Նիկոլ Փաշինյան

ՀՀ իշխանությունների` սաբոտաժի մասին խոսակցությունները վանում են ներդրողներին. քաղտեխնոլոգ

81
(Թարմացված է 14:55 10.01.2020)
Փորձագետները կարծում են, որ 2020 թվականը գործող իշխանության համար որոշակի ջրբաժան կդառնա, իսկ ընդդիմությունը կսկսի ակտիվ գործել։

ԵՐԵՎԱՆ, 10 հունվարի — Sputnik. Հանրությանը «սևերի» և «սպիտակների» բաժանելու Հայաստանի իշխանությունների քաղաքականությունը վանում է լուրջ ներդրողներին, այսօր հրավիրված մամուլի ասուլիսին ասաց քաղտեխնոլոգ Վիգեն Հակոբյանը։

Նրա խոսքով` կառուցողական քաղաքականությունը ամբողջ հասարակության համախմբում է ենթադրում, այդ թեմայի վերաբերյալ սովորաբար գոնե «հերթապահ» արտահայտություններ են հնչում նոր ղեկավարության կողմից։ Սակայն 2018, 2019 թվականին դրանք չհնչեցին, հակառակը

իշխանությունները շարունակեցին հասարակությունը բաժանել «սպիտակների» և «սևերի»։

«Անկախ նրանից, թե ինչ թվեր է հրապարակել ՀՀ վարչապետը, տնտեսության արդյունքները տպավորիչ չեն։ «Սպիտակների» և «սևերի», «սաբոտաժի» մասին խոսակցությունները վանում են ներդրողներին։ Եվ մեծ ներդրումներ, ինչպես ավելի վաղ խոստացել էին, այդպես էլ չեղան», – նշեց Հակոբյանը։

Ինչ տեղի ունեցավ Հայաստանում 2019-ին. ներքաղաքական քամիներն ու աշխարհաքաղաքականությունը

Նրա խոսքով` 2020 թվականի սկզբին իշխանությունները շարունակեցին «հեղափոխական» մարտավարությունը։ Սակայն պարզ չէ, թե արդյոք այդ գործընթացն իներցիո՞ն բնույթ է կրում, թե՞ գիտակցաբար է արվում։

2020 թվականի ավարտն այսպես ասած ջրբաժան կդառնա. ներկայիս իշխանության պաշտոնավարման ժամկետի կեսն անցած կլինի։

Հաշվի առնելով այս ամենը` դեռ անցած ամռան–աշնան ընթացքում ընդդիմադիր դաշտում շարժում սկսվեց, փորձագետը համոզված է, որ 2020 թվականին այդ գործընթացը կաշխուժանա։

Քաղտեխնոլոգ Արմեն Բադալյանի խոսքով էլ` վարչապետը շաբաթը մեկ անգամ ինչ-որ «թշնամի» է գտնում, որպեսզի ցույց տա, որ իր ջանքերը դիմադրության են հանդիպում։

«Ժամանակին ՀՀԿ–ն էր, այնուհետև մյուս ուժերը։ Սա ընդունված պրակտիկա է, երբ դու չես առաջնորդվում կայուն զարգացման պլանով, այլ միայն այսօրվա օրով։ Քաղաքագիտության մեջ դա պոպուլիստական կառավարման մեթոդ են կոչում», – ասաց Բադալյանը։

Կոռուպցիոն դրսևորման բախված օտարերկրյա ներդրողները կարող են դիմել ԱԱԾ

Նշենք, որ դեկտեմբերի 12-ին կառավարության նիստի ընթացքում Փաշինյանը հայտարարել էր, որ ՀՀ պետական ապարատը հակազդում է հեղափոխությանը։ Նրա կարծիքով, և՛ տնտեսական աճին, և՛ մյուս ցուցանիշներին հասել ենք ի հեճուկս պետական կառույցների։ Նույնիսկ կոռուպցիայի դեմ պայքարը տարվում է ի հեճուկս պետական համակարգի, քանի որ իրավապահ մարմիններն անվերջ ձգձգում են գործերի քննությունը։

81
թեգերը:
Ներդրում, Իշխանություն, ընդդիմություն, Նիկոլ Փաշինյան, Հայաստան
Ըստ թեմայի
Գորիսում ներդրումային «բում» է. հյուրանոցային թաղամաս է կառուցվելու
Խաչատրյան. «Հայաստանում տեղի է ունեցել ներդրումային ոլորտների և հոսքերի դիվերսիֆիկացում»
«Սա ոչ այնքան ծախս է, որքան ներդրում». Մարությանի խոսնակը մեկնաբանել է ամանորյա ծախսերը