Նիկոլ Փաշինյան

Որքանո՞վ են ավելացել ՀՀ խոշոր հարկատուների վճարած հարկերը. Փաշինյանը նոր թվեր է հրապարակել

130
(Թարմացված է 09:47 04.11.2019)
Վարչապետը նշել է, որ այս տարվա ինն ամիսներին հազար խոշոր հարկ վճարող ընկերությունները նախորդ տարվա նույն ժամանակահատվածի համեմատ պետբյուջե վճարել են 13.5 տոկոսով ավել գումար։

ԵՐԵՎԱՆ, 4 նոյեմբերի - Sputnik. ՀՀ վարչապետ Նիկոլ Փաշինյանը ներկայացրել է 2019թ. հունվար-սեպտեմբեր ամիսներին նախորդ տարվա նույն ժամանակահատվածի համեմատ, 1000 խոշոր հարկատուների պետբյուջե վճարած հարկերը և արձանագրել, որ այս տարի հարկերի ընդհանուր թիվն ավելացել է։ Այս մասին Facebook-ի իր էջում գրել է վարչապետ Նիկոլ Փաշինյանը։


«1000 խոշորագույն հարկատուների պետական բյուջե վճարած հարկերի ընդհանուր մեծությունը կազմել է շուրջ 765 մլրդ դրամ, ինչը 13.5%-ով ավելին է նախորդ տարվա համապատասխան ցուցանիշից»,- գրել է նա։

Ըստ վարչապետի` 2019թ. առաջին 9 ամիսներին, նախորդ երկու տարիների նույն ժամանակահատվածի համեմատությամբ, աճել է նաև 10, 50 և 100 խոշորագույն հարկատուների վճարած հարկերի ընդհանուր մեծությունը:

«Այսպես, 2019-ի հունվար-սեպտեմբեր ամիսներին 10 խոշորագույն հարկատուները պետական բյուջե են վճարել մոտ 190 մլրդ դրամ հարկ, ինչը նախորդ տարվա համեմատությամբ ավելի է 21.5 մլրդ դրամով կամ 12.6%-ով: 100 խոշոր հարկատուները, 2018թ. համեմատ, վճարել են 50 մլրդ դրամով ավելի հարկ»,- նշել է նա:

Փաշինյանի խոսքով` 2019թ. հաշվետու ժամանակահատվածում 1000 խոշորագույն հարկատուների ցանկում ներառվելու համար պետք էր վճարել առնվազն 119 մլն դրամի հարկ, 2018-ին` 98 մլն դրամից մի փոքր ավելի, իսկ 2017-ին` դրա համար բավարար կլիներ ընդամենը 80 մլն դրամի չափով հարկային պարտավորության կատարումը:

Հարկերն աճել են, հարկատուները` փոխվել. ՊԵԿ–ը հրապարակել է խոշոր հարկատուների նոր ցանկը

Հիշեցնենք` օգոստոս ամսվա դրությամբ 1000 խոշոր հարկատուների վճարած հարկերը ևս գերազանցում են նախորդ տարվա ցուցանիշը. առաջին կիսամյակի դրությամբ հարկատուները պետբյուջե են վճարել 14.3 տոկոսով ավել գումար։

Ըստ այդմ, Հայաստանի 1000 խոշոր հարկատուներից ամենաշատ հարկ վճարողը «Զանգեզուրի պղնձամոլիբդենային կոմբինատն» է`29.5 մլրդ, երկրորդ տեղում «Գրանդ Տոբակոն» է` 28.3 միլիարդ, երրորդ տեղում`  «Գազպրոմ Արմենիան»` 22.8 մլրդ դրամով։


 

130
թեգերը:
խոշոր հարկատու, հարկեր, տնտեսություն, Նիկոլ Փաշինյան, Հայաստան
Ըստ թեմայի
Սոված չենք մնա. ՀՀ–ում նվազագույն կենսաթոշակը կբարձրանա
Հանքարդյունաբերության և մեդիադաշտի իրական տերերը կբացահայտվեն. նախարար
Այս թվերը հպարտանալու առիթ են տալիս. Պետրոսյանը վերջին հաշվետվությունն է ներկայացրել
Նոր աշխատատեղեր, տեղական արտադրության հագուստ. վարչապետը մասնակցել է ֆաբրիկաների բացմանը