Տիգրան Խաչատրյան

Ի՞նչ աջակցություն կստանան արտակարգ դրությունից տուժած գյուղացիական տնտեսությունները

695
(Թարմացված է 13:58 26.03.2020)
Էկոնոմիկայի նախարարը խոսեց գյուղատնտեսության ոլորտի աջակցության մասին։ Պետությունը գյուղացուն կօգնի վարկերի հարցում։

ԵՐԵՎԱՆ, 26 մարտի – Sputnik. ՀՀ էկոնոմիկայի նախարար Տիգրան Խաչատրյանը, այսօր կառավարության նիստում ներկայացնելով կորոնավիրուսի տնտեսական հետևանքների հակազդման միջոցառումների ծրագրի` գյուղատնտեսությանն ուղղված բաղադրիչը, ասաց, որ կառավարությունը որոշել է զրոյացել գյուղատնտեսական ծրագրերով գյուղացիական տնտեսություններին տրվող վարկերի բոլոր տոկոսադրույքները:

«Եթե մինչև այսօր կառավարությունը ֆինանսապես աջակցում էր գյուղատնտեսական ծրագրերի իրականացմանն այն դեպքում, երբ առևտրային բանկը համաձայն էր վարկը տրամադրել մինչև 12 տոկոս առավելագույն տոկոսադրույքով, ապա հիմա պատրաստ ենք լինելու նաև սուբսիդավորել այն դեպքում, երբ առևտրային բանկերը կորոշեն վարկավորումը կատարել մինչև 14 տոկոսով»,- ասաց Խաչատրյանը:

Կորոնավիրուսից «հիվանդացել» է նաև տնտեսությունը. ո՞ր ոլորտներն են տուժել ամենաշատը

Արտարժույթով վարկերի պարագայում պետությունը կսուբսիդավորի մինչև 9 տոկոս տոկոսադրույքով տրամադրված գյուղվարկերը:

Ծրագրի մի բաղադրիչն էլ ուղղված է գյուղացիական կոոպերատիվների ստեղծմանը: Այս պարագայում նրանք կարող են օգտվել թե՛ վարկավորման արտոնյալ պայմաններից, թե՛ առանձին գյուղատնտեսական ծրագրերի համար կառավարության սահմանած լիզինգային աջակցություններից:

Ռուսաստանը Հայաստանին ավտոմեքենաներ է նվիրում. դրանք կնպաստեն կորոնավիրուսի դեմ պայքարին

695
թեգերը:
վարկ, Տիգրան Խաչատրյան, Հայաստան
Ըստ թեմայի
Իրավիճակի լրջությունը դեռ չեն գիտակցում. ինչ խախտումներ է արձանագրել ոստիկանությունը
Արտակարգ ռեժիմում Հայաստանն անջուր ու անլույս չի մնա. նրանք աշխատում են, որ դուք մնաք տանը
Հայաստանն ապահովված է սննդով, բայց գներն աճում են. վարչապետն առաջարկեց վերահսկել