Հայկական պանիր

Դժվար է, բայց անհնար չէ. ինչպես են Շիրակի պանիրները զարդարում թբիլիսյան շուկաները

269
(Թարմացված է 11:08 20.02.2020)
Հայ գործարարը կարծում է, որ եթե ապրանքի գինը հարմար լինի, ապա միշտ էլ կարելի է գնորդներ գտնել։

ԵՐԵՎԱՆ, 20 փետրվարի — Sputnik, Արամ Գարեգինյան. Թբիլիսիի շուկաներում արդեն կարելի է հայկական պանիրներ գտնել։ Շիրակի մարզի հեռավոր Արդենիս գյուղի բնակիչ, գործարար Սամվել Ղարիբյանը շուտով իր պանիրները կառաջարկի նաև Թբիլիսիի սուպերմարկետներին։

Ղարիբյանն ունի իր ագրոհամալիրը։ Նա վերջերս է սկսել պանիր արտահանել Թբիլիսիի շուկաներ։ Գործարարի կարծիքով` հարմար գնի դեպքում միշտ էլ գնորդ կգտնվի։

Основатель агрокомплекса Воске сер в Шираке Самвел Гарибян
Andranik Ghazaryan
Սամվել Ղարիբյանը

«Վրաստանն իր շուկան մեզ համար երբեք արհեստականորեն չի փակում։ Մաքսայինը հանգիստ անցնում ենք։ Շուկայում մեր կիլոգրամը վաճառում ենք 13 լարիով (2300 – 2400 դրամ)։ Արժեքի մեջ մտնում է նաև փոխադրումն ու մաքսային գրանցումը, բայց Վրաստան արտահանելը դեռ ձեռնտու է», – պարզաբանեց Ղարիբյանը։

Թբիլիսիի շուկաներում այդքան էլ դժվար չէ հայկական պանիր գտնել. պանիր են մատակարարում Հայաստանի հյուսիսում գործող մի քանի գործարանից, որտեղ արտադրությունը զարգացած է, ճանապարհը` մոտիկ։ Այստեղից Թբիլիսի գրեթե նույն ճանապարհն է, ինչ Երևան։

Ղարիբյանն ուզում է մեկ քայլ էլ առաջ գնալ ու պայմանավորվել թբիլիսյան սուպերմարկետների հետ։ Նրա խոսքով` այդ դեպքում սակայն, խոշոր ու կայուն ծավալներ են հարկավոր, բայց խոստանում է` խնդիրներ չեն առաջանա։

Արդենիսում ու Ամասիայի մոտակա գյուղերում տարվա կեսը ձմեռ է։ Ամառը հով է, այդ պատճառով խոտը չի խանձվում ու անասունը նորմալ արածում է։

«Ինչ, ինչ, բայց կերի հետ կապված խնդիր չունենք։ Ցեղական անասուն էի պահում, հիմա չունեմ, բայց մտածում եմ նորից սկսել պահել», – ավելացրեց Ղարիբյանը։

Իր բիզնեսը զարգացնելու համար գործարարն օգտվել է անասնաբուծության աջակցման ծրագրից, որն անցկացնում է «Ռազմավարական զարգացման գործակալություն» ՀԿ-ն` Ավստրիայի ու Շվեյցարիայի աջակցությամբ։

Ինչու պանիրը նման չէ թթվասերին․ սննդամթերքի արտադրությունը Հայաստանում հունվար-նոյեմբերին

Բայց նա ինքնուրույն է գնել սարքավորումների հիմնական մասը, Վրաստանի հետ կապերն էլ նրա համար սովորական երևույթ են։ Սահմանն Արդենիսից 20 րոպե հեռավորության վրա է։ Այն կողմում հայաբնակ Ջավախքն է։ Ղարիբյանը ծննդով այնտեղից է։

Բայց նախքան կսկսի նորից կովեր բուծել, Ղարիբյանն ուզում է հասկանալ` ում է կարելի գործի ընդունել։ Գյուղացիները չեն համաձայնում իր առաջարկած պայմաններին։ Այդ պատճառով նա աշխատանքային միգրանտների է հրավիրել Հարավային Ասիայից, որոնց կարելի է Երևանում էլ հանդիպել։ Պարզվում է` նրանք պատրաստ են քիչ գումարի դիմաց աշխատել (կարելի է ասել` ուտելու փողի), բայց նրանց պետք է հետևել, քանի որ առանձնապես աշխատասեր չեն։ Այդ պատճառով Սամվելը նրանց երկու շաբաթից անց հետ է ուղարկել Երևան։

«Միս Հայաստանի» վերածված երկիրս. գործարարը սպասում է սպանդանոցում, գյուղացին` դժգոհում

Այսպես թե այնպես, նրա խոզի ֆերմայում տեղացիներ են աշխատում, կաթնամթերքի արտադրությունում` նույնպես։ Կաթը հանձնում են Արդենիսից ու հարևան մի քանի գյուղերից։ Գործարարի կարծիքով` այստեղ դժվար, բայց հնարավոր է ինչ–որ գումար վաստակել ու ապրել ։

269
թեգերը:
Պանիր, գործարար, գործարան, Շիրակի մարզ, Թբիլիսի
Ըստ թեմայի
Հայաստանի կարագն արտադրվում է իրանական սերուցքով. Փաշինյանը հուշեց` ինչպես շատ կաթ ստանալ
Ոչ թթվասերն է թթվասեր, ոչ էլ պանիրը` պանիր, ի՞նչ են վաճառում խանութներում
«Մամայություն» է անում. հայուհու ալիքը Telegram-ում իր հետևողներին սոված չի թողնում

Մաքուր էներգիայի աղբյուր. Հայաստանում հին անվադողերից վառելիք են ստանում. լուսանկարներ

157
(Թարմացված է 22:57 07.08.2020)
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
Կոտայքի մարզի Աբովյան քաղաքում գործում է հին անվադողերի և պոլիէթիլենի վերամշակման ձեռնարկություն։

Այն, որ հին անվադողերը դեն նետելը վնասակար է՝ գիտեն բոլորը։ Սակայն ոչ բոլորին է հայտնի, որ դրանց վերամշակման արդյունքում կարելի է դիզելին մոտ վառելիք ստանալ։ Արդեն մի քանի տարի Աբովյան քաղաքում գործող վերամշակման գործարանը հենց դրանով է զբաղվում։

Անվադողերը պետք է այրել ոչ թե բաց տարածքում, այլ տաքացնել վակուումում։ Այդ ժամանակ տաք ռետինը թթվածնի հետ չի միանում և թունավոր դիօքսիններ չի առաջացնում։ Արդյունքում՝ հեղուկ վառելիք (1 տոննայից մոտ 400 լիտր) և ածխածնի փոշի է ստացվում, պարզ ասած՝մուր, որը կարելի է օգտագործել ռետինի արդյունաբերության մեջ։

Նույն ձևով կարելի է վերամշակել նաև պոլիէթիլենը, և նույնիսկ հին հագուստը։

Որ զինվորները չտանջվեն. Գյումրիում անվադողերի հավաքմանը նաև դպրոցականներն են մասնակցում

Վերամշակման ժամանակ ձեռնարկությունից գրեթե ծուխ դուրս չի գալիս։ Արտանետումներն առաջանում են միայն գազի այրումից, երբ տաքանում է վակուումային սարքը։

157
  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

թեգերը:
արտադրություն, վառելիք, Կոտայք, Հայաստան, գործարան, աղբի վերամշակում, անվադող, Աբովյան
Ըստ թեմայի
Երևանում ցուցադրում են Ադրբեջանի ԶՈՒ–ի խոցված և առգրավված անօդաչուները. լուսանկարներ
Ինչ վնասներ է հասցրել պայթյունը Մեծի Տանն Կիլիկիո կաթողիկոսարանին. լուսանկարներ
«Տարօրինակ կիրք»․ դերասանուհի Աննա Խիլկևիչի հայ ամուսինը դեմ է լողազգեստով լուսանկարներին
«Սիրուն է, չէ՞». Արծրուն Հովհաննիսյանը հրապարակել է խոցված ԱԹՍ–ի լուսանկարները
Կարի արտադրամաս

Շունչ քաշեցի՞ր, գնացինք առաջ. ի՞նչ է առաջարկել ՀՀ իշխանությունը բիզնեսի զարգացման համար

120
(Թարմացված է 21:20 07.08.2020)
ՀՀ կառավարությունը մի ծրագիր է մշակել, որի նպատակն է բիզնեսին աջակցել ոչ միայն գոյատևելու, այլև ճգնաժամից հետո զարգանալու համար։

ԵՐԵՎԱՆ, 7 օգոստոսի – Sputnik. ՀՀ էկոնոմիկայի փոխնախարար Նաիրա Մարգարյանը Sputnik Արմենիային հայտնեց, որ հետճգնաժամային զարգացման առաջին ծրագրին մասնակցելու համար արդեն ավելի քան 300 ընկերություն է հայտ ներկայացրել։

Հակաճգնաժամային միջոցառումների շարքում այս ծրագիրը թվով 19-րդն է և առաջինը, որն ուղղված է ոչ թե բիզնեսի ընթացիկ վիճակին աջակցելուն, այլ ճգնաժամից հետո զարգանալուն։

Մասնավորապես, Հայաստանի կառավարությունը արտոնյալ վարկերի երաշխիքներ կառաջարկի այն ընկերություններին, որոնք ցանկանում են զրոյից բիզնես սկսել, կամ այն ձեռնարկություններին, որոնք գործում են ոչ ավել, քան երեք տարի և ցանկանում են զարգացնել իրենց բիզնեսը:

«Պարզ է, որ նոր բիզնեսը հազիվ թե վարկային պատմություն կամ բավարար գրավ ունենա։ Նման ընկերությունների համար մենք դեռ մի քանի տարի առաջ ենք սկսել «Հաջող սկիզբ» ծրագիրը, իսկ այսօր պարզապես զարգացնում ենք այն», – նշեց Մարգարյանը։

Սկզբնական փուլում վարկային երաշխիքներ տրամադրելու համար կառավարությունը 1.5 մլրդ դրամ կհատկացնի։ Ծրագրին մասնակցող բանկերը տարեկան 7-10% իրական տոկոսադրույքով վարկ կտրամադրեն մինչև 60 ամիս ժամկետով` արտոնյալ մինչև 6 ամիս ժամկետի հնարավորությամբ։ Նոր ձեռնարկություններին կարող է տրամադրվել մինչև 10 մլն դրամ վարկ, իսկ մինչև երեք տարի գործողներին` մինչև 20 մլն։ Հայտատուն իր կողմից պետք է ֆինանսական երաշխավորություն ներկայացնի։ Մինչև երեք տարի գործող ընկերությունների համար պարտադիր կլինի վարկային լավ պատմություն ունենալու պահանջը։

Մարգարյանի խոսքով` այս ծրագրում նախևառաջ հաշվի են առնվելու հայտատուի ոչ թե ակտիվները կամ ընթացիկ ֆինանսական վիճակը, այլ նրա ծրագրի հեռանկարները։ Այլ կերպ ասած` կառավարությունը որոշակի առումով վենչուրային հիմնադրամի դերում հանդես կգա։

«Իհարկե, մենք պետք է զգույշ լինենք պետական միջոցները ծախսելիս, այդ պատճառով հիմնվելու ենք բանկերի` հաճախորդների ռիսկերի գնահատման փորձի վրա։ Սակայն հիմնական շեշտն այնուամենայնիվ դնելու ենք ծրագրի, նրա հեռանկարների վրա։ Միևնույն ժամանակ գնահատելու ենք ոչ թե ինքնին գաղափարը, այլև դրա մշակման խորությունն ու լրջությունը, ինչպես նաև ընկերության աշխատակազմի որակավորումը», – ընդգծեց փոխնախարարը։

Նախևառաջ խթանվելու են Հայաստանի համար նոր արտադրությունները կամ նախագծերը, որոնք նոր տեխնոլոգիաներ են կիրառելու (օրինակ` էներգախնայողության)։ Այժմ քննարկվում են այն չափանիշները, որոնցով գնահատվելու է նախագծի նորարարության աստիճանը։

Կա ևս մեկ պահանջ. նոր նախագծերը պետք է իրականացվեն մարզերում։ Սա նոր աշխատատեղեր ստեղծելու ևս մեկ ձև է նրանց համար, ովքեր այս տարի չեն կարողացել սեզոնային աշխատանքի մեկնել։ Ապագայում դա թույլ կտա նրանց աշխատել Հայաստանում արդեն մշտական հիմունքով։

Բիզնես պլանը նախապատրաստելու համար հայտատուները դասընթացներ կանցնեն, որոնք կտևեն մի քանի շաբաթ։ Նրանք ոչ միայն առցանց դասախոսություններ կլսեն, այլև տնային առաջադրանքներ կանեն ու կընթերցեն առաջարկվող գրականությունը։ Հաջորդ մոդուլների հնարավոր կլինի անցնել միայն նախորդ մոդուլի բոլոր առաջադրանքները կատարելուց ու ստուգարքներ հանձնելուց հետո։

«Ուսուցման ընթացքում մենք առանձնացնում ենք նրանց, ովքեր առավել մոտիվացված են բիզնես գիտելիք ձեռք բերել», – հավելեց Մարգարյանը։

Դասընթացները կանցկացնեն թե՛ առանձին ոլորտների (ֆինանսների, մարքեթինգի, հասարակայնության հետ կապերի գծով) և ընդհանուր հարցերի մասնագետները, որոնց ցանկացած ժամանակ հնարավոր կլինի դիմել խորհուրդ ստանալու համար։

«Հետագայում մենք ուզում ենք այս նախագիծը բիզնեսի համար մշտական առցանց դպրոցի վերածել, որը կօգնի սկսնակ ձեռնարկատերերին», – ասաց փոխնախարարը։

Կրթական ծրագրին կարող են մասնակցել բոլորը, այդ թվում` երևանյան ձեռնարկությունները։ Նրանք կկարողանան ֆինանսավորում ստանալ, եթե արտադրություն սկսեն կամ մասնաճյուղ բացեն մարզերում։

Բիզնեսի երկարաժամկետ աջակցման նաև այլ ծրագրեր են քննարկվում։ Դրանցից մեկի համաձայն` պետությունը ժամանակավոր ներդրում կանի ձեռնարկության կապիտալում` աստիճանաբար դուրս գալով այնտեղից և հետ վաճառելով իր բաժնետոմսերը։ Ընդ որում` այս պարագայում ևս գնահատվելու է ծրագրի հեռանկարն ու ակնկալվող ֆինանսական հոսքերը։

Հիշեցնենք, որ ՀՀ կառավարությունը 2020 թվականին հակաճգնաժամային աջակցությանը (տնտեսական և սոցիալական) ընդհանուր առմամբ 150 մլրդ դրամ կհատկացնի, որից 80 միլիարդը կուղղվի ձեռնարկությունների վերականգնմանն ու նոր արտադրությունների ստեղծմանը։

120
թեգերը:
բիզնես, Հայաստան, Նաիրա Մարգարյան
Ըստ թեմայի
Արտոնյալ վարկերի ռիսկերը. ինչպես է կատարվելու ձեռնարկությունների ընտրությունը
«Caucasus Online»-ի բաժնետոմսերը Բաքվին վաճառելը ինչո՞վ է սպառնում Հայաստանին
ՊԵԿ աշխատակիցը պատմել է, թե ինչ մեթոդներով են բացահայտում անբարեխիղճ հարկատուներին

Արի զբոսնենք Հայաստանով. Հովք գյուղ՝ տեղում թխած հաց, արկածներ, ճանապարհ դեպի սարեր, լճեր

0
(Թարմացված է 20:51 09.08.2020)
Sputnik Արմենիայի նկարահանող խումբն ուղևորվել է Տավուշի մարզի Հովք գյուղ։ Ամբողջ ճանապարհին մեզ ուղեկցում էր Մհեր անունով մի երիտասարդ, որի հայրը տարիներ առաջ հիմնել է Քարի լիճը։

Գյուղում տների միջև հեռավորությունը բավականին մեծ է։ Ըստ պաշտոնական տվյալների՝ այստեղ մոտ 400 մարդ է բնակվում։ Օրվա կեսն անցկացրինք Գասպարյան Աշոտին՝ միակ հային փնտրելով, որ փախստական չէ ու մինչև 1988 թվականը ադրբեջանցիների հետ բնակվել է Հովք գյուղում, նրանց հետ հարևանություն ու ընկերություն արել։

Երկար փնտրտուքից հետո պարզեցինք, որ Աշոտը սարի վրա խոտ է հնձում։ Ճանապարհին՝ մինչև Աշոտին հասնելը, 6 կմ հաղթահարեցինք և հասցրինք տեսնել, թե որքան գեղեցիկ բնություն ունի Հովք գյուղը։

Տեսանք լճերը՝ բնական ու արհեստական, և նույնիսկ լսեցինք հետաքրքիր պատմություններ։

Հայաստանի թաքնված գեղեցկությունը. Ակնասարի դժվարին վերելքը հաղթահարված է

Ապա հաց պատրաստեցինք, մտանք Հովք գյուղի միակ ջերմոցը։

Պարզվում է, որ բանջարեղենն այնքան արագ է սպառվում գյուղում, որ նույնիսկ չեն հասցնում մոտակա գյուղեր բնակիչներին։ Վերջում էլ մեր հանգիստը:

0
թեգերը:
հայ, ադրբեջանցի, լիճ, Հաց, Հայաստան
Ըստ թեմայի
Հայաստանի թաքնված գեղեցկությունը. Արագածի փեշերից թափվող հուշարձանը
Թաքնված «միլիոնատերեր» և դեմպինգ․ ինչո՞վ է ապրում Հայաստանի ծաղկի շուկան. լուսանկարներ
Հայաստանի թաքնված գեղեցկությունը. Ակնասարի դժվարին վերելքը հաղթահարված է
Լիլիթը բացահայտում է Հայաստանի թաքնված գանձերը. բլոգերի առօրյան ու արկածները