկնքի Եգիպտոսի ու Իրանի հետ. նախարար
Ինչպե՞ս Հայաստանը պետք է բոյկոտի թուրքական ապրանքը․ բիզնեսմենները տարբերակ են գտել
Էդվարդ Հովհաննիսյան

Նախատեսվածից 60 մլրդ դրամով ավել եկամուտ է հավաքագրվել. ՊԵԿ նախագահ

17
(Թարմացված է 22:39 15.01.2021)
Նման չափի հարկային եկամուտների հավաքագրում հնարավոր է եղել հարկ վճարողների կամավորության մակարդակի բարձրացման շնորհիվ։

ԵՐԵՎԱՆ, 15 հունվարի – Sputnik. 2020 թվականին ՀՀ պետական եկամուտների կոմիտեն հավաքագրել է 1 տրիլիոն 385.2 մլրդ դրամի եկամուտ, ինչը «2020 թվականի պետական բյուջեի մասին» օրենքում նախատեսված ցուցանիշից ավել է մոտ 60 մլրդ դրամով: Տեղեկությունը հայտնում է ՊԵԿ մամուլի ծառայությունը` հավելելով, որ կոմիտեի նախագահ Էդվարդ Հովհաննիսյանն այսօր ներկայացրել է նախորդ տարվա ընթացքում հարկային ու մաքսային ոլորտներում իրականացված աշխատանքները և առաջիկա անելիքները։

«Նման չափի հարկային եկամուտների հավաքագրում հնարավոր է եղել իրականացնել մեծածավալ աշխատանքներ կատարելով, հասցեական վարչարարությամբ, ինչպես նաև հարկ վճարողների կամավորության մակարդակի բարձրացման և հարկային կարգապահության շնորհիվ»,–ասել է Հովհաննիսյանը։

Հիշեցնենք, որ 2021թ–ին ներկայացված բյուջեի նախագծով կառավարությունը կանխատեսում է ապահովել 1 տրիլիոն 437 մլրդ դրամի եկամուտ։ Հարկային եկամուտների կանխատեսվող ցուցանիշը 1 տրիլիոն 356 մլրդ դրամ է։

Տարվա բյուջետային ծախսերը կկազմեն 1 տրիլիոն 843 մլրդ դրամ։ Դեֆիցիտը լրացնելու նպատակով կառավարությունը պլանավորել է ներգրավել լրացուցիչ 274 մլրդ դրամ։

Հարկեր, տուրքեր, վճարումներ. ինչպիսին կլինի 2021–ը հարուստ և աղքատ հայաստանցիների համար

17
թեգերը:
Էդվարդ Հովհաննիսյան (ՊԵԿ նախագահ), Հայաստան, եկամուտ, Պետական եկամուտների կոմիտե (ՊԵԿ)
Ըստ թեմայի
ՊԵԿ աշխատակիցները զենք օգտագործելու իրավունք կստանան
Արգելքը չի վերաբերում թուրքական բեռնատարներին. ՊԵԿ–ը` Երևանում շրջող մեքենաների մասին
ՊԵԿ–ը հիշեցնում է` ՀՀ–ում արգելվում է բոլոր երկրներից ներկրվող թուրքական ապրանքը
Սոկրատ Գրիգորյան

Բյուրոկրատիան խեղդում է. ի՞նչն է խանգարում Հայաստանում նոր սերնդի շինանյութ արտադրել

113
Հայաստանում բազալտե ամրանների արտադրություն են հիմնել։ Արտադրանքը բարձրորակ է. այն պատրաստ են գնել թե՛ ռուսաստանցի ճանապարհաշինարարները, թե՛ ֆրանսիական ավտոգործարանները։ Սակայն պետությունը չի օգնում իր արդյունաբերությանը, ավելին՝ միջպետական ստանդարտ չի հաստատել։

Որ ամրաններ կարելի է պատրաստել ոչ միայն երկաթից, այլև քարից, աշխարհում վաղուց է հայտնի։ Դեռ կես դար առաջ այս տեխնոլոգիան յուրացրել են Արևմուտքում և փորձարկել Խորհրդային Միությունում, այդ թվում` Հայաստանում։ Սակայն ժամանակակից Հայաստանում այդ արտադրությունն այդպես էլ չի կայացել։

Ավելին, պետությունը մինչև օրս բազալտե կառույցների համար ոչ ГОСТ-եր, ոչ շինարարական նորմեր չի ընդունել, Sputnik Արմենիայի հետ զրույցում նշեց բազալտե նյութերի ArmBas («Արմբազալտ») գործարանի կոմերցիոն տնօրեն Սոկրատ Գրիգորյանը։

«Դրանք նույնիսկ զրոյից գրելու կարիք չկա, նմանատիպ փաստաթղթեր եղել են ԽՍՀՄ-ում և ընդունված են Ռուսաստանում, ընդամենը պետք է ընդունել մեր տարբերակը։ Բայց Քաղաքաշինության կոմիտեում մեկ մերժում են, մեկ հետաձգում։ Լավ, շենքերի կրող կառուցվածքը պատասխանատու գործ է, նրանք պետք է գլուխ հանեն սեյսմակայունությունից և այլն։ Թող գոնե առայժմ թույլատրեին ոչ կրողները։ Բայց այստեղ էլ են մերժում։

Մի անգամ ես չդիմացա և ասացի նրանց․ «Ինչի՞ համար եք բոլորդ աշխատավարձ ստանում։ Որպեսզի մեր երկրում աշխատեն 1982թ․-ի նորմերը, իսկ դուք բոլորին դռան տեղը ցույց տա՞ք»»,-պատմում է Գրիգորյանը։

Խորհրդային տարիներին այդպիսի արտադրություն ցանկանում էին Հայաստանում հիմնել տեղական բազալտի որակի պատճառով։ Դրա մեջ քիչ են մետաղական խառնուրդները, այդ պատճառով էլ դրանից ձուլված բազալտի մանրաթելերը, ցանցերն ու ամրաններն ավելի ամուր են և ջերմաստիճանի տատանումների նկատմամբ առավել կայուն։ Ընդ որում՝ «ձուլված» բառը սխալմունք չէ․ քարը հալեցնում են վառարաններում՝ բարձր ջերմաստիճանի տակ, այնուհետև դրանից կամ լարեր, կամ ամրաններ են ստանում։

Сократ Григорян, коммерческий директор завода базальтового волокна ArmBas
© Sputnik / Aram Gareginyan
Սոկրատ Գրիգորյան

Այն կարելի է օգտագործել շենքերի շինարարության համար կամ դրանից ցանցեր հավաքել՝ ճանապարհածածկի տակի շերտի համար (սա բազալտե կառուցվածքների կիրառման ամենևին էլ ամբողջական ցանկը չէ)։ Ի տարբերություն մետաղականների՝ դրանք խոնավությունից չեն ժանգոտում, ջերմաստիճանի տատանումներից չեն լայնանում ու նեղանում (ուստի ճնշում չեն գործադրում բետոնի վրա, որի մեջ մոնտաժված են, ճաքեր չեն առաջացնում)։

Նույնպիսի հատկություններ ունեն նաև այլ ոչ մետաղական նյութեր, ուստի աշխարհում լայնորեն կիրառվում են ապակե մանրաթելից կառուցվածքները։ Դրանք ավելի էժան են, քան բազալտը, բայց ուժեղ սառնամանիքին (մինուս 20-30 աստիճան) չեն դիմանում և փշրվում են։

«Այդ պատճառով Ռուսաստանում և մյուս հյուսիսային երկրներում ճանապարհների շինարարության համար բազալտե ցանցեր են օգտագործում։ Դա հսկայական շուկա է, ընդ որում՝ ոչ միակը, որտեղ մենք կարող էինք մշտապես աշխատել»,-ավելացրեց Գրիգորյանը։

«Մենք» ասելով նա նկատի ունի ոչ միայն իրեն․ այդպիսի արտադրության համար մասնագետներ են պետք, որոնց ԽՍՀՄ-ի փլուզումից հետո Հայաստանում վաղուց մոռացել են․ քիմիկոսներ, ոչ մետաղական միացությունների նյութագետներ, ինժեներ-մեխանիկներ․․․ Այդ մասնագետներին Գրիգորյանն ու նրա հայրը՝ Էդիկ Գրիգորյանը, մեկտեղել են, որպեսզի գործարկեն արտադրությունը։

Ցույց տալու համար, թե ինչպիսի ճշգրտություն է պահանջում այս աշխատանքը, միայն մեկ օրինակ կբերենք․ բազալտի հալման հնոցը պետք է տաքացնել մինչև 1460 աստիճան, այնուհետև ճշգրիտ պահպանել այս ջերմաստիճանը՝ ոչ ավելի, քան 2 աստիճան շեղումով։ «Մի քայլ աջ, մի քայլ ձախ»՝ ամբողջ գործը ջուրը կլցվի։

Սահմանամերձ Բերդի կանանց արտադրած մուրաբան գրավել է Երևանը և պատրաստվում է արտերկիր գնալ

Ռուսաստան մատակարարումները նրանք պատրաստվում էին սկսել 2014-ին, բայց փոխարժեքի փլուզումից հետո հայկական արտադրանքը ռուբլով արտահայտած սկսեց պարտվել ռուսականին։ Իսկ եվրոպական շուկաներ դուրս գալու համար սերտիֆիկացման ծախսեր էին անհրաժեշտ։

«Հիմա մենք աշխատում ենք այն ուղղությամբ, որ մեր հալման հնոցներն ավելի քիչ էներգիա ծախսեն: Այդ դեպքում կնվազի արտադրության ինքնարժեքը, և մեզ համար ավելի հեշտ կլինի արտասահմանյան շուկաներ դուրս գալ»,-ավելացրեց Գրիգորյանը։

Նրանց «Պեժոն» և մեր բյուրոկրատիան

Ինչ-որ կերպ միջոցներ գտնելու համար գործարանում, ինչպես կարող էին, փոքր ծավալներով արտադրություն հիմնեցին։ Ներդրողներ գտնելու համար դիմեցին Հայաստանի ազգային շահերի հիմնադրամ (ANIF)՝ պետական ներդրումային հիմնադրամ, որը արտասահմանից ներդրողներ է ներգրավում:

Էկոնոմիկայի փոխնախարար Ավագ Ավանեսյանի աջակցությամբ հիմնադրամում ուսումնասիրեցին նախագիծը և խոստացան այն կրկին քննարկել ամանորյա հանգստյան օրերից հետո: Բայց, ինչպես միշտ, այն մասին, որ պետությունն ուղղակիորեն օգնի իր արդյունաբերությանը (սուբսիդիաներով կամ հարկային արտոնություններով), խոսք չկա։ «Լիբերալ տնտեսությունն» ու «պետության չմիջամտելը» անքակտելի պատվիրան են մնում Հայաստանի ներկա ու նախկին իշխանությունների համար։

Մինչդեռ հայկական բազալտաթելերով հետաքրքրված են նաև ֆրանսիական ավտոարտադրության առաջատարներ «Պեժո» և «Ռենո» ընկերությունները (այդ մասին արդեն գրել ենք)։ Նրանց հետաքրքրում են ոչ թե ամրանները, այլ հենց բազալտաթելը․ այն ճնշման տակ մամլելու դեպքում կարելի է շատ թեթև ու ամուր դետալներ պատրաստել։ Օրինակ, եթե մետաղական բախարգելը («բամպեր») կշռում է մոտ 10 կգ, ապա բազալտե տարբերակը ընդամենը 3 կգ կլինի, ընդ որում՝ ոչնչով չզիջելով ամրության առումով։ Ավելորդ է հիշեցնել, որ համաշխարհային ավտոարտադրությունը փորձում է նվազեցնել իր մեքենաների քաշը, որպեսզի դրանց համար ավելի քիչ նյութեր պետք լինեն, իսկ շարժիչի համար՝ ավելի քիչ վառելիք։

«Աստված «Ռենո»-ի հետ, սկզբի համար թող գոնե հայ շինարարները կարողանան գնել իմ ամրանները։ Հասկանում եմ, շինարարներն իրավունք չունեն, քանի դեռ պետական ստանդարտ չկա։ Իսկ հնարավոր չէ՞ր այսքան տարվա ընթացքում փորձարկումներ իրականացնել և թղթի վրա հաստատել այդ ГОСТ-ը։ Պետությունը փող չունի, արտոնություններ չունի, լավ, թո՞ւղթ էլ չունի»,-զարմանում է Գրիգորյանը։

Եթե արտադրությունը, որպես առաջին քայլ, գործարկվի տեղական շուկայում, տեղական բազալտե ամրանները 30%-ով ավելի էժան կլինեն, քան ներկրվող մետաղականները․ նախ՝ նոյեմբերին արտարժույթի տատանման պատճառով (երբ դրամը դոլարի համեմատ նվազեց), երկրորդ՝ այն պատճառով, որ տեղական արտադրանքը տեղափոխման ծախսեր չի պահանջում (որոնք ամրանների համար նույնպես բավականին էական թիվ են կազմում)։

Եվ վերջում՝ քաղաքականության մասին

2018թ․-ի հեղափոխությունից առաջ պաշտոնյանաները դանդաղկոտությունը «համոզիչ» պատճառներ ուներ․ ամրանների բիզնեսը Հայաստանում «ճիշտ տղերքի» ձեռքում էր (մեր օրերի Հայաստանում քիմիկոսներն ու ինժեներները «ճիշտ տղերք» չեն)։ Հիմա շուկաներն այլևս «գրավված» չեն, այնտեղ բոլորը կարող են աշխատել, բայց երկրում արտադրական քաղաքականություն ինչպես այն ժամանակ, այնպես էլ հիմա՝ գոյություն չունի։

Մի քանի տարի առաջ պետությունը առաջնահերթ հայտարարեց գիտությունահեն արտադրությունը և ոչ մետաղական հանածոների վերամշակումը։ Բայց մինչ օրս ոչ միայն ГОСТ-եր չկան, այլև պատկերացում, թե ինչ կարելի է անել երկրում բազալտի պաշարների հետ։ Մինչև օրս այն օգտագործում են որպես սովորական խճաքար՝ մեկ տոննայի համար 5000 դրամ արժեքով։

Համեմատության համար՝ միջազգային շուկայում բազալտի մանրաթելի մեկ տոննան մոտ 2500 դոլար արժե, ամրանները՝ 4-5 հազար, բազալտի մանրաթելից տեխնիկական գործվածքը՝ մինչև 10 հազար դոլար։ Ինչպե՞ս օգնել այդպիսի արտադրություն կազմակերպելու, որակավորված մասնագետների համար աշխատատեղեր ստեղծելու հարցում՝ իշխանությունները չէին մտածում և, ցավոք, հիմա էլ չեն մտածում։ Համենայն դեպս՝ այդ ուղղությամբ որևէ քայլ չեն անում։

Հայր և որդի Գիրգորյանները փորձում են անել, ինչ կարող են։ Ամանորից հետո նրանց գործարանը կընդարձակի հետազոտական համագործակցությունը Պրահայի տեխնիկական համալսարանի և Թրոմսեի համալսարանի (Նորվեգիայի Արկտիկական համալսարան) հետ։

Մեր շահը. ինչո՞վ կարող է Մեղրիի միջով անցնող երկաթուղին օգնել Հայաստանին

Չեխերն ուզում են հայ մասնագետների հետ ուսումնասիրել շինարարության մեջ բազալտե կառուցվածքների կիրառման հնարավորությունները, իսկ նորվեգացիներին հետաքրքրում է բազալտե մանրաթելի հատկությունները, որոնք կարելի է խառնել բետոնի հետ՝ ամրացնելով դրա կառուցվածքը (ինչը խիստ արդիական է հյուսիսային լայնությունների ցածր ջերմաստիճանների համար)։ Այդպիսի՝ մարդու մազի պես բարակ և փոքր մանրաթելերի մի խմբաքանակ հայկական ձեռնարկությունում արդեն պատրաստել են։

113
թեգերը:
Հայաստան, արտադրություն, բազալտ
Ըստ թեմայի
Ինքնահոսի մատնված երկիր, կամ պատերազմող Հայաստանում որևէ հրահանգ տնտեսությունը չի ստացել
Արցախը վերականգնելու համար Արցախում կորցրած տնտեսությունը պետք է տեղափոխել Հայաստան
Մարդիկ սկսել են քիչ ծախսել. ինչպես են համավարակն ու պատերազմն ազդել տնտեսության վրա
Կառլեն Խաչատրյան

Ինչո՞վ է զբաղված ՏՄՊՊՀ-ն և ինչո՞ւ դեղատներն անբարեխիղճ գործելաոճի համար չեն պատժվում

0
Տնտեսագետ Կառլեն Խաչատրյանը Sputnik Արմենիայի եթերում թվարկել է այն հնարավոր գործոնները, որոնք ձևավորում են դեղորայքի շուկայում գների թռիչքային աճը։
«Դեղորայքի թանկացման հարցում էական նշանակություն ունի դոլարի արժեվորումը, սակայն չեմ բացառում նաև սպեկուլյատիվ գործոնները». Կառլեն Խաչատրյան

Դեղորայքի գների բարձրացման հարցում էական նշանակություն ունի դոլարի արժեվորումը, սակայն, չի բացառվում, որ գործ ունենք նաև գերիշխող դիրքի չարաշահման ու սպեկուլյատիվ գործոնների հետ։ Sputnik Արմենիայի հետ զրույցում նման կարծիք հայտնեց տնտեսագետ Կառլեն Խաչատրյանը` մեկնաբանելով մամուլում տարածված տեղեկությունները, թե դեղերի շուկան դուրս է եկել վերահսկողությունից, իսկ դեղատները նման անբարեխիղճ գործելաոճի համար չեն պատժվում։

«Վերջին 2 ամիսների ընթացքում դոլարը մոտ 10 տոկոսով է արժեվորվել, սակայն այն դեպքերում, երբ քաղաքացիները հանդիպում են 65-70 տոկոսով դեղերի գնի բարձրացման, թանկացումը միայն դոլարի փոխարժեքով չի կարելի պայմանավորել»,- ասաց նա։

Հայաստանում դեղորայքի շուկայում առկա չարաշահումների ուսումնասիրությամբ զբաղվում է ՏՄՊՊՀ-ն, որն, ըստ Խաչատրյանի, վերջին 2.5 տարում այնքան էլ բարեխիղճ չի գործում։

«Վերջին 2-2.5 տարիների ընթացքում պետական որևէ մարմին իր գործառույթները պատշաճ մակարդակով չի իրականացնում կամ կադրային բավարար ներուժ չկա, ղեկավար անձնակազմը պատրաստ չէ, պահանջկոտ չէ, դրա համար էլ այս իրավիճակում ենք»,- նշեց տնտեսագետը։

Նրա համոզմամբ, եթե ոլորտի համար պատասխանատու հանձնաժողովը տարբեր պատճառաբանություններով մեկնաբանություններ չի ներկայացնում կամ փորձում է իր գործառույթները չկատարելը քողարկել «ուսումնասիրություններն ընթացքի մեջ» են պատճառաբանությամբ, դա ոչ այլ ինչ է, եթե ոչ անկարողության ու անգործության ուղղակի հետևանք։

«Հույս չունենաք, որ լավ ենք ապրելու». Վազգեն Մանուկյանը Գյումրիում է

Նշենք, որ այսօր «Ժողովուրդ» թերթը գրել էր, որ դեղատները անբարեխիղճ գործելաոճի համար չեն պատժվում, իսկ ՀՀ տնտեսական մրցակցության պաշտպանության պետական հանձնաժողովը վստահեցնում է, որ դեղերի շրջանառության ոլորտն ուսումնասիրում են:

0
թեգերը:
գին, Կառլեն Խաչատրյան, Տնտեսական մրցակցության պաշտպանության պետական հանձնաժողով (ՏՄՊՊՀ), Դեղ
Ըստ թեմայի
«Ասաց՝ մամ, ծաղկեպսակը դու սարքի». Եռաբլուրում ծաղիկները ձյունից շատ էին ու անիմաստ թանկ
Գնաճը մինչև ո՞ւր կհասնի. էկոնոմիկայի նախարարը վստահեցնում է` մենք դեռ լավ վիճակում ենք
Գները նվազեցրել և բարձրացրել են. ձվի շուկայում գործող 7 ընկերություն է տուգանվել