Սուպերմարկետ

Գներն իջե՞լ են, թե՞ բարձրացել. ՏՄՊՊՀ նախագահը խոսել է սննդամթերքի շուկայի մասին

216
(Թարմացված է 17:07 24.03.2020)
Տնտեսական մրցակցության պաշտպանության պետական հանձնաժողովը դիտարկումներ է կատարել շուկայում և որոշ եզրահանգումներ արել:

ԵՐԵՎԱՆ, 24 մարտի – Sputnik. Տնտեսական մրցակցության  պաշտպանության պետական հանձնաժողովն ուսումնասիրություններ է կատարել, որոնց արդյունքում պարզվել է, որ հայաստանյան առևտրի կետերն ապահովված են առաջին անհրաժեշտության ու պարենային ապրանքներով: Տեղեկությունն այսօր լրագրողների հետ հանդիպմանը հայտնեց հանձնաժողովի նախագահ Գեղամ Գևորգյանը:  

«Այս պահին բոլոր խոշոր առևտրային կենտրոններում գնումներն անկում են ապրել: Այսինքն՝ տեղի է ունենում այն, ինչ մենք ասում էինք, որ մարդկանց գնումների պահանջարկը լրացվելու է ու հակառակ պրոցեսն է տեղի ունենալու»,- ասաց Գևորգյանը:

Անդրադառնալով պարենային ապրանքների գների աճի մասին հանրության ահազանգերին՝ Գեղամ Գևորգյանը հայտնեց, որ թեև մրգի ու բանջարեղենի շուկան դուրս է ՏՄՊՊՀ կարգավորման ոլորտից, բայց իրենք դիտարկում են կատարել տեղական միրգ-բանջարեղենի մանրածախ շուկայում ու պարզել՝ որոշակի թանկացում իրոք կա, բայց այն, Գեղամ Գևորգյանի խոսքով, պայմանավորված է գյուղատնտեսական ոլորտի սեզոնայնության հետ:

«Մարտ ամսին որպես կանոն ջերմոցային ապրանքների թանկացում է նկատվում: Մարտը համարվում է ամենաթանկ սեզոնը»,- ասաց նա:

Ովքե՞ր կարող են աշխատել ՀՀ–ում. սահմանափակումների ու բացառությունների ցանկը հրապարակվեց

Պոմիդորի ու վարունգի գներն առաջիկայում կարող են նվազել, քանի որ խոշոր ջերմոցային ընկերությւններից մեկը մեծ խմբաքանակներ է պատրաստվում ներմուծել շուկա:

«Ներմուծված ցիտրուսների գները մի փոքր բարձրացել են: Սակայն վերջին երկու օրվա ընթացքում, թե՛ կիվիի, թե՛ մանդարինի մասով կա նվազում»,- ասաց Գևորգյանը:

Բրնձի, ոսպի, հնդկաձավարի գների ավելացում հանձնաժողովը չի արձանագրել, իսկ ձեթը նախ՝ նվազել, ապա թանկացել է:

«Մենք պետք է նախ պայմանագրերը վերցնենք, ներկման գները  նայենք, ՊԵԿ-ի հետ ճշտենք, թե որ օրն է ներկրվել, որ հասկանանք ներկրման գնի հետ է կապված, թե տնտեսվարողներն իրենք են թանկացրել: Բայց ասեմ, որ գնի էական փոփոխություն ձեթի շուկայում չկա: Այն ևս տեղավորվում է դոլարի գնի թանկացման տրամաբանության մեջ»,- ասաց Գևորգյանը:

Հանձնաժողովի դիտարկումները ցույց են տվել, որ վերջին օրերին նաև կաթնամթերքի գների տատանումներ են նկատվել, որոշ արտադրատեսակներ թանկացել, որոշները էժանացել են 10-20 դրամով:

«Մենք դեռ պետք է հասկանանք, թե ինչով է սա պայմանավորված՝ կաթի փոշու, թե մթերման գնի հետ»,- ասաց Գևորգյանը:

Ի՞նչ պատժամիջոցներ կկիրառվեն Ծառուկյանի նկատմամբ, եթե նա հրաժարվի վճարել աշխատակիցներին

Ալյուրի գնի թանկացման մասին ահազանգերի վերաբերյալ հանձնաժողովի նախագահը հայտնեց, որ խոշար արտադրողների մոտ գների բարձրացում տեղի չի ունեցել: Նա չբացառեց, որ թանկացնողը եղել են կոնկրետ խանութները: Բայց խոշոր սուպերմարկեթներում ՏՄՊՊՀ աշխատակիցները ևս ալյուրի թանկացում չեն արձանագրել:

Բերզինի գինը, ՏՄՊՊՀ նախագահի խոսքով, իջել է, հերթական իջեցում է սպսավում նաև ապրիլին:

216
թեգերը:
Տնտեսական մրցակցության պաշտպանության պետական հանձնաժողով (ՏՄՊՊՀ), Գեղամ Գևորգյան, Սննդամթերք, սնունդ, Գներ
Ըստ թեմայի
ՀՀ քաղաքացիները կարող են Բելառուսով հայրենիք վերադառնալ․ դեսպան
Երևանի աղմկահարույց նվիրատվություններն ու Սամսոնյանի օրենսդրական առաջարկը
Այս ժամի լուրերը` Sputnik Արմենիայի ռադիոեթերում
Նիկոլ Փաշինյան

Պետք է տնտեսական նոր խնդիրներ ձևակերպենք և լուծենք. Փաշինյանը` Ճանապարհային քարտեզի մասին

30
(Թարմացված է 20:02 27.01.2021)
Խորհրդակցության ընթացքում մանրամասն անդրադարձ է կատարվել գործողությունների պլանով նախատեսվող միջոցառումներին և քայլերին, որոնց վերաբերյալ ներկայացվել են տարբեր առաջարկություններ և դիտարկումներ:

ԵՐԵՎԱՆ, 27 հունվարի - Sputnik. ՀՀ վարչապետ Նիկոլ Փաշինյանի գլխավորությամբ կառավարությունում տեղի է ունեցել խորհրդակցություն, որի ընթացքում քննարկվել է Տնտեսական արձագանքման ծրագրի նախագիծը՝ գործողությունների նախնական պլանով:

Նախագիծը վերաբերում է վարչապետի կողմից նոյեմբերի 18-ին հրապարակված «Ճանապարհային քարտեզի» 9-րդ և 10-րդ կետերին: 9-րդ կետը վերաբերում է կորոնավիրուսի համավարակի հաղթահարմանը և դրա հետևանքների վերացմանը, իսկ 10-րդ կետը՝ տնտեսական ակտիվության միջավայրի վերականգնմանը:

Վարչապետը նշել է, որ կառավարությունը գործնականում յուրաքանչյուր շաբաթ ընդունում է տարբեր որոշումներ, որոնք կապված են նոյեմբերի 18-ին հրապարակված «Ճանապարհային քարտեզի» իրականացման հետ: «Մենք այսօր պիտի քննարկենք այն գործողությունների ծրագիրը, որի միջոցով պետք է կարողանանք վերականգնել տնտեսական ակտիվության միջավայրը և ընդհանրապես տնտեսական նոր խնդիրներ ձևակերպենք մեր առաջ և լուծենք դրանք: Իհարկե, այսօր նախնական կքննարկենք և հույս ունեմ մեկ շաբաթվա քննարկման արդյունքում կհասցնենք ծրագիրը կառավարության նիստում արդեն որպես կառավարության որոշում արձանագրել, ամրագրել և անցնել դրա իրականացմանը»,- ասել է վարչապետը:

Տնտեսական միջավայրն անորոշության մեջ է. Թադևոսյանը` եկամտահարկի նվազման մասին

Նշվել է, որ ծրագիրը նախատեսում է թիրախային, նշանակալի և տեսանելի գործողություններ, որոնք միտված են լինելու տնտեսական ակտիվության խթանմանը: Ծրագիրը մշակվել է՝ հաշվի առնելով ներկայումս առկա մարտահրավերներն ու ծառացած խնդիրները:

Խորհրդակցության ընթացքում մանրամասն անդրադարձ է կատարվել գործողությունների պլանով նախատեսվող միջոցառումներին և քայլերին, որոնց վերաբերյալ ներկայացվել են տարբեր առաջարկություններ և դիտարկումներ:
Փաշինյանը պատասխանատուներին հանձնարարել է հաշվի առնելով ներկայացված առաջարկությունները՝ լրամշակել նախագիծը և ներկայացնել կառավարության հաստատմանը:

30
թեգերը:
տնտեսություն, Հայաստան, Նիկոլ Փաշինյան
ՀՀ էկոնոմիկայի նախարարը ստորագրվել է հայ-իրանական գործարար կապերի ամրապնդման հուշագիր

ՀՀ էկոնոմիկայի նախարարը ստորագրել է հայ-իրանական գործարար կապերի ամրապնդման հուշագիր

25
(Թարմացված է 17:48 27.01.2021)
Հայաստանի և Իրանի միջև պայմանավորվածություններ են ձեռքբերվել ընթացիկ տարում մի շարք փոխայցելություններ կազմակերպելու վերաբերյալ:

ԵՐԵՎԱՆ, 27 հունվարի – Sputnik. Աշխատանքային այցով Իրանում գտնվող ՀՀ էկոնոմիկայի նախարար Վահան Քերոբյանի գլխավորած պատվիրակությունը մի շարք կարևոր  հանդիպումներ է  ունեցել։ Տեղեկությունը հայտնում է Իրանում ՀՀ դեսպանությունը։

Մասնավորապես ՀՀ պատվիրակությունը հանդիպումներ  է ունեցել ԻԻՀ նախագահի՝ գիտատեխնոլոգիական հարցերով տեղակալ Սորենա Սաթթարիի, ԻԻՀ էներգետիկայի նախարար և Հայաստան-Իրան միջկառավարական համատեղ հանձնաժողովի համանախագահ Ռեզա Արդաքանիանի, կապի և տեղեկատվական տեխնոլոգիաների նախարար Մոհամադ Ջավադ Ազարի Ջահրոմիի, էկոնոմիկայի և ֆինանսների նախարար Ֆարհադ Դեժփասանդի, ինչպես նաև Իրանի առևտրի, արդյունաբերության, հանքերի և գյուղատնտեսության պալատի նախագահ Ղոլամհոսեյն Շաֆեիի հետ: Հայկական պատվիրակությունը հանդիպում է ունեցել  նաև «Շասթա» հոլդինգի և «Մափնա» ընկերության տնօրինության հետ:  

«Նախարար Քերոբյանի և իրանցի բարձրաստիճան պաշտոնյաների հանդիպումների ընթացքում քննարկվել են տարբեր, մասնավորապես՝ բարձր տեխնոլոգիաների և գիտության, ֆինանսատնտեսական, առևտրային, ներդրումների, տրանսպորտային, էներգետիկ ոլորտներում Հայաստան-Իրան համագործակցության հնարավորությունները և առաջիկա համատեղ ծրագրերը: Ստորագրվել է հայ-իրանական գործարար կապերի ամրապնդմանը և համատեղ ներդրումային ծրագրերի խրախուսմանը միտված համագործակցության հուշագիր»,–նշված է հաղորդագրության մեջ:

Նշվում է, որ պայմանավորվածություններ են  ձեռքբերվել ընթացիկ տարում մի շարք փոխայցելություններ կազմակերպելու վերաբերյալ:

Делегация во главе с министром экономики Армении Вааном Керобяном провела ряд встреч с представителями правительства Ирана (27 января 2021). Тегеран
ՀՀ էկոնոմիկայի նախարարը ստորագրվել է հայ-իրանական գործարար կապերի ամրապնդման հուշագիր

Հիշեցնենք`ՀՀ էկոնոմիկայի նախարար Վահան Քերոբյանի գլխավորած պատվիրակությունը հունվարի 22-ին մեկնել էր Իրանի Իսլամական Հանրապետություն երկկողմ առևտրատնտեսական համագործակցության զարգացման հեռանկարները քննարկելու նպատակով։

Այցի շրջանակում նախատեսվում էին հանդիպումներ Իրանի բարձրաստիճան պաշտոնյաների, հայ համայնքի ներկայացուցիչների, հայ գործարարների և արտահանողների հետ, ինչպես նաև այցելություններ մի շարք ձեռնարկություններ, ընկերություններ և կազմակերպություններ։

25
թեգերը:
Նախարար, Հայաստան, Իրանի Իսլամական Հանրապետություն, Վահան Քերոբյան
Ըստ թեմայի
ՌԴ–ն ու Իրանը շահագրգռված են ԼՂ–ի շուրջ երկխոսությամբ. ի՞նչ են քննարկել Լավրովն ու Զարիֆը
Իրանի արտգործնախարարը ժամանեց Հայաստան
Մեր տարածաշրջանն առերեսվում է նոր լրջագույն մարտահրավերների․ Այվազյանը՝ Իրանի ԱԳ նախարարին
Второй президент Республики Армения Роберт Кочарян в гостях у Sputnik Армения

«Մասնակցելու ենք և կրելու ենք». Քոչարյանը կմասնակցի արտահերթ ընտրություններին

104
(Թարմացված է 01:27 28.01.2021)
Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու մասին:

ԵՐԵՎԱՆ, 28 հունվարի - Sputnik. ՀՀ երկրորդ նախագահ Ռոբերտ Քոչարյանը կմասնակցի առաջիկա արտահերթ ընտրություններին՝ իր քաղաքական թիմով:
Այս մասին նա հայտարարեց այսօր հայաստանյան մի քանի կայքերին տված հարցազրույցում:

«Մասնակցելու ենք և կրելու ենք»,- ասաց Քոչարյանը՝ հավելելով, որ դրա համար ունի քաղաքական թիմ, հետևորդներ ու անհրաժեշտ գործիքակազմ:

Իսկ թե ինչու մինչև հիմա ակտիվություն չի դրսևորել ՀՀ գործող իշխանոթյան դեմ այքարում, Քոչարյանը մեկնաբանեց նրանով, որ չի ցանկացել իշխանությունների հնարավորություն տալ իր վերադարձով վախեցնել թիմակիցներին:

«Ես ինձ հեռու պահեցի այդ գործընթացներից, որ իմ գործոնը չօգտագործվի այդ 20-30 պատգամավորներին վախեցնելու համար»,- ասաց Քոչարյանը:

Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու ու արտահերթ ընտրություններ կազմակերպելու առումով, հատկապես, որ ժամանակավոր կառավարության ղեկավարը չի մասնակցելու ընտրություններին՝ հնարավոր չարաշահումներ թույլ չտալու համար:

Ի՞նչ մտավախություններ ունի Ռոբերտ Քոչարյանը ճանապարհների ապաշրջափակման հեռանկարից

Նշենք, որ նոյեմբերի 9–ի եռակողմ հայտարարությունից հետո Հայաստանի ընդդիմադիր կուսակցությունները պահանջում են վարչապետ Նիկոլ Փաշինյանի հրաժարականը։ Նրանք ժամանակավոր` ազգային համաձայնության կառավարության վարչապետի միասնական թեկնածու են առաջարկում Վազգեն Մանուկյանին։

Արցախում ամեն օր նոր տարածքային կորուստներ են գրանցվում. Քոչարյան

Իշխանությունը, սակայն, այդ տարբերակին համաձայն չէ։ Նրանք առաջարկում են միանգամից գնալ արտահերթ խորհրդարանական ընտրությունների։

104
թեգերը:
ընդդիմություն, Հայաստան, Ազգային ժողովի ընտրություններ, Ընտրություններ, Ռոբերտ Քոչարյան
Ըստ թեմայի
Եթե ՀՀ վարչապետը լիներ թուրքական գործակալ, կաներ այն ամենը, ինչ արվել է. Ռոբերտ Քոչարյան
Ինչու էր թշնամին խնայում Արցախի նախագահի նստավայրը. Քոչարյանն իր վարկածը ներկայացրեց
Ռուսաստանի գործընկեր ու դաշնակից երկրից Հայաստանը վերածվել է ՌԴ–ի պրոտեկտորատի. Քոչարյան