Հայ-ռուսական միջխորհրդարանական հանձնաժողովի նիստը

Սև բերդը` որպես բարեկամության խորհրդանիշ. մեկնարկել է հայ–ռուսական միջխորհրդարանական նիստը

80
(Թարմացված է 13:52 06.11.2019)
Հայ-ռուսական միջխորհրդարանական հանձնաժողովի համատեղ նիստում քննարկվում են ազգային օրենսդրությունները ներդաշնակեցնելու հարցեր։

ԵՐԵՎԱՆ, 6 նոյեմբերի — Sputnik. Գյումրի քաղաքում այսօր` նոյեմբերի 6–ին, մեկնարկել է հայ-ռուսական միջխորհրդարանական հանձնաժողովի նիստը։ Կազմակերպիչները բավական ինքնատիպ տեղ են ընտրել այս միջոցառման համար. նիստն ընթանում է Գյումրու Սև բերդում, որը հայ-ռուսական բարեկամության խորհրդանիշ է, քանի որ կառուցվել է 1834թ–ին ռուս զինվորների և սպաների կողմից։

Հայաստանի և Ռուսաստանի հարաբերությունները հիմնված են բարեկամության և փոխադարձ հարգանքի վրա։ Այս մասին ասաց նիստը բացող, հայ-ռուսական միջխորհրդարանական հանձնաժողովի համանախագահ, Հայաստանի խորհրդարանի փոխխոսնակ Ալեն Սիմոնյանը։ Այդ հարաբերությունները բնորոշվում են քաղաքական, տնտեսական և մարդասիրական երկխոսությունների բարձր մակարդակով։

«Համագործակցության կարևոր բաղադրիչը խորհրդարանականների միջև փոխգործակցությունն է։ Միջխորհրդարանական երկխոսությունը կարևոր հարթակ է օրակարգի առանցքային հարցերը քննարկելու համար», – ասաց Սիմոնյանը։

Տանկեր, Սիրիա և ՀԱՊԿ. հայ–ռուսական գործընկերության ժամանակակից միտումները

Այսօրվա նիստի մասնակիցները քննարկում են ԵԱՏՄ շրջանակում ազգային օրենսդրությունները ներդաշնակեցնելու հարցը։ Սիմոնյանի խոսքով` այն թույլ կտա վերլուծել առկա խնդիրները և համատեղ լուծում մշակել։ Նա համոզմունք հայտեց, որ այսօրվա հանդիպումը նոր խթան կհաղորդի հետագա երկխոսությանը։

Հանձնաժողովի համանախագահ, Դաշնությունների խորհրդի ղեկավարի տեղակալ Յուրի Վորոբյովն իր հերթին նշեց, որ ԵԱՏՄ շրջանակում հանձնաժողովը հաջող աշխատանք է կատարել։

«Ուզում եմ նշել ԵԱՏՄ ամրապնդման մեջ Հայաստանի զգալի ավանդը։ Հայաստանը 2019թ–ից նախագահում է Եվրասիական միությունում, և այդ շրջանում կարևոր քայլեր են ձեռնարկվել կազմակերպությունն ուժեղացնելու ուղղությամբ», – ասաց Վորոբյովը։

Հիշեցնենք, որ ԵԱՏՄ–ում Հայաստանի նախագահության շրջանում միության և Սինգապուրի միջև ստորագրվել է համաձայնագիր ազատ առևտրի գոտու մասին։ Ուժի մեջ է մտել Իրանի հետ նույնանման համաձայնագիր։

Շինշիլայի շուքը. ԵԱՏՄ–ն օգնել է, որ հայերը մուշտակ կարելով փող աշխատեն

Վորոբյովը խոսեց նաև երկու երկրների միջև մշակութային–մարդասիրական համագործակցության մասին։ Նա գոհունակությամբ փաստեց, որ Հայաստանում ռուսաց լեզվի դիրքերը շատ ամուր են։

Заседание Межпарламенской комиссии по сотрудничеству Национального Собрания РА и Федерального Собрания РФ (6 ноября 2019). Гюмри
© Sputnik / Andranik Ghazaryan
Հայ-ռուսական միջխորհրդարանական հանձնաժողովի նիստը

Նիստին մասնակցում են Հայաստանում Ռուսաստանի դեսպան Սերգեյ Կոպիրկինը և Ռուսաստանում Հայաստանի դեսպան Վարդան Տողանյանը։

80
թեգերը:
Գյումրի, Եվրասիական Տնտեսական Միություն (ԵԱՏՄ), Ռուսաստան, Հայաստան
թեմա:
Հայաստան-Ռուսաստան համագործակցություն (143)
Ըստ թեմայի
ԵԱՏՄ-ն և Աֆրիկան քննարկում են փոխադարձ հաշվարկներն ազգային արժույթով իրականացնելու հարցը
Խոչընդոտներ ԵԱՏՄ–ի ներսում. պատգամավորները կարող են օգնել հաղթահարել տարաձայնությունները
«Կարծում եմ` ամեն ինչ ստացվեց». Մեդվեդևը` ԵԱՏՄ–ում Հայաստանի նախագահության մասին