Շուկա

Հայկական բիզնեսը կշահի ԵԱՏՄ ապրանքների մատակարարման կանոնների պարզեցումից

80
(Թարմացված է 10:49 19.05.2020)
Նախարարը նշել է, որ հայկական բիզնեսի ծախսերը կկրճատվեն, ինչն իր հերթին դրական կանդրադառնա ԵԱՏՄ-ի շրջանակում մրցունակության և շուկայական ինտեգրացիայի վրա։

ԵՐԵՎԱՆ, 19 մայիսի – Sputnik. Եվրասիական տնտեսական միությունում պարզեցվել են պարենային սննդամթերքի և ոչ պարենային ապրանքների փոխադրման պահանջները, ինչը դրական ազդեցություն կունենա հայկական բիզնեսի վրա։

ԵԱՏՀ ներքին շուկաների, թվայնացման, տեղեկատվական–հաղորդակցական տեխնոլոգիաների նախարար Գեղամ Վարդանյանը հայտնել է, որ Ռուսաստանը չեղարկել է եվրասիական «հնգյակի» երկրների ներքին շուկայում նման արտադրանքն առանձին փոխադրելու պահանջները:

«Կանոնների պարզեցումը կարևոր փաստ է ԵԱՏՄ ներքին շուկայում անպատնեշ միջավայր ստեղծելու, Հայաստանի և Միության մյուս անդամների տնտեսական զարգացման համար։ Մասնավորապես, հայկական բիզնեսը կկրճատի իր ծախսերը, ինչն իր հերթին դրական կազդի միության շրջանակներում մրցունակության և շուկայական ինտեգրման վրա»,-նշել է Վարդանյանը։

Ավելի վաղ, ԵԱՏՄ երկրների ներքին շուկայում իրավիճակի մոնիթորինգի ընթացքում ԵԱՏՀ Ներքին շուկաների գործունեության վարչությունը բացահայտել էր, որ ռուսական կողմը լրացուցիչ պահանջներ է ներկայացնում սննդամթերքի փոխադրման համար, որը միության «Սննդամթերքի անվտանգության մասին» տեխնիկական կանոնակարգի կարգավորման օբյեկտ է:

ԵԱՏՄ երկրների ներկայացուցիչները քննարկել են COVID-19-ի դեմ պայքարի համատեղ քայլերը

Միության տեխնիկական կանոնակարգի համաձայն՝ տարբեր խմբերի ապրանքների միաժամանակյա տեղափոխումը թույլատրվում է, բայց պետք է ապահովել այնպիսի պայմաններ, որոնք կբացառեն դրանց փոխհպումը, աղտոտումը և սննդամթերքի օրգանոլեպտիկ հատկանիշների փոփոխությունը։

Նման փոխադրման գործընթացի կարգավորմանը մասնակցող գերատեսչությունների ներկայացուցիչների հետ համապատասխան խորհրդակցություններ են անցկացվել։ Այժմ Ռուսաստանի սանիտարական կանոնները համապատասխանեցված են ԵԱՏՄ տեխնիկական կանոնակարգերի նորմերին։

ԵԱՏՄ-ում գազի գնի փոփոխության հարցում կողմերը համաձայնության չեն եկել

80
թեգերը:
Եվրասիական Տնտեսական Միություն (ԵԱՏՄ), Հայաստան
Ըստ թեմայի
Կորոնավիրուսը կկարողանա՞ բուժել Հայաստանի տնտեսության խրոնիկ հիվանդությունը
Երբ ծախում ես մայրիկիդ թխած լահմաջոն կամ որոշում ես ճագար բուծել. բիզնեսի նոր կանոններ
«Դեղատուն» անիվների վրա. հնարամիտ գյումրեցիների նոր «բիզնեսը». տեսանյութ
Ավտոմեքենա

Մինչ 2020-ի վերջը Հայաստան կբերվի Ռուսաստանում արտադրված Toyota մակնիշի մոտ 450 ավտոմեքենա

54
(Թարմացված է 18:25 26.05.2020)
Արտադրող երկրի փոփոխությունը թույլ կտա նվազեցնել Հայաստան մատակարարվող Toyota-ի որոշ մոդելների գները։

ԵՐԵՎԱՆ, 26 մայիսի — Sputnik. Մինչև 2020 թվականի վերջը Հայաստան կմատակարարվի Ռուսաստանում արտադրված Toyota մակնիշի մոտ 450 ավտոմեքենա:

Ինչպես հաղորդում է «Իզվեստիան»` վկայակոչելով Toyota ընկերության մամուլի ծառայությանը, խոսքը Camry և RAV4 մոդելների մասին է, որոնք հավաքվել են Սանկտ Պետերբուրգի գործարանում:

Toyota Motor ընկերությունն արդեն սկսել է Հայաստան ռուսական հավաքման ավտոմեքենաների մատակարարումը: Մինչ այդ Camry-ը և RAV4-ը առաքվել են անմիջապես Ճապոնիայից:

Հանրապետությունը երրորդ միջազգային շուկան է դարձել Բելառուսից ու Ղազախստանից հետո ընկերության` Ռուսաստանում հավաքված արտադրանքի արտահանման համար:

Նշվում է, որ արտադրողի երկրի փոփոխությունը Հայաստանի շուկայի համար թույլ է տվել 10% - ով նվազեցնել նշված մոդելների տեղական գները:

Փաշինյանը վաճառել է իր ավտոմեքենան ու ավանդ ներդրել բանկում

54
թեգերը:
Հայաստան, Ճապոնիա, Ռուսաստան, ավտոմեքենա
Ըստ թեմայի
ԵԱՏՄ տարածքում կորոնավիրուսի պատճառով ապրանքային դեֆիցիտ չի լինի
Ղազախստանում լուծում են գտել Հայաստանից տարած մեքենաների գրանցման համար
Հայաստան վերադարձող ՀՀ քաղաքացիներին թույլ կտան առանց մաքսատուրքի ներկրել անձնական գույքը
Միքայել Մելքումյան

Օգոստոսին լրջագույն ճգնաժամը բախելու է մեր դուռը. Մելքումյան

68
(Թարմացված է 17:45 26.05.2020)
ԱԺ պատգամավոր Միքայել Մելքումյանն անդրադարձավ տնտեսական ակտիվության ցուցանիշի անկմանն ու ավելի լուրջ խնդիրներ կանխատեսեց:

ԵՐԵՎԱՆ, 26 մայիսի – Sputnik. Ազգային ժողովի «Բարգավաճ Հայաստան» խմբակցության պատգամավոր Միքայել Մելքումյանն այսօր ԱԺ հայտարարությունների ժամին անդրադարձավ ՀՀ վիճակագրության կոմիտեի հրապարակած տնտեսական ակտիվության ցուցանիշին, որն այս տարվա ապրիլի տվյալներով նվազել է 17%-ով:

Մելքումյանը հիշեցրեց, որ 2009թ-ի տնտեսական ճգնաժամի ընթացքում ակնումը 14.1% է եղել:

«Բա սա դեռ վերջը չէ, սա շարունակվելու է մայիս, հունիս, ամիսներին, իսկ օգոստոս–սեպտեմբերին լրջագույն ճգնաժամը բախելու է մեր դուռը,- կանխատեսեց Մելքումյանը։- Հիմա դեռ մարդիկ, օբյեկտներն աշխատում են, ասում են՝ լավ մի ամիս դիմանանք, դեռ մի ամիս աշխատենք, հետո՝ երկրորդ, հետո՝ երրորդ, չորրորդ ամիսն ու այսպես շարունակ»:

Պատգամավորը նշեց, որ կառավարության կողմից տնտեսության մեջ ներարկվող հակաճգնաժամային միջոցները չեն փակում իրական կորուստների նույնիսկ 10%-ը:

Նրա խոսքով` ՀՀ տնտեսության համար կարևոր ոլորտ համարվող շինարարության անկումը, ըստ պաշտոնական թվերի, կազմել է 51%, արտահանում-ներմուծման անկումը՝ ավելի քան 30%, առևտրինը՝ 31%:

Ավելի լուրջ խնդիրներից խուսափելու համար Մելքումյանը ՀՀ կառավարությանը կոչ արեց փոխել տնտեսության ճգնաժամային կառավարման ձևը:

Միսը, կարագը, ձեթը ոչ միայն չեն թանկանա, այլև կէժանանան, բայց ոչ ընդմիշտ

Հիշեցնենք՝ Վիճակագրական կոմիտեի հրապարակած տվյալների համաձայն` 2020թ–ի հունվար-ապրիլ ամիսներին, 2019թ. նույն ժամանակահատվածի համեմատ, ՀՀ տնտեսական ակտիվության ցուցանիշը նվազել է 17%-ով: Արդյունաբերության համախառն արտադրանքի ծավալը կազմել է 585 213 700 դրամ, առևտրի շրջանառությունը՝ 816 087 400, ծառայությունների ծավալը՝ 585 439 200, իսկ շինարարության ծավալը՝ 54 029 200 դրամ։

Կառավարությունն անտոկոս վարկեր է տրամադրում սպանդանոցներին

68
թեգերը:
Միքայել Մելքումյան, ԱԺ, Հայաստան
Ըստ թեմայի
Հայկական բիզնեսը կշահի ԵԱՏՄ ապրանքների մատակարարման կանոնների պարզեցումից
Իրական օգնություն, թե միջազգային թրենդից հետ չմնալու փորձ. բիզնեսին կօգնի՞ պետության քայլը
Կորոնավիրուսը կկարողանա՞ բուժել Հայաստանի տնտեսության խրոնիկ հիվանդությունը
Մանեկեններ

Վրաստանում գործող հագուստի խանութների հանդերձարանները կփակվեն

13
(Թարմացված է 00:16 27.05.2020)
Ընկերության ներկայացուցիչները քայլեր են ձեռնարկում, որպեսզի կանխեն կորոնավիրուսի տարածումը։

ԵՐԵՎԱՆ, 27 մայիսի – Sputnik. Վրաստանի մի շարք խանութների հաճախորդները չեն կարողանա գնումներ կատարելուց առաջ փորձել հագուստը։ Retail Group Georgia ընկերության տնօրեն Ռեզո Մագալաշվիլին «Բիզնեսպրեսնյուսի» հետ զրույցում ասել է, որ խանութների հանդերձարանները կփակվեն։

Խոսքը վերաբերում է Zara, Massimo Duti, Oisho, Bershka, Stradivarius և Վրաստանում ներկայացված մի շարք ապրանքանիշներին։ Որոշման պատճառը կորոնավիրուսի համավարակն է։ Արգելքն ուժի մեջ կմտնի, երբ սահմանափակումները կչեղարկվեն ու առևտրի կենտրոնները կբացվեն։

«Մեծ ռիսկ կա, որ վարակը կարող է տարածվել նաև հագուստի միջոցով, այդ պատճառով էլ կանխարգելիչ միջոցներ կկիրառվեն», - ասել է Մագալաշվիլին։

Նա նշել է նաև, որ հագուստը վերադարձնելու դեպքում այն անպայման կախտահանվի։

Հիշեցնենք` Վրաստանը մայիսի 23-ին որոշեց չերկարաձգել արտակարգ դրության ռեժիմը, սակայն մի շարք սահմանափակումներ կգործեն մինչև հուլիսի 15-ը։ Օրինակ` հագուստի և կոշիկի խանութներն այժմ կարող են միայն առցանց աշխատել։

Մայիսի 26-ի դրությամբ՝ Վրաստանում 732 մարդ է վարակվել կորոնավիրուսով։

Բարի գալուստ ապագա. նստել եմ թախտին, սպասում եմ առաքմանը, նրանք ինձ հաց ու ջուր են բերում

13
թեգերը:
կորոնավիրուս, խանութ, Վրաստանի Հանրապետություն
թեմա:
Կորոնավիրուսը Չինաստանում և աշխարհում
Ըստ թեմայի
Բալիի փոխարեն «Զում», կամ հայաստանյան առցանց հարսանիքն արտակարգ դրության պայմաններում
Կորոնավիրուսը բոլորի տուն «կմտնի», կամ վարակը ստիպում է հիշել «տալոնով» հացը
Սերիալներ, շաուրմա, կարկանդակներ․ ինչ են որոնել և պատվիրել հայերը արտակարգ դրության օրերին
Առցանց առևտուր ու բժշկություն. ինչ է փոխել կորոնավիրուսը Հայաստանի աշխատաշուկայում