Լիդիան Արմենիա ընկերություն. արխիվային լուսանկար

«Լիդիանը» Արփայից ջրառ կատարելու թույլտվություն է ստացել

64
Չնայած այն հանգամանքին, որ «Լիդիանը» Շրջակա միջավայրի նախարարությունից ջրառ կատարելու թույլտվություն է ստացել, սակայն ընկերությունը չի կարողանում օգտվել այդ իրավունքից։

ԵՐԵՎԱՆ, 20 փետրվարի — Sputnik. «Լիդիան Արմենիա» ընկերությունը տեղեկացնում է, որ ՀՀ շրջակա միջավայրի նախարարությունն ընկերությանը Արփա գետից 11լ/վ ծավալով ջրառի թույլտվություն է տվել։

Ընկերությունն Ամուլսարի ծրագրի շինարարությունն իրականացնելու համար Արփա գետից ջրառ իրականացնելու խնդրանքով 2019թ.–ի դեկտեմբերի 23-ին դիմել էր նախարարություն։

«Գնահատելի է, որ կառավարությունը տրամադրել է ընկերությանը ջրօգտագործման թույլտվությունը, որն անհրաժեշտ է շինարարությունը վերսկսելու համար։ Սակայն ընկերությունը շարունակվող ապօրինի շրջափակման պատճառով դեռևս զրկված է իր տարածք մուտք գործելու հնարավորությունից»,–ասել է «Լիդիան Ինթերնեյշնլի» նախագահի և գլխավոր գործադիր տնօրենի ժամանակավոր պաշտոնակատար Էդվարդ Սելլերսը։

Ընկերությունը կոչ է անում Հայաստանի կառավարությանը ձեռնարկել անհապաղ միջոցներ` Ամուլսար տանող ճանապարհի տևական շրջափակմանը վերջ դնելու համար։

Ամուլսարի քրգործով նոր տվյալներ են ի հայտ եկել. Արսեն Այվազյան

Հիշեցնենք, որ «Լիդիանը» նախկինում 2 անգամ դիմել էր նախարարությանը Արփա գետից երկարաժամկետ գործունեության համար անհրաժեշտ ավելի մեծ ծավալով (ավելի քան 40լ/վ) ջրառի համար։ Սակայն երկու դեպքում էլ ստացել էր նախարարության մերժումը։

Ընկերությունը Շրջակա միջավայրի նախարարությանը դիմել էր նաև երկարաժամկետ գործունեության համար Դարբ գետից անհրաժեշտ ծավալով ջրառի հայտով, որը նույնպես մերժվել է 2019թ․ հոկտեմբեր ամսին։ «Լիդիանը» Հայաստանի վարչական դատարանում վիճարկում է նախարարության այդ մերժումը։

Ծառուկյանը հստակեցրեց` Ամուլսարի հարցում երբ կկանգնի ժողովրդին կողքին

Մինչ այդ, դեռ 2019–ի օգոստոսի 19–ին, Facebook–ում ուղիղ եթերի ժամանակ ՀՀ վարչապետն ասել էր, որ Ամուլսարի հանքը կարող է գործարկվել, քանի որ Elard ընկերության եզրակացության համաձայն` հավանական ռիսկերը կարող են ոչ էական լինել Սևանա լճի կամ Ջերմուկի ջրերի համար, եթե ընդունվեն կանխարգելիչ այն 16 միջոցները, որոնց մասին խոսվում է եզրակացության մեջ։ Դա բնապահպանների ու ակտիվիստների շարքերում բողոքի կտրուկ ալիք է բարձրացրել։

Օգոստոսի 14-ին, վկայակոչելով նույն միջազգային փորձաքննության արդյունքները, Քննչական կոմիտեն հայտարարել էր, որ հանքի շահագործման դեպքում ՀՀ օդի, ջրի, հողի աղտոտման չափերն այնքան փոքր կլինեն, որ «չափելի չեն լինի»։ Կենսաբազմազանության վրա բացասական ազդեցության հիմքեր ևս չէին հայտնաբերվել։ Այս փորձաքննության հիման վրա քննչական խումբը եկել էր այն եզրակացության, որ շրջակա միջավայրի աղտոտման մասին տեղեկությունները դիտավորյալ թաքցնելու, հետևաբար և, նախկին պաշտոնյաների նկատմամբ քրեական հետապնդման հիմքեր չկան։

Քրեական գործը հարուցվել էր Ամուլսարի ոսկեբեր քվարցիտների հանքավայրի շահագործման հետ կապված՝ շրջակա միջավայրի աղտոտման մասին տեղեկությունները ՀՀ բնապահպանության նախարարության պաշտոնատար անձանց կողմից դիտավորությամբ թաքցնելու դեպքի առթիվ։

Քննության ընթացքում անհրաժեշտություն էր առաջացել նշանակել համալիր փորձաքննություն, որը հանձնարարվեց «Էլարդ» միջազգային ընկերությանը։

«Մենք հետքայլ անողը չենք». ջերմուկցիները կբանակցեն միայն Ամուլսարի փակման համար

64
թեգերը:
Շրջակա միջավայրի նախարարություն, կառավարություն, ջրառ, Ամուլսար, Հայաստան
թեմա:
Ամուլսարի հանքի շահագործումը և «Լիդիան Արմենիայի» շուրջ ստեղծված իրավիճակը (79)
Ըստ թեմայի
Եթե այս իշխանությունն ազնիվ է, Ամուլսարի հարցում անաչառ քննություն կիրականացնի. տնտեսագետ
Ամուլսարի գործով հնարավոր են արբիտրաժային գործընթացներ. Ավինյան
Ամուլսարի հարցով նոր ՇՄԱԳ անցկացնելու վերաբերյալ դեռ վերջնական որոշում չկա. Կարապետյան