Տրվում է վարձով

«Օգնություն օգնության համար»․ ի՞նչ վիճակում է բիզնեսը Հայաստանում համավարակից հետո

125
(Թարմացված է 23:03 25.09.2020)
Պետեկամուտների կոմիտեն գործունեությունը դադարեցնող տնտեսվարողների մասին տվյալներ է ներկայացրել։ Տնտեսագետները մատնանշում են կառավարության աշխատանքի թերություններն ու լուծումներ առաջարկում։

ԵՐԵՎԱՆ, 25 սեպտեմբերի — Sputnik. Հայաստանում կորոնավիրուսային համավարակի ամենաթեժ հատվածում՝ ապրիլից օգոստոս ամիսներին, տնտեսական գործունեության շատ տեսակներ պարզապես «մեռած» վիճակում էին, ինչը կապված էր ոչ այդքան սահմանված արգելքների, որքան քաղաքացիների վճարունակության սարսափելի անկման հետ։

Պետական եկամուտների կոմիտեի տվյալների համաձայն՝ ամենամեծ կորուստներն ունեցել են մանրածախ ու մեծածախ վաճառքի ոլորտներն ու ավտոսերվիսի ոլորտը (ավտոլվացման, մեքենաների ու մոտոցիկլետների նորոգման կետերը)։ Ընդհանուր առմամբ երկրում փակվել է 1213 օբյեկտ, 5058-ը ժամանակավոր դադարեցրել են գործունեությունը, 874-ը՝ վերսկսել։

Հյուրանոցային ծառայությունների ու հանրային սննդի ոլորտում էլ անմխիթար վիճակ է։ Այստեղ 118 օբյեկտ փակվել է, 974-ը դադարեցրել է գործունեությունը ու ընդամենը 217-ն են վերաբացվել։

Մշակույթի, ժամանցի ու հանգստի ոլորտում 34 ընկերություն փակվել է, 201-ը ժամանակավոր դադարեցրել են գործունեությունը, իսկ 29-ը՝ վերսկսել են այն։ Այսպիսով՝ զբոսաշրջության ոլորտում պարապուրդը անդրադարձ հարված է հասցրել նաև հարակից ոլորտներին, թեև պետությունը միանվագ վճարումների տեսքով աջակցություն է տրամադրել։

Փակվող տնտեսվարողների մասին են վկայում նաև Երևանի փողոցների բազմաթիվ հայտարարությունները վարձով տրվող տարածքների մասին։

Երևանի կենտրոնում գործող, այժմ վաճառվող հրուշակարանի սեփականատերը Sputnik Արմենիայի հետ զրույցում ասաց, որ այն դեկտեմբերին է բացել, վարկով։ Մարտին, երբ արտակարգ դրության ռեժիմ հայտարարվեց, բիզնեսը լուրջ կորուստներ ունեցավ, ու այժմ վարկային պարտքերը ստիպում են ծայրահեղ քայլերի դիմել։

«Խոսող» ծաղիկներ Գյումրիից, կամ ինչպես 17-ամյա Անին բիզնես հիմնեց պանդեմիայի օրերին

Տարածքը գնելու բազում ցանկացողներ կան, բայց դրանք հիմնականում խոշոր ցանցային ընկերություններ են, որոնք արտակարգ դրության ժամանակ շարունակել են առաքումներով աշխատել ու լուրջ կորուստներ չեն կրել։

Երևանի ամենամոդայիկ գինու ռեստորաններից մեկը նույնպես չկարողացավ վերաբացվել սահմանափակումները վերացնելուց հետո՝ խիստ կարանտինի ժամանակ առաջացած խնդիրների պատճառով

Իսկ ահա կոսմետիկայի խանութի սեփականատերը, որի խանութի վաճառքի մասին սոցցանցերում հայտարարություններ էին տարածվում, միտքը փոխել է։ Այս դեպքում սահմանափակումները վերացնելուց հետո բիզնեսն արագ տեմպերով սկսել է վերականգնվել ու նորից եկամտաբեր դառնալ։ Հավանականություն կա, որ կհաջողվի կորուստները փոխհատուցել ու նորից սկսել եկամուտ ստանալ։

Մեզ հետ զրույցում խանութի տերն ասաց, որ կառավարությունից օգնություն է ստացել, բայց կարծում է, որ այն անիմաստ է ու չի կարող ոչ մի խնդիր լուծել։

«Ավելի լավ է հարկերի վճարելու ժամկետը երկարացնեին կամ ազատեին դրանցից։ Իմ ստացած 67 հազար դրամը կամ իմ աշխատակցի ստացած 19 հազար դրամը չեն կարող ծածկել մեր ծախսերը։ Դա անհեթեթություն է»․ - ասաց տղամարդը։ 

Տնտեսագետ Թադևոս Ավետիսյանը կարծում է, որ կառավարությունը պետք է կարողանա կանխատեսե ու կանխել խնդիրները, ոչ թե սպասել, մինչև դանակը ոսկորին հասնի ու սկսել բոլորովին անարդյունավետ ծրագրեր իրականացնել։ Նա վստահ է, որ օգնությունը ոչ թե թիրախային էր, այլ զուտ «օգնություն օգնության համար» սկզբունքով էր։

Պետք էր սահմանել առաջնահերթությունները, ռեալ գնահատել իրավիճակն ու փուլ առ փուլ գնահատել կորոնավիրուսի հետևանքները մեղմելու նպատակով իրականացվող միջոցառումների արդյունավետությունը։

 «Շեշտը պետք է դրվի աշխատատեղերը պահպանելու վրա։ Պետությունը պետք է կիսի գործատուների բեռը, ոչ թե վարկեր առաջարկի ու սպասի, որ գործատուն կհամաձայնի իր պայմաններին», - ասաց տնտեսագետը։

Բժիշկները կհանգստանան, հյուրանոցային բիզնեսն էլ չի տուժի. Թանդիլյանը դիմել է վարչապետին

Ավետիսյանը կարծում է, որ կառավարությունը պետք է սթափ գնահատի իրավիճակը, կարգի բերի պաշտոնական վիճակագրությունը, արձանագրի բոլոր խնդիրներն ու ձախողումները, պատժի նրանց, ով իր գործը լավ չի արել, ճիշտ գնահատի առաջնահերթություններն ու սկսի արդյունավետ ծրագրեր իրականացնել։

Առաջնահերթ պետք է լինեն այն ոլորտները, որոնք մյուսներից ավելի շատ են տուժել, նաև նրանք, որոնք կարող են տնտեսության մեջ լոկոմոտիվի դեր խաղալ։

Իսկ ահա տնտեսագետ Բագրատ Ասատրյանը կարծում է, որ պետությունը պետք է ուշադրություն դարձնի շինարարական ոլորտին։ Այստեղ, ի դեպ, ապրիլից օգոստոս փակվել է 23 ընկերություն, 231-ը ժամանակավոր դադարեցրել է գործունեությունն ու ընդամենը 49՝ վերաբացվել։ Տնտեսության վերականգնման տեսակետից նա հենց այդ ոլորտն է առաջնահերթային համարում։ Սակայն դրան պատշաճ ուշադրություն չեն դարձնում, չնայած հենց այստեղ է կարելի զգալի աճ ակնկալել՝ ի տարբերություն անկանխատեսելի ու այս պահին «մեռած» զբոսաշրջությանը։

«Ընդհանուր առմամբ դեռ վաղ է խոսել տնտեսության ու տուժած ոլորտների վերականգման մասին, քանի որ շատ բան կախված է արտաքին ցուցանիշներից։ Զբոսաշրջության դեպքում՝ Ռուսաստանից ու այնտեղից եկող զբոսաշրջիկների հոսքից։ Նույնիսկ եթե համավարակը վաղը հրաշքով ավարտվի, ապա եկամուտները անմիջապես չեն վերականգնվի», - ասաց նա։

Անշարժ գույքի հետ կապված գործունեություն իրականացնող 5 ընկերություն լուծարվել է, 205-ը՝ ժամանակավորապես դադարեցրել գործունեությունը և ընդամենը 32-ը՝ վերաբացվել։

«Սպասարկման այլ ծառայություններ» ոլորտում լուծարվել են 234 ընկերություններ, ժամանակավոր կասեցվել են 1057-ը, վերաբացվել են ընդամենը 154-ը։ Մասնագիտական, գիտական և տեխնիկական գործունեությամբ զբաղվող 67 ընկերություն է լուծարվել, գործունեությունը ժամանակավորապես դադարեցրել է 493-ը, վերաբացվել՝ 70-ը։

Հիշեցնենք, որ խոսքը այս տարվա ապրիլի 1-ից մինչեւ օգոստոսի 31-ն ընկած ժամանակաշրջանի մասին է։ Այս շրջանում, ՊԵԿ-ի ներկայացմամբ, վարչարարական եւ օժանդակ գործունեություն իրականացնող 39 ընկերություն է հաշվառումից հանվել կամ լուծարվել, ժամանակավոր փակվել է 449-ը, վերաբացվել է 56-ը։ Իսկ կրթության ոլորտում լուծարվել է 21 ընկերություն, ժամանակավոր դադարեցվել՝ 136-ը, վերաբացվել՝ 25-ը։ Առողջապահություն, բնակչության սոցիալական սպասարկման ոլորտում 10 ընկերություն լուծարվել է, գործունեությունը ժամանակավոր դադարեցրել նույն ոլորտից 120 ընկերություն, վերաբացվել է ընդամենը 50-ը։

Ի՞նչ կարելի է նկարել մեր շապիկների վրա. կին ձեռներեցները մեզ հաճելիորեն կզարմացնեն

Կառավարությունը համավարակի հետևանքները մեղմացնելուն ուղղված 24 միջոցառում է իրականացրել ու տարատեսակ օգնություն է ցուցաբերել՝ սկսած դրամաշնորհներից ու վարկերից վերջացրած անհատներին ու բիզնեսին տրամադրվող միանվագ վճարումներով։

125
թեգերը:
Հայաստան, համավարակ, բիզնես, տնտեսություն
Ըստ թեմայի
Ինչո՞վ է պայմանավորված աշխատատեղերի աճը. իրական պատկերը տեսանելի կլինի աշնան վերջին
Վարկային համաներում կլինի, եթե ավանդատուները համաձայնեն հրաժարվել տոկոսներից. Երիցյան
Ի՞նչն է մարդկանց գյուղ տանում, կամ ինչո՞ւ է անշարժ գույքի շուկայում գնանկումն ուշանում
Նիկոլ Փաշինյան

Փաշինյանը պատմել է Հովհաննիսյանի հետ զրույցի ու իր հաճելի զարմանքի մասին

509
(Թարմացված է 19:58 28.10.2020)
Պետեկամուտների նախագահը զարմանալի տեղեկություն է հայտնել է Հայաստանի վարչապետին։ Փաշինյանը հպարտացել է գործարարներով։

ԵՐԵՎԱՆ, 28 հոկտեմբերի – Sputnik. ՀՀ վարչապետ Նիկոլ Փաշինյանը հայտնում է, որ պատերազմի ընթացքում հարկ վճարողների վարքագիծը էականորեն փոխվել է։ Չնայած տնտեսական բարդ իրավիճակին, նրանք ավելի պարտաճանաչ են դարձել։

«Այսօր աշխատանքային հանդիպում ունեցա ՊԵԿ նախագահ Էդվարդ Հովհաննիսյանի հետ, և նա մի զարմանալի տեղեկություն հայտնեց»,- Facebook–ի իր էջում գրել է նա և ավելացրել, որ տարվա կտրվածքով բյուջեի վերանայված պլանի շուրջ 40 մլրդ դրամի գերակատարում է կանխատեսվում, ինչն այնքան անհրաժեշտ է այս պահին Հայաստանի տնտեսությանը:

Փաշինյանի խոսքով` սա մեր հանրության դիմակայունության կարևոր ցուցիչ է, համազգային համախմբման փայլուն օրինակ։

«Հպարտանում եմ մեր գործարարներով։ Հարգանքներիս հավաստիքը»,- նշել է վարչապետը։

Հիշեցնենք՝ այս տարվա հունվար-սեպտեմբեր ամիսների ընթացքում պետական բյուջե է հավաքագրվել 1 տրիլիոն 16.8 մլրդ դրամ գումար` նախատեսված 999.1 մլրդ դրամի փոխարեն:

Կոռուպցիոն արտոնություններ. ահա թե ինչու է Թուրքիայից ներկրվել միլիոնավոր դոլարների ապրանք

Միայն հարկային մարմինների հավաքագրած հարկային եկամուտները կազմել են 916.7 մլրդ դրամ, այն դեպքում, երբ 2019թ. նույն ժամանակահատվածին հավաքագրվել էր 901.6 մլրդ դրամ:

Մաքսային մարմինների հավաքագրած եկամուտները կազմել են 199 մլրդ դրամ` 2019թ.–ի 266.8 մլրդ դրամի փոխարեն:

Ռազմական դրության ժամանակ պետությունը կօգնի իրեն աջակցող գործարարներին

509
թեգերը:
Էդվարդ Հովհաննիսյան (ՊԵԿ նախագահ), գործարար, Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան
Ըստ թեմայի
Ինչո՞ւ են որոշ ապրանքներ թանկացել, ու ինչ անել առանց թուրքական արտադրանքի
Պատերազմի պատճառով հանրության ֆինանսական վարքագծում խուճապային տրամադրություն չկա
Բանկերը պատրաստակամ են առավելագույն մեծ ծավալով վարկեր ներել. օրենքն արդեն գործում է
Հումանիտար օգնություն

Ռազմական դրության ժամանակ պետությունը կօգնի իրեն աջակցող գործարարներին

98
(Թարմացված է 17:35 28.10.2020)
ՊԵԿ-ը մանրամասնել է, թե ինչ կարգով և որ դեպքում են Հայաստանին ու Արցախին աջակցություն տրամադրող գործարարներն ազատվում հարկային պարտավորությունից:

ԵՐԵՎԱՆ, 28 հոկտեմբերի – Sputnik. Պատերազմի օրերին հաղթանակի շուրջ համախմբված անհատներն ու կազմակերպությունները Հայաստան օժանդակություն ուղարկելիս կարող են չմտածել հարկեր վճարելու մասին: ՀՀ պետեկամուտների կոմիտեն հիշեցնում է, որ հոկտեմբերի 23-ից ուժի մեջ է մտել «Ռազմական դրության ժամանակահատվածում հարկային արտոնություններ սահմանելու մասին» օրենքը, որով սահմանված արտոնությունները վերաբերելու են սեպտեմբերի 27-ից հետո կատարված աջակցություններին:

Ըստ օրենքի`նվիրատվությունը պետք է կատարվի 5 գերատեսչություններից որևէ մեկին` պաշտպանության, արտակարգ իրավիճակների, տարածքային կառավարման և ենթակառուցվածքների, բարձր տեխնոլոգիական արդյունաբերության կամ առողջապահության նախարարությանը, և վերաբերում է Եվրասիական տնտեսական միությունից կատարված ներկրումներին: Իսկ երրորդ երկրներից ներմուծումների պարագայում արդեն վաղուց հարկային արտոնություն է գործում՝ հրաժարում հօգուտ պետությանը ընթացակարգի դեպքում:

Որպեսզի արտոնությունը կիրառվի, ԵԱՏՄ միասնական օրենսդրության պահանջով պետք է, այնուամենայնիվ, ներկայացնել ներմուծման հարկային հայտարարագիր և անուղղակի հարկերը վճարված լինելու վերաբերյալ հայտարարություն: Կազմակերպությունները, անհատ ձեռնարկատերերը և նոտարները պետք է նաև հաշվարկային փաստաթղթեր դուրս գրեն ստացող նախարարություններին, որոնք էլ պետք է վավերացնեն փաստաթուղթը:

Պատերազմի պատճառով հանրության ֆինանսական վարքագծում խուճապային տրամադրություն չկա

Ֆիզիկական անձանց դեպքում արտոնությունից օգտվելու կարգն այլ է: Եթե ռազմական դրության օրերին անձը սահմանված չափաքանակներից շատ ապրանք ներմուծի Հայաստան և նվիրաբերի պետությանը, ապա այդ գերազանցող մասի համար ստիպված չի լինի հարկեր վճարել:

Հարկային արտոնության մյուս խումբը վերաբերում է պարտադիր դրոշմավորման ենթակա ապրանքներին: Օրինակ` շշալցված և հանքային ջրերը կամ այլ ապրանքատեսակներ այս օրերին հնարավոր է պետությանն անհատույց օտարել` առանց պիտակավորման:

Պետությանն անհատույց տրամադրելու դեպքում հարկերից ազատվող ապրանքների ցանկը սահմանված է կառավարության որոշմամբ:

98
թեգերը:
հարկեր, գործարար, Պետական եկամուտների կոմիտե (ՊԵԿ), Հայաստան
Ըստ թեմայի
Ինչո՞ւ են որոշ ապրանքներ թանկացել, ու ինչ անել առանց թուրքական արտադրանքի
Պատերազմն ու կորոնավիրուսն ազդել են. տնտեսական ակտիվության ցուցանիշը նվազել է 7.5%–ով
Պատերազմ գնացողները գումարը հանում ու թողնում են ընտանիքի անդամներին. ավանդները նվազել են
Վլադիմիր Ժիրինովսկի

Վլադիմիր Ժիրինովսկին Ղարաբաղի թեման կքննարկի Գագիկ Ծառուկյանի հետ

0
(Թարմացված է 16:36 30.10.2020)
Լիբերալ–դեմոկրատական կուսակցության առաջնորդի և «Բարգավաճ Հայաստանի» ներկայացուցիչների հանդիպումը տեղի կունենա Ժիրինովսկու` Պետդումայի աշխատասենյակում։

ԵՐԵՎԱՆ, 30 հոկտեմբերի - Sputnik. Ռուսաստանի լիբերալ-դեմոկրատական կուսակցության առաջնորդ Վլադիմիր Ժիրինովսկին Լեռնային Ղարաբաղի իրադրությունը կքննարկի Հայաստանի Ազգային ժողովի ԲՀԿ-ական պատգամավորների պատվիրակության հետ, որը գլխավորում է կուսակցության նախագահ Գագիկ Ծառուկյանը: Տեղեկությունը հայտնում է Ժիրինովսկու կուսակցության մամուլի ծառայությունը։

«Հանդիպումը կկայանա այսօր Ժիրինովսկու` Պետդումայի աշխատասենյակում։ Կքննարկվեն Հայաստանում և Լեռնային Ղարաբաղում տեղի ունեցած վերջին իրադարձությունները», - գրված է հաղորդագրության մեջ:

Ավելի վաղ Հայաստանի խորհրդարանի փոխխոսնակ Վահե Էնֆիաջյանը հայտնել էր, որ «հաշվի առնելով «Բարգավաճ Հայաստան» կուսակցության և ՌԴ իշխող «Եդինայա Ռոսիա» կուսակցությունների միջև երկարամյա գործակցությունը ՝ ԲՀԿ նախագահ Գագիկ Ծառուկյանը որոշում է կայացրել հրատապ կարգով միջկուսակցական մակարդակում գործընկերների հետ քննարկել Արցախում և Հայաստանի սահմաններին ստեղծված ծանր իրավիճակը: Էնֆիաջյանի խոսքով` ռազմավարական գործընկերների հետ քննարկման առարկա են դառնալու ինչպես թուրք-ադրբեջանական ահաբեկչական տանդեմի կողմից սանձազերծված պատերազմին, այնպես էլ այս պատերազմում Թուրքիայի անմիջական ներգրավվածության և Թուրքիայի միջոցով ադրբեջանական բանակը միջազգային ահաբեկիչներով զինելուն վերաբերող հարցեր:

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

0
թեգերը:
Վլադիմիր Ժիրինովսկի, Գագիկ Ծառուկյան, Ռուսաստան, Հայաստան
Ըստ թեմայի
ԲՀԿ պատգամավորները հրատապ գործուղվել են Մոսկվա
Գագիկ Խաչատրյանն էլ գրավի դիմաց ազատ արձակվեց
«Արցախի նախագահի հետ կապի մեջ եմ եղել». Ծառուկյանը դուրս եկավ ԱԱԾ մեկուսարանից