հայաստան, գազի գին, փաշինյան, միշուստին, novsti armenii, pashinyan, mishustin, gazi gin
Փաշինյան–Միշուստին հանդիպում

Գազի գնի հարցը քննարկվել է Փաշինյան-Միշուստին հանդիպման ժամանակ. Քոչարյան

138
(Թարմացված է 18:51 07.02.2020)
Հայաստանի և Ռուսաստանի վարչապետները պայմանավորվել են շարունակել գազի գինը հարցի շուրջ բանակցությունները։

ԵՐԵՎԱՆ, 7 փետրվարի — Sputnik. Երկարաժամկետ հեռանկարում Հայաստանի համար ռուսական գազի կայուն գինը քննարկվել է Ղազախստանում Հայաստանի և Ռուսաստանի կառավարությունների ղեկավարներ Նիկոլ Փաշինյանի և Միխայիլ Միշուստինի հանդիպման ընթացքում։ Տեղեկությունը Sputnik Արմենիային փոխանցեց արտաքին գործերի փոխնախարար Շավարշ Քոչարյանը։

ՀՀ և ՌԴ վարչապետները հանդիպել են հունվարի 31-ին Ալմաթիում ԵԱՏՄ միջկառավարական խորհրդի շրջանակում։

Փոխնախարարի խոսքով՝ գազային հարցը քննարկում են համապատասխան տնտեսական, էներգետիկ բլոկերի ներկայացուցիչները և փոխվարչապետը։ Բայց Հայաստանի ԱԳՆ-ը, բնականաբար, տեղյակ է խնդրից, թեև բանակցություններին անմիջական մասնակցություն չի ունենում։

«Կարող եմ միայն ասել, որ այդ հարցը քննարկվել է Ալմաթիում Ռուսաստանի նորանշանակ վարչապետ Միխայիլ Միշուստինի և Հայաստանի վարչապետի հանդիպման ժամանակ։ Այդ թեման բարձրացվել է, կան որոշակի պայմանավորվածություններ», - նշեց Քոչարյանը։

Նրա խոսքով՝ հարցը պետք է կարգավորվի մինչև ԵԱՏՄ-ում էներգակիրների ընդհանուր շուկա ձևավորելը։ Հայտարարվել է, որ այն գործելու է 2025թ-ից։

«Համապատասխան փաստաթղթեր, նախապատրաստական աշխատանք․այդ ամենն արվում է։ Դժվար է ասել` կսկսի արդյոք այն գործել 2025թ-ին։ Հասկանալի է, որ էներգակիրներ առաքող երկրներն այդքան էլ շահագրգռված չեն դրանում։ Բայց, մյուս կողմից, կան փաստաթղթեր», - ասաց Քոչարյանը։

Հասկանալի է, որ այդ հարցով առավել հետաքրքրված են մնացած երկրները։ Պատահական չէ, որ այդ հարցը ԵԱՏՄ-ում Հայաստանի նախագահության շրջանում գերակա հարցերից է եղել։

Դավթյան. «Հայ-իրանական երկու նախագծերը քաղաքական հռետորաբանության մակարդակում են»

Հիշեցնենք` Հանրային ծառայությունները կարգավորող հանձնաժողովի նախագահ Գարեգին Բաղրամյանը հունվարի 18-ին լրագրողների հետ զրույցում հայտնել էր, որ գազի գնի քննարկումներն ու բանակցությունները շարունակվում են, և չի բացառվում, որ «Գազպրոմը» դիմի Հանրային ծառայությունները կարգավորող հանձնաժողով գազի սակագինը վերանայելու հայտով։

«Արդեն սկսել եմ գազի մասին հարցերից հաճույք ստանալ». փոխվարչապետ

2019թ. վերջին տեղեկություն կար, որ «Գազպրոմ էքսպորտ» ՍՊԸ-ն և «Գազպրոմ Արմենիա» ՓԲԸ-ն ռուսական գազի մատակարարման լրացուցիչ համաձայնագիր են ստորագրել, ըստ որի՝ 2020թ. Հայաստանին վաճառվող գազի գինը չի փոփոխվի և կմնա 2019թ. մակարդակին:

Այս պահին գազի սակագինը ՀՀ սահմանին 1000 խմ գազի դիմաց 165 դոլար  է։

2019թ. հունվարի 1-ին գազի 1000 խմ–ը սահմանին արժեր 150 դոլար։ Թերևս սա է պատճառը, որ «Գազպրոմ Արմենիան» մտադիր է բարձրացնել նաև սպառողներին մատակարարվող գազի գինը։

Նշենք, որ գազը 1000 խմ դիմաց սպառողին հասնում է գրեթե 290 դոլարով։

138
թեգերը:
Նիկոլ Փաշինյան, Միխայիլ Միշուստին, գազի սակագին, Հայաստան
Ըստ թեմայի
Մարգարյան. «Հայաստանում պետք է հիմնովին ստուգել գազի կորուստներն ու ապօրինի սպառումը»
Երկու անհայտով հավասարում. իշխանությունը չի բացառում, որ կսուբսիդավորի գազի թանկացումը
Քթոյան. «Գազի գինը և դրա շուրջ իրականացվող քաղաքականությունն ունեն քաղաքական բաղադրիչ»
Արխիվային լուսանկար

Ներդրվել է էլեկտրոնային ՀԴՄ-ների համակարգը. օնլայն առևուրը կզարգանա

34
(Թարմացված է 17:37 23.06.2021)
Հարկ վճարողները կարող են էլեկտրոնային կտրոնը տպել կամ էլեկտրոնային տարբերակով փոխանցել քաղաքացուն։

ԵՐԵՎԱՆ, 23 հունիսի – Sputnik. Հսկիչ դրամարկղային մեքենաների արդիականացման և հնարավոր խնդիրներից խուսափելու նպատակով կառավարության որոշմամբ ներդրվել է էլեկտրոնային ՀԴՄ-ների համակարգը։ Տեղեկությունը հայտնում է ՊԵԿ–ը` մանրամասնելով, որ անկախ նրանից` կազմակերպությունը խոշոր է, թե փոքր, և ինչ հարկման ռեժիմով է աշխատում, եթե առևտուրն իրականացնում է ինտերնետ հարթակով՝ կարող է կիրառել էլեկտրոնային ՀԴՄ։

Նշվում է, որ էլեկտրոնային հսկիչ դրամարկղային մեքենան ծրագրային ապահովում է, որը հնարավորություն է ընձեռում ինտերնետային կայքի կամ էլեկտրոնային հավելվածի միջոցով ապրանքների մատակարարման, ծառայությունների մատուցման գործարքների համար գեներացնել էլեկտրոնային ՀԴՄ–ի էլեկտրոնային կտրոն:

«Էլեկտրոնային ՀԴՄ-ի ծրագրային ապահովումն իրականացնում է տնտեսվարողը։ Իսկ ՊԵԿ-ն ապահովում է էլեկտրոնային ՀԴՄ-ի և կոմիտեի միջև տեղեկատվության փոխանակման գործընթացը»,–նշված է հաղորդագրության մեջ։

էլեկտրոնային ՀԴՄ-ն գործում է օնլայն ռեժիմում, իսկ վճարումը կարելի է կատարել կանխիկ և անկանխիկ եղանակով: Հարկ վճարողները կարող են էլեկտրոնային կտրոնը տպել կամ էլեկտրոնային տարբերակով փոխանցել քաղաքացուն։

ՀԴՄ–ներն էլ կդառնան էլեկտրոնային. ՊԵԿ–ը Կենտրոնական բանկի հետ քննարկել է այս հարցը

34
թեգերը:
առևտուր, ՀԴՄ, հարկեր
Ըստ թեմայի
Հայաստանում առցանց առևտուրը 2021թ-ից կիրականացվի միայն էլեկտրոնային կտրոններով
Առցանց առևտուր ու բժշկություն. ինչ է փոխել կորոնավիրուսը Հայաստանի աշխատաշուկայում
Բարի գալուստ ապագա. նստել եմ թախտին, սպասում եմ առաքմանը, նրանք ինձ հաց ու ջուր են բերում
Վահան Քերոբյան

Անկախ Հայաստանի պատմության մեջ աշխատանքի շուկան մայիսին ռեկորդ է խփել. Քերոբյան

107
(Թարմացված է 15:33 22.06.2021)
Վահան Քերոբյանը նշում է՝ Հայաստանում կա աշխատողների խիստ պակաս՝ հովիվ, ծրագրավորող, շինարար, մատուցող, դիզայներ, խառատ ու զոդող բանվոր։

ԵՐԵՎԱՆ, 22 հունիսի – Sputnik. ՀՀ էկոնոմիկայի նախարար Վահան Քերոբյանը տեղեկացնում է, որ 2021 թվականի մայիսին աշխատանքի շուկան անկախ Հայաստանի պատմության մեջ ռեկորդ է խփել՝ 634 951 հարկման բազա ունեցող անձ կա։ Նա ֆեյսբուքյան իր էջում է նման գրառում արել` տվյալներ հայտնելով։

«Լավ նորությունը նաև այն է, որ աշխատատեղերի քանակն ավելացել է նույնիսկ 2019 թվականի սեզոնայնությամբ ճշգրտված։ Ես կոչով դիմում եմ բոլոր հայրենակիցներին՝ Հայաստանում կա աշխատողների խիստ պակաս՝ հովիվ, ծրագրավորող, շինարար, մատուցող, դիզայներ, խառատ ու զոդող բանվոր»,–գրել է նա։

Ի դեպ, ՊԵԿ–ն էլ իր հերթին հայտնել էր, որ  2021 թվականի մայիս ամսին, նախորդ տարիների նույն ամսվա համեմատ, աճել է նաև մեկ աշխատատեղին բաժին ընկնող եկամուտը (հարկման բազան)՝  կազմելով շուրջ 212 000 դրամ: 2020 թվականի մայիս ամսվա այս ցուցանիշը կազմել է 194 000 դրամ, 2019 թվականին` 187 000 դրամ, իսկ 2018 թվականին` 176 000 դրամ:

Նշենք, որ հիմա ոչ միայն աշխատատեղերն են գրանցում, այլ նաև իրական աշխատավարձերի չափն են ցույց տալիս ցուցակներում (գաղտնիք չէ, որ գործատուն աշխատավարձի մի մասն առձեռն, իսկ մյուսը փոխանցմամբ է վճարում աշխատակցին)։

Ինչը կարող է դրական ազդակ լինել ներդրումների համար. Քթոյանը`տնտեսական միջավայրի մասին

Պետական եկամուտների կոմիտեն հիշեցնում է՝ ցանկացած գրանցված աշխատատեղ ձևավորում է լրացուցիչ հարկային եկամուտ, որը նպաստում է երկրի անվտանգության ապահովմանը:

107
թեգերը:
աշխատատեղ, աշխատանք, Վահան Քերոբյան, Հայաստան
Ըստ թեմայի
Ո՞ր դեպքում ֆինանսական-տնտեսական ցնցումներ կլինեն. Մարգարյանը` դրամի կայունության մասին
Քաղաքական ուժերի նախընտրական խոստումները, կամ ինչպես վերականգնել տնտեսությունը
Դատապարտյալները հափշտակել են տնտեսվարող սուբյեկտներին պատկանող գույքը
Գերիների հարազատները նստացույց են սկսել կառավարության շենքի առջև

Գերիների հարազատները նստացույց են սկսել կառավարության շենքի առջև

61
(Թարմացված է 01:06 24.06.2021)
Հարազատները մինչ այդ հանդիպել են ՀՀ վարչապետի պաշտոնակատար Նիկոլ Փաշինյանի հետ։ Հանդիպումը նրանց չի բավարարել։

ԵՐԵՎԱՆ, 24 հունիսի - Sputnik. Այս գիշեր ՀՀ կառավարության գլխավոր մասնաշենքի առջև կանցկացնեն հայ գերիներից մի քանիսի հարազատները։ Sputnik Արմենիայի հետ զրույցում Շիրակի մարզից գերիներից մեկի եղբայրը՝ Տիգրանը, ասաց, որ ցերեկը հանդիպել են ՀՀ վարչապետի պաշտոնակատար Նիկոլ Փաշինյանի հետ։ Հանդիպումը նրանց չի բավարարել, ինչի համար էլ, այլ ելք չունենալով, որոշել են նստացույց անցկացնել կառավարության մոտ։

«Պահանջում ենք գերիների վերադարձն առանց նախապայմանների,-ասաց նա,-այլ տեղ չունենք գնալու»։

Նրան են միացել նաև այլ գերիների հարազատներ։

Հիշեցնենք` հունիսի 12-ին հայտնի դարձավ, որ Բաքուն Ակնայի (Աղդամ) ականապատ տարածքների քարտեզի դիմաց Հայաստանին է փոխանցել 15 հայ ռազմագերի։ Այդպիսով, Հայաստան վերադարձած գերիների թիվը դարձավ 88։

Դրանից հետո ՀՀ վարչապետի պաշտոնակատար Նիկոլ Փաշինյանը հայտարարել էր, որ Ադրբեջանում պահվող հայ գերիների ճշտված թիվը 60 է, չճշտվածներինը՝ 110։

Ոչ պաշտոնական տվյալներով՝ Ադրբեջանում շարունակում են մնալ մոտ 200 հայ գերիներ։

Ռուսաստանն արել և անում է անհնարինը, որ գերիները վերադարձվեն. Կոպիրկին

61
թեգերը:
նստացույց, Հայաստան, գերի
Ըստ թեմայի
ԱԳՆ–ն կոչ է անում միջազգային գործընկերներին Ադրբեջանի դեմ քայլեր ձեռնարկել գերիների հարցով
Բաքվի դատարանը սկսել է 13 հայ գերիների գործով լսումները
Գերի ընկած կանայք տանջամահ են արվել ադրբեջանական բանտերում. Մարուքյանի ելույթը ԵԽԽՎ-ում