Դոլարներ

Ղարաբաղյան հակամարտությունը կհարվածի թե՛ Հայաստանի, թե՛ Ադրբեջանի բանկերին. Moody’s

262
Moody’s-ը նախազգուշացնում է, որ այս հակամարտության շարունակությունը կարող է հանգեցնել ավանդների և ներդրումների նվազման։ Fitch-ն արդեն գնահատել է ռազմական դրության մեջ գտնվող Հայաստանի ֆինանսներն ու տնտեսությունը՝ նշելով հուսալիության պահուստները։

ԵՐԵՎԱՆ, 8 հոկտեմբերի – Sputnik. Ղարաբաղյան հակամարտությունը կարող է հարվածել թե՛ Հայաստանի, թե՛ Ադրբեջանի բանկային համակարգերին։ Այդ մասին ասվում է Moody’s-ի այսօր հրապարակված վերլուծության մեջ։

Զինված հակամարտության շարունակումը կարող է հանգեցնել երկու երկրների բանկերից ավանդների արտահոսքի, հատկապես, եթե հակամարտությունը երկարատև բնույթ կրի և սկսի դուրս գալ Լեռնային Ղարաբաղի սահմաններից, նշում է Moody’s գործակալությունը:

Նման իրավիճակը կհանգեցնի անվստահության թե՛ ավանդատուների մոտ, որոնք կսկսեն գումարները հանել բանկերից, թե՛ ներդրողների մոտ, նշում է գործակալությունը։ Կարող են տուժել նաև արտարժութի փոխարժեքները, ինչը, ի լրումն ամեն ինչի, կանդրադառնա նաև բանկային համակարգի վրա։ Թե՛ Հայաստանում, թե՛ Ադրբեջանում ավանդները հիմնականում արտահայտվում են դոլարով․ Հայաստանում՝ 54%, Ադրբեջանում՝ 58%․

Հակամարտության ազդեցությունն արտացոլված է նաև Fitch գործակալության վերլուծության մեջ, որը հոկտեմբերի 6-ից Հայաստանի կրեդիտային վարկանիշը BB—ից նվազեցրել է մինչև B+՝ հաստատուն կանխատեսումով։ Ճիշտ է, Ադրբեջանի վարկանիշը դեռևս չի հրապարակվել։ Դրա վերջին խմբագրությունը կազմվել էր հուլիսի 17-ին և հաստատել էր BB+ վարկանիշ, բայց բացասական կանխատեսում էր պարունակում նավթի գների անկման պատճառով (նավթագազային հատվածը կազմում է այդ երկրի ՀՆԱ-ի 40 և արտահանման ավելի քան 80 տոկոսը)։

Բյուջեն թերակատարվել է 49 մլրդ դրամով. ՊԵԿ նախագահը կարծում է` սա դեռ վերջը չէ

Այսպիսով՝ ռազմական դրության ազդեցությունը Fitch-ը վերլուծել է միայն Հայաստանի համար, բայց այստեղ ևս մի շարք ցուցանիշներով կանխատեսումը լիովին հոռետեսական չէ։ 2020թ․-ի արդյունքներով՝ Fitch-ը Հայաստանում 6,2% տնտեսական անկում է սպասում (ապրիլի 2%-ի համեմատ)։

Գործակալությունն իջեցրել է նաև 2021թ․-ի արդյունքներով Հայաստանի վերականգնողական աճի կանխատեսումը․ այն, ըստ Fitch-ի, կկազմի 3.2%՝ ապրիլին սպասվող 5,5%-ի փոխարեն։ Fitch-ի գնահատմամբ՝ ՀՀ կառավարության պարտքը 2020թ․-ի վերջին ՀՆԱ-ի 53,5%-ից կհասնի 63,9%-ի, իսկ 2021թ․-ին՝ ՀՆԱ-ի 65,6%-ի։

Այնուամենայնիվ, Հայաստանի Կենտրոնական բանկը շարունակում է կառավարել և՛ վճարային հաշվեկշիռը, և՛ ազգային արժույթի փոխարժեքը։ Մարտին հայկական դրամը դոլարի նկատմամբ ընկավ 5 տոկոսով, բայց արդեն ապրիլի վերջին վերադարձավ նախաճգնաժամային մակարդակին (նախքան համավարակը), այն դեպքում, երբ Կենտրոնական բանկը ավելի քիչ արժույթ է նետում շուկա, քան անցյալ տարի, երբ ճգնաժամ չկար: Արդյունքում՝ արտարժութային պահուստների աճն ավելացել է, ինչը ֆինանսական պահուստներ է ստեղծում Կենտրոնական բանկի համար։ Պահպանվում է նաև միջազգային կազմակերպությունների ֆինանսավորումը, ինչը պահուստներ է ստեղծում արդեն կառավարության համար։

2020 թվականի օգոստոսին Հայաստանի արտարժութային պահուստները կազմել են 2,7 մլրդ, այսինքն՝ գրեթե նույնքան, որքան 2019 թվականի վերջին(2,8 մլրդ): Fitch-ի գնահատմամբ՝ այդ կայունությունը կպահպանվի։ Բացի այդ, հանրապետությունը չի ծախսել միջազգային ֆինանսական կազմակերպություններից ստացված 1,3 մլրդ դոլարը։

Ինչ վերաբերում է բանկային համակարգին, ապա խնդրահարույց վարկերի տեսակարար կշիռը մարտ ամսին 5,5 տոկոսից աճել է մինչև 6,6 տոկոս, իսկ 2021 թվականին սպասվում է հետագա աճ: Բայց նույնիսկ ներկայիս մակարդակում դրանց տոկոսն ավելի ցածր է, քան Ադրբեջանում (7,3 տոկոս՝ 2020 թվականի մայիսի համեմատ, Fitch-ի գնահատմամբ) ։

Հայաստանում բանկային ավանդների ծավալը փոքր-ինչ նվազել է, բայց կորոնավիրուսի, այլ ոչ թե հակամարտության պատճառով, նշում է Fitch-ը: Մարտի համեմատ դրանց ծավալը նվազել է 18,4 տոկոսով, օգոստոսի համեմատ՝ աճել է 12,5 տոկոսով, և ավանդների զանգվածային արտահոսք չի նկատվում: Իսկ պետության բիզնես վարկերի աջակցության ծրագրերի շնորհիվ օգոստոսին դրանց ծավալն աճել է 17,8 տոկոսով՝ 2018-ի օգոստոսի համեմատ։

 

262
թեգերը:
Պատերազմ, Ադրբեջան, Հայաստան, Բանկ
թեմա:
Ադրբեջանական ագրեսիան Արցախում - 2020 (1817)
Ըստ թեմայի
Նախարարությունն արդեն 9 մլրդ դրամից ավելի գումար է ծախսել «կորոնավիրուսի վրա». մանրամասներ
Կապիտալ ծախսերը դարձյալ թերակատարվել են. ԿԲ–ն հաստատում է խնդրի առկայությունը
Երևանը 100 միլիոն դրամ կհատկացնի Ստեփանակերտի վերականգնման համար
Նիկոլ Փաշինյան

Փաշինյանը պատմել է Հովհաննիսյանի հետ զրույցի ու իր հաճելի զարմանքի մասին

509
(Թարմացված է 19:58 28.10.2020)
Պետեկամուտների նախագահը զարմանալի տեղեկություն է հայտնել է Հայաստանի վարչապետին։ Փաշինյանը հպարտացել է գործարարներով։

ԵՐԵՎԱՆ, 28 հոկտեմբերի – Sputnik. ՀՀ վարչապետ Նիկոլ Փաշինյանը հայտնում է, որ պատերազմի ընթացքում հարկ վճարողների վարքագիծը էականորեն փոխվել է։ Չնայած տնտեսական բարդ իրավիճակին, նրանք ավելի պարտաճանաչ են դարձել։

«Այսօր աշխատանքային հանդիպում ունեցա ՊԵԿ նախագահ Էդվարդ Հովհաննիսյանի հետ, և նա մի զարմանալի տեղեկություն հայտնեց»,- Facebook–ի իր էջում գրել է նա և ավելացրել, որ տարվա կտրվածքով բյուջեի վերանայված պլանի շուրջ 40 մլրդ դրամի գերակատարում է կանխատեսվում, ինչն այնքան անհրաժեշտ է այս պահին Հայաստանի տնտեսությանը:

Փաշինյանի խոսքով` սա մեր հանրության դիմակայունության կարևոր ցուցիչ է, համազգային համախմբման փայլուն օրինակ։

«Հպարտանում եմ մեր գործարարներով։ Հարգանքներիս հավաստիքը»,- նշել է վարչապետը։

Հիշեցնենք՝ այս տարվա հունվար-սեպտեմբեր ամիսների ընթացքում պետական բյուջե է հավաքագրվել 1 տրիլիոն 16.8 մլրդ դրամ գումար` նախատեսված 999.1 մլրդ դրամի փոխարեն:

Կոռուպցիոն արտոնություններ. ահա թե ինչու է Թուրքիայից ներկրվել միլիոնավոր դոլարների ապրանք

Միայն հարկային մարմինների հավաքագրած հարկային եկամուտները կազմել են 916.7 մլրդ դրամ, այն դեպքում, երբ 2019թ. նույն ժամանակահատվածին հավաքագրվել էր 901.6 մլրդ դրամ:

Մաքսային մարմինների հավաքագրած եկամուտները կազմել են 199 մլրդ դրամ` 2019թ.–ի 266.8 մլրդ դրամի փոխարեն:

Ռազմական դրության ժամանակ պետությունը կօգնի իրեն աջակցող գործարարներին

509
թեգերը:
Էդվարդ Հովհաննիսյան (ՊԵԿ նախագահ), գործարար, Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան
Ըստ թեմայի
Ինչո՞ւ են որոշ ապրանքներ թանկացել, ու ինչ անել առանց թուրքական արտադրանքի
Պատերազմի պատճառով հանրության ֆինանսական վարքագծում խուճապային տրամադրություն չկա
Բանկերը պատրաստակամ են առավելագույն մեծ ծավալով վարկեր ներել. օրենքն արդեն գործում է
Հումանիտար օգնություն

Ռազմական դրության ժամանակ պետությունը կօգնի իրեն աջակցող գործարարներին

97
(Թարմացված է 17:35 28.10.2020)
ՊԵԿ-ը մանրամասնել է, թե ինչ կարգով և որ դեպքում են Հայաստանին ու Արցախին աջակցություն տրամադրող գործարարներն ազատվում հարկային պարտավորությունից:

ԵՐԵՎԱՆ, 28 հոկտեմբերի – Sputnik. Պատերազմի օրերին հաղթանակի շուրջ համախմբված անհատներն ու կազմակերպությունները Հայաստան օժանդակություն ուղարկելիս կարող են չմտածել հարկեր վճարելու մասին: ՀՀ պետեկամուտների կոմիտեն հիշեցնում է, որ հոկտեմբերի 23-ից ուժի մեջ է մտել «Ռազմական դրության ժամանակահատվածում հարկային արտոնություններ սահմանելու մասին» օրենքը, որով սահմանված արտոնությունները վերաբերելու են սեպտեմբերի 27-ից հետո կատարված աջակցություններին:

Ըստ օրենքի`նվիրատվությունը պետք է կատարվի 5 գերատեսչություններից որևէ մեկին` պաշտպանության, արտակարգ իրավիճակների, տարածքային կառավարման և ենթակառուցվածքների, բարձր տեխնոլոգիական արդյունաբերության կամ առողջապահության նախարարությանը, և վերաբերում է Եվրասիական տնտեսական միությունից կատարված ներկրումներին: Իսկ երրորդ երկրներից ներմուծումների պարագայում արդեն վաղուց հարկային արտոնություն է գործում՝ հրաժարում հօգուտ պետությանը ընթացակարգի դեպքում:

Որպեսզի արտոնությունը կիրառվի, ԵԱՏՄ միասնական օրենսդրության պահանջով պետք է, այնուամենայնիվ, ներկայացնել ներմուծման հարկային հայտարարագիր և անուղղակի հարկերը վճարված լինելու վերաբերյալ հայտարարություն: Կազմակերպությունները, անհատ ձեռնարկատերերը և նոտարները պետք է նաև հաշվարկային փաստաթղթեր դուրս գրեն ստացող նախարարություններին, որոնք էլ պետք է վավերացնեն փաստաթուղթը:

Պատերազմի պատճառով հանրության ֆինանսական վարքագծում խուճապային տրամադրություն չկա

Ֆիզիկական անձանց դեպքում արտոնությունից օգտվելու կարգն այլ է: Եթե ռազմական դրության օրերին անձը սահմանված չափաքանակներից շատ ապրանք ներմուծի Հայաստան և նվիրաբերի պետությանը, ապա այդ գերազանցող մասի համար ստիպված չի լինի հարկեր վճարել:

Հարկային արտոնության մյուս խումբը վերաբերում է պարտադիր դրոշմավորման ենթակա ապրանքներին: Օրինակ` շշալցված և հանքային ջրերը կամ այլ ապրանքատեսակներ այս օրերին հնարավոր է պետությանն անհատույց օտարել` առանց պիտակավորման:

Պետությանն անհատույց տրամադրելու դեպքում հարկերից ազատվող ապրանքների ցանկը սահմանված է կառավարության որոշմամբ:

97
թեգերը:
հարկեր, գործարար, Պետական եկամուտների կոմիտե (ՊԵԿ), Հայաստան
Ըստ թեմայի
Ինչո՞ւ են որոշ ապրանքներ թանկացել, ու ինչ անել առանց թուրքական արտադրանքի
Պատերազմն ու կորոնավիրուսն ազդել են. տնտեսական ակտիվության ցուցանիշը նվազել է 7.5%–ով
Պատերազմ գնացողները գումարը հանում ու թողնում են ընտանիքի անդամներին. ավանդները նվազել են
ԱԻՆ–ի աշխատակիցներ. արխիվային լուսաանկար

Սպիտակի բժշկական կենտրոնում պայթյուն է տեղի ունեցել

97
(Թարմացված է 15:31 30.10.2020)
Առողջապահության նախարարությունը նախնական վարկածի վերաբերյալ որոշ տեղեկություններ է հայտնել։

ԵՐԵՎԱՆ, 30 հոկտեմբերի – Sputnik. Սպիտակի բժշկական կենտրոնում տեղի է ունեցել պայթյուն: Ինչպես Facebook–ի իր էջում հայտնել է ՀՀ առողջապահության նախարարի մամուլի քարտուղար Ալինա Նիկողոսյանը, նախնական տեղեկություններով` պայթել է թթվածնի մատակարարման համակարգը։

Դեպքի մանրամասները պարզվում են։ Նախարարությունը խոստանում է ավելի ուշ տրամադրել լրացուցիչ տեղեկատվություն:

97
թեմա:
Վթար, պատահար, սպանություն, գողություն