Հայկական խաղողը վտանգված է. փորձառու գինեգործը ելք է առաջարկում
(Թարմացված է 18:18 16.12.2019)
Հայաստանի գինեգործների միության նախագահ Ավագ Հարությունյանը պատմել է այն վտանգի մասին, որը սպառնում է Արարատյան դաշտի խաղաղի այգիներին, և խնդրի լուծման ձևեր առաջարկել։ԵՐԵՎԱՆ, 16 դեկտեմբերի — Sputnik. Արարատյան դաշտի խաղողն անհրաժեշտ է հնարավորինս արագ փրկել լուրջ հիվանդությունից` ֆիլոքսերայից։ Այս մասին լրագրողներին հայտնեց Հայաստանի գինեգործների միության նախագահ Ավագ Հարությունյանը։
©
Sputnik / Asatur Yesayants
Հայաստանի գինեգործների միության նախագահ Ավագ Հարությունյան
Ֆիլոքսերան հիվանդություն է, որն ուտում է խաղողի վազի արմատները և այն անկենսունակ դարձնում։ Ամբողջ աշխարհում այդ հիվանդությունից պաշտպանված է միայն մի քանի տարածաշրջան։ Երկար ժամանակ այն չկար նաև Արարատյան դաշտում, սակայն 2000-ականների կեսերից սկսեց տարածվել։
Քանի դեռ կոնյակի անվան տակ մգեցված սպիրտ է վաճառվում, խաղողի արտադրությունը չի զարգանա
Հայաստանի խաղողագործական այլ շրջաններում ֆիլոքսերա կար, այդ է պատճառը, որ Արարատյան դաշտում խիստ կարանտին էր պահպանվում (այլ վայրերից խաղող ներկրելն արգելված էր)։
Ջուրը լցնե՞լ, թե՞ ջրի գնով վաճառել խաղողը. աղավնաձորցիներն աջակցության կարիք ունեն
Բացի այդ, ձմռան շեմին խաղողի այգիները սկսում էին առատ ջրել։ Սառը ջրից ֆիլոքսերան, եթե նույնիսկ այն կար, հողի տակ սառում էր կամ իջնում հողի խորքերը, որտեղ խաղողի արմատներն արդեն գրեթե չեն հասնում, և որտեղից այլևս մեծ վնաս չէր հասցնում։
«Նոյեմբեր–դեկտեմբերին մնացող ոռոգման ջուրը կարելի է ինքնարժեքով տալ Արարատյան դաշտի գյուղացիներին։ Այլապես այդ այդ ջուրն ամբողջությամբ բաժին է հասնում մեր արևելյան հարևաններին։ Իսկ եթե մենք դա չանենք, պարզապես կարող ենք կորցնել մեր խաղողի այգիները», – հիշեցրեց Հարությունյանը։
Նշենք, որ Արարատյան դաշտում արդեն ֆիլոքսերայի մի քանի տասնյակ օջախներ կան, որոնք շատ արագ են տարածվում (այն հնարավոր է տարածել նույնիսկ հագուստի կամ կոշիկի միջոցով)։
թեգերը:
Վահան Քերոբյանը հանդիպել է Իրանի հայ գործարարների հետ
(Թարմացված է 15:20 23.01.2021)
Իրանում գտնվող ՀՀ էկոնոմիկայի նախարարն ուզում է ամրացնել Իրանի հայ գործարար համայնքի և ՀՀ–ի տնտեսական կապերը։
ԵՐԵՎԱՆ, 23 հունվարի – Sputnik. Աշխատանքային այցով Իրանում գտնվող ՀՀ էկոնոմիկայի նախարար Վահան Քերոբյանն արդեն իսկ հանդիպումներ է ունեցել։ Նախարարը Facebook–ի իր էջում գրառում է կատարել` հայտնելով, որ հանդիպել է Իրանի հայ գործարար համայնքի հետ։
©
Photo : Facebook / ՀՀ էկոնոմիկայի նախարարություն
«Երեկ Թեհրանի Արարատ ակումբում հանդիպել եմ Իրանի հայ գործարար համայնքի հետ, փորձել ենք հասկանալ, թե ինչպես կարող ենք ուժեղացնել տնտեսական կապերը»,–գրել է նախարարը։
Նա հայտնել է, որ հայ համայնքի ներկայացուցիչների հետ նաև ճաշել է։
Հիշեցնենք, որ ՀՀ էկոնոմիկայի նախարար Վահան Քերոբյանը նախարարության արտաքին կապերի վարչության պետ Արմեն Այվազյանի ու արտաքին գործերի նախարարության սահմանակից երկրների վարչության երրորդ քարտուղար Գարիկ Գրիգորյանի հետ է գործուղվել Իրան։
Պիտի հասկանանք` ինչ ենք կորցրել, և գտնենք դրանք վերականգնելու մեխանիզմները. Վահան Քերոբյան
Նրանք Թեհրան են մեկնել հունվարի 22-ին և կվերադառնան ամսի 26-ին։ Գործուղման նպատակը Իրանի Իսլամական Հանրապետության հետ երկկողմ առևտրատնտեսական համագործակցության զարգացման հեռանկարները քննարկելն է։
Պետք է կտրուկ մեծացնել ռազմարդյունաբերական մշակումների ֆինանսավորումը. Քերոբյան
ՊԵԿ–ը խոստանում է` բիզնեսը դուրս կգա 2020-ի դժվար իրավիճակից. ինչ փոփոխություններ են եղել
(Թարմացված է 12:01 23.01.2021)
2021 թվականից հարկման գրեթե բոլոր համակարգերում գործողները տարբերություն կզգան եկամտային հարկը հաշվարկելիս. եկամտային հարկի 23%-ի փոխարեն գործելու է 22% դրույքաչափը։ԵՐԵՎԱՆ, 23 հունվարի – Sputnik. Պետեկամուտների կոմիտեն տեղեկացնում է, որ հարկ վճարողները մինչև ապրիլի 20-ը նախորդ տարվա համար շահութահարկի հաշվետվությունը ներկայացնելիս առաջին անգամ նոր` ավելի ցածր դրույքաչափ են կիրառելու. շահութահարկի նախկին` 20%-ի փոխարեն արդեն գործում է 18% դրույքաչափը։
Սա, ըստ ՊԵԿ–ի, հնարավորություն կտա բիզնեսին ունենալ ազատ ֆինանսներ և դրանք տնօրինել` ելնելով ընկերության առաջնահերթություններից:
Բիզնեսը շրջանառու միջոցները տնօրինելու ևս մեկ հնարավորություն կունենա, եթե օրենքի ուժ ստանա ավելացված արժեքի հարկի գումարները նոր մեխանիզմով բիզնեսին վերադարձնելու` ՊԵԿ-ի առաջարկը:
«Ներկայում ներմուծվող և ՀՀ տարածքում ձեռք բերված ապրանքների դիմաց վճարված ԱԱՀ գումարները տնտեսվարողները ստանում են եռամսյակը մեկ անգամ, իսկ նախագծով առաջարկում ենք վերադարձնել յուրաքանչյուր ամիս: Կարծում ենք` սա դրական ազդեցություն կունենա բիզնեսի համար` իրենց ապրանքաշրջանառությունն ապահովելու և ավելի ճկուն միջավայրում գործելու հարցում»,-վստահեցնում է ՊԵԿ նախագահ Էդվարդ Հովհաննիսյանը:
Պե՞տք է, որ երկրում գործեն բազմաթիվ զինված կառույցներ. Քոչարյանը` ՊԵԿ-ին զինելու մասին
2021 թվականից հարկման գրեթե բոլոր համակարգերում գործողները տարբերություն կզգան նաև եկամտային հարկը հաշվարկելիս: Եկամտային հարկի 23%-ի փոխարեն գործելու է 22% դրույքաչափը և օրենսդրական փոփոխությունների համաձայն` մինչև 2023 թվականը` յուրաքանչյուր տարի, մեկ տոկոսային կետով նվազելու է:
ՊԵԿ-ի գնահատմամբ` կատարված և առաջարկվող այս փոփոխությունները բիզնեսի ընդառաջ քայլ են, որոնց արդյունքները տեսանելի կլինեն մոտ ապագայում:
Նախատեսվածից 60 մլրդ դրամով ավել եկամուտ է հավաքագրվել. ՊԵԿ նախագահ
«Դա միջամտություն է ներքին գործերին». Մարիա Զախարովան պատասխանել է ԱՄՆ դեսպանատանը
(Թարմացված է 23:23 23.01.2021)
Ավելի վաղ Ռուսաստանի ԱԳՆ-ն նույնպես արձագանքել էր ԱՄՆ դեսպանատան հայտարարությանը, նշելով, որ դա կանդրադառնա ռուս-ամերիկյան հարաբերությունների վրա։ԵՐԵՎԱՆ, 23 հունվարի - Sputnik. Ռուսաստանի ԱԳՆ ներկայացուցիչ Մարիա Զարխարովան պատասխանել է Ռուսաստանում չարտոնված միտինգների վերաբերյալ ԱՄՆ դեսպանատան հայտարարությանը։
«Ահա տեսեք՝ ամերիկյան դեսպանատունը տեղեկություն է հրապարակում։ Սա իսկական միջամտություն է ներքին գործերին», - ասել է Զախարովան «Սոլովյով LIVE»-ի եթերում։
Ավելի վաղ ԱՄՆ դեսպանատունը Ռուսաստանում չարտոնված ակցիաների մասին հաղորդագրությունների ֆոնին հայտարարել էր, որ հետևում է «ռուսական 38 քաղաքներում բողոքի ակցիաների մասին հաղորդագրություններին»։ ԱՄՆ դեսպանատնից ավելացրել էին, որ «սատարում են խաղաղ բողոքի բոլոր մարդկանց իրավունքն ու կարծիք արտահայտելու ազատությունը», իսկ ռուս իշխանության քայլերն, իբրև, «ուղղված են այդ իրավունքը ճնշելուն»։
Մոսկվայում չարտոնված միտինգի ժամանակ 39 ուժայիններ են տուժել
ՌԴ ԱԳՆ-ն արձագանքել է այդ հայտարարությանը, ընդգծելով, որ ծայրահեղական տարրերին սատարելու փորձերը երկկողմանի հարաբերությունների համար բացասական հետևանքներ են ունենալու։ Գերատեսչությունում հիշեցրել են, որ դեսպանատունն առաջին անգամ չէ, որ արհամարհական վերաբերմունք է ցուցադրում դիվանագիտական նորմերի ու կանոնների նկատմամբ ու սոցիալական ցանցերում ակտիվ հաղորդագրություններ է հրապարակում՝ աջակցելով ռուսական քաղաքներում չարտոնված բողոքի ակցիաներին։
Ռուսաստանում քրեական պատիժ կսահմանվի դեռահասներին հանրահավաքներում ներգրավելու համար