Ամանորի սեղան

«Մսային» հետհայացք. ինչ և ինչ գնով ենք կերել Ամանորին 12 օր և 28 տարի առաջ

348
(Թարմացված է 06:50 13.01.2020)
Մրգերն ավելի մատչելի են դարձել բաց շուկայի պատճառով, իսկ սովորական ալյուրը նույն պատճառով թանկացել է:

Նարեկ Խաչատրյան, Sputnik Արմենիայի համար

Ի՞նչ արժեր ամանորյա սեղանը 1991–ին և հիմա։ Կան տարբեր մեթոդներ խորհրդային ռուբլին հայկական դրամի վերածելու։ Բայց կա մեկ այլ տարբերակ` որպես չափման միավոր ընդունել մեկ կիլոգրամ տավարի մսի գինը։

Անձնական արխիվում 1991թ.-ի դեկտեմբերի 25-26-ի երևանյան շուկաների նախատոնական միջինացված գներն ունեի պահած: Քանի որ «Ագրոլրատու» թերթը 2012-2014 թթ.–ին պարբերաբար հրապարակում էր նման գներ, որոշեցի համեմատական զուգահեռներ անցկացնել ԽՍՀՄ վերջին օրերի, հինգ տարի առաջվա և այսօրվա գների միջև:

«Չարազը» մնաց թանկ, բայց...

1991–ի նախաամանորյա սննդից ամենաթանկը, թերևս, ինչպես և հիմա, «չարազեղենն» էր` ընկույզի միջուկն ու ալանին: Երկուսի կգ-ն էլ տատանվում էր 140-150 ռուբլու շրջանակում, իսկ տավարի մսի կգ-ն արժեր 45 ռուբլի: Հետևաբար, «չարազը» թանկ էր տավարի մսից 3-3.5 անգամ: 2014թ.-ի վերջին օրերին պատկերը դեռ նույնն էր. տավարի մսի կգ-ը միջինում արժեր 2500 դրամ, մաքրած ընկույզն ու ալանին` 8-9 հազար։ Բայց վերջին տարիներին մեծ քանակով ընկույզի միջուկ է ներկրվում (հատկապես Ուկրաինայից), և դրա գինը նվազել է մինչև 3.5-6 հազար, մինչդեռ տավարի մսի գինը գրեթե չի փոխվել (2600 դրամ)։ Այսպիսով` ալանին մսից եռակի թանկ է եղել ու մնացել, իսկ ընկույզի միջուկը հիմա թանկ է հազիվ կրկնակի, քանի որ վերջին տարիներին էժանացել է 25-30%-ով:

Сухофрукты и орехи
© Sputnik / Asatur Yesayants
«Չարազեղեն», չրեղեն

Իսկ ահա չամիչն արժեր 80 ռուբլի, մսից գրեթե կրկնակի թանկ: Հիմա` ճիշտ հակառակը. միսն է կրկնակի թանկ չամիչից:

Արդեն էկզոտիկա չէ

Աչքի է զարնում հատկապես ցիտրուսների գների նվազումը: 28 տարի առաջ շուկայական հարաբերությունները նոր միայն սաղմնավորվում էին և ցիտրուս (և ոչ միայն ցիտրուս) քիչ էր ներկրվում: Նարինջն ու մանդարինի մի մասը (որը չէին բավարարում Վրաստանն ու Միջին Ասիան) բերում էին Մարոկկոյից: Հիմա ներմուծման աշխարհագրությունը շատ է ընդլայնվել:

Սովետմիության օրերից Նոր տարվա խորհրդանիշ համարվող մանդարինի կգ-ն 1991-ին 30 ռուբլի էր` մոտ 30%-ով էժան տավարի մսից: Այսօր նույնիսկ ընտիր մանդարինը կարելի է գնել 600-650 դրամով, այսինքն` ոչ թե տոկոսներով, այլ անգամներով է (չորս ու ավելի անգամ) էժան տավարի մսից: Գրեթե նույնն էր նաև 2014թ.-ին:

Նարինջը 91-ին արժեր 50 ռուբլի, 2014թ.-ին՝ 700-1000 դրամ, այսօր՝ 500 դրամ: Այստեղ էժանացումն էլ ավելի ցայտուն է, քան մանդարինի դեպքում: 1991-ին 1 կգ միսը համարժեք էր մոտ 900 գրամ նարնջին, 2014 թ.-ին` 2.5-3 կգ-ին, իսկ այսօր 1 կգ միսը համարժեք է ավելի քան 5 կգ նարնջին:

Фрукты
© Sputnik / Asatur Yesayants
Մրգեր

Կիտրոնն արժեր 10 ռուբլի, այսինքն` 1 կգ մսին «գալիս էր» 4,5 կիտրոն: 2014թ.-ին էլ, այսօր էլ կիտրոնի հատը միջինում արժե 200 դրամ, այսինքն` 1կգ միսն արժե արդեն 12-13 կիտրոն:

Էժանացել է նաև երբեմնի դելիկատես արքայախնձորը: Դրա կգ-ն 30 ռուբլի էր` մսից 30%-ով էժան: Այսօր արքայախնձորի կգ–ն 1200 դրամ է` մսից 55%-ով էժան:

Բա խուրմա՜ն

Այն ժամանակ շուկայում ամենաթանկ մթերքից մեկը խուրման էր` ավելի քան եռակի թանկ էր տավարի մսից: Իսկ այսօր ընտիր խուրման կարելի է գնել տավարի մսից կրկնակի էժան՝ 1200-1500 դրամով:

Իշխանի «նյուանսը»

Իշխան ձուկը 1991թ.-ի դեկտեմբերի վերջին օրերին արժեր հատը 30 ռուբլի (կշռում էր 600-800 գրամ): Կգ-ի հաշվարկով իշխանն ավելի թանկ էր տավարի մսից: 2014թ.-ին իշխանի կգ-ն արժեր 2200-2300 դրամ` արդեն շուրջ 10%-ով էժան տավարի մսից:

Конкурс русской кухни
© Sputnik / Aram Nersesyan
Ձուկ

Իսկ այսօր այն արժե 2400 դրամ: Բայց կա մի էական հանգամանք. ժամանակին այն Սևանի իշխան էր, իսկ հիմա` արհեստական լճերի:

Ձուն ու պանիրը

1991թ. դեկտեմբերի վերջին օրերին ձվի հատը վաճառվում էր 3 ռուբլով, այսինքն` 15 ձուն համարժեք էր մեկ կգ տավարի մսին: 2014թ. դեկտեմբերի վերջերին մեկ ձուն արժեր 75 դրամ, այսինքն` մեկ կիլոգրամ միսը` 35 ձու: Իսկ հիմա ձվի հատը միջինում 55-60 դրամ է, այսինքն` մեկ կգ միսն արժե 44-45 ձու` նախկին 15–ի փոխարեն։ Հասկանալի է, որ սա պայմանավորված է հանրապետությունում թռչնաֆաբրիկաների թվի աճով:

«Պետք է դուխ տալ հայկական բիզնեսին». Նիկոլ Փաշինյանը կոչ է անում չկոտրել հայ գործարարներին

Պանիրը միջինում արժեր 50 ռուբլի: Այն ժամանակ պանրի մի քանի տեսակ կար, մինչդեռ այսօր` տասնյակներ։ Այդուհանդերձ, ամենատարածվածը եղել և մնացել է Լոռին, որի 1 կգ-ն 2400-3000 դրամի սահմանում էր թե՛ հինգ տարի առաջ, թե՛ հիմա: Կարելի է ասել` այս տարիների ընթացքում պանիրը տավարի մսի հետ գրեթե համընթաց էր «քայլում»:

Լավաշի ու կարագի տարբեր ճակատագրերը

Լավաշի հատն արժեր 3 ռուբլի (12 հատ լավաշ` 1 կգ միս): 2014 թ.-ին լավաշի 12 հատն արժեր 1600-1800 դրամ, այսօր` 1500 դրամ (12 հատ լավաշ` 600 գրամ միս): Այսինքն` լավաշը մսի համեմատ փոքր–ինչ թանկացել է։ Այլևս մի պետության մեջ չենք, և ցորենը ստիպված ենք գնել ոչ թե պլանային, այլ շուկայական պայմաններով:

Իսկ ահա կարագի համեմատական արժեքը ներմուծման շնորհիվ իջել է: 91թ.-ին կարագի կգ-ն 100 ռուբլի էր և համարժեք էր 2,2 կգ մսի: 2014 թ. դեկտեմբերին ամենատարածված «նորզելանդական» կարագը «Երևան սիթի»-ում վաճառվում էր 2600 դրամով` գրեթե մսի արժեքով: Այսօր նույն «Սիթի»–ում վաճառվում է 3900–ով` 30%-ով թանկ տավարի մսից (բայց միևնույնն է` ոչ կրկնակի թանկ, ինչպես տարիներ առաջ):

Եվ վերջապես...

Խոզի միսն արժեր 35 ռուբլի` տավարի մսի մոտ 80%-ը: 2014թ.-ին խոզի միսը նվազագույնը 20-30%-ով թանկ էր տավարի մսից, այսօր` 5-10%–ից մինչև 20%-ով էժան է:

Հաջորդ Ամանորը պետք է սկսել պլանավորել արդեն այսօր. Փաշինյանը գոհ է 2019-ից

Նշյալ հրապարակումը նպատակ չէր հետապնդում ցույց տալ, թե կյանքը թանկացել կամ էժանացել է: Սակայն ակնհայտ է, որ գների փոփոխությունները, որքան էլ էական են, միշտ ունեցել են շուկայական տրամաբանություն: Արևադարձային մրգի առաջարկն ավելացել է, կարագինը` ևս, ձվի շուկան ծածկվել է տեղական արտադրանքով։ Իսկ ահա մսի ու ալյուրի դեպքում շուկայի կանոնները, 1991-ի համեմատ, թանկացում են թելադրել։

348
թեգերը:
արքայախնձոր, լիմոն, ձուկ, սեղան, լավաշ, նարինջ, ընկույզ, մանդարին, Ամանոր, Միս
թեմա:
Նոր տարի (71)
Ըստ թեմայի
Եթե ուզում եք ազատվել Ամանորին կուտակած քաշից, հետևեք սննդաբանների խորհուրդներին
Ամանորին քանի՞ մարդ է այցելել թանգարաններ. Փաշինյանը թվեր է հրապարակել
Հաջորդ Ամանորը հանգիստ խղճո՞վ կնշենք. պայթուցիկների վաճառքը կարգելեն
Նիկոլ Փաշինյան

ՊԵԿ-ն ամփոփել է 2019-ը և միջոցառումների կատարողականը ներկայացրել Փաշինյանին

33
(Թարմացված է 19:04 03.08.2020)
2019-ին Հայաստանում տպվել է 38%-ով շատ ՀԴՄ կտրոն, քան 2018-ին, ինչի հետևանքով 2018-ի համեմատ արձանագրվել է 21.9%-ով շատ առևտրաշրջանառություն։

ԵՐԵՎԱՆ, 3 օգոստոսի – Sputnik. Պետական եկամուտների կոմիտեի նախագահ Էդվարդ Հովհաննիսյանը վարչապետ Նիկոլ Փաշինյանին է ներկայացրել 2019 թվականին կատարված ՊԵԿ-ի միջոցառումների կատարողականը: Տեղեկությունը հայտնում է վարչապետի մամուլի ծառայությունը։

Համաձայն Հովհաննիսյանի ներկայացված զեկույցի՝ 2019-ին Հայաստանում տպվել է ավելի շատ ՀԴՄ կտրոն, ՊԵԿ-ում կատարվել են ավելի շատ գանձումներ և հարուցվել են քրեական գործեր, քան 2018-ին և մնացած նախորդ տարիներին։ Օրինակ՝ 2019-ին Հայաստանում տպվել է 120 մլն կամ 38%-ով շատ ՀԴՄ կտրոն, քան 2018-ին, ինչի հետևանքով 2018-ի համեմատ արձանագրվել է 345 մլրդ դրամի կամ 21.9%-ով շատ առևտրաշրջանառություն։

ՊԵԿ իրավական գործառույթ իրականացնող ստորաբաժանումների կողմից 2019-ի ընթացքում պետական բյուջե է գանձվել 63,6 մլրդ դրամ, 2018-ին՝ 30,6 մլրդ դրամ, 2017-ին՝ 26,8 մլրդ դրամ։ 2019-ի ընթացքում հարուցվել են 454 քրեական գործեր: Հաշվետու ժամանակաշրջանում վերականգնվել է 11,9 մլրդ դրամ գումար, 55 քրեական գործով ավարտվել է նախաքննությունը, գործերը մեղադրական եզրակացությամբ ուղարկվել են դատարաններ:

Ռեկորդային ցուցանիշ. պետության պարտքը տնտեսվարող սուբյեկտներին նվազել է

Նվազել են ՊԵԿ-ի ստուգումները։ 2019-ին հարկային մարմնի իրականացրած համալիր հարկային ստուգումների քանակը 2018-ի նույն ժամանակաշրջանի համեմատ նվազել է 5.6%-ով: Իրականացված համալիր ստուգումների թվի կրճատման պայմաններում արձանագրված լրացուցիչ պարտավորությունների գումարն աճել է 81.2%-ով, միաժամանակ աճել է նաև մեկ ստուգմանը բաժին ընկնող լրացուցիչ պարտավորության գումարը 92.0%-ով: 2019-ին 2018թ-ի համեմատ էականորեն նվազել են ՀՀ սահմանով ներմուծվող բեռների նկատմամբ մաքսային մարմինների կողմից իրականացվող բեռների ֆիզիկական զննման դեպքերը։ Դրանց տեսակակար կշիռը ներմուծման հայտարարագրերի ընդհանուր թվի մեջ 2018թ-ի 22%-ի փոխարեն 2019թ. կազմել է շուրջ 12%։ Էականորեն պարզեցվել է ԵԱՏՄ անդամ պետություններում հաշվառված անձնական տրանսպորտային միջոցների ՀՀ սահմանահատման գործընթացը։

Հովհաննիսյանը տեղեկացրել է, որ ներդրվել են երրորդ անձանց վերաբերյալ ՀՀ ՊԵԿ-ին տեղեկատվություն փոխանցելու երկու նորարար վեբ-ծառայություններ:

Հովհաննիսյանը խոսել է նաև Գյումրու արտաքին տնտեսական գործունեության կենտրոնի շինաշխատանքների մասին։ Նա հայտնել է, որ շինարարության առաջին փուլը կավարտվի առաջիկա ամսվա ընթացքում, իսկ երկրորդի աշխատանքները կմեկնարկեն 2021-ին ու կավարտվի 2022-ի վերջին:

Փաշինյանը սրան ի պատասխան հանձնարարել է կենտրոնի շինաշխատանքների ուղղությամբ իրականացնել խիստ վերահսկողություն: Նա նաև հավելել է, որ պատրաստվում է առաջիկայում այցելել սահմանային անցակետեր՝ գնահատելու նախորդ այցից հետո իրականացված աշխատանքները:

Խորհրդակցության վերջում ՊԵԿ նախագահը վարչապետին ներկայացրել է ՀՀ ՊԵԿ 2020-2024 թվականների զարգացման և վարչարարության բարելավման ռազմավարական ծրագիրը:

33
թեգերը:
Պետական եկամուտների կոմիտե (ՊԵԿ), Էդվարդ Հովհաննիսյան (ՊԵԿ նախագահ), Նիկոլ Փաշինյան, Հայաստան
Ըստ թեմայի
Հայաստանում տուրիզմի ոլորտը կոլապսի մեջ է. փրկության 2 ճանապարհ կա
Հայաստանի արտակարգ ամառն ու պաշտոնյաների ձախողված արձակուրդը. ո՞վ է ամենաշատը «հոգնել»
Միջպետական ճանապարհները հիմնանորոգվում են. Փաշինյանը տեսանյութ է հրապարակել
Գևորգ Պետրոսյանը խոստացել է ավլել Հանրապետության հրապարակը, եթե...
Դրամ

Ռեկորդային ցուցանիշ. պետության պարտքը տնտեսվարող սուբյեկտներին նվազել է

68
(Թարմացված է 14:41 01.08.2020)
Տարիներ շարունակ բիզնեսի հիմնական դժգոհության թեման դարձած` պետության կողմից պարտքը իրական գերավճարի մասով, կազմում է ընդամենը 6,6 մլրդ դրամ։

ԵՐԵՎԱՆ, 1 օգոստոսի — Sputnik. Պետական եկամուտների կոմիտեն տեղեկացնում է, որ 2020 թվականի օգոստոսի 1-ի դրությամբ պետության պարտքը տնտեսավարող սուբյեկտներին նվազել է՝ 70 մլրդ դրամի շեմից կազմելով 69,4 մլրդ դրամ:

«Այս ցուցանիշը դրական առումով ռեկորդային է վերջին տասնամյակների համար: Իրական գերավճարը (սահմանված կարգով հաշվարկվող հարկային պարտավորության գումարից ավելի վճարված գումար), ինչը տարիներ շարունակ եղել է բիզնեսի հիմնական դժգոհության թեման, կազմում է ընդամենը 6,6 մլրդ դրամ»,–նշված է հաղորդագրության մեջ։

Իսկ մնացած 62,8 մլրդ դրամը վերաբերում է ավելացված արժեքի հարկի և ակցիզային հարկի դեբետային գումարներին։ Դրանք առաջացել են հարկային մարմին ներկայացված հաշվարկներում արտացոլված հաշվանցման ենթակա գումարներից:

Հիշեցնենք, որ ՀՀ վարչապետ Նիկոլ Փաշինյանը դեռ տարեսկզբին հայտնել էր` 2018 թվականի հունվարի 1-ի դրությամբ կառավարությունը հարկերի գերավճարների գծով տնտեսվարողներին պարտք է եղել 275.7 միլիարդ դրամ: 2020 թվականի հունվարի 1-ի դրությամբ նմանօրինակ պարտքը կազմում է 76.6 միլիարդ դրամ` ներառյալ նաև ԱԱՀ-ի ընթացիկ պարտքերը և դեբետները։ Նրա խոսքով` մեկուկես տարում կառավարությունը բիզնեսին վերադարձրել է մոտ 200 միլիարդ դրամի պարտք:

«Հայփոստը» Ռուսաստանի փոստի հետ համատեղ դրամական փոխանցումների նոր համակարգ է գործարկում

Հարկային օրենսգրքում փոփոխություններ և լրացումներ կատարելուց հետո` 2020-ի հունվարի 1-ից հարկ վճարողները դիմումներ են ներկայացրել և պետությունը հետ է վերադարձնում նրանց ԱԱՀ–ն։ Մինչև օրենքն ուժի մեջ կմտներ, ԱԱՀ-ի դեբետ ունեցող հարկ վճարողների թիվը շուրջ 9000–ն էր, որից շուրջ 3000-ը հին դեբետներ ունեցողներն էին։

68
թեգերը:
տնտեսություն, պարտք, Պետական եկամուտների կոմիտե (ՊԵԿ)
Ըստ թեմայի
Հայաստանի 1000 խոշոր հարկատուները. ՊԵԿ-ը հրապարակել է ցանկը
Ինչպես են ավտոներկրումներն ու կորոնավիրուսն ազդել բյուջեի վրա. ներկայացրել է ՊԵԿ նախագահը
Ֆինանսների նախկին նախարարին և ՊԵԿ–ի ծառայողներին կաշառք են տվել. հարուցվել է քրգործ
Դոնալդ Թրամփ

COVID-ը և ընտրությունները. ԱՄՆ-ում դրանք կանցկացվեն 3 ամսից, ՀՀ-ում էլ՝ 7 սարի հետևում չեն

0
(Թարմացված է 00:31 05.08.2020)
​Եկեք անկեղծ լինենք։ Համավարակի տարածումից ի վեր՝ ամենաթեժ վեճը Հայաստանում սա է՝ նախ, արդյո՞ք իշխանություններն ամեն ինչ արել են հիվանդության տարածումը կանխելու համար, և երկրորդ՝ եթե արել են, ինչո՞ւ է իրավիճակն այսքան տխուր։
Ամերիկյան ընտրությունները՝ երեք ամսից, հայաստանյան ընտրությունները՝ կորոնավիրուսային 7 սարի հետևում

Երկու հարցադրումներին էլ կառավարությունը շատ հստակ պատասխանն ունի։ Առաջին՝ արել ենք ոչ միայն առավելագույնը, այլև անհնարինը՝ տեսեք, թե մեր բժիշկներն ինչպես են օր ու գիշեր աշխատում մարդկանց կյանքը փրկելու համար։ Համաձայնեք՝ իրենց համար շատ շահեկան  տեղից են բռնացրել իշխանությունները՝ դե հո չես հակաճառի՝ ոչ, բժիշկները լավ չեն աշխատել։

​Երկրորդ հարցադրումը՝ բա ինչու ենք այսքան վատ վիճակում, նույնպես շատ կոնկրետ պատասխանն ունի՝ բոլորովին էլ այդքան վատ վիճակում չենք, ինչպես փորձում են ներկայացնել ոմանք։ Գնացեք Ամերիկա և վերջ․․․

Գնանք Ամերիկա։ Այդ երկիրն, իհարկե, շատ ուրույն առանձնահատկություններ ունի՝ 50 նահանգներից յուրաքանչյուրն ինքն է որոշում՝ ինչպես պայքարել կորոնավիրուսի դեմ և Վաշինգտոնը բոլորին չի կարող թելադրել իր կանոնները։ Իսկ դա հասկանալի՞ է չէ, թե ինչի է հանգեցնում՝ վիրուսով հիվանդ եմ, Կալիֆոռնիայից գնում եմ Լաս Վեգաս ու վարակում Նևադա նահանգի բնակիչներին։ Բայց ճիշտ այնպես, ինչպես մեր իշխանություններն են ժխտում, թե ամենավատ ցուցանիշներն ունենք տարածաշրջանում, Ամերիկայի ղեկավարները ևս ժխտում են, որ համավարակի տեսանկյունից ամենավատն են ամբողջ աշխարհում։

Ինչ պետք է անել Սերժ Սարգսյանի և Նիկոլ Փաշինյանի տեսլականների իրականացման համար

​Մեր ու Ամերիկայի տարբերությունն այս հարցում գիտե՞ք որն է։ Մեզ մոտ ընդդիմությունը կամ ավելի ճիշտ խիստ ընդդիմադիր տրամադրվածները ամենասուր քննադատության են ենթարկում կառավարությանը, առողջապահության նախարարին, գլխավորապես վարչապետին, իշխանությունն էլ կուռ պաշտպանության քաղաքականությունն է որդեգրել՝ էն հռոմեական լեգեոնների նման, այնինչ՝ Ամերիկայում նույնիսկ իշխանությունների նկատմամբ միանգամայն դրականորեն տրամադրված վերլուծաբանները փաստում են՝ ինչ-որ բան այն չէ Թրամփի թագավորությունում։ Բերեմ ընդամենը մեկ օրինակ։ Հանրապետականների հետ սերտ կապեր ունեցող տնտեսագետ Մայքլ Սթրեյնը Ձեռնարկատիրության ամերիկյան ինստիտուտից օրերս «Նյու Յորք թայմս» թերթին տված հարցազրույցում փաստել է՝ Թրամփը, իրոք, չի հասկանում, թե որքան բարդ է տնտեսության վիճակը և որքան օրհասական է որոշ աշխատողների և նրանց ընտանիքների վիճակը։

Թեժ վիճաբանություն «հայու գենի» շուրջ, կամ մենք ու Ամերիկան

​Էլի կարելի է զուգահեռներ անցկացնել Հայաստանի և Ամերիկայի միջև, որքան էլ դա անսովոր թվա։ Թրամփը վերջին տարիներին փայլուն տնտեսական ցուցանիշներ ուներ վերընտրվելու համար։ Շատ կոնկրետ օրինակ բերեմ։ Անցած տարի դասընկերս եկել էր Լոս Անջելեսից, սրճարաններից մեկում գարեջուր էինք խմում ու ասաց․ «Էս խեղճ Թրամփին բոլորը քննադատում են, ծաղրում են, բայց ախր իր օրոք կյանքն, իրոք, լավացել է, իր օգտին եմ քվեարկելու»։

​Հիմա ամեն ինչ փոխվել է՝ կորոնավիրուսը սարսափելի հարված հասցրեց Թրամփի վարկանիշին և դա միանգամայն հասկանալի է՝ վերջին եռամսյակում համախառն ներքին արդյունքի անկումն Ամերիկայում կազմեց գրեթե 10 տոկոս։ Վերջին 75 տարում նման բան չէր եղել՝ փաստում են ամերիկյան լրատվամիջոցները, վկայակոչելով Նյու Յորքի օրինակը։ Մարտի սկզբից այդ քաղաքում փակվել է մոտ 3 հազար ձեռնարկություն։ Պատկերացրեք՝ 3 հազար։ Բայց, ճիշտն ասած, ինձ համար էլ էր անակնկալ, որ Նյու Յորքում աշխատատեղերի 98 տոկոսն ապահովում են  խանութները, սրճարանները, վարսավիրանոցները, քիմմաքրման կետերը և այլն….  Եվ, ըստ մասնագետների կանխատեսումների՝ դրանց մեկ երրորդն այլևս երբեք չի վերաբացվի։

Ինչ-որ բան այն չէ ժողովրդավարության նախկին «կղզյակներում»

​Հայաստանի և Ամերիկայի միջև, իհարկե, մի շատ էական տարբերություն կա։ Գրեթե 3 ամսից՝ նոյեմբերի 3-ին Միացյալ նահանգներում նախագահական ընտրություններ են։ Կորոնավիրուսն իր ամենաանմիջական ազդեցությունն է ունենալու քվեարկության վրա։ Հայաստանում հերթական խորհրդարանական ընտրություններն էլ յոթ սարի հետևում չեն, բայց, համաձայնեք՝ ամենակարևորն այն է, թե ինչպիսին կլինեն այդ 7 սարերը։

0
թեգերը:
Դոնալդ Թրամփ, վարկանիշ, Ընտրություններ, կորոնավիրուս, ԱՄՆ, Հայաստան
թեմա:
5 րոպե Դուլյանի հետ
Ըստ թեմայի
Սեպտեմերիանա. ինչպես հույներին վտարեցին Թուրքիայից
Եթե լրագրողը ճշմարտությունն է ասում, նրա ի՞նչ գործն է հոգալ հետևանքների մասին. Բրեդլի
Իսրայելի, Մեծ Բրիտանիայի և Ֆրանսիայի դավադրությունը. ինչպես աշխարհը խուսափեց մեծ վտանգից
Հիշեք այս խոսքերը, երբ հերթական անգամ անցնելու կլինեք Կասկադում պառկած ծխող կնոջ կողքով