ԵՐԵՎԱՆ, 14 նոյեմբերի — Sputnik. Այսօր Հայաստանում 300 մլրդ դրամ գտնվում է սառեցված վիճակում։ Այս մասին ասաց ՀՀ վարչապետ Նիկոլ Փաշինյանը` ՀՀ-ում Ամերիկյան առևտրի պալատի ներկայացուցիչների հետ տարեվերջյան հանդիպման ժամանակ։
«Այդ գումարի կեսը` 150 մլրդ դրամ, սառեցված է, քանի որ դրանց հետ կապված ֆորմալ դատական վեճ կա։ Նա, ով պետք է այդ գումարը վճարի պետությանը, ընդունում է այդ փաստը, սակայն քանի որ չկա դատարանի որոշում, այդ գումարը հնարավոր չէ պետությանը փոխանցել»,–ասաց նա։
Փաշինյանի խոսքով` երբեմն տարիներ են տևում փողային հարցերով դատական վեճերը, քանի որ դատարանները ծանրաբեռնված են։ Մյուս կողմից, սակայն, 150 մլրդը Հայաստանի համար փոքր գումար չէ։ Այսինքն` ըստ նրա` գումարը կա, կան նաև ներդրողներ, բայց հնարավորություն չկա այդ գումարն օգտագործելու։
Մաքսայինի նախկին պետի հյուրանոցն աճուրդի կհանվի. մեկնարկային գինն արդեն սահմանված է
«Դատական համակարգը չի կարողանում պատշաճ ձևով սպասարկել տնտեսությանը։ Դրա համար էլ մենք քայլեր ենք իրականացնում` դրամական վեճերը դատական քննության ոլորտից պետք է հանենք ու նոտարական քննության տանք»,–ասաց նա։
Սաշիկ Սարգսյանը բոլորի փոխարեն վճարել է, բայց Վլադիմիր Գասպարյանի մեղադրանքը խստացվել է
Անդրադառնալով ներդրումային միջավայր ստեղծելուն` Փաշինյանը նշեց, որ պետք է այնպիսի միջավայր լինի երկրում, որպեսզի հարստանալը վատ բան չնշանակի։ Այսինքն` հնարավոր լինի հարստանալ արդար ու ազնիվ ճանապարհով։
Հիշեցնենք, որ դեռ սեպտեմբերի 25–ին Լոս Անջելեսում հայ համայնքի հետ հանդիպման ժամանկ Փաշինյան ասել էր, որ քրեական գործերի քննության ընթացքում քննիչները շատ ծանրաբեռնված են. մեկ քննիչների վարույթում միջինը 30-40 քրեական գործ կա:
Իսկ քրգործերի շրջանակներում պետբյուջե վճարվող փողերի մասին խոսելիս էր նշել էր, որ, օրինակ, բնապահպանության նախկին նախարար Արամ Հարությունյանը, ով մեղադրվում է խոշոր չափերի կաշառքի համար` օգտվելով իր պատգամավորական կարգավիճակից ՀՀ–ից հեռացել է։
