В условиях военного положения воинские части Вооруженных Сил РА приведены в полную боевую готовность

Պատերազմ գնացողները գումարը հանում ու թողնում են ընտանիքի անդամներին. ավանդները նվազել են

421
(Թարմացված է 18:37 27.10.2020)
ՀՀ ԿԲ նախագահը նաև հայտնել է, որ որոշ դեպքերում ՀՀ քաղաքացիներն ու կազմակերպություններն իրենց բանկային ավանդները փոխանցել են Արցախին կամ բանակին աջակցող հիմնադրամներին։

ԵՐԵՎԱՆ, 27 հոկտեմբերի - Sputnik. Հայաստանում ու Արցախում պատերազմական իրավիճակի հետևանքով ՀՀ բանկային համակարգով ավանդների ծավալը նվազել է։ Այս մասին այսօր լրագրողների հետ հանդիպմանն ասաց ՀՀ ԿԲ նախագահ Մարտին Գալստյանը` հավելելով, որ քաղաքացիներն ու կազմակերպությունները ինչ-ինչ պատճառներով նվազեցրել են բանկերում իրենց ավանդների չափը։

«Այսինքն` մարդիկ և կազմակերպությունները որոշակիորեն նվազեցրել են իրենց խնայողությունները բանկերում, բայց ոչ էական չափով։ Եթե թվային արտահայտությամբ ասեմ, դա ընդհանուր ավանդների չափի 1-1.5 տոկոսը չի գերազանցում»,– ասաց Գալստյանը։

Այդուհանդերձ, ԿԲ նախագահի մեկնաբանմամբ, ավանդների նվազումը կապված չէ բանկային համակարգում ռիսկերի ավելացման հետ։

«Ոչ թե մարդիկ իրենց ավանդները հետ են վերցրել, որովհետև մենք ունենք ինչ–որ խնդիրներ։ Բնավ։ Մեր գնահատմամբ դա տեղի է ունեցել մի քանի պատճառներով. նախ, պայմանավորված կորոնավիրուսով ու ընդհանուր տնտեսական իրավիճակով, բնականաբար, տնային տնտեսությունների մոտ կա որոշակի եկամտի նվազում, ու մարդիկ դա կոմպենսացնում են նախկինում կուտակած խնայողությունների հաշվին։ Երկրորդը` առաջնագիծ կամ պատերազմ գնացող մեր հայրենակիցների մոտ կա վարքագծի այն դրսևորումը, որ գումարը հանում են, թողնում տանը, որ ընտանիքի անդամները ունենան որոշակի ֆինանսական միջոցներ իրենց բացակայության ընթացքում»,– ասաց Գալստյանը։

Ի՞նչ հետևանք կունենա թուրքական ապրանքների ներկրման արգելքը ՀՀ տնտեսության վրա

Կա նաև երրորդ տարբերակը. ՀՀ քաղաքացիները կամ կազմակերպությունները փակել են իրենց բանկային ավանդներն ու առկա խնայողությունները փոխանցել Արցախին կամ բանակին օգնող հիմնադրամներին։

421
թեգերը:
ավանդ, Կենտրոնական բանկ (ԿԲ), Արցախյան պատերազմ
Ըստ թեմայի
Ժամանակն է, որ բանկերը պատասխանատվություն վերցնեն. ինչպե՞ս են որոշելու` ում վարկը ներել
Ինչն է թանկացել պատերազմի ընթացքում. ՏՄՊՊՀ–ն ներկայացրել է դիտարկման արդյունքները
Ինչո՞ւ են որոշ ապրանքներ թանկացել, ու ինչ անել առանց թուրքական արտադրանքի
Նիկոլ Փաշինյանը ՀԱՊԿ նիստում, 2 դեկտեմբերի, 2020

Փաշինյանը նորից հիշեցրել է գործընկերներին՝ Թուրքիան չպետք է օգտվի ԵԱՏՄ արտոնություններից

276
(Թարմացված է 12:39 04.12.2020)
Թուրքիան պետք է հանվի այն երկրների ցանկից, որոնք օգտվում են Եվրասիական միության մաքսային արտոնություններից, հայտարարել է Փաշինյանը։ Եվս մեկ կարևոր հարց է գազի միասնական շուկայի ձևավորումը, որտեղ սակագները կձևավորվեն բոլորի համար միացյալ սկզբունքով։

ԵՐԵՎԱՆ, 4 դեկտեմբերի – Sputnik. Անհրաժեշտ է վերանայել Եվրասիական տնտեսական միության սակագնային առանձնաշնորհներից օգտվող երկրների ցանկը։ Այդ մասին Եվրասիական միջկառավարական խորհրդի նիստում հայտարարել է ՀՀ վարչապետ Նիկոլ Փաշինյանը։ Նիստը տեղի է ունենում հեռավար ռեժիմով։

Փաշինյանը կրկին նշել է, որ սակագնային առանձնաշնորհների միասնական համակարգից օգտվող երկրների ցանկը պետք է վերանայել: Արտոնությունները ստանում են զարգացող և առավել թույլ զարգացած երկրները, բայց այդ ցուցակում ընդգրկված է նաև Թուրքիան, որին մաքսային արտոնություններ են տրամադրում մի շարք ապրանքների համար։ Այդ ցուցակը պետք է վերանայել, նշել է Փաշինյանը։

Խոսելով այլ հարցերի մասին, նա հույս է հայտնել, որ կորոնավիրուսի տարածման դեմ ԵԱՏՄ երկրների հետագա համաձայնեցված պայքարը կբերի դրական արդյունքի:

«Ես լիարժեք զգացի մեր ընկերների, այդ թվում՝ Ռուսաստանի Դաշնության աջակցությունը համավարակի և այն դժվարությունների դեմ պայքարում, որոնց բախվեց մեր երկիրն այս տարվա ընթացքում»,-նշել է վարչապետը։

Նա կարևորել է ուղևորափոխադրումների համաձայնեցման փորձնական նախագիծը Հայաստանի, Ռուսաստանի և Բելառուսի միջև, որոնք կորոնավիրուսային թեստերի վերաբերյալ տվյալների փոխանակման համակարգ են ստեղծել: Անհրաժեշտ է աշխատել ուղևորափոխադրումների լիարժեք կարգավորման ուղղությամբ, հավելել է Փաշինյանը։

Նա ընդգծել է ԵԱՏՄ-ում նավթի, նավթամթերքների և գազի ընդհանուր շուկայի ձևավորման ուղղությամբ տարվող աշխատանքների կարևորությունը: Բանակցություններ են ընթանում այն ուղղությամբ, որպեսզի գազի փոխադրման սակագները նույնը լինեն ԵԱՏՄ ողջ տարածքում։ Դա թույլ կտա հավասարեցնել գազի սակագները, իսկ դա նշանակում է՝ բարձրացնել Միության երկրների մրցունակությունը։

Հայաստանի համար ևս մեկ կարեւոր հարց, որն այժմ քննարկվում է՝ շինարարության ոլորտում ղեկավար տեխնիկական անձնակազմի մասնագիտական որակավորման փոխադարձ ճանաչումն է։ Դա Հայաստանի շինարարական ընկերություններին թույլ կտա աշխատել ԵԱՏՄ-ի այլ երկրներում՝ տեղական ընկերությունների հետ հավասար հիմունքներով։

276
Ըստ թեմայի
Թուրքիայի փոխարեն՝ ԵԱՏՄ երկրներ. ինչ է առաջարկում ՊԵԿ նախագահը
Տեսակամուրջ. «Սննդային անվտանգությունը ԵԱՏՄ երկրներում»
ԵԱՏՄ օրակարգում միասնական արժույթի հարց չկա. ԿԲ ներկայացուցիչ
Խաղողի այգի Աղավնաձորում

Ցրտերը սարերի հետևում չեն. այգեթաղը պետք է ավարտել սեղմ ժամկետներում

90
(Թարմացված է 17:24 03.12.2020)
ՀՀ էկոնոմիկայի նախարարությունը հաղորդագրություն է տարածել` հայտնելով, որ դեկտեմբերի երրորդ տասնօրյակում սպասվում է օդի ջերմաստիճանի նվազում։

ԵՐԵՎԱՆ, 3 դեկտեմբերի – Sputnik. ՀՀ էկոնոմիկայի նախարարությունը հորդորում է սեղմ ժամկետում ավարտել այգեթաղը։

«Համաձայն «Հիդրոօդերևութաբանության և մոնիթորինգի կենտրոն» ՊՈԱԿ-ի հաղորդած տեղեկատվության՝ հանրապետության գրեթե բոլոր մարզերում գիշերային ժամերին կանխատեսվում է շարունակական բացասական ջերմաստիճան։

Դեկտեմբերի երրորդ տասնօրյակում սպասվում է օդի ջերմաստիճանի նվազում` գիշերը մինչև -10...-12C, ուստի հորդորում ենք Արարատյան հարթավայրում և նախալեռնային գոտում ավարտել խաղողի այգիների այգեթաղի աշխատանքները»,–նշված է հաղորդագրության մեջ։

Նախարարությունը միաժամանակ խորհուրդ է տալիս տերևաթափից հետո պտղահատապտղատու այգիներում կատարել սրսկում բորդոյան հեղուկի 3%-անոց լուծույթով:

Հիշեցնենք, որ Հիդրոօդերևութաբանության և մոնիտորինգի կենտրոնը հայտնել էր` դեկտեմբերը կանցնի նորմայից տաք, օդի ամսական միջին ջերմաստիճանը նորմայից բարձր կլինի 1-2 աստիճանով։ Տեղումների քանակը կանխատեսվում է նորմայից պակաս։

Հայաստանում հնարավո՞ր է ապրել խաղողագործությամբ. փորձագետների կարծիքները տարբեր են

90
թեգերը:
Այգի, օդի ջերմաստիճան, Խաղող
Ըստ թեմայի
Ինչո՞վ է պայմանավորված աշխատատեղերի աճը. իրական պատկերը տեսանելի կլինի աշնան վերջին
Հայաստանից արտահանվող գինին ու կոնյակը խնդրի են բախվել. հարցը քննարկվում է ԵԱՏՄ–ում
Արմավիրի մարզի «թաքուն» այգիները, կամ ինչու է պայմանագիր կնքելը ձեռնտու գյուղատնտեսներին
Էդուարդ Անտինյանի

Հրադադարը երկարատև խաղաղություն չէ, այլ կործանումից փրկվելու վատագույն լուծում. Անտինյան

0
(Թարմացված է 20:53 04.12.2020)
«Շրջադարձ հանուն զարգացման» հասարակական կազմակերպության նախագահ, քաղաքագետ Էդուարդ Անտինյանը Sputnik Արմենիայի եթերում անդրադարձել է ԵԱՀԿ նախարարների խորհրդի 27-րդ հանդիպման ժամանակ ՀՀ արտգործնախարար Արա Այվազյանի ելույթին։ 
Անտինյան. «Հրադադարը երկարատև խաղաղություն չէ, ուղղակի կործանումից փրկվելու վատագույն լուծում էր»

Նախարարը նշել է, որ տարածաշրջանում տևական և կայուն խաղաղությանն ուղղված լուծումը մասնավորապես ընդգրկում է Արցախի կարգավիճակը` հիմնված ինքնորոշման իրավունքի իրացման վրա, ինչպես նաև Ադրբեջանի կողմից Արցախի տարածքների դեօկուպացիան։  

Էդուարդ Անտինյանի դիտարկմամբ` պետք է արձանագրել մի շատ կարևոր հանգամանք, որ արցախյան առաջին պատերազմի ժամանակ, երբ Ադրբեջանն էր աղերսում զինադադար կամ խաղաղություն, հայկական զորքը կանգնեց այնտեղ, որտեղ կայացվեց որոշումը։ Հայկական կողմի վերահսկողության տակ անցան յոթ շրջանները, իսկ Արցախը դե–ֆակտո անկախացավ և օրգանապես կապվեց Հայաստանի հետ։ Ըստ Անտինյանի`այս անգամ Ադրբեջանին ասվեց դադարեցնել ռազմական գործողություններն այնտեղ, որտեղ արդեն իր դիրքերն են, սակայն մեկ տարբերությամբ` մենք հանձնեցինք նաև տարածքներ, որոնք Ադրբեջանը չէր վերցրել։ 

«Պատերազմից առաջ անընդհատ խոսվում էր «անջատում` հանուն փրկության» տարբերակի մասին, բայց այսօր չենք տեսնում` արդյո՞ք նման խնդիր դեռ կա, որովհետև շատ հարցեր տակավին մնում են չկարգավորված։ Թվում է, թե ՀՀ արտգործնախարարի հայտարարությունը շատ ոգևորիչ է, բայց Արցախի տարածքային ամբողջականությունն արդեն իսկ խախտված է` անկախ կարգավիճակից, և պարզ չէ՝ ձեռք կբերի՞ անկախություն, կմիանա՞ Հայաստանին կամ Ռուսաստանին, թե՞ կմնա Ադրբեջանի կազմում, այստեղ մենք լուրջ անելիք ունենք»,– նշեց քաղաքագետը։

 Կյանքի է կոչվում ԼՂ–ի վերաբերյալ ստորագրված եռակողմ հայտարարությունը. Վլադիմիր Պուտին

Անտինյանի կարծիքով` պետք է հասկանալ, թե էլ ինչ է խոստացել Փաշինյանը հակառակ կողմին, որպեսզի թյուրիմացության մեջ չընկնենք, այսինքն` կարո՞ղ է հայկական կողմն Արցախի կարգավիճակի կամ անկախության հարցը բարձրացնի, իսկ Ադրբեջանը հայտարարի, որ այդ դեպքում կխախտվեն պայմանավորվածությունները, ինչն, ըստ ՌԴ նախագահի, կհանգեցնի կործանման։   

«Ադրբեջանի կողմից Արցախի տարածքների դեօկուպացիան ողջունելի կլինի, բայց պատերազմի արդյունքում մենք զիջել ենք ավելին, քան Ադրբեջանը գրավել էր։ Իհարկե Արևմուտքը կարող է նախաձեռնություն ցուցաբերելու մեծ ցանկություն հայտնել, բայց մենք պետք է բավական զգույշ լինենք, որպեսզի չդառնանք որևէ մեկի շահերի մանրադրամն աշխարհաքաղաքական վայրիվերումներում։ Արևմուտքը նախաձեռնություն հանդես կբերի, բայց մեզանից էլ է ընդառաջ քայլ սպասելու »,– նշեց քաղաքագետը։

Անտինյանի գնահատմամբ` հրադադարի հայտարարությունը մեզ չի բերելու երկարատև խաղաղություն, դա ուղղակի կործանումից փրկվելու վատագույն լուծումն էր։ 

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Ինչ տվեց Արցախի վերաբերյալ եռակողմ հայտարարությունը․ քարտեզ

0
թեգերը:
Եռակողմ հայտարարություն, Արցախ, Էդուարդ Անտինյան
Ըստ թեմայի
Արարատ Միրզոյանը դե՞մ է եղել եռակողմ հայտարարության ստորագրմանը. «Հրապարակ»
Եռակողմ հայտարարությունը նոր հնարավորություններ է ստեղծում Վրաստանի համար. ՌԴ ԱԳՆ
Ֆրանսիան կարծում է, որ եռակողմ համաձայնագրի որոշ կետեր հաշվի առնված չեն