Գագիկ Աբովյան

ՀՀ-ում ռուսական հրթիռների դետալներ են պատրաստում․ բացառիկ գործարանը աջակցության կարիք ունի

629
(Թարմացված է 00:16 18.08.2020)
Նոյեմբերյանում բարձրորակ հակազդիչ-փականներ են արտադրում, որոնք ձեռք է բերում ռուսական ռազմաարդյունաբերական համալիրի էլեկտրոնային արդյունաբերությունը։ Տարիներ առաջ դրանք սկսեցին կիրառել հրթիռային համալիրների արդյունաբերության մեջ։

ԵՐԵՎԱՆ, 17 օգոստոսի–Sputnik, Արամ Գարեգինյան․ Հրաշալի վայրեր ունեք։ Զբոսաշրջիկներ բերեք այստեղ, կերակրեք նրանց խոզի խորովածով, դեղձի կոմպոտ ու տնական օղի հյուրասիրեք։ Այդպես էլ ապրեք, իսկ արդյունաբերության մասին՝ մոռացեք։ Ո՛չ բանվորներ, ո՛չ ինժեներներ մի պատրաստեք։ Դա անպետք, հնաոճ և թունավոր մասնագիտություն է։

Այսպիսի «հրաշալի» խորհուրդներ էին տալիս Հայաստանի իշխանություններին տասնյակ միջազգային խորհրդատուներ, որոնք գալիս էին, դիտում տեղի տեսարժան վայրերը, ստուգում իրենց «չեկերն» ու հեռանում։

«Դե, չգիտեմ։ Գուցե ինչ-որ մեկին պետք չէ, իսկ մենք, ահա, աշխատում ենք»,- մեզ հետ զրույցում ասում է Գագիկ Աբովյանը։ Նրա վարպետները նոյեմբերյանցիներ են՝ սովորական մարդիկ, որոնք կարող են դեղձ ու թուզ աճեցնել, իսկ տղամարդիկ նաև լավ խորոված են պատրաստում։ Բացի այդ՝ նրանք կարողանում են հսկայական հրթիռների համար փոքրիկ դետալներ արտադրել։

Նոյեմբերյանի «Արտամետե» գործարանից դրանք ուղարկում են ռուսական ռազմաարդյունաբերության պատվիրատուներին։ Գործարանն աշխատել է 80-ականների վերջից մինչև 90-ականների կեսերը, իսկ ավելի ուշ՝ 2010 թ․-ին, Աբովյանին հաջողվել է գտնել հին վարպետներին ու պատվիրատուներին և վերագործարկել գործարանը։ Սակայն հիմա, զուտ գործընթացային խնդիրների պատճառով, ձեռնարկությունը պատվերների հետ կապված խնդիրներ ունի, իսկ տարածքի վարձակալները պահանջում են հաստոցները դուրս հանել։ Աշխատանքը ժամանակավորապես ստիպված են եղել դադարեցնել, և աշխատակիցներն արդեն երեք ամիս է՝ աշխատավարձ չեն ստացել։

Гагик Абовян, основатель предприятия Артамете по выпуску дросселей в городе Ноемберян
© Sputnik / Asatur Yesayants
Գագիկ Աբովյան

Սահմանամերձ քաղաքների ու գյուղերի զարգացման մասին շատ է խոսվում (և անկասկած, ինչ-ինչ բաներ անում են)։ Նոյեմբերյանում, որն Ադրբեջանի սահմանից բառացիորեն մի քանի կիլոմետր է հեռու, սեփական տներ կան, գլխավոր փողոցում՝ խանութներ, բանկեր և ռեստորան։ Քաղաքում գործում է պլաստիկե պատուհանների արտադրամաս և ոչ մեծ ալրաղաց։ Ժամանակին աշխատող խորհրդային ձեռնարկություններից ոչինչ չի մնացել։

«Եթե վերսկսեք աշխատանքը, ինչքա՞ն աշխատավարձ են ձեզ մոտ ստանում, ամսական մոտ 30 հազա՞ր»,- հարցնում ենք։

«Ի՜նչ երեսո՞ւն։ Մարդիկ կան, որ 200-250 հազար են վաստակում։ Բա, կարծում եք՝ ամեն մեկը կարո՞ղ է այսպիսի գործարանում աշխատել»,-պատասխանում է Աբովյանը։

Չորս տարի առաջ, երբ գործարանը դեռ աշխատում էր, ռուսաստանցի պատվիրատուներից նամակ եկավ․ «Շնորհավորում ենք, Ձեր «դրոսսելները» սկսել են օգտագործվել հրթիռների արտադրության համար»։

Աշխատող ոչ մեծ հաստոցներից մեկը նոյեմբերյանցի վարպետներն իրենք են նախագծել և հավաքել։

Предприятие по производству дросселей Артамете в городе Ноемберян
© Sputnik / Asatur Yesayants
«Արտամետե» «դրոսելների» արտադրական ձեռնարկություն, Նոյեմբերյան

 

Փոքրիկ դետալներ՝ մեծ հրթիռների համար

«Մենք բարձր հաճախականության դրոսսելներ ենք թողարկում։ Ովքեր խորհրդային տարիներին ռադիոտեխնիկայի խմբակներ են գնացել, կհիշեն, թե դա ինչ է։ Դրանք պահպանում են էլեկտրական հոսանքի և ռադիոալիքների անհրաժեշտ հաճախականությունը»- պատմում է Աբովյանը։

Որոշ ժամանակ առաջ այդ սարքերը մատակարարում էին էլեկտրաէներգիայի ցերեկային և գիշերային ծախսը հաշվարկող էլեկտրական հաշվիչների արտադրությանը, և անգամ մանկական էլեկտրական խաղալիքների արտադրությանը։ Բայց հիմնականում դրանք պատրաստում են պաշտպանության ոլորտի համար։

«Հայաստանում տոննաներով երկաթ է փոշիանում». բիզնեսը դեմ է ջարդոնի արտահանման տուրքին

«Մեզ մոտ որակը տեղն է, գինն էլ բարձր չէ։ Այդ պատճառով էլ ռուս պատվիրատուներն աշխատում են ոչ միայն իրենց ձեռնարկությունների, այլ նաև մեզ հետ։ Սակայն կազմակերպչական հարցեր կան, որոնց լուծման հարցում ակնկալում ենք պետության աջակցությունը»,-ընդգծում է Աբովյանը և հավելում, որ առայժմ պարզ չէ՝ արդյո՞ք հայկական ձեռնարկությունները կարող են պաշտպանական արտադրանք մատակարարել:

Предприятие по производству дросселей Артамете в городе Ноемберян
© Sputnik / Asatur Yesayants
«Արտամետե» «դրոսելների» արտադրական ձեռնարկություն, Նոյեմբերյան

Ռազմատեխնիկական համագործակցության զարգացման մասին հայ-ռուսական միջպետական պայմանագրով (վավերացվել է 2014 թվականին) նման մատակարարումները թույլատրված են, սակայն գործնականում ընթացակարգային դժվարություններ են առաջացել։

«Խնդիրը միայն դրանում է, իսկ որակի հետ ամեն ինչ կարգին է։ Հակառակ դեպքում, եթե տաս թույլտվություն էլ ունենայինք, ոչ ոք մեզնից ոչինչ չէր վերցնի, այնինչ վերցնում են, միայն թե ստիպված ենք միջնորդների միջոցով աշխատել»,- պարզաբանում է Աբովյանը։

Предприятие по производству дросселей Артамете в городе Ноемберян
© Sputnik / Asatur Yesayants
«Արտամետե» «դրոսելների» արտադրական ձեռնարկություն, Նոյեմբերյան

Փոքր՝ մի քանի հազար հատանոց խմբաքանակների պատվերները գործարանին «բաժին են ընկնում», երբ շտապ պատվեր է լինում, իսկ ռուսական գործարանները զբաղված են։ Եթե Ռուսաստան մատակարարման կազմակերպչական հարցրը լուծվի, հարյուր հազարավոր կտոր դետալների արտադրություն կսկսվի, իսկ ձեռնարկությունը ոչ թե 20-30, այլ հարյուրավոր աշխատակցի կարիք կունենա։

«Այս պահին մեզ մոտ աշխատող մասնագետները այնպիսի բաներ են կարողանում անել, որ ես չեմ կարողանում»,- ժպտալով խոստովանում է Աբովյանը։

Օրինակ՝ կոճը հավաքելու համար «դրոսսելի» միջուկը՝ բարակ մետաղական ձողիկը, պետք է դնել հաստոցի հատուկ անցքի մեջ, այնուհետև սեղմել լծակը, որպեսզի մետաղալարը փաթաթվի, և ճիշտ ժամանակին բաց թողնել այն։

«Երբ աշխատանքի էի ընդունում փաթաթող բանվորներին, նրանց ցույց էի տալիս, թե ինչպես պետք է դա անեն։ Ճիշտ է՝ ես էի սովորեցնում, բայց իմ դրած կոճի մետաղալարն ավելի շատ էր գնում, քան պետք է։ Կամ նույն տեղում էր փաթաթվում։ Իսկ նրանց մոտ՝ մեկ-երկու, և պատրաստ էր»,-ասում է Աբովյանը։

Գործողությունների վարպետություն է հարկավոր նաև արտադրության մյուս փուլերում․ միջուկների սոսնձում, կոճերի ներկում, քիմմաքրում և այլն։ Ընդամենը մեկ հազիվ երևացող դետալին 23 արտադրական գործողություն է բաժին ընկնում, որն անցնում է արտադրական վերահսկողության մի քանի փուլով։

Գործարանի աշխատակիցները մեծ մասամբ տարիքով մարդիկ են, բայց ներկող և փաթաթող աշխատակիցների մեջ 20-25 տարեկան երիտասարդներ էլ կան։ Սկզբում նրանք 60 հազարական դրամ էին ստանում, հիմա՝ 120-140 հազար։

Այնտեղ, որտեղ երիտասարդներ չկան

Նոյեմբերյանում երիտասարդներն այնքան էլ շատ չեն․ բոլորը մեկնում են Երևան կամ ՌԴ՝ գումար աշխատելու։ Իսկ Բարեկամավան գյուղում՝ Ադրբեջանի հետ սահմանին, երիտասարդներն ավելի քիչ են։ Այստեղ Աբովյանը գործարանի մասնաճյուղ էր հիմնել, որն աշխատեց վեց տարի (դրոսսելների արտադրություն)։

Բարեկամավանի մեծ մասը հաճախ է ենթարկվում ադրբեջանական գնդակոծության, հետևաբար այստեղ կարելի է գումար վաստակել միայն այգեգործությամբ կամ մեղվաբուծությամբ։ Որոշ գյուղացիներ տնամերձ հողմասերում փեթակներ են տեղադրել և դրանով են իրենց ապրուստը հոգում։

Մաքուր էներգիայի աղբյուր. Հայաստանում հին անվադողերից վառելիք են ստանում. լուսանկարներ

90-ականներին տեղի բնակիչներից մեկը կապ հաստատեց «Հրազդան մաշ» էլեկտրատեխնիկական գործարանի հետ, որն այն ժամանակ դեռ գործում էր (ղեկավարում էր ՀՀ առաջին նախագահ Լևոն Տեր-Պետրոսյանի ավագ եղբայրը՝ Թելման Տեր-Պետրոսյանը)։ «Հրազդան մաշից» մասեր էին վերցնում ու պատրաստի դետալներ հավաքում։ Ավելի ուշ՝ Թելման Տեր-Պետրոսյանի մահից և Լևոն Տեր-Պետրոսյանի հրաժարականից հետո, գործարանը մաս-մաս թալանեցին, իսկ Բարեկամավանի մասնաճյուղը կնքեց իր մահկանացուն։

Աբովյանը կապ հաստատեց տարածքի սեփականատերերի հետ, վերցրեց այն և մարդիկ հավաքեց։ Վեց տարի շարունակ այնտեղ յոթ մարդ էր աշխատում, որոնք ամսական 70-80 հազար դրամ էին ստանում։

«Պատկերացրեք, թե ինչ եկամուտ է դա սահմանամերձ գյուղի համար։ Մենք նախաթոշակային տարիքի մարդկանց էինք հավաքել, որոնք ուրիշ տեղ չէին կարող աշխատել։ Չնայած, պետք է ասել, որ երիտասարդներն այնտեղ առհասարակ քիչ են, և դա շատ վատ է»,-նշում է Աբովյանը։

Այդ աշխատատեղերը փակվեցին, քանի որ գործարանը չկարողացավ լուծել վերոնշյալ խնդիրները։ Իսկ այժմ նմանատիպ խնդիրներ Նոյեմբերյանի ձեռնարկությունում են առաջացել։

Իսկ գուցե ո՛չ գործարան կա, ո՛չ էլ հրթիռնե՞ր

Գործարանը սեփական տարածք չունի, վարձակալում է։ Ներկայումս շինության սեփականատերը մտադիր է վաճառել այն կամ հյուրանոց կառուցել (այն գտնվում է Նոյեմբերյանի գլխավոր փողոցում)։ Գործարանի աշխատակիցներին դուրս հանեցին։

Աբովյանը ձեռնարկության համար նոր տարածք է փնտրում, իսկ այն ձեռք բերելու համար գումար է անհրաժեշտ։ Պարտքի տակ չընկնելու համար Աբովյանը որոշել է ձեռնարկությունը տեղափոխել մոտակա Կողբ գյուղ՝ անտառատնտեսության լքված պահեստ։

Դեռևս 2016թ․-ին նա հայտ էր ներկայացրել «Արմլես» հանրապետական անտառատնտեսություն։ Հայտն ընդունել էին, բայց 2017թ․-ին մերժեցին, իսկ հաջորդիվ ուղարկված հայտերն անարձագանք մնացին։ Աբովյանը նախկին իշխանություններին էլ է գրել, նորերին էլ, առայժմ՝ անարդյունք։

  • «Արտամետե» «դրոսելների» արտադրական ձեռնարկություն, Նոյեմբերյան
    «Արտամետե» «դրոսելների» արտադրական ձեռնարկություն, Նոյեմբերյան
    © Sputnik / Asatur Yesayants
  • «Արտամետե» «դրոսելների» արտադրական ձեռնարկություն, Նոյեմբերյան
    «Արտամետե» «դրոսելների» արտադրական ձեռնարկություն, Նոյեմբերյան
    © Sputnik / Asatur Yesayants
  • Предприятие по производству дросселей Артамете в городе Ноемберян
    Предприятие по производству дросселей "Артамете" в городе Ноемберян
    © Sputnik / Asatur Yesayants
  • «Արտամետե» «դրոսելների» արտադրական ձեռնարկություն, Նոյեմբերյան
    «Արտամետե» «դրոսելների» արտադրական ձեռնարկություն, Նոյեմբերյան
    © Sputnik / Asatur Yesayants
  • «Արտամետե» «դրոսելների» արտադրական ձեռնարկություն, Նոյեմբերյան
    «Արտամետե» «դրոսելների» արտադրական ձեռնարկություն, Նոյեմբերյան
    © Sputnik / Asatur Yesayants
  • «Արտամետե» «դրոսելների» արտադրական ձեռնարկություն, Նոյեմբերյան
    «Արտամետե» «դրոսելների» արտադրական ձեռնարկություն, Նոյեմբերյան
    © Sputnik / Asatur Yesayants
  • «Արտամետե» «դրոսելների» արտադրական ձեռնարկություն, Նոյեմբերյան
    «Արտամետե» «դրոսելների» արտադրական ձեռնարկություն, Նոյեմբերյան
    © Sputnik / Asatur Yesayants
  • «Արտամետե» «դրոսելների» արտադրական ձեռնարկություն, Նոյեմբերյան
    «Արտամետե» «դրոսելների» արտադրական ձեռնարկություն, Նոյեմբերյան
    © Sputnik / Asatur Yesayants
  • «Արտամետե» «դրոսելների» արտադրական ձեռնարկություն, Նոյեմբերյան
    «Արտամետե» «դրոսելների» արտադրական ձեռնարկություն, Նոյեմբերյան
    © Sputnik / Asatur Yesayants
  • «Արտամետե» «դրոսելների» արտադրական ձեռնարկություն, Նոյեմբերյան
    «Արտամետե» «դրոսելների» արտադրական ձեռնարկություն, Նոյեմբերյան
    © Sputnik / Asatur Yesayants
  • «Արտամետե» «դրոսելների» արտադրական ձեռնարկություն, Նոյեմբերյան
    «Արտամետե» «դրոսելների» արտադրական ձեռնարկություն, Նոյեմբերյան
    © Sputnik / Asatur Yesayants
  • «Արտամետե» «դրոսելների» արտադրական ձեռնարկություն, Նոյեմբերյան
    «Արտամետե» «դրոսելների» արտադրական ձեռնարկություն, Նոյեմբերյան
    © Sputnik / Asatur Yesayants
  • «Արտամետե» «դրոսելների» արտադրական ձեռնարկություն, Նոյեմբերյան
    «Արտամետե» «դրոսելների» արտադրական ձեռնարկություն, Նոյեմբերյան
    © Sputnik / Asatur Yesayants
  • «Արտամետե» «դրոսելների» արտադրական ձեռնարկություն, Նոյեմբերյան
    «Արտամետե» «դրոսելների» արտադրական ձեռնարկություն, Նոյեմբերյան
    © Sputnik / Asatur Yesayants
  • «Արտամետե» «դրոսելների» արտադրական ձեռնարկություն, Նոյեմբերյան
    «Արտամետե» «դրոսելների» արտադրական ձեռնարկություն, Նոյեմբերյան
    © Sputnik / Asatur Yesayants
  • «Արտամետե» «դրոսելների» արտադրական ձեռնարկություն, Նոյեմբերյան
    «Արտամետե» «դրոսելների» արտադրական ձեռնարկություն, Նոյեմբերյան
    © Sputnik / Asatur Yesayants
  • «Արտամետե» «դրոսելների» արտադրական ձեռնարկություն, Նոյեմբերյան
    «Արտամետե» «դրոսելների» արտադրական ձեռնարկություն, Նոյեմբերյան
    © Sputnik / Asatur Yesayants
  • «Արտամետե» «դրոսելների» արտադրական ձեռնարկություն, Նոյեմբերյան
    «Արտամետե» «դրոսելների» արտադրական ձեռնարկություն, Նոյեմբերյան
    © Sputnik / Asatur Yesayants
  • «Արտամետե» «դրոսելների» արտադրական ձեռնարկություն, Նոյեմբերյան
    «Արտամետե» «դրոսելների» արտադրական ձեռնարկություն, Նոյեմբերյան
    © Sputnik / Asatur Yesayants
1 / 19
© Sputnik / Asatur Yesayants
«Արտամետե» «դրոսելների» արտադրական ձեռնարկություն, Նոյեմբերյան

«Ամենավատն այն է, որ որևէ մեկը չի արձագանքում, ես չեմ տեսնում պետության հետաքրքրվածությունը։ Կարող էին գոնե այցելել գործարան, նայել, թե ի՞նչ են այստեղ արտադրում, ճի՞շտ եմ ասում, թե՞ չէ, վերջապես։ Իսկ, գուցե ոչ մի գործարան և ոչ մի հրթիռ էլ չկա՞։ Թող գոնե ստուգեն, ճշտեն ռուս գործընկերներից, հետո որոշեն՝ մեր երկրում նման արտադրության կարիք կա՞, թե՞ ոչ։ Հուսով եմ, որ կա»,-համոզված է Աբովյանը։

Եթե իշխանությունները բարի կամք ցուցաբերեն, ամեն ինչ լավ կընթանա։ Աբովյանն ինքը աշխատելու հսկայական կամք ունի։ Նա լիահույս է, որ առաջին իսկ հնարավորության դեպքում մեկ ամսում կկարողանան արտադրությունը վերականգնել։

Վառելիք՝ թափոններից, կամ աղբը ոչ թե աղբանոցներում է, այլ մարդկանց գլխում

629
թեգերը:
ռազմարդյունաբերություն, Ռուսաստան, գործարան, Հայաստան
Ըստ թեմայի
Բելառուսի ԲելԱԶ և ՄԱԶ գործարաններում բողոքի ակցիաներ են ընթանում. տեսանյութ
Արտադրված է Հայաստանում. «Կալաշնիկով» ինքնաձիգների գործարանի բացումը` լուսանկարներով
Լուկաշենկոն գործարանի աշխատողների հետ հանդիպման է մեկնել ուղղաթիռով
Վնասվել են դպրոցներ, տներ, «Տավուշ տեքստիլ» գործարանը․ ՄԻՊ-ը տեսանյութ է հրապարակել
Մթերային խանութ

Ինչո՞ւ են որոշ ապրանքներ թանկացել, ու ինչ անել առանց թուրքական արտադրանքի

179
(Թարմացված է 21:02 23.10.2020)
Մասնագետները կարծում են, որ թուրքական ապրանքները բոյկոտելու մասին Հայաստանի որոշումը ճիշտ էր։ Ինչ վերաբերում է տեղական շուկայում որոշ տեսակի ապրանքների թանկացմանը՝ դա կապված չէ պատերազմի հետ։

ԵՐԵՎԱՆ, 23 հոկտեմբերի — Sputnik. Հայաստանի սպառողական շուկան արժանապատվությամբ ընդունեց ռազմական դրության մարտահրավերը, ավելին, երկրում ստեղծված իրավիճակով պայմանավորված, պարենային մթերքի գնաճ չի գրանցվել։ Sputnik  Արմենիայի հետ զրույցում նման կարծիք հայտնեց «Սպառողների խորհրդատվության կենտրոն» ՀԿ-ի նախագահ Կարեն Չիլինգարյանը։

«Բեռնափոխադրումներն անխափան են իրականացվում, հետևաբար՝ երկրում պարենային դեֆիցիտ չկա։ Բեռներն ինչպես եկել, այնպես էլ գալիս են Վրաստանի ու Իրանի տարածքով» , - ասաց Չիլինգարյանը։

Նրա խոսքով՝ ապրանքի առանձին տեսակներ թանկացել են։ Դա կապ չունի Ղարաբաղում ընթացող պատերազմի հետ։ Թանկացումը պայմանավորված է երկու պատճառնով․ մրգի ու բանջարեղենի դեպքում դա սեզոնային է, մյուս դեպքերում կապված է այն երկրներում տեղի ունեցած գնաճով, որտեղից Հայաստան են ներմուծվում տվյալ ապրանքները։ Դրանցից են, օրինակ, արևածաղկի ձեթն ու կարագը, շաքարավազն ու ալյուրը։

«Viasat» ընկերությունը դադարեցնում է թուրքական «Բայրաքթար» ԱԹՍ–ների մասերի մատակարարումը

Փորձագետը պարզաբանում է, որ արևածաղկի ձեթը Հայաստանում թանկացել է, քանի որ Ռուսաստանում դրա գինը 20%-ով աճել է։ Չիլինգարյանը նշեց, որ երկրում առաջին անհրաժեշտության իրերի գնաճ չի գրանցվել։ Հիմնականում գնաճը սեզոնային բնույթ է կրում։

Օրինակ, աճել է ձմերուկի գինը։ Արքայանարնջի դեպքում գինը նվազում է, քանի որ հիմա այդ մրգի սեզոնն է։ Չեն փոփոխվել Հայաստանում արտադրվող մթերքի, նաև մսի ու ձկան գները։

Ինչ վերաբերում է թուրքական ապրանքի էմբարգոյին, որը ուժի մեջ կմտնի 2020 թվականի դեկտեմբերի 31-ին, Չիլինգարյանը միայն ողջունում է իշխանության այդ քայլը։ Փորձագետը, սակայն, կոչ է արել չբոյկոտել թուրքական այն արտադրանքը, որն արդեն վաճառվում է հայկական շուկայում։

«Մեր գործարարներն արդեն վճարել են ապրանքի համար, հետևաբար, դրանք հիմա Հայաստանում բոյկոտելով, վնասում եք ոչ թե Թուրքիային, այլ տեղացի գործարարներին», - ասաց Չիլինգարյանը։

Նրա խոսքով՝ հայկական տնտեսությունն ու գործարարները շատ չեն տուժի առանց թուրքական ապրանքների։ Հագուստից բացի, Թուրքիայից Հայաստան է բերվում կենցաղային քիմիա, լվացող ու մաքրող միջոցներ, որոնք հեշտորեն կարելի է փոխարինել։ Դեռ ժամանակ կա նոր շուկաներ գտնելու համար։ Թուրքական շուկային Հայաստանի համար այլընտրանք կարող են լինել Ռուսաստանի, ԱՊՀ երկրների, Իրանի, Չինաստանի ու այլ շուկաներ։

«Կովկաս» ինստիտուտի փորձագետ Հրանտ Միքայելյանն իր հերթին Sputnik Արմենիայի հետ զրույցում ասաց, որ պատերազմն ուժեղ ազդեցություն չի ունեցել հայկական շուկայի վրա։

«Դրամի փոխարժեքն երկու տոկոսով անկում է ապրել, ինչը գնաճի կհանգեցնի։ Սակայն պարենային անվտանգության ու ապրանքների գների առումով իրավիճակը կայուն է», - ասաց Միքայելյանը։

Հայկական դրամը դիմադրել է COVID-ին և պատերազմին, իսկ թուրքական լիրան՝ ոչ․ որն է պատճառը

Փորձագետը կարծում է, որ Հայաստանն առանց թուրքական ապրանքների չի տուժի։ Երկիրը պետք է օգուտ քաղի ստեղծված իրավիճակից ու սուբսիդավորի, մասնավորապես, տեղական արտադրությունը, ինչը թույլ կտա նոր աշխատատեղեր բացել։

Միքայելյանի խոսքով՝ թուրքական կենցաղային ապրանքները երկար ժամանակ մեծ դերակատարություն են ունեցել Հայաստանի սպառողական շուկայի կայունության պահպանման առումով։ Սակայն վերջին շրջանում իրավիճակը փոխվել է․ կենցաղային ապրանքները տարբեր երկրներից են գալիս, հատկապես, Հայաստանի՝ ԵԱՏՄ անդամ դառնալուց հետո։ Այժմ մենք այդ ապրանքն ավելի շատ գնում ենք ԵԱՏՄ երկրներից, գլխավորապես՝ Ռուսաստանից։

Բացի այդ՝ թուրքական ապրանքները կարելի է փոխարինել տեղականով։ Այդ պատճառով բացասական ազդեցությունը նվազագույն կլինի, քանի որ այլընտրանք կա։ Միքայելյանի խոսքով՝ թուրքական ապրանքը փոխարինելու հարցում Հայաստանի համար պոտենցիալ շուկա կարող է լինի Ռուսաստանը, Ուկրաինան, Իրանը, Բանգլադեշը, Չինաստանը։

Հայաստանն առաջարկում է Թուրքիային զրկել ԵԱՏՄ սակագնային արտոնություններից

Այդ կապակցությամբ Միքայելանը կարծում է, որ իշխանությունը պետք է օգնի բիզնեսին կապ հաստատել տարբեր երկրների ներկայացուցիչների հետ։

Ավելի վաղ ՀՀ տնտեսական մրցակցության պաշտպանության պետական հանձնաժողովը Facebook–ի իր էջում հրապարակել է հայաստանյան շուկայում պատերազմի ընթացքում թանկացած ապրանքների ցանկը։

Հանձաժողովի իրականացրած դիտարկումների արդյունքում արձանագրվել է, որ հոկտեմբերի 8-ից 22–ն ընկած ժամանակահատվածում շաքարավազը երևանյան սուպերմարկերկետներում թանկացել է շուրջ 20 դրամով (6-7 տոկոս), կարագի 1 կգ–ը` 20 դրամով (1 տոկոսից պակաս), ձեթը` 15-80 դրամով (մոտ 0.5 տոկոս), ալյուրը` 10-15 դրամով (4.5 տոկոս)։

Հոկտեմբերի 20-ին Հայաստանի Հանրապետության կառավարությունը որոշում է ընդունել արգելել թուրքական ծագում ունեցող ապրանքների ներմուծումը։ Որոշումն ուժի մեջ կմտնի 2020 թվականի դեկտեմբերի 31-ից:

Որոշման հիմնավորման մեջ նշվում է, որ թուրքական ծագման ապրանքների ներմուծման սահմանափակումը նախևառաջ անվտանգային բաղադրիչ ունի` հաշվի առնելով այն փաստը, որ Թուրքիան բացահայտորեն աջակցում ու սատարում է Ադրբեջանի կողմից Արցախի Հանրապետության դեմ սանձազերծված պատերազմական և ահաբեկչական գործողություններին:

Նշենք, որ 2019 թվականին Թուրքիայից Հայաստանի Հանրապետություն ներմուծումն ըստ ծագման երկրի հատկանիշի կազմել է 268.1 մլն ԱՄՆ դոլար։ Թուրքիայից մեր երկիր հիմնականում ներմուծվում է hագուստ (69.4 մլն դոլար), ցիտրուսային մրգեր (10.3 մլն դոլար), մեքենաներ, սարքավորումներ և մեխանիզմներ` էլեկտրական ջեռուցիչ, սառնարան (35.3 մլն դոլար), նավթ և նավթամթերք (24.3 մլն դոլար), քիմիայի և դրա հետ կապված արդյունաբերության ճյուղերի արտադրանք (23.6 մլն դոլար), ոչ թանկարժեք մետաղներ և դրանցից պատրաստված իրեր (21.6 մլն դոլար)։

179
թեգերը:
Պատերազմ, Գներ, տնտեսություն
Սուպերմարկետ. արխիվային լուսանկար

Ինչն է թանկացել պատերազմի ընթացքում. ՏՄՊՊՀ–ն ներկայացրել է դիտարկման արդյունքները

443
(Թարմացված է 13:57 23.10.2020)
ՀՀ տնտեսական մրցակցության պաշտպանության պետական հանձնաժողովը հայտնում է, որ ստեղծվել են աշխատանքային խմբեր, որոնք շուրջօրյա ռեժիմով մշտադիտարկում են իրականացնում հայաստանյան խոշոր վաճառակետերում։ Ուսումնասիրվում է 94 ապրանքատեսակ։

ԵՐԵՎԱՆ, 23 հոկտեմբերի – Sputnik. ՀՀ տնտեսական մրցակցության պաշտպանության պետական հանձնաժողովը Facebook–ի իր էջում հրապարակել է հայաստանյան շուկայում պատերազմի ընթացքում թանկացած ապրանքների ցանկը։

Հանձաժողովի իրականացրած դիտարկումների արդյունքում արձանագրվել է, որ հոկտեմբերի 8-ից 22–ն ընկած ժամանակահատվածում շաքարավազը երևանյան սուպերմարկերկետներում թանկացել է շուրջ 20 դրամով, կարագի 1 կգ–ը` 20 դրամով, ձեթը` 15-80 դրամով` կախված տեսակից, ալյուրը` 10-15 դրամով։

Հանձնաժողովը հայտնում է, որ միաժամանակ ուսումնասիրել են նաև միջազգային շուկայի գները և պարզել, որ դրանց հումքի գները ևս բարձրացել են։

«Գնային տատանումները որոշ ապրանքների մասով կարող են հանդիսանալ նաև վերջին ժամանակահատվածում արտարժույթի տատանումների հետևանք»,– նշված է հանձնաժողովի հաղորդագրության մեջ։

Այդուհանդերձ, ՀՀ տնտեսական մրցակցության պաշտպանության պետական հանձնաժողովը հայտնում է, որ ստեղծվել են աշխատանքային խմբեր, որոնք շուրջօրյա ռեժիմով մշտադիտարկում են իրականացնում հայաստանյան խոշոր վաճառակետերում։ Ուսումնասիրվում է 94 ապրանքատեսակ։

Արտաքին գնաճային ճնշումներ ՀՀ տնտեսության վրա չեն եղել. ԿԲ նախագահի նոր ցուցանիշները

443
թեգերը:
գնաճ, Պատերազմ, թանկանալ, Տնտեսական մրցակցության պաշտպանության պետական հանձնաժողով (ՏՄՊՊՀ)
Ըստ թեմայի
ՏՄՊՊՀ–ն թույլ տվեց, որ Եսայան եղբայրների ընկերությունը գնի Beeline-ը
«Զվարթնոցում» ավտոկայանատեղին կրկին կէժանանա. ՏՄՊՊՀ–ն պատժել է «Արմենիային»
Չարաշահումներ կարագի շուկայում. ՏՄՊՊՀ-ն որոշել է տուգանել «Սիթիին»
Էրդողանն ու Մակրոնը

Էրդողանի խոսքերից հետո Ֆրանսիան իր դեսպանին հետ է կանչել Թուրքիայից

0
(Թարմացված է 21:38 24.10.2020)
Թուրքիայի նախագահի վիրավորական հայտարարությունից հետո Ֆրանսիան ևս մեկ անգամ զգուշացրել է, որ Թուրքիան պետք է փոխի իր քաղաքականությունը:

ԵՐԵՎԱՆ, 24 հոկտեմբերի – Sputnik. Ֆրանսիան խորհրդակցությունների համար հետ է կանչել իր դեսպանին այն բանից հետո, երբ Թուրքիայի նախագահ Ռեջեփ Թայիփ Էրդողանը Ֆրանսիայի նախագահ Էմանուել Մակրոնին խորհուրդ է տվել հոգեբույժի մոտ գնալ։ Տեղեկությունը հայտնում է Agence France-Presse-ը՝ հղում անելով Ելիսեյան պալատի հայտարարությունը:

Էրդողանն այսօր իր ելույթում խոսել էր Մակրոնի մասին և ասել. «Մակրոնն ի՞նչ խնդիր ունի իսլամի ու մահմեդականների հետ։ Եթե պետության ղեկավարն այդպես է վերաբերվում իր երկրում գտնվող միլիոնավոր մուսուլմաններին, ուրեմն նա գիտակցության վերահսկողության կորուստ ունի։ Նա հոգեբույժի մոտ գնալու կարիք ունի»

«Նախագահ Էրդողանի խոսքերն անընդունելի են: Ծայրահեղությունների հետևից ընկնելն ու կոպիտ լինելը ճանապարհ չէ: Մենք պահանջում ենք, որ Էրդողանը փոխի իր քաղաքականությունը, քանի որ այն վտանգավոր է բոլոր տեսանկյուններից: Մենք ավելորդ վեճերի չենք մասնակցում և վիրավորանք չենք ընդունում», - գրված է Ելիսեյան պալատի հայտարարության մեջ։

Նշվում է, որ Ելիսեյան պալատը որոշում է կայացրել Ֆրանսիայի դեսպանին հետ կանչել Անկարայից` ստեղծված իրավիճակը Մակրոնի հետ քննարկելու համար:

Ելիսեյան պալատը հայտարարել է նաև, որ Փարիզի մերձակայքում ուսուցչի դաժան սպանությունից հետո Թուրքիայի նախագահի կողմից ցավակցական կամ աջակցության ուղերձներ չեն եղել: Պալատը հայտնել է, որ Էրդողանը վերջերս հանդես է եկել վիրավորական հայտարարություններով, մասնավորապես կոչ է արել բոյկոտել ֆրանսիական արտադրանքը:

Ավելի վաղ Մակրոնը Ֆրանսիայում ելույթ էր ունեցել անջատողականության դեմ պայքարի թեմայով և հայտնել, որ համապատասխան օրինագիծը, որն ուղղված է հանրապետական արժեքների ամրապնդմանը, կներկայացվի դեկտեմբերի 9-ին: Ֆրանսիայի իշխանությունը իսլամական անջատողականության դեմ պայքարի շրջանակում ուզում է հատուկ ուշադրություն դարձնել երեխաների ուսուցմանը: Մակրոնը խոսել էր նաև Ֆրանսիայի մահմեդականների խորհրդի հետ համատեղ կազմակերպություն ստեղծելու անհրաժեշտության մասին` նշելով, որ դա թույլ կտա երկրում «լուսավորյալ իսլամ» կառուցել: Նրա խոսքով՝ Ֆրանսիայում պետք է իսլամն ազատել օտարերկրյա ազդեցությունից և ուժեղացնել մզկիթների ֆինանսավորման վերահսկողությունը:

Էրդողանը հանդիպել է Պոլսո հայոց պատրիարք Սահակ Մաշալյանի հետ

Նշենք, որ Թուրքիայի ու Ֆրանսիայի նախագահների հարաբերությունները սրվեցին Միջերկրական ծովի արևելյան հատվածի առնչությամբ Հունաստանի հետ հակամարտության և Լեռնային Ղարաբաղի պատերազմի ֆոնին։ Մակրոնը Թուրքիային մեղադրեց վարձկաններին Սիրիայից Ղարաբաղյան հակամարտության գոտի տեղափոխելու մեջ:

Էրդողանը` բոլորի դեմ. Թուրքիան աշխարհաքաղաքական փորձարկում է անում

0
թեգերը:
Ֆրանսիա, Թուրքիա, Էմանուել Մակրոն, Ռեջեփ Թայիփ Էրդողան
Ըստ թեմայի
Ադրբեջանի սանձազերծած պատերազմում յուրաքանչյուր զոհ Ալիևի և Էրդողանի խղճին է. Շենդերովիչ
Էրդողանը` բոլորի դեմ. Թուրքիան աշխարհաքաղաքական փորձարկում է անում
Պուտինի հայտարարությունները շատ կարևոր, շատ զսպող էին Էրդողանի համար. Քոչարյան