Ատոմ Ջանջուղազյան

2021թ–ին նախատեսվում է 3,2% տնտեսական աճ. Ջանջուղազյանը ներկայացրել է բյուջեն

46
(Թարմացված է 19:10 17.11.2020)
Բյուջեի քննարկումը մեկնարկեց առանց ընդդիմության։ ԲՀԿ–ն ու ԼՀԿ–ն անիմաստ են համարում այս պայմաններում բյուջեի նախագծի քննարկումը։

ԵՐԵՎԱՆ, 17 հունվարի – Sputnik. 2021թ–ի պետական բյուջեի նախագիծը կազմվել է նախքան արցախյան պատերազմի մեկնարկը, բայց դրա փոփոխությունը խնդրահարույց կլինի։ Այսօր ԱԺ–ում բյուջեի նախագիծը ներկայացնելիս հայտարարեց ՀՀ ֆինանսների նախարար Ատոմ Ջանջուղազյանը։

«Այս պայմաններում 2021-ի համար մենք նախագծել ենք այնպիսի հարկաբյուջետային քաղաքականություն, որը խոր անկման և վերականգնման դեռևս անորոշ մեկնարկի տևողության պայմաններում հնարավորություն կտա նպաստել վերականգնմանն ու կապահովի ոլորտային քաղաքականությունների ապահովման համար անհրաժեշտ հատկացումների մակարդակ»,- ասաց Ջանջուղազյանը։

Նախարարը նաև հայտնեց, որ 2021թ–ի բյուջեն կազմվել է 2020թ–ի բյուջեի հիման վրա ու գրեթե դրա կրկնությունն է։

ՊԵԿ նախագահը հայտնեց` որ ոլորտների շնորհիվ է նախատեսվածից ավել հարկ հավաքվել

Նշենք, որ 2021 թվականին բյուջեով նախատեսվում է ապահովել 1 տրիլիոն 569 միլիարդ դրամի եկամուտ, նախատեսված է 1 տրիլիոն 843 միլիարդ դրամ ծախս։ Դեֆիցիտը կկազմի 274 միլիարդ դրամ: Տնտեսական աճի ցուցանիշ է կանխատեսվել 3,2%:

Ոչ մի գնաճ չի լինի. նախարարն ասել է` ինչպես կլրացվի թուրքական ապրանքների բացը

Հիշեցնենք` ԱԺ հերթական նիստում այսօր խորհրդարանը մեկնարկեց Հայաստանի Հանրապետության 2021 թվականի պետական բյուջեի մասին նախագծի քննարկումը։

Ընդդիմությունը բոյկոտեց նիստն ու հայտարարեց, որ երկրում ստեղծված իրավիճակում միակ հարցը, որ կարելի է քննարկել արտակարգ դրության իրավական ռեժիմի չեղարկումն ու վարչապետի հրաժարականն է։

Որքան է թանկացել կյանքը Հայաստանում արցախյան պատերազմի մեկ ամսում

46
թեգերը:
Ատոմ Ջանջուղազյան, բյուջե, Հայաստան
Ըստ թեմայի
Հայաստանն ազատ առևտրի պայմանագրեր կկնքի Եգիպտոսի ու Իրանի հետ. նախարար
ԵԱՏՄ անդամ-երկրների վարչապետների նիստը կանցկացվի դեկտեմբերի 4-ին Մոսկվայում
«Մարզասրահ պատանյակների համար», կամ ինչու է Փաշինյանը «վիզ վերցնելու» բոլորի փոխարեն
Դավիթ Նահապետյան

ԵԱՏՄ օրակարգում միասնական արժույթի հարց չկա. ԿԲ ներկայացուցիչ

39
(Թարմացված է 13:05 01.12.2020)
ԵԱՏՄ անդամ պետություններն այս պահին ներդաշնակեցնում են իրենց ֆինանսատնտեսական օրենսդրությունները: Այս գործընթացի ավարտից հետո ԵԱՏՄ-ում գործելու է ֆինանսական համակարգի միասնական լիցենզիայի համակարգ:

ԵՐԵՎԱՆ, 1 դեկտեմբերի – Sputnik. Մինչև 2025թ-ը միասնական արժույթի անցնելու հարցը ԵԱՏՄ օրակարգում դրված չէ: Այս մասին այսօր ԱԺ Ֆինանսավարկային և բյուջետային հարցերի մշտական հանձնաժողովի նիստում հայտնեց ՀՀ ԿԲ գլխավոր քարտուղար, գործադիր կոմիտեի անդամ Դավիթ Նահապետյանը, որին ԱԺ «Իմ քայլը» խմբակցությունն առաջադրել է Կենտրոնական բանկի խորհրդի անդամի թափուր տեղի համար:

«Միասնական արժույթի մասով եղել է անդամ պետությունների ԿԲ նախագահների հայտարարությունը՝ առնվազն մինչև 2025թ-ը՝ մինչև ֆինանսական շուկաների օրենսդրությունը չհարմոնիզացվի, այդ մասին խոսելը ժամանակավրեպ է: Մինչև 2025թ-ը օրակարգում նման հարց նույնիսկ դրված չէ»,- ասաց Նահապետյանը:

Նա նաև նշեց, որ օրենսդրությունների ներդաշնակեցումն ավարտելուց հետո ԵԱՏՄ-ում գործելու է նաև ֆինանսական համակարգի միասնական լիցենզիա:

«Իմ քայլի» թեկնածուն այսօր հանդիպում ունեցավ ԱԺ Ֆինանսավարկային և բյուջետային հարցերի մշտական հանձնաժողովի անդամներին, պատասխանեց նրանց հարցերին ու ստացավ դրական եզրակացություն, որպեսզի իր ընտրության հարցն ընդգրկվի ԱԺ հերթական նիստերի օրակարգում:

ԵԱՏՄ–ում միասնական արժույթ ստեղծելու մասին խոսք լինել չի կարող. Վալովայա

Դավիթ Նահապետյանն 2006թ-ից առ այսօր աշխատում է ԿԲ-ում: Վերջին մեկ տարում զբաղեցնում է ԿԲ գլխավոր քարտուղարի, գործադիր կոմիտեի անդամի պաշտոնը:

1995-2006թթ-ն աշխատել է մասնավոր ֆինանսական համակարգում:

1999թ-ին ավարտել է Երևանի պետական համալսարանը, 2001-2003թթ-ին սովորել է. Մ.Վ.Լոմոնոսովի անվան Մոսկվայի պետական համալսարանի ասպիրանտուրայի բաժնում, 2010թ.-ին՝ սովորել է ԱՄՆ Թաֆթս համալսարանի Ֆլետչերի իրավունքի և դիվանագիտության դպրոցում՝ հանրային կառավարում մասնագիտությամբ: Կենտրոնական բանկի խորհուրդը կազմված է Կենտրոնական բանկի նախագահից, նրա երկու տեղակալներից, խորհրդի հինգ անդամներից: Կենտրոնական բանկի խորհրդի հինգ անդամներին ընտրում է Հայաստանի Հանրապետության Ազգային Ժողովը` վեց տարի ժամկետով: Կենտրոնական բանկի խորհրդի անդամները չեն կարող Կենտրոնական բանկում այլ պաշտոն զբաղեցնել:

ԵԱՏՄ–ն ներուժ է կուտակում. Կուդրինը խոսել է ԵԱՏՄ–ում միասնական արժույթ սահմանելու մասին

39
թեգերը:
Եվրասիական տնտեսական միություն (ԵԱՏՄ), Հայաստան
ՀՀ կենտրոնական բանկ

«Իմ քայլը» ԿԲ խորհրդի անդամի թափուր տեղի համար առաջադրել է իր թեկնածուին

34
(Թարմացված է 12:42 01.12.2020)
Իշխող քաղաքական ուժի թեկնածուն արդեն շուրջ 15 տարի աշխատում է Կենտրոնական բանկում:

ԵՐԵՎԱՆ, 1 դեկտեմբերի - Sputnik. Կենտրոնական բանկի խորհրդի անդամի թափուր տեղի համար ԱԺ «Իմ քայլը» խմբակցությունն առաջարկում է Դավիթ Նահապետյանի թեկնածությունը:

Նա այսօր ներկա է ԱԺ Ֆինանսավարկային և բյուջետային հարցերի մշտական հանձնաժողովի նիստին և պատասխանեց պատգամավորների հարցերին:

Նահապետյանն անդրադարձավ նաև ՀՀ ֆինանսական շուկայում գրանցված դրամի արժեզրկմանն ու դրա հետևանքով հնարավոր գնաճին: Նա հայտնեց, որ ԿԲ-ը անհրաժեշտ չափով միջամտում է շուկային՝ որոշ քանակով արտարժույթ ներմուծելով: Թե որքան է առ այսօր կազմել այդ միջամտությունը, Նահապետյանը չհստակեցրեց՝ ասելով, որ դա կարտահայտվի ԿԲ-ի ամսական հաշվետվության մեջ: Այդուհանդերձ, թեկնածուն վստահեցրեց, որ գնաճն այս պահին կառավարելի մակարդակում է:

Խոսելով կորոնավիրուսի համավարակի հետևանքով առաջացած ու դեռ կանխատեսվող տնտեսական ճգնաժամերի մասին՝ Նահապետյանն ասաց. «Մենք այս տարի կորոնավիրուսի հետ կապված վերանայեցինք շուրջ 1 տրիլիոնից ավելի վարկային պորտֆել, որի արդյունքում ավելի քան 100 մլրդ դրամ համակարգ չմտավ»:

Նա նաև շեշտեց, որ բանկերը նման դեպքերում հիմնականում իրենք են վերանայում վարկառուների հետ իրենց պայմանագրերը:

«Մենք այսօր լրջագույն խնդիր ունենք նաև մեր հերոսների, զինծառայողների վարկային պարտականությունների հետ կապված: Այսօր այդ տվյալները հավաքագրվում են: Մենք աշխատում ենք ինչպես ՊՆ-ի, այնպես էլ ֆինանսական կազմակերպությունների հետ՝ տեղեկատվությունն ավելի արագ փոխանցելու համար»,- ասաց Նահապետյանը՝ հայտարարելով, որ բանկերը պատրաստակամ են անել բոլոր հնարավոր զիջումները՝ վարկային բեռը նշված խումբ քաղաքացիների համար տանելի դարձնելու համար:

Նահապետյանի թեկնածությունը միաձայն հավանության արժանացավ հանձնաժողովում: Այն դեռ պետք է հաստատվի Ազգային ժողովի լիագումար նիստում։

Դավիթ Նահապետյանն 2006թ-ից աշխատում է ԿԲ-ում: Վերջին մեկ տարում զբաղեցնում է ԿԲ գլխավոր քարտուղարի, գործադիր կոմիտեի անդամի պաշտոնը:

1995-2006թթ-ն աշխատել է մասնավոր ֆինանսական համակարգում:

1999թ-ին ավարտել է Երևանի պետական համալսարանը, 2001-2003թթ-ին սովորել է. Մ.Վ.Լոմոնոսովի անվան Մոսկվայի պետական համալսարանի ասպիրանտուրայի բաժնում, 2010թ.-ին սովորել է ԱՄՆ «Թաֆթս» համալսարանի Ֆլետչերի իրավունքի և դիվանագիտության դպրոցում՝ «Հանրային կառավարում» մասնագիտությամբ:

34
թեգերը:
թեկնածու, Կենտրոնական բանկ (ԿԲ)
Ըստ թեմայի
Դրամի փոխարժեքն ընկնում է, բայց անհանգստանալ պետք չէ․ Արամյանը բացատրում է` ինչու
Դրամի արժեզրկումը ոչ թե տնտեսական, այլ հոգեբանական հիմք ունի. Թունյան
Բանկերը հաճախորդներին խաբելու համար կարող են ավելի խիստ տուգանվել
Բերձոր

Բերձորն ու հարևան գյուղերը մնում են հայկական. ինչ ինֆորմացիա ունի քաղաքապետը

58
(Թարմացված է 16:33 01.12.2020)
Քաշաթաղի հյուսիսային հատվածում, որը, ըստ պայմանավորվածության, դեկտեմբերի 1-ից պետք է անցներ Ադրբեջանին, արդեն ադրբեջանական զինված ուժերի ստորաբաժանումներ են տեղակայվել:

ԵՐԵՎԱՆ, 1 դեկտեմբերի – Sputnik. Բերձորցիները չեն շտապում լքել հարազատ քաղաքը: Sputnik Արմենիայի հետ զրույցում տեղեկությունը հայտնեց Բերձորի քաղաքապետ Նարեկ Ալեքսանյանը:

«Մարդիկ մնում են, այս պահին էլ Բերձորում բավականաչափ բերձորցիներ կան: Ընդհանուր առմամբ, ինչ-որ վտանգավոր կամ խուճապային իրավիճակ Բերձորում չկա»,- ասաց նա:

Ալեքսանյանը հայտնեց, որ Քաշաթաղի հյուսիսային հատվածում, որը, ըստ պայմանավորվածության, դեկտեմբերի 1-ից պետք է անցներ Ադրբեջանին, արդեն ադրբեջաական զինված ուժերի ստորաբաժանումներ են տեղակայվել:

Քաղաքապետի տեղեկություններով՝ Քաշաթաղի շրջանի բնակավայրերից Բերձոր քաղաքը, Աղավնո և Սուս գյուղերը շարունակելու են մնալ հայկական:

«Մինչև այս պահը գոնե մեր ունեցած ինֆորմացիան սա է ու հույս ունեմ` չի փոխվի»,- մեր հարցին ի պատասխան ասաց քաղաքապետը՝ հավելելով, որ հայկական կողմն այսօր չի պատրաստվում հեռանալ այդ տարածքից: 

Բերձորի խանութում սուրճն անվճար են տալիս կանխիկ փող չունեցող ռուս խաղաղապահին․ տեսանյութ

Քաղաքապետը շեշտեց, որ իր տեղեկությունները հիմնված են բացառապես իր ու շրջվարչակազմի ղեկավարության ունեցած տվյալների վրա: Հայաստանի ու Արցախի բարձրաստիճան ղեկավարներից, ինչպես ինքն է ասում, տեղեկություններ չի ստանում:

Ինչ վերաբերում է Ադրբեջանի նախագահ Իլհամ Ալիևի առաջարկին՝ Լաչինը շրջանցող նոր ճանապարհ կառուցելու մասին, Նարեկ Ալեքսանյանը նշեց, որ նոր ճանապարհի մասին որևէ տեղեկություն չունի:

ՌԻԱ Նովոստիին տված հարցազրույցում մեկնաբանելով Լաչինի միջանցքի այլընտրանքային տարբերակի հարցը՝ Հայաստանն ու Ղարաբաղը կապող նոր ճանապարհի կառուցման տարբերակը, հետխորհրդային հետազոտությունների կենտրոնի փորձագետ Ստանիսլավ Պրիտչինն ասել է, որ լեռնային տեղանքում բոլորովին նոր ճանապարհ կառուցելը կլինի ծախսատար և երկար ժամանակ կպահանջի: Բացի այդ, նոր ճանապարհը կլինի շատ ավելի երկար և կպահանջի ռուս խաղաղապահների թվի ավելացում:

ՌԴ նախագահի պաշտոնական կայքում նոյեմբերի 10-ին հրապարակված Ադրբեջանի, Հայաստանի, Ռուսաստանի նախագահների հայտարարության պաշտոնական տեքստում Լաչինին վերաբերող հատվածում բառացիորեն ասված է, որ այն Ադրբեջանին է վերադարձվում մինչև 2020 թվականի դեկտեմբերի 1–ը:

«Լաչինի միջանցքը (5 կմ լայնությամբ), որն ապահովելու է Լեռնային Ղարաբաղի կապը Հայաստանի հետ և միևնույն ժամանակ չի շոշափելու Շուշին, մնում է Ռուսաստանի Դաշնության խաղաղապահ զորակազմի վերահսկողության տակ: Կողմերի համաձայնությամբ առաջիկա երեք տարում կորոշվի Լեռնային Ղարաբաղի և Հայաստանի միջև կապ ապահովող Լաչինի միջանցքով երթևեկության նոր ուղու կառուցման ծրագիրը, որին կհաջորդի այդ երթուղու պահպանման համար ռուսական խաղաղապահ զորակազմի վերաբաշխումը: Ադրբեջանի Հանրապետությունը երաշխավորում է Լաչինի միջանցքով քաղաքացիների, տրանսպորտային միջոցների և բեռների երթևեկության անվտանգությունը երկու ուղղություններով»,- աված է փաստաթղթում:

«Ասել են` կարող եք մնալ». Բերձոր, Աղավնո և Սուս համայնքների ճակատագիրն անհայտ է

Բանն այն է, որ վերոհիշյալ 3 հայկական բնակավայրերն իրենց աշխարհագրական դիրքով տեղավորվում են Լաչինի միջանցքի համար պահպանվող 5 կմ-անոց հատվածում, այսինքն՝ ըստ փաստաթղթի՝ պետք է մնան Ռուսաստանի խաղաղապահ զորակազմի վերահսկողության տակ:

58
թեգերը:
Ադրբեջան, քաղաքապետ, հայեր, Բերձոր
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Բերձորի ուղղությամբ հայկական ուժերը կարևոր բարձունք են գրավել. թշնամին կորուստներ ունի
Հայկական ուժերը ջախջախել են Բերձորի ուղղությամբ գրոհող ադրբեջանական ուժերը և զինտեխնիկան
«Չեմ ուզում 2-րդ անգամ բռնագաղթեմ». Բերձորի բնակիչը պատմում է ռուս խաղաղապահների մասին