«Զվարթնոց» օդանավակայան

Տնտեսությունն աճում է, գյուղատնտեսությունը` անկում ապրում, խոպան գնացողները պակասել են. ԿԲ

59
ՀՀ կենտրոնական բանկը վերագնահատել է 2019թ.–ի վերջին տնտեսական ցուցանիշների կանխատեսումը։ Դրանց համաձայն` տնտեսական աճը գերազանցել է սպասելիքները, աշխատուժն էլ գերադասել է մնալ Հայաստանում։

ԵՐԵՎԱՆ, 5 նոյեմբերի — Sputnik. 2019թ.–ի 10 ամիսների համար Կենտրոնական բանկը մինչև 7 տոկոս տնտեսական աճ է կանխատեսում։ Այս մասին այսօր լրագրողների հետ հանդիպմանն ասաց ԿԲ դրամավարկային քաղաքականության վարչության պետ Վահագն Գրիգորյանը:

«Նայելով հոկտեմբերի նոր հրապարակված թվերին մենք 6.9–ից մի փոքր ավելի աճ ենք կանխատեսում։ Նույնիսկ հնարավոր է հասնի 7 կամ 7.1 տոկոսի»,– ասաց նա։

Հայաստանյան տնտեսության հիմնական շարժիչ ուժերը հոկտեմբերին ևս եղել են արդյունաբերությունն ու ծառայությունները, որոնց աճը կազմել է 9 տոկոս։ Շատ դանդաղ տեմպերով աճել է նաև շինարարությունը։ Իսկ գյուղատնտեսությունը հոկտեմբերին ևս շարունակել է անկում ապրել։

«Գյուղատնտեսության ու շինարարության զարգացումներն անգամ մի փոքր ավելին են, քան մենք սպասում էինք»,– ասաց Գրիգորյանը։

Տնտեսական աճին, ԿԲ տվյալներով, հիմնականում նպաստում է մասնավոր սպառումը, որի աճը եռամսյակի ընթացքում 11-14 տոկոս է կազմել։

Հոկտեմբերին Հայաստանից արտահանումների ծավալը ևս աճել է։ Ընդ որում, աճի տեմպը գերազանցել է ներմուծման աճի տեմպը։

Կենտրոնական բանկը վերագնահատել է նաև երկարաժամկետ տնտեսական աճի ցուցանիշները։ Եթե նախկինում 4.5 տոկոս աճ էր կանխատեսվում, այժմ կանխատեսումը բարձրացվել է 5 տոկոսի։

«Դա հիմնականում կապված է վերջին շրջանում աշխատուժի շուկայում գրանցված զարգացումների հետ։ Երևում է, որ սահմանահատումների սալդոն մեզ մոտ, որ նախորդ տարիներին բացասական էր, 2018թ.–ից չեզոք է կամ 0-ին մոտ։ Նույնիսկ 2018թ.–ին որոշակի դրական է եղել»,– ասաց Գրիգորյանը։

ԿԲ–ն կանխատեսում է, որ աշխատուժի տեղաշարժի դրական միտումները կպահպանվեն նաև առաջիկայում։ ԿԲ–ի մասնագետները հույս ունեն, որ ապագայում ևս Հայաստանում այս ցուցանիշն այլևս բացասական չի լինի։

59
թեգերը:
արտագաղթ, աշխատանք, տնտեսություն, Կենտրոնական բանկ (ԿԲ)
Ըստ թեմայի
«ԱՄՆ–ի քաղաքականությունը կհանգեցնի տնտեսական ահաբեկչության». Ռոհանի
Ավետիսյան․ «Տնտեսական ռիսկը բարձրացել է` նաև քաղաքական գործոնով պայմանավորված»
Ավետիսյան․ «Հարկային վարչարարության խստացումը ապախթանում է տնտեսական զարգացումը»