Հյուսիսային պողոտա

Պետությունն էլ չի օգնի հարուստներին․ 2021 թ–ից ԱԱՀ արտոնությունները կկրճատվեն

312
Ունևոր քաղաքացիները ԱԱՀ են վճարելու կրթության ու առողջապահության ծառայությունների համար։ Բացի այդ, պետք է աճեն թանկարժեք անշարժ գույքի հարկերը։ Հարկային հայտարարագրեր են հանձնելու ոչ միայն պաշտոնյաները, այլև բոլոր քաղաքացիները։

ԵՐԵՎԱՆ, 29 փետրվարի – Sputnik. ՀՀ ֆինանսների փոխնախարար Արման Պողոսյանը Sputnik Արմենիայի հետ զրույցում հայտնեց, որ 2021 թվականից Հայաստանում ԱԱՀ արտոնությունները զգալիորեն կկրճատվեն։

Հիմա Հայաստանում ԱԱՀ-ից ազատված են մի շարք ապրանքատեսակներ ու ծառայություններ (այդ թվում՝ կրթությունն ու առողջապահությունը)։ ԱԱՀ-ից ազատված են նաև սովորական և առցանց խաղատների դրույքները (ճիշտ է՝ եկող տարի խաղատներն անցնելու են շահութահարկի)։

Կրթությունն ու առողջապահությունն այսօր ամբողջովին ազատված են ԱԱՀ-ից։

Ֆինանսների նախարարությունում սա սխալ են համարում։ Հարկից կարելի է ու պետք է ազատել սրտի անհետաձգելի վիրահատությունը։ Բայց դժվար է պատճառաբանել, թե ինչու է պետք հարկից ազատել քիթը կամ շուրթերը «սարքելու» պլաստիկ վիրահատությունը։

«Այդ հարցը քննարկում ենք կրթության ու առողջապահության նախարարությունների հետ։ Գաղափարն այն է, որ հարկերից ազատվեն միայն այն մարդիկ, որոնք իսկապես դրա կարիքն ունեն», - ընդգծեց Պողոսյանը։

ՀՀ ֆինանսների նախարարության հաշվարկով` 2020 թվականին բյուջեում 357 միլիարդ դրամի թերհավաքագրում կլինի ԱԱՀ ազատումների պատճառով։ Դրանից 26 միլիարդը բաժին կընկնի կրթության ոլորտին, գրեթե 50–ը՝ առողջապահության։ Թեև բյուջեն շատ ավելի մեծ գումարներ է կորցնում այլ ոլորտներից։ Օրինակ` ԱԱՀ-ից ազատված են բանկային ու ապահովագրական ծառայությունները (որպեսզի մեր վարկերին ու ԱՊՊԱ-ներին ԱԱՀ չավելանա)։

Դրա հետևանքով բյուջեն 63 միլիարդ է կորցնում, իսկ խաղատների ազատման պատճառով՝ տարեկան 68 միլիարդ։ Քննարկումների արդյունքում առողջապահության նախարարությունն ու ԿԳՄՍ նախարարությունը պետք է ներկայացնեն իրենց տեսակետներն այն մասին, թե Հայաստանի հազարավոր ուսանողներից ու հարյուր հազարավոր պացիենտներից ով պետք է ուսման ու բուժման ԱԱՀ վճարի, ով ոչ (և ամենակարևորը՝ ինչու)։ Ֆինանսների նախարարությունն իր հերթին պետք է հաշվարկի՝ ինչպես այդ փոփոխությունները կանդրադառնան բյուջեի վրա։

Կոնկրետ առաջարկներ դեռ չկան, կլինեն առաջիկա ամիսներին, քանի որ արդեն 2021 թվականից ԱԱՀ-ն նոր ձևով ենք վճարելու։

Առողջություն, թե փող. Իրանի հետ փակ սահմանը ինչպե՞ս կանդրադառնա Հայաստանի տնտեսության վրա

Մեկ-երկու տարի անց ուժի մեջ է մտնելու նաև գույքահարկի նոր համակարգը։ Ֆինանսների նախարարությունում բազմիցս նշել են, որ անշարժ գույքի, հատկապես թանկարժեք անշարժ գույքի հարկն անհիմն ցածր է։ Ֆինանսների նախարարությունը հարկի հնարավոր նոր դրույքներն ակտիվորեն քննարկում է այլ գերատեսչությունների ու շահագրգիռ կողմերի հետ։

Հարկը հաշվարկվում է պայմանական կադաստրային գներով, որը Կադաստրի պետական կոմիտեն մի քանի ամիս առաջ է վերանայել։ Կենտրոնում և «էլիտար» թաղամասերում գտնվող բնակարանների կադաստրային գները մի քանի անգամ ավելացել են։

Արդյո՞ք նույնքան կավելանան նաև հարկերը, դեռ որոշված չէ, բայց բարձրացումն անխուսափելի է։ Հարցն այն է` ում համար և ինչպես։ Հասկանալի է, որ Ավանում կամ Հարավ-արևմտյան թաղամասում գտնվող բնակարանի հարկը չի ավելանա կամ շատ քիչ կավելանա։ Ապարանում գտնվող սովորական տան հարկն էլ էապես չի աճի, իսկ Բյուրականում գտնվող եռահարկ ամառանոցի դեպքում աճը զգալի կլինի։

Բայց մի հարց էլ կա։ Բնակարաններից շատերում ապրում են (հուսով եմ՝ դեռ երկար կապրեն) երրորդ-չորրորդ սերնդի հին երևանցիները։ Ու նրանցից շատերը ո՛չ ունևոր են, ո՛չ էլ նույնիսկ միջին խավի ներկայացուցիչ։ Հարկերի ավելացման պատճառով նրանք ստիպված չե՞ն լինի վաճառել իրենց տները։

«Հիմա այդ հարցը քննարկվում է։ Դեռ դժվար է ասել՝ ինչ որոշում կկայացվի», - ավելացրեց փոխնախարարը։

Եվ մի բան էլ։ 2022 թվականից ուզում են համընդհանուր հարկային հայտարարագրերի համակարգ կիրառել։ Այդ դեպքում մեզանից յուրաքանչյուրը պետք է եկամտի հայտարարագիր լրացնի` որքան աշխատավարձ է ստացել, որքան այլ եկամուտ է ունեցել։ Եթե մեկ տարվա մեջ երեք հազար դոլար ենք վաստակել, բայց տասը հազար ծախսել, հարկայինի մոտ կարող են հարցեր առաջանալ։

Սակայն հարկայինին հետաքրքրում ենք ոչ այնքան մենք, որքան խորհրդավոր պողոսպողոսյանները, որոնք երբեմն նշված են որպես խոշոր ընկերությունների սեփականատերեր։ Օրինակ` ժամանակին որպես Սամվել Ալեքսանյանի ձեռնարկություններից մեկի ղեկավար ու սեփականատեր նշված էր ոմն Վիկտոր Մանուկյանը։

Տնտեսական աճը նախատեսվածից շատ չէ. Փաշինյանը ավելի մեծ հույս ուներ

312
թեգերը:
մեծահարուստ, Հայաստան
Ըստ թեմայի
«Հաղթանակ» զբոսայգու տարածքում 756 շինություն կա. թողնելը մի խնդիր է, քանդելը` մեկ այլ
Կառավարությունը լուծարեց Տիգրան Սարգսյանի ստեղծած ընկերությունը. վարկը մնաց բյուջեի վրա
Ինչու են արտաքին պահուստները հասել ռեկորդային մակարդակի. ռիսկեր և սպառնալիքներ
Հայաստանից կարգելվի փայտանյութ արտահանել ԵԱՏՄ անդամ չհանդիսացող պետություններ
Միքայել Մելքումյան. արխիվային լուսանկար

Ինչո՞ւ իջավ դոլարի գինը, ի՞նչ է կատարվում երկրում․ պատգամավորը ԿԲ-ից պատասխան է պահանջում

180
(Թարմացված է 18:06 13.04.2021)
Երբ ԱԺ-ում ՀՀ կենտրոնական բանկի նախագահի տեղակալ Ներսես Երիցյանին հարցրեցին, թե արդյո՞ք դոլարի փոխարժեքի բարձրացումն ուՀՀ-ում գրանցվող գնաճը կառավարելի են, Երիցյանն ասաց, որ հակառակ դեպքում ինքն ԱԺ չէր գա ու կզբաղվեր այդ գործով։

ԵՐԵՎԱՆ, 13 ապրիլի – Sputnik. Դոլարի փոխարժեքը շուրջ կես տարի անընդմեջ բարձրանալուց հետո վերջին մի քանի օրվա ընթացքում Հայաստանում նվազել է շուրջ 15-20 դրամով։ Այսօր այս խնդրին ԱԺ-ի ամբիոնից անդրադարձավ «Բարգավաճ Հայաստան» խմբակցության անդամ Միքայել Մելքումյանը՝ արձանագրելով, որ նման անսպասելի անկման պատճառը եղել է այն, որ ԿԲ-ն միանգամից 56 մլն դոլարի ներարկում է արել ՀՀ ֆինանսական շուկա։

«Ես ուզում եմ հասկանալ՝ երբ դոլարի գինը 530-532 դրամից 2 օրվա մեջ հասավ 545-547 դրամի, դա օրինաչա՞փ երևույթ էր»,- ասաց Մելքումյանը, ԿԲ-ից պահանջելով հրապարակավ մեկնաբանել, թե ինչ է կատարվում ՀՀ ֆինանսական շուկայում, և ի վերջո ԿԲ-ն իր գործառույթներն իրականացրե՞լ է, թե՞ ոչ։

«2 օր դու հետևում ես, որ անընդհատ աճում է ու մի կախարդական փայտիկի հարվածով իջեցնում են։ Հիմա մենք չգիտենք, թե հաջորդիվ ինչ է լինելու, 56 մլն-ը բավարա՞ր էր, թե՞ չէ։ Թող բացատրեն։ Արտարժույթ չկա՞ երկրում»,- ասաց Մելքումյանը։

Ընդդիմադիր պատգամավորը նաև կարծիք հայտնեց, որ դոլարի փոխարժեքի շարունակվող բարձրացումը հետևանք է արտահանման ծավալների կրճատման, ներդրումների դադարեցման, շինարարության ծավալների անկման և այլն, ԿԲ-ից ակնկալելով այս բոլոր հարցերի պատասխանները։

Հիշեցնենք՝ ապրիլի 6-ին, երբ ԱԺ-ում ՀՀ կենտրոնական բանկի նախագահի տեղակալ Ներսես Երիցյանին հարցրին, թե արդյո՞ք դոլարի փոխարժեքի բարձրացումն ու ՀՀ-ում գրանցվող գնաճը կառավարելի են, Երիցյանն ասաց․ «Իրավիճակը կառավարելի է, հակառակ դեպքում ես այսօր չէի գա, կզբաղվեինք այդ գործով»։

Երկու օր անց՝ ապրիլի 8-ին, ԿԲ-ն հայտարարեց, որ ՀՀ ֆինանսական շուկաների բնականոն գործունեության ապահովման նպատակով ՀՀ արտարժութային շուկայում գործառնություններ կիրականացնի։

Այդ գործառնությունների արդյունքում դոլարի փոխարժեքը Հայաստանում միանգամից նվազեց շուրջ 20 դրամով։

Ինչու է դոլարի փոխարժեքը տատանվում և ինչ զարգացումներ են սպասվում արժութային շուկայում

180
թեգերը:
տնտեսություն, Հայաստան, դոլար, Կենտրոնական բանկ (ԿԲ), Միքայել Մելքումյան
Ըստ թեմայի
ԿԲ-ն դոլար կներարկի շուկա. Թունյանը բացատրել է` ինչ է պատրաստվում անել գլխավոր դրամատունը
ՀՀ ԶՈւ վերականգնման համար մոտ 3 միլիարդ դոլար է հարկավոր․ Քոչարյան
Քերոբյանի խոստացած 30 մլն դոլարանոց գյուղատնտեսական ծրագիրն արդեն մեկնարկել է
ՀԱԷԿ

Իշխանությունը ձախողեց ՀԱԷԿ–ի շահագործման ժամկետի երկարացման գործընթացը. Մելքումյան

74
(Թարմացված է 13:41 13.04.2021)
ՀՀ վարչապետ Նիկոլ Փաշինյանը Ռուսաստանի նախագահ Վլադիմիր Պուտինի հետ հանդիպմանն ասել էր, որ ի թիվ այլ հարցերի քննարկվելու է Հայաստանում նոր ատոմակայան կառուցելու հնարավորությունը։

ԵՐԵՎԱՆ, 13 ապրիլի - Sputnik. Նոր ատոմակայան ունենալու միտքը Հայաստանում նոր չէ, այն քննարկվել է դեռ 2012-13թթ-ին։ Բայց հարցն այդպես էլ չլուծվեց։ Այսօր խորհրդարանի ամբիոնից հիշեցրեց «Բարգավաճ Հայաստան» խմբակցության անդամ Միքայել Մելքումյանը`խոսելով ՀՀ էներգետիկ անվտանգության խնդրի մասին ու այդ համատեքստում անդրադառնալով ՀՀ վարչապետ Նիկոլ Փաշինյանի Մոսկվայում արած հայտարարությանը։

«Հայաստանը չգտավ ներդրող` կառուցելու 1000-1200 Մգ/Վտ–անոց ատոմակայան, հետո` 500-600 Մգ/Վտ–անոց ատոմակայան, Հետո փոխանցեցին, որ պետք է փոքր մոդուլային ռեակտորներով ատոմակայան լինի։ Դրանից հետո այդ գործը սառեցվեց, և մենք գնացինք այն ճանապարհով, որ պետք է այդ ռեսուրսը երկարացվի 10 տարով»,– ասաց Մելքումյանը` հիշեցնելով, որ 2016 թ–ին լրացել է ՀԱԷԿ–ի երկրորդ բլոկի գործարկման 30 տարին։ Նույն թվականին «Ռոսատոմ»–ի հետ կնքվեց պայմանագիր` 270 մլն դոլար վարկով ու 30 մլն դոլարի դրամաշնորհով ԱԷԿ–ի շահագործման ժամկետը երկարացնելու նպատակով։

Բայց հեղափոխությունից հետո, Մելքումյանի գնահատմամբ, ՀՀ նոր իշխանությունը ձախողեց այդ գործընթացը` հիմնականումնոր սարքավորումների ներկրումը ուշացնելու պատճառով։

«Եթե մինչև 2031թ–ը մեզ հաջողվի այս ատոմակայանն ունենալ, ես կհամարեմ, որ սա մեծ հաջողություն է»,– ասաց պատգամավորը։

Ինչ վերաբերում է նոր ատոմակայան ունենալու մասին վարչապետի հայտարարությանը, Մելքումյանը նշեց, որ դեմ չէ այդ գաղափարին, բայց նախ պետք է հասկանալ` ինչի հաշվին։ Պատգամավորի խոսքով, նոր ատոմակայանի կառուցումը 7-8 մլրդ դոլար կարժենա։

Հայաստանյան էներգետիկ ոլորտի ապագայի անորոշության ֆոնին Մելքումյանն արձանագրեց, որ Ռուսաստանն այսօր Թուրքիայում 1200 Մգ/Վտ հզորությամբ 4 ատոմակայան է կառուցում, որոնք արտադրելու են 37 մլրդ ԿՎտ էլէկտրաէներգիա։ Համեմատության համար նշենք, որ ՀԱԷԿ–ի հզորությունն ընդամենը 2.7 մլրդ ԿՎտ է։

Նոր ատոմակայանի կառուցումն իրատեսական չէ. Արմեն Մանվելյան

«Ռուսներն այնտեղ 20 տարի էլէկտրաէներգիա են արտադրելու։ 20 տարի հետո նոր հանձնելու են Թուրքիային։ Իսկ մենք հայ–ռուսական հարաբերությունների տիրույթում չենք կարողացել ո՛չ նախկինում, ո՛չ հիմա այնպես բանակցենք, որ կարողանանք ճիշտ ժամանակին մեր էներգետիկ անվտանգությունն ու մրցունակությունը հասցնենք բարձր մակարդակի»,– ասաց Մելքումյանը։

Ընդդիմադիր պատգամավորը նաև շեշտեց, որ իշխանությունները նույն կերպ ձախողել են նաև Իրան–Հայաստան բարձր լարման օդային գծի կառուցման ծրագիրը։

Այս ամենի արդյունքում էլեկտրաէներգիայի սակագինը Հայաստանում բարձրացել է 3 դրամով, ու առաջիկայում չի բացառվում նոր թանկացումը։

Հիշեցնենք` ՀՀ վարչապետ Նիկոլ Փաշինյանն ապրիլի 7-ին Ռուսաստանի նախագահ Վլադիմիր Պուտինի հետ հանդիպմանն ասել էր, որ ի թիվ այլ հարցերի քննարկվելու է Հայաստանում նոր ատոմակայան կառուցելու հնարավորությունը։

74
թեգերը:
ատոմակայան, Միքայել Մելքումյան
Ըստ թեմայի
Փակման մասին խոսակցությունները փուչ են. ԱԷԿ-ում ամրապնդելու են ռեակտորի պաշտպանությունը
Հայաստանն ուզում է մինչև 2036 թվականը երկարացնել ԱԷԿ-ի աշխատելու ժամկետը․ կայանի տնօրեն
Քաղաքականացված էներգետիկան, կամ ՀՀ-ում նոր ԱԷԿ-ի կառուցմանը Բաքուն ամեն կերպ խանգարելու է
Новорожденный. Архивное фото

«Տանը մենակ» ֆիլմի աստղ Մակոլեյ Կալինը հայր է դարձել

0
(Թարմացված է 23:05 13.04.2021)
Երեխային անվանակոչել են Դակոտա՝ Կալկինի քրոջ պատվի, որը երիտասարդ տարիքում է մահացել։

ԵՐԵՎԱՆ, 13 ապրիլի - Sputnik․ «Տանը մենակ» ֆիլմի աստղ ամերիկացի դերասան Մակոլեյ Կալինն առաջին անգամ հայր է դարձել։ Այս մասին տեղեկացնում է Mood Magazine-ը։

View this post on Instagram

A post shared by THE MOOD (@themoodmagazine_)

40-ամյա Կալկինն ու նրա կինը՝ 33-ամյա դերասանուհի Բրենդա Սոնգը որդի են ունեցել։ Երեխային անվանակոչել են Դակոտա՝ Կալկինի քրոջ պատվին, որը երիտասարդ տարիքում է մահացել։ Դակոտա Կալկինը մահացել է 29 տարեկանում, ավտոմեքենան նրա վրաերթի է ենթարկել հետիոնտային անցումի վրա։

Կալկինն ու Սոնգը հանդիպել են մի քանի տարի առաջ Թաիլանդում՝ նկարահանումների ժամանակ, և շատ ժամանակ չանցած` սկսել միասին ապրել։

«Տանը մենակ» ֆիլմի աստղը շատ դժվար ժամանակներ է ունեցել։ Ընդամենը 10 տարեկան հասակում համաշխարհային հռչակ ձեռք բերելուց հետո նրա մոտ սկսել են հոգեբանական խնդիրներ։

Մակոլեյը պատանի տարիքից սկսել է ալկոհոլ ու թմրանյութեր օգտագործել։ 2012-ին ավագ քրոջ մահը և ընկերուհու՝ դերասանուհի Միլա Կունիսի հետ բաժանումը նրան հասցրել էին ինքնասպանության փորձի։

Սակայն այժմ դերասանը վերականագնվում է և փորձում ամուր ընտանիք ստեղծել։

Ծնվել է Քեթի Փերիի և Օռլանդու Բլումի առաջնեկը

0