Կովեր

Կենդանիներին հաշվառելու ծրագիրը կարող է հերթական փող լվանալու միջոցը դառնալ. փորձագետ

121
(Թարմացված է 21:51 25.12.2019)
ՀՀ կառավարությունը որոշել է հաշվառել Հայաստանի խոշոր եղջերավոր անասունների գլխաքանակը։ Կառավարության այս նախաձեռնությունը մասնագետների մոտ թերահավատություն է առաջացրել ու հիշեցրել նախկինի անհաջող փորձերը։

ԵՐԵՎԱՆ, 25 դեկտեմբերի — Sputnik, Նելլի Դանիելյան. Խոշոր եղջերավոր կենդանիներին հաշվառելու ծրագիրը կարող է հերթական փող լվանալու միջոցը դառնալ։ Sputnik Արմենիայի հետ զրույցում նման տեսակետ հայտնեց «Հայաստանի ագրարագյուղացիական միավորում» հ/կ նախագահ Հրաչ Բերբերյանը։

Հիշեցնենք`ՀՀ Էկոնոմիկայի նախարարությունը հայտարարել է խոշոր եղջերավոր կենդանիների համարակալման և հաշվառման ծրագրի մեկնարկի մասին։

2020թ–ին համարակալվելու ու հաշվառվելու է ՀՀ ամբողջ տարածքում առկա շուրջ 800 հազար գլուխ խոշոր եղջերավոր անասունների սեռահասակային կազմը, հետագա տարիներին՝ ևս տարեկան շուրջ 246,5 հազար գլուխ անասուններ:

«Դրա համար պետք է պրակտիկ փորձ ունենան, աշխատած լինեն։ Եթե այդ մարդը չի աշխատել այդ բնագավառում, ինչպես կարող է համարակալում անել, անձնագրավորում անել։ Դա միայն համարակալումը չէ։ Ականջը ծակեն, էդ պլաստմասսան կամ երկաթի կտորը կախեն։ Բա դրա ծինը ո՞վ է համարակալելու, հոտի շարժը ո՞վ է համարակալելու։ Այսինքն` եթե այդ ճանապարհով գնան հերթական փող լավանալու միջոցն է դառնալու»,– ասաց Բերբերյանը։

Նրա մեկնաբանմամբ` հաշվառումն անասնաբուծության մեջ ամենակարևոր ուղղություններից է։ Բայց միայն համարակալմամբ ու հաշվառմամբ խնդիրն անկատար կմնա։ Դրա հետ մեկտեղ անասուններին անհրաժեշտ է անձնագրավորել։ Հակառակ դեպքում, կստացվի այն, ինչ արդեն մեկ անգամ տեղի է ունեցել 1990-ականներին։

Կառավարությունը կովերին LED լամպերով ու ռետինե ներքնակներով էլիտար գոմեր է առաջարկում

«Անկախությունը նոր էր հռչակվել Հայաստանում, երբ գյուղատնտեսության նախարարությունն Արմավիրի մարզում հաշվառման պիլոտային ծրագիր արեց և ձախողեց։ Եթե դարձյալ այս ճանապարհով գնան, արդյունքը նույնը կլինի։ Դա պետք է միաժամանակ ամբողջ Հայաստանի տարածքում արվի և հետևողական ամեն տարի համարակալում իրականցվի, անձնագրավորվի ամեն նոր սերունդը և այլն։ Այսինքն` ամեն տարի ծախսեր է պետք նախատեսել։ Եթե մի անգամ անեն ու հետո ձեռքերը լվանան, քաշվեն մի կողմ, ավելի լավ է նույնիսկ չսկսեն»,– ասաց Բերբերյանը։

Ամբողջական հաշվառման համար, փորձագետի համոզմամբ, բացի նոր սերնդի գրանցումից, հետևողականորեն պետք է գրանցվեն նաև մորթի ու անկման բոլոր դեպքերը։ Դրա համար, ըստ Բերբերյանի, այս գործը պետք է իրականացնեն անասնաբուժական կենտրոններն ու մասնավոր անասնապահները։ Մինչդեռ գյուղնախարարության ու առավել ևս վիճակագրության կոմիտեի ներկայացրած տվյալներին մեր զրուցակիցը չի վստահում։

«Հիմա հիմնականում այդ տեղեկատվությունը գալիս է գյուղապետարաններից, որոնք իրավունք էլ չունեն գյուղատնտեսական տվյալներ հայտնելու, բայց հայտնում են։ Վիճակագրությունը գալիս է մարզպետարաններ, այնտեղ մի քիչ ճոխացվում է։ Հետո գալիս է նախարարություն, այնտեղ էլ ավելի է ճոխացվում։ Եվ այդ ճոխ–ճոխ թվերը վիճակագրության կոմիտեն դնում է վարչապետի կամ նախագահի սեղանին»,– ասաց Բերբերյանը։

«Գործով եմ եկել ձեզ մոտ». հայ տղան կովերի համար «ֆիթնես–թրեքեր» է հորինել

Նշենք, որ հաշվառումն իրականացվելու է անասունի ականջապիտակի վրա գծիկավոր կոդի տեսքով, որը պարունակելու է կենդանու հաշվառման վայրի, տոհմային տեսակի, տարիքի մասին տեղեկատվություն:

Խոշոր եղջերավոր կենդանիների համարակալման և հաշվառման ծրագիրը ֆինանսավորվելու է պետական բյուջեից` 1.44 մլրդ դրամ՝ 2020-2023 թթ. համար: Առաջին փուլը` 2020 թ.–ը, կարժենա շուրջ 750 մլն դրամ։

Այսօր Հայաստանում համարակալված և հաշվառված են միայն ՀՀ ներկրված տոհմային կենդանիները, որոնք ունեն տոհմային հավաստագիր, ինչպես նաև արհեստական սերմնավորման միջոցով ստացված սերունդը։

ՀՀ Վիճակագրական կոմիտեի տվյալներով ՝ 2019թ. հունվար-սեպտեմբերին ՀՀ անասնաբուծության համախառն արտադրանքի արդյունքը կազմել է 250.8 մլրդ դրամ։

Մաքսային ծառայության տվյալներով՝ 2019թ.–ի առաջին կիսամյակում Հայաստանից արտահանվել է 1340 գլուխ խոշոր եղջերավոր անասուն, ներմուծվել է 215 գլուխ։

121
թեգերը:
Հրաչ Բերբերյան, ՀՀ Գյուղատնտեսության նախարարություն, Գյուղապետ, գյուղացի, Գյուղ, կով, կենդանի, Հայաստան
Ըստ թեմայի
Վտանգը կա ու շարունակվում է. ինչպե՞ս պայքարել կենդանիների ապօրինի որսի ու վաճառքի դեմ
Կենդանիների նկատմամբ բռնությունը քրեականացնող օրինագիծն ընդունվեց առաջին ընթերցմամբ
«Երևանի թափառող կենդանիների շուրջ 70%-ը ստերջացվել է». Հակոբ Կարապետյան
Կամավորները մեկնում են Արցախ. արխիվային լուսանկար

Եթե բոլորը գնան բանակ, բիզնեսը կպայթի, կամ ինչի մասին են ամաչում խոսել գործարարները

892
(Թարմացված է 09:01 01.10.2020)
Գործարարները խուսափում են բարձրաձայնել իրենց մտահոգությունները, բայց անհանգիստ են տնտեսության վաղվա օրվա համար։

ԵՐԵՎԱՆ, 1 հոկտեմբերի– Sputnik. Արցախում ու Հայաստանի սահմաններին Թուրքիայի աջակցությամբ Ադրբեջանի սանձազերծած պատերազմի ֆոնին լարվածություն է նկատվում նաև հայաստանյան բիզնեսում։ Sputnik Արմենիայի հետ զրույցում նման տեսակետ հայտնեց «Մանթաշով» գործարարների միության նախագահ Վահրամ Միրաքյանը։

«Օգնություն օգնության համար»․ ի՞նչ վիճակում է բիզնեսը Հայաստանում համավարակից հետո

Նրա դիտարկմամբ` պատերազմի 4 օրերի ընթացքում շուկայում շրջանառության կտրուկ անկում է նկատվում։ Ավելին` նրա խոսքով` որոշ բիզնեսներ, որոնք կորոնավիրուսի ճգնաժամից փորձում էին աստիճանաբար դուրս գալ, դարձյալ ստիպված են փակվել։

«Երևի նույնիսկ COVID-ի օրերին այսքան վատ չի եղել։ Բոլոր ոլորտներին, բացի, թերևս, առօրյա, ամենապարզ ապրանքներից` հաց, հնդկաձավար և այլն, մնացած բոլոր ոլորտներին արդեն հարվածել է»,– ասաց Միրաքյանը։

Հանրային սննդի կետերում ևս, նրա խոսքով, այս օրերին գրեթե այցելուներ չկան։ Առկա դժվարություններին առաջիկայում կարող է ավելանալ մեկ այլ խնդիր` տղամարդ աշխատակիցների պակասը։

«Երեկ կահույքի արտադրությամբ զբաղվող մի տղայի հետ էի խոսում։ Պատմում էր, որ իր արտադրամասի առանցքային աշխատակիցները պետք է գնան բանակ։ Ինքն էլ ասում է, որ վաղը, եթե իրեն էլ կանչեն, ինքն էլ պիտի գնա։ Այդ ընկերությունը տարեկան 200 մլն դրամ հարկ է տալիս, բայց այդ մի քանի օրերի ընթացքում ուղղակի կփակվի։ Եթե բոլորը գնան բանակ, այդ բիզնեսը կպայթի»,– ասաց Վահրամ Միրաքյանը։

Մեր զրուցակիցն ընդունում է, որ պատերազմը թելադրում է իր օրենքները, բայց և հիշեցնում, որ անգամ Հայրենական մեծ պատերազմի տարիներին Խորհրդային Միությունում գործարանները չէին փակում, գործարանի համար կարևոր մասնագետներին ռազմաճակատ չէին տանում։

«Այդ նույն բիզնեսը գումար ու ապրանք է ուղարկում սահման։ Եթե այդ բիզնեսը փակվի, ո՞վ է գումար ուղարկելու, ո՞վ է հարկերը տալու։ Բանակի աշխատավարձերը, սպառազինությունն այդ նույն բիզնեսի հարկերով են, չէ՞, ձևավորվում»,– ասաց Միրաքյանը։

Ամեն հայ կօգնի` ինչով կարող է. Հայաստանի հավաքականի խաղացողները հիմնադրամ են ստեղծել

Ստեղծված իրավիճակում գործարարն իր ու գործընկերների անունից ՀՀ կառավարությանն ու մասնավորապես ՀՀ էկոնոմիկայի նախարարությանն առաջարկում է այս օրերին սպառումը խթանող քայլեր իրականացնել։ Գործարարները կառավարությանն առաջարկում են նաև իրենց մասնագետ աշխատակիցների համար որոշակի քվոտաներ սահմանել։

«Պատերազմից հետո կա կյանք։ Մենք պետք է նաև հեռուն նայենք»,– ասում է Միրաքյանը` հավելելով, որ պատերազմից հետո բիզնեսը չի կարող սկսել զրոյից աշխատել։

Այդուհանդերձ, գործարարներն իրենց մտահոգություններն ու առաջարկները կառավարությանը չեն ներկայացրել ու ձեռնպահ են մնում ներկայացնելուց, քանի որ մտավախություն ունեն, որ իրենց ճիշտ չեն հասկանա։

«Մտածում ենք` սխալ կհասկանան մեզ, եթե ասենք` մեր բիզնեսի կարևոր կադրերին մի տարեք բանակ։ Հնարավոր է` ասեն ` մենք մեր կաշին ենք փրկում, մեր մասին ենք մտածում,– ասաց Միրաքյանը,– Երեկ մեկ այլ գործարար էր զանգել, ասում էր`հիմա, որ ինձ զորահավաքի ծանուցում գա, ես տարեկան 500 մլն տարեկան հարկ վճարող ընկերություն եմ ղեկավարում, 60-70 աշխատող ունեմ, որ ես գնամ, ի՞նչ կլինի իմ ընկերությունը, ի՞նչ կլինի աշխատողների վիճակը։ Բոլորն էլ մտահոգ են։ Բայց բոլորն էլ ամաչում են բարձրաձայնել դրա մասին։ Վախենում են, որ սխալ կընկալվեն»։

«Ներեցեք, որ գումարս քիչ է». միայնակ թոշակառուն բանակի համար գումար է փոխանցել

Նշենք, որ մի շարք այլ գործարարներ ևս սոցիալական կայքերում իրենց գրառումներում նույն մտահոգությունն են հայտնում, բայց առայժմ ձեռնպահ են մնում դրանք ավելի լայն լսարանին հայտնելուց։

«Facebook-ում գովազդ ենք դնում մեր ապրանքը վաճառելու համար, մարդիկ մեկնաբանություններում ահավոր վիրավորանքներ են գրում, ասում են` երկիրը պարտերազմի մեջ է, դուք այստեղ ձեր ապրանքն եք ծախում»,– մեզ հետ զրույցում ասաց առցանց առևտրով զբաղվող մի անհատ ձեռներեց` իր կողմից հավելելով, որ պատերազմի ժամանակ ոչ թե աշխատելը, այլ չաշխատելն է դավաճանություն։

«Իրազեկ և պաշտպանված սպառող» ՀԿ նախագահ Բաբկեն Պիպոյանը պատերազմի ժամանակ դժգոհությունների ի հայտ գալը բնական է համարում։ Բայց և կարծում է, որ այս պահին, երբ սահմաններում պարբերաբար զոհեր են գրանցվում, տնտեսական խնդիրներ քննարկելու ժամանակը չէ։ Փոխարենը Պիպոյանը խորհուրդ է տալիս կոնկրետ առաջարկներով օգնել կառավարությանը` տնտեսական աջակցության ծրագրեր մշակելու, կամ սպասել պատերազմի ավարտին և այդժամ դիմել կառավարությանը` կրած վնասները փոխհատուցելու խնդրանքով։

«Պետք է բիզնեսի պաշտպանությանն ուղղված կառույցները հստակ հաշվառում իրականացնեն։ Դա թիկունքային աշխատանքի կարևոր մասն է` հաշվառում ենք, պահում ենք և ամեն ինչի բարեհաջող ավարտից հետո մշակում հայեցակարգ, տարանջատում ուղղությունները, որոշում առաջնահերթություններն ու աջակցության մեխանիզմներով գնում ենք հաղթանակ տանելու»,– ասաց նա։

Իսկ այս փուլում, երբ սահմանին մարդիկ են զոհվում, Պիպոյանն առաջարկում է համախմբվել բանակի կողքին` լինի առաջնագծում, թե թիկունքում։

Ցավազրկողների մեծ խմբաքանակ է ուղարկվել Արցախ. ինչ վիճակ է ստեղծվել երևանյան դեղատներում

892
թեգերը:
Հայաստան, բիզնես, Պատերազմ, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Հայաստանում ապրող ասորիներն էլ են կամավորագրվում
Երևանի ավագանու 5 անդամ կամավոր մեկնել են Արցախ
Զորակոչվածներն ու կամավորագրվածները տույժ և տուգանք չեն վճարի վարկային ուշացումների համար
Մինե Մինասյան

Զուտ հայկական և բուրավետ բիզնես «դիմակասերների» համար

117
(Թարմացված է 21:03 29.09.2020)
35-ամյա Մինե Մինասյանը կորոնավիրուսի համավարակի ժամանակ առաջին անգամ որոշեց ուժերը փորձել բիզնեսի ոլորտում, ստեղծեց «Booyr» ապրանքանիշը և նույնիսկ պատենտավորեց իր ինքնատիպ գաղափարը։

Ժաննա Պողոսյան, Sputnik Արմենիա

Եթե Սիզիփոսը հայ լիներ,  նա ծանր քարի հետ կապված տառապանքների «մեկնարկից» առավելագույնը մեկ ամիս անց այդ տառապանքը հաճելի ժամանցի վերածելու տարբերակ կհորիներ։ Ինքներդ դատեք. կորոնավիրուսի հետ կապված՝ մայիսից երկրում դիմակ կրելու «խիստ ռեժիմ» է գործում, որն առաջին իսկ օրից հոգնեցրեց գրեթե բոլորին, իսկ արդեն հունիսին շուկայում հայտնվեցին դրանց խիստ ինքնատիպ տարբերակները, որոնք ուզում ես դնել նույնիսկ առանց պարտադրանքի։

Booyr («բույր») այսպես անվանեցին ձեռագործ դիմակների ապրանքանիշը, որի առանձնահատկությունը լեռնային խոտաբույսերի հոտի մշտական առկայությունն է։ Բամբակյա ճերմակ դիմակների վրա հատուկ փոքր գրպան է կարված, որտեղ տեղադրվում է նարդոս, նանա, ուրց, վարդ և այլ խոտաբույսերով պարկիկը։ Ու թեև 35-ամյա Մինան մասնագիտությամբ բիզնես–մարկետոլոգ է, սա ձեռնարկատիրության նրա առաջին փորձն է։

Основатель бренда масок с горными травами Booyr Мине Минасян (25 сентября 2020). Еревaн
© Sputnik / Zara Mika
Մինե Մինասյան

«Ընկերներս ասում են, որ կախվածություն են ձեռք բերում դիմակներից, էնքան համով ա իրանց հոտը։ Էդ էլ իմ միտքն էր, որ դիմակներ կրելը ոչ միայն տանելի, այլ նաև հաճելի լինի, ու որ ամեն դնողն իրան զգա սարի գլխին, բնության գրկում», – ասում է Մինեն։

Դիմակների սեփական շարք ստեղծելու գաղափարը Մինեի գլխում բոլորովին պատահաբար է ծագել ։  Նրա եղբայրը` Մերուժանը, Սևանա լճի մերձակա գյուղերից մեկում զգալով ուրցի կախարդական հոտը և փորձելով այն «պահպանել», պոկեց այն և դրեց դիմակի մեջ։  Եվ Մինեի մոտ անմիջապես ծնվեց գաղափարը։

«Սկզբում սկեսուրիս խնդրեցի փորձնական դիմակներ կարի, ու մենք սկսեցինք փորձարկումներ անել։ Կտորն էինք փոխում, ռետիե կապերը, հետո գրպանիկի տեղն էինք որոշում։ Առաջին անգամ էդ գրպանիկում թեյի փաթեթիկ եմ դրել, որ հասկանամ` հոտը գալիս ա, թե չէ», – ծիծաղելով պատմում է Մինեն։

Այդ օրվանից ընտանիքում (Մինեն ամուսնացած է և ունի երկու որդի) հանգստյան օրերը բազմոցին պառկելուց վերածվեցին սարեր և քաղաքից դուրս ակտիվ այցելությունների։ Մինեն փորձում էր հաճելի հոտերով խոտաբույսեր գտնել։

«Մի անգամ Արա լեռան վրա էինք, ու ես ամուսնուս ասացի` հենց էս հոտն եմ ուզում դիմակներից գա։ Ուրեմն էդ սարի գլխին լիքը ծաղիկներ ու խոտեր կային, համ էլ հողի հոտն էր խառնվել, ու շատ անուշ բուրմունք էր տարածվում։ Մենք տարբեր բույսեր քաղեցինք, բերեցինք տուն, չորացրինք, բայց հոտը հեչ լավը չստացվեց։ Շատ էի ափսոսում, բայց ինչ արած։ Էդ օրվանից որոշեցի հոտերը չխառնել, ու հիմա փաթեթներում միայն առանձին բույսեր են», – պատմում է Մինեն։

Սկզբում Մինան նվիրում էր դիմակները ընկերներին և ծանոթներին` նպատակ ունենալով կարծիքներ լսել և առաջ մղել ապրանքանիշը։ Ոմանք կատակում էին` «խոտի գործ ես անում», իսկ Մինեն ասում էր. «Եթե խոտ վաճառեի, ավելի շատ փող կաշխատեի»։

Основатель бренда Booyr Мине Минасян рассказывает об особенностях масок с горными травами (25 сентября 2020). Еревaн
© Sputnik / Zara Mika
Booyr բրենդի հիմնադիր Մինե Մինասյանը պատմում է բուրավետ դիմակների առանձնահատկությունների մասին։

Ու թեև Մինեն իր բիզնեսը սկսել է համավարակի օրերին,  միայն այս ժամանակահատվածի վրա խաղադրույք անել չի ուզում։

«Դեռ մենակ առօրյա դիմակներ ենք կարում, բայց արդեն միտք կա քնելու ու/կամ յոգայի համար դիմակներ կարել (յոգայում կա հատուկ դիրք` շավասանա, որի ժամանակ մարդիկ դիմակ են կրում)։ Բրենդը հաստատ որոշել եմ թողնել և զարգացնել, անգամ եթե դիմակների կարիք այլևս չլինի՝ ուրիշ բան կմտածենք», – ասում է աղջիկը։

Այսօր Booyr–ի դիմակները հիմնականում Մինեյի սկեսուրն է շարունակում կարել, բայց վերջերս ապրանքանիշը սկսել է համագործակցել Homeland Development Initiative Foundation հիմնադրամի հետ, որը աշխատատեղեր է ստեղծում սահմանամերձ գյուղի կանանց համար։ Մինեին արդեն կօգնեն Տավուշի մարզի սահմանամերձ գյուղի բնակչուհիները։ «Մեկը տանն ա կարում, մնացածը՝ հարյուրավոր կիլոմետրեր հեռու», – ասում է գործարար կինը։

Ինքնատիպ դիմակների գաղափարը նույնիսկ պատենտավորվել է։ Մինեն պատմում է, որ աշխարհում նման նախադեպ չկա, միայն Ռուսաստանում են բույրով դիմակներ կարում, բայց այլ բուժիչ խոտաբույսերով։

Մինասյանը հույս ունի, որ իր գաղափարը դուրս կգա Հայաստանի սահմաններից և խոտաբույսերով ձեռագործ դիմակները հնարավոր կլինի ձեռք բերել աշխարհի տարբեր անկյուններում։

117
թեգերը:
համավարակ, դիմակ, բիզնես
Ըստ թեմայի
Առանց դիմակի համբուրվել չի կարելի․ ում են տուգանում հայ ոստիկանները և ինչի համար
Ո՞ր դեպքում են ուսուցիչներն ու աշակերտներն ազատվում դիմակ դնելու պահանջից. նոր կանոններ
Պարեկային մեքենաներ Երևանի փողոցներում. կրկին դիմակ դնելու կոչեր են հնչում
Մարտակերտ

Մարտակերտը Ադրբեջանի անհաջողության վկայությունն է. Արցախի ՊՆ մամուլի խոսնակ

0
(Թարմացված է 10:32 01.10.2020)
Արցախի պաշտպանության նախարարի խոսնակը վստահեցնում է, որ հակառակորդն անզոր չարությունից է ռմբահարում հայկական բնակավայրերը։

ԵՐԵՎԱՆ, 1 հոկտեմբերի – Sputnik. Արցախի Հանրապետության ՊՆ մամուլի խոսնակ Սուրեն Սարումյանն այսօր Ստեփանակերտում կազմակերպված ճեպազրույցի ժամանակ հայտնեց, որ արցախյան ռազմաճակատում իրավիճակը հարաբերական կայուն է, բայց լարված:

«Մենք պարտավոր են հաշվի առնել իրադարձությունների զարգացման բոլոր սցենարներն ու պատրաստ լինել ցանկացած զարգացման»,- ասաց նա:

Մարտակերտում հակառակորդի երեկվա հրետակոծությունը Սարումյանը որակեց իբրև մարտի դաշտում ունեցած անհաջողության վկայություն:

«Երբ նա մարտի դաշտում ունենում է անհաջողություն, իսկ մենք գիտենք, որ Մարտակերտի գրավման մասին լուրը բացարձակ ապատեղեկատվություն է եղել, այնտեղ անգամ մի սանտիմետր նրանց չի հաջողվել առաջ գնալ, այդ անհաջողության, այսպես ասած, անզոր չարությունից, սկսել է ռմբահարել ռազմական նշանակություն չունեցող թիրախները, այդ թվում՝ Մարտակերտ քաղաքը»,- ասաց Սարումյանը:

Հիշեցնենք՝ սեպտեմբերի 30-ին թշնամին ավիառումբերով ռմբակոծել էր Մարտակերտը, որի հետևանքով երեք մարդ էր զոհել։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 103 զինծառայողներ և 6 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 920 զոհ ունի։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 84 ԱԹՍ–ից, 7 ուղղաթիռից, 170 զրահատեխնիկայից, 1 ինքնաթիռից, «Սմերչից»։ Արցախում և Հայաստանում ռազմական դրություն և համատարած զորահավաք է հայտարարվել։

Խաթարված մանկությունն ու աչքերի լույսը․ Արցախի երեխաների տպավորիչ ֆոտոշարքը

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

0
թեգերը:
Մարտակերտ, Ադրբեջան, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Բողոքի ակցիա ԱՄՆ-ում. հայ համայնքը պահանջում է դատապարտել Ադրբեջանին ու Թուրքիային
Վերջապես մեր դիվանագիտությունը խոշոր հաղթանակ տարավ. Փաշինյան
Արցախ են մեկնել նաև «Կարմիր բերետներ-5165» կամավորական ջոկատի տղաները. տեսանյութ