Տոկոսադրույք

Վարկ ստանալը հեշտացել է, վերադարձնելը` դժվարացել. ինչ է արվում ժամկետանց վարկերի համար

532
(Թարմացված է 09:20 17.03.2020)
Բանկերն ու վարկային կազմակերպությունները միայն 2019թ–ին շուրջ 40 մլն դրամի ժամկետանց վարկ են ունեցել։ Վերջին 3 տարում այդ թիվը գերազանցել է 100 մլն–ը։ Վարկառուները սպասում են վարկային համաներման, իշխանությունը մերժում է առաջարկները։

ԵՐԵՎԱՆ, 17 մարտի — Sputnik. Նելլի Դանիելյան. Արմեն ու Մարինե Մարտիրոսյանները չեն կարողանում մեկնել Հայաստանից։ Պատճառն այս դեպքում ոչ թե աշխարհում տարածված կորոնավիրուսն է, այլ չմարած վարկը։

«7 տարի առաջ եղբորս վիրահատության համար գումար էր անհրաժեշտ։ Ստիպված բանկից վարկ վերցրեցի։ Հետո ֆինանսական վիճակս վատացավ, փոքր բիզնես ունեի, փակեցի ու չէի կարողանում վարկս մարել»,– ասաց Արմենը։

Չմարած վարկը, նրա խոսքով, նոր պարտավորություններ առաջ բերեց` տույժերի ու տուգանքների ձևով։ Հիմա արդեն նոր աշխատանք է գտել, ու ամեն ամսվա աշխատավարձից բանկն իր քարտից պահումներ է անում վարկի դիմաց։

«Ծանոթներիցս մեկը ինձ ու կնոջս արտասահմանում սեզոնային աշխատանք առաջարկեց, որոշեցինք գնալ։ Հա՛մ վարկից կպրծնեինք, հա՛մ էլ ընտանիքիս գումար կուղարկեի»,– անթաքույց ափսոսանքով ասաց Արմենը` հավելելով, որ չմարված վարկի պատճառով իրենց թույլ չեն տվել մեկնել Հայաստանից։

Այսօրինակ պատմությունները Հայաստանում եզակի չեն։ Նման իրավիճակում հայտնված մարդկանց աջակցելու համար ԱԺ «Լուսավոր Հայաստան» խմբակցության պատգամավոր Մանե Թանդիլյանը հանդես էր եկել օրենսդրական առաջարկությամբ` զիջել ժամկետանց վարկերի տույժ տուգանքները` դրանով իսկ խթանելով մայր գումարների վերադարձը։

Նախաձեռնությունը, սակայն վերաբերում է ոչ բոլոր վարկերին, այլ միայն նրանց, որոնք անցել են դատական ամբողջ գործընթացով ու դատարանի վճռով ճանաչվել անհուսալի։ Նախագծի հեղինակի տվյալներով` նման վարկերի ընդհանուր ծավալն այսօր բանկային համակարգի արտաբալանսում շուրջ 500 մլրդ դրամ է։

«Մեր առաջարկը հետևյալն էր. հնարավորություն տալ, որ վարկի մասնակի մարման կամ զիջման պարագայում այստեղից հարկեր չառաջանան։ Այս տարբերակն օգտակար է և՛ քաղաքացիներին, և՛ բանկերին ու վարկային կազմակերպություններին, և՛ պետությանը»,– ասաց նա։

Այսօր գործող կարգի համաձայն` վարկերը զիջելու իրավունք ունեն միայն բանկերը կամ վարկային կազմակերպությունները։ Բայց այդ դեպքում ֆինանսական կազմակերպությունները դրա դիմաց հարկվում են, հետևաբար, նրանց դա ձեռնտու չէ։

«Վարկավորման ինստիտուտը շատերի համար շարունակում է մնալ ոչ մատչելի». Մարգարյան

«Արդյունքում` այսօր արտաբալանսում հաշվառված որևէ վարկային պարտավորություն չի մարվում»,– ասաց Թանդիլյանը։

Մինչդեռ, եթե վարկերը զիջվեն պետության կողմից, դրանք կզիջվեն հարկերի հետ միասին։ Բայց անգամ այդ դեպքում, պատգամավորի համոզմամբ, պետությունը չի տուժի, քանի որ այդ հարկերն այսպես թե այնպես չեն վճարվում։

«Այ, եթե վճարման հնարավորություն լիներ, ես կասեի, որ կորցնում է, բայց այս հարկերը գոյություն էլ չեն ունենալու, որովհետև մարդիկ չեն մարելու, քանի որ դատական ամբողջ պրոցեսներն անցել են ու ճանաչվել են անվճարունակ»,– պարզաբանեց Մանե Թանդիլյանը։

Ինչևէ, Ազգային ժողովի մեծամասնությունը մերժեց Մանե Թանդիլյանի ներկայացրած նախագիծը, ինչի մասին հեղինակն ափսոսանքով է խոսում` հավելելով, որ մասնակի մարման դեպքում վարկառուները կկարողանային բարելավել իրենց վարկային պատմությունն ու իրավունք կստանային նոր վարկեր ստանալ։

Նշենք, որ վարկերն անհուսալի են համարվում, ու անցնում ֆինանսական կազմակերպության արտաբալանս, երբ դրանք 270 օր շարունակ չեն վճարվում ու սպասարկվում։

Չմարված վարկերի վիճակագրությունը Հայաստանում այսօր էլ շարունակում է աճել։ ԿԲ–ից Sputnik Արմենիային տրամադրած տվյալների համաձայն` 2017թ–ին գրանցվել է 33 183 000 դրամի ժամկետանց վարկ, որից 32 782 000–ը` բանկերում, 1 401 000-ը վարկային կազմակերպություններում, 2018թ–ին գրանցվել է 33 081 000 դրամի ժամկետանց վարկ` 30 710 000–ը` բանկերում, 2 371 000–ը` վարկային կազմակերպություններում, 2019թ–ին ժամկետանց վարկերն արդեն 38 415 000 դրամի են հասել, որից 30 954 000–ը` բանկերում, 7 461 000–ը` վարկային կազմակերպություններում։ Այս թվերը վկայում են, որ բանկերում իրավիճակը գրեթե անփոփոխ է, մինչդեռ վարկային կազմակերպություններում յուրաքանչյուր հաջորդ տարի ժամկետանց վարկերի ծավալը կրկնակի աճել է։

Մասնագետների համոզմամբ` պատճառն այն է, որ վարկային կազմակերպություններում վարկ ստանալն ավելի արագ ու հեշտ է, քան բանկում, չնայած այն բանին, որ դրանցում տոկոսադրույքներն անհամեմատ ավելի բարձր են, պայմաններն էլ` անհամեմատ ավելի վատ։ Փոխարենը դրանք բաց են անգամ գիշերային ժամերին, վարկի ձևակերպումն էլ րոպեներ է տևում։

Վարկերի տոկոսների նվազման հույսեր կան. վարչապետը նոր թվեր է ներկայացրել

Տնտեսագետ Սուրեն Պարսյանի բնորոշմամբ` վարկային կազմակերպություններն ագրեսիվ մարքեթինգային քաղաքականություն են վարում ու բանկերից խլում են նրանց պոտենցիալ հաճախորդներին։

«Վարկային հայտնի կազմակերպությունները վերջին տարիներին մի քանի անգամ ավելացրել են իրենց վարկային պորտֆելն ու շահութաբերությունը։ Եթե նայում ենք բանկերի վարկավորման ծավալներին, ապա տեսնում ենք վարկային կազմակերպությունների վարկավորման ծավալներն ավելի արագ են աճել, քան բանկերի ծավալները»,– Sputnik Արմենիայի հարցին ի պատասխան ասաց տնտեսագետը։

Ստեղծված իրավիճակում Պարսյանը պատահական չի համարում, որ իշխանությունը վարկային կազմակերպություններին զսպող նախաձեռնություններով է հանդես գալիս, որոնք ձեռնտու են նաև բանկերին։

Դրանց շարքում Պարսյանը դիտարկում է նաև փոխանակման կետերի տուրքերն ավելացնելու որոշումը, որի արդյունքում բազմաթիվ կետեր փակվեցին, իսկ բանկերը շահող դուրս եկան։

Մեկ այլ օրինակ է նաև 10 և ավելի աշխատող ունեցող ընկերությունների` աշխատավարձերը փոխանցման եղանակով վճարելու օրենքը, որից դարձյալ բանկերը շահեցին, քանի որ բանկային փոխանցումների դեպքում բոլոր նրանք, ովքեր չվճարված վարկեր ունեին, ստիպված եղան բացահայտել իրենց եկամուտները։ Ավեին` բանկերն այս օրենքով իրավունք ստացան վարկառուի աշխատավարձի 20 տոկոսի չափով ամեն ամիս քարտից միանգամից վերցնել։

«Եթե նախկինում չէին վճարում, սպասում էին մինչև 1 մլն–ն անցնի, որ դիմեին բանկ` սնանկ ճանաչվելու համար, հիմա արդեն չեն կարողանում այդպես անել, որովհետև իրենց աշխատավարձից բանկը գումարն ուղղակի տանում է»,– ասաց Պարսյանը։

Ֆինանսական համակարգում տեղի ունեցող գործընթացները Սուրեն Պարսյանը կապում է քաղաքական շրջանակներում դրանց ունեցած սերտ կապերի հետ։

«Ըստ էության, պետություն են դարձել պետության մեջ։ Պատահական չէ, որ նրանց լոբբինգի միջոցով բազմաթիվ` իրենց համար կարևոր օրենքներ են ընդունվում, որից շահում է բանկային ոլորտը»,– ասում է Պարսյանը։

Կառավարությունը լուծարեց Տիգրան Սարգսյանի ստեղծած ընկերությունը. վարկը մնաց բյուջեի վրա

Հիշեցնենք, ՀՀ Ազգային ժողովը փետրվարի 11-ին մերժել էր «Լուսավոր Հայաստան» խմբակցության հեղինակած «ՀՀ հարկային օրենսգրքում» փոփոխություն և լրացում կատարելու մասին» նախագիծը նստաշրջանի օրակարգում ներառելու առաջարկը։ Մինչ այդ օրինագծին բացասական եզրակացություն էր տվել նաև գլխադասային հանձնաժողովը։

Այս քննարկումների արդյունքում ՀՀ բազմաթիվ քաղաքացիների, այդ թվում` մեր հոդվածի հերոս Մարտիրոսյան ընտանիքի մոտ այն տպավորությունն էր ստեղծվել, թե իշխանությունը մտադիր է զիջել բոլոր ժամկետանց վարկերը։ Իրականում նման մտադրություն իշխանության օրակարգում առայժմ չկա։

532
թեգերը:
ԱԺ, Մանե Թանդիլյան, Տուգանք, վարկ, Բանկ, Հայաստան
Ըստ թեմայի
Ընդդիմությունն առաջարկում է ներել «անհուսալի» վարկերը. իշխանությունը դա անարդար է համարում
Հանրաքվեն, ժամկետանց վարկերն ու վիրուսի դեմ դիմակները. մեր ռադիոեթերը` տեսահեռարձակմամբ
«Ստեղծել վախի մթնոլորտ. վնասել տնտեսությանը». նոր վարկած` կորոնավիրուսի ստեղծման մասին
Սեփական տուն

Ճոխության հարկ. դղյակների տերերը կզրկվեն սիմվոլիկ հարկեր վճարելու հնարավորությունից

445
(Թարմացված է 13:55 27.05.2020)
ՀՀ կառավարությունը հաստատեց «Հարկային օրենսգրքում փոփոխություններ և լրացումներ կատարելու» նախագիծը: Ֆինանսների նախարարն առաջարկեց այն ԱԺ-ում քննարկել անհետաձգելի կարգով:

ԵՐԵՎԱՆ, 27 մայիսի — Sputnik. ՀՀ կառավարության այսօրվա նիստում ՀՀ ֆինանսների նախարար Ատոմ Ջանջուղազյանը ներկայացրեց «Հարկային օրենսգրքում փոփոխություններ և լրացումներ կատարելու» մասին օրենքի նախագիծը, որով նախատեսվում է անշարժ գույքի հարկը հաշվառել շուկայական արժեքին մոտարկված արժեքների հիման վրա: «Այս համակարգին անցում կատարելը թույլ կտա ապահովել տեսանելի հարստության կամ ունեցվածքի համարժեք հարկումը»,- ասաց նախարարը:

ՀՀ վարչապետ Նիկոլ Փաշինյանը նշեց, որ օրենքի փոփոխությունը հատկապես կարևոր է քաղաքացիական գիտակցության և պետության նկատմամբ վերաբերմունքի փոփոխության տեսակետից:

«Գույքահարկն ավելանալու է այն գույքերի համար, որոնք մենք պայմանականորեն անվանում ենք «դղյակներ», «ապարանքներ» և այլն: Որովհետև եթե նայենք այսօր, թե այդ մեծադղիրդ առանձնատներն ինչ գույքահարկ են վճարում, ըստ էության՝ սիմվոլիկ: Երկար տարիներ Հայաստանում այն բանավեճն է տեղի ունեցել, որ պետք է կիրառել ճոխության հարկ, բայց ճոխության հարկը կիրառվել է այնպես, որ հետո ստիպված ենք եղել վերացնել, որովհետև երբ արդյունքներին ենք նայել, տեսել ենք, որ գումար չի հավաքվում»,- ասաց Փաշինյանը:

Ներկայացրած նոր նախագիծը, Փաշինյանի համոզմամբ, այդ բախտին չի արժանանա և կտա ցանկալի արդյունք՝ ճոխ գույքի տերերը կվճարեն ավելի, հասարակ քաղաքացիները՝ պակաս:

«Այս օրենքի ընդունումից հետո առաջին տարում մոտավորապես 490 - 500 հազար քաղաքացիների գույքահարկը կպակասի, հետո կսկսի կամաց-կամաց ավելանալ»,- ասաց Փաշինյանը:

ՊԵԿ–ն ագրեսիվ հարկային պլանավորման դեպք է հայտնաբերել

ՀՀ կառավարությունը հաստատեց «Հարկային օրենսգրքում փոփոխություններ և լրացումներ կատարելու» նախագիծը: Ֆինանսների նախարարն առաջարկեց այն ԱԺ-ում քննարկել անհետաձգելի կարգով, որպեսզի նոր օրենքը սկսի գործել արդեն 2021 թ-ի հունվարի 1-ից:

445
թեգերը:
ՀՀ կառավարություն, Ատոմ Ջանջուղազյան, Նիկոլ Փաշինյան, հարկեր, Հայաստան
Ըստ թեմայի
Հարկերի չեղարկում կամ ներում չի լինի, բայց... Անանյանը ոչինչ չի բացառում
«Եթե այսօր չաջակցես բիզնեսին, վաղը հարկադրաբար կվճարես գործազրկության նպաստներ». Մարգարյան
Մեղմ վերաբերմունք. ՊԵԿ–ը հարկադիր գանձում չի իրականացնի 1,5մլն դրամը չգերազանցելու դեպքում
 ՀՀ էկոնոմիկայի նախարար Տիգրան Խաչատրյան. արխիվային լուսանկար

Կառավարությունը հաստատեց կորոնավիրուսի տնտեսական հետևանքների չեզոքացման 19-րդ միջոցառումը

307
(Թարմացված է 13:34 27.05.2020)
Կառավարությունն արտոնյալ վարկեր կտրամադրի տնտեսության զարգացման նորարարական ծրագրեր ներկայացնող գործարարներին:

ԵՐԵՎԱՆ, 27 մայիսի – Sputnik. ՀՀ կառավարության այսօրվա նիստում գործադիրը հաստատեց կորոնավիրուսի տնտեսական հետևանքների չեզոքացման 19-րդ միջոցառումը:

Ինչպես հարցի ներկայացման ժամանակ հայտնեց ՀՀ էկոնոմիկայի նախարար Տիգրան Խաչատրյանը, այս միջոցառման նպատակն է օժանդակել ՀՀ քաղաքացիներին և առանձին տնտեսավարողներին իրագործելու մրցունակ գործարար ծրագրեր:

«Օժանդակության նպատակն է ձեռնարկատիրական գիտելիքների ընդլայնման և ֆինանսների հասանելիության բարձրացման միջոցով նպաստել շահառուների գործարար ծրագրերի նորարարական զարգացմանը, իսկ «զրոյից» բիզնես ստեղծելու ձգտում ունեցող շահառուներին՝ ձեռնարկատիրական գաղափարների իրագործմանը»,- ասաց Խաչատրյանը:

Միջոցառման շահառու կարող են դառնալ ՀՀ-ում գրանցված կազմակերպությունները կամ անհատ ձեռնարկատերերը, բացառությամբ մանրածախ և մեծածախ ոլորտում գործունեություն ծավալողների: Շահառուները պետք է նախորդ մեկ տարվա ընթացքում ունեցած լինեն բարվոք հարկային և վարկային պատմություն, գործունեությունն առավելապես իրականացրած լինեն ՀՀ մարզերում և չհանդիսանան «Ներդրումների աջակցման կենտրոն» հիմնադրամի շահառու:

Կառավարության կողմից տրամադրվող արտոնյալ վարկի 75%-ը տնտեսվարողներին կհատկացվի 8 տարվա մարման ժամկետով, անտոկոս, 25% ը՝ որպես դրամաշնորհ։

Վարկի մայր գումարի արտոնյալ ժամանակահատվածը կարող է կազմել առավելագույնը 6 ամիս` սկսնակ շահառուների համար. մեկ շահառուի վարկի առավելագույն չափը սահմանվում է 10 մլն դրամ սկսնակների համար, իսկ նորարարական զարգացման շահառուների համար՝ 20 մլն դրամ:

Վարկի տարեկան տոկոսադրույքը կկազմի 7- 10%:

Հիշեցնենք՝ կորոնավիրուսի համավարակով ու Հայաստանում մարտի 16-ից գործող արտակարգ դրության պատճառով առաջացած սոցիալ-տնտեսական ճգնաժամն ու դրա հետևանքները վեացնելու համար ՀՀ կառավարությունն առ այսօր 18 միջոցառում է հաստատել, որոնք նախատեսված են սոցիալական տարբեր խմբերի ու տնտեսական գործունեության տարբեր ոլորտներում աշխատող սուբյեկտների համար:

Տիգրան Խաչատրյանը հայտնել է` ինչու են մերժվում տնտեսական աջակցության հայտերը

307
թեգերը:
Սոցիալական օգնություն, վարկ, գործարար, Հայաստան, կորոնավիրուս, Տիգրան Խաչատրյան
թեմա:
Կորոնավիրուսը Հայաստանում և Արցախում
Ըստ թեմայի
Մանկապարտեզներում ծնունդ նշելն արգելվում է. փոխքաղաքապետները կայցելեն նախակրթարաններ
4000 տնտեսվարող, 593 մլն դրամ. հակաճգնաժամային 5-րդ միջոցառումից օգտվողների թիվն աճում է
Աջակցության 17-րդ միջոցառումն ընդունվեց. ներդրող հրեշտակներն էլ կօգտվեն ծրագրից
Արայիկ Հարությունյան

Ուժով հարցի լուծման ճանապա՞րհն ես ընտրել, պարոն Ալիև, մենք պատրաստ ենք. Արցախի նախագահ

0
(Թարմացված է 11:33 29.05.2020)
Արցախի նախագահն իր ելույթում հայտնել է, որ Արցախը դեմ չէ խաղաղ բանակցությունների փուլային տարբերակին, բայց և նշել է, թե ինչ առաջնային պայմաններ պետք է քննարկվեն այդ դեպքում:

ԵՐԵՎԱՆ, 29 մայիսի - Sputnik. Արցախի նախագահ Արայիկ Հարությունյանն ուղիղ եթերում արցախցիներին ուղղված իր ուղերձում անդրադարձել է Ադրբեջանի նախագահ Իլհամ Ալիևի մայիսի 28-ի ելույթին՝ նշելով, որ դա քաղաքական գործչին վայել հայտարարություն չէ:

«Մանավանդ այս հայտարարությունը՝ «աշխարհում ուժի գործոնն առաջնային պլան է մղվում»: Այսինքն՝ ուժով հարցի լուծման ճանապարհն ես ընտրե՞լ, պարոն Ալիև, մենք պատրաստ ենք, և ուզում եմ վստահեցնել, որ արդյունքը մեզ համար պարզ է: Այն, ինչ ունեցել եք 1994թ-ին, կունենաք նաև այսօր: Մեզ հետ ուժի լեզվով չփորձեք երբևէ խոսել»,- հեռակա կարգով դիմելով Ալիևին՝ ասել է Հարությունյանը:

Արցախի նախագահն իր ելույթում անդրադարձել է նաև Ալիևի մեկ այլ արտահայտությանը, թե՝ «մեր հին քաղաք Երևանը տվել են Հայաստանին, դա չի կարելի ներել»:

Հարությունյանն Ալիևին առաջարկում է փորձել շտկել «պատմական անճշտությունները», եթե այդպես է կարծում, բայց և զգուշացնում է` դա Ադրբեջանի համար լինելու է կործանարար:

«Համագործակցելու եմ բոլորի հետ անխտիր»․ Արայիկ Հարությունյան

«Ուժի լեզվով երբևէ չհամարձակվեք խոսել մեզ հետ: Մենք պատրաստ ենք խաղաղ ճանապարհով, բանակցության միջոցով հարցի խաղաղ լուծմանը, և այն հայտարարությունը, որը դու արել ես, թե՝ «միայն փուլային տարբերակով կարող է լուծվել», իհարկե, փուլային կարող է լուծվել, բայց միայն մի տարբերակով՝ առաջին հերթին՝ ինքնորոշման իրավունքի ճանաչում, երկրորդ՝ մեր անվտանգության երաշխիքների ընդունում, որից հետո միայն ՝ բանակցություններ: Այլ տարբերակ չի լինելու»,- ասել է Հարությունյանը:

Արայիկ Հարությունյանը Մայիլյանին արտգործնախարար է նշանակել, Բաբայանին` ԱԱԽ քարտուղար

Մայիսի 28-ին Ադրբեջանի Ղարադաղի շրջանում բնակելի համալիրի բացման արարողությունը Ադրբեջանի նախագահ Իլհամ Ալիևն իր ճառում դարձյալ խոստացել է վերականգնել Ադրբեջանի տարածքային ամբողջականությունը՝ նշելով որ դրա համար կարևոր գործոնը իր երկրի ռամական հզորությունն է:

Իսկ որպես ուժի կիրառման օրինակ Ալիևը հիշատակել է 2016թ-ի ապրիլյան պատերազմը:

0
թեգերը:
Իլհամ Ալիև, Արցախ, Ադրբեջան, Հայաստան