Նիկոլ Փաշինյանը ներկա է գտնվել հագուստի արտադրության նոր ֆաբրիկաների բացման արարողությանը

Նոր աշխատատեղեր, տեղական արտադրության հագուստ. վարչապետը մասնակցել է ֆաբրիկաների բացմանը

167
(Թարմացված է 19:12 01.11.2019)
Նիկոլ Փաշինյանը ողջունել է թեթև արդյունաբերության ոլորտում նոր ներդրումային ծրագրերի իրականացումը և նշել, որ ՀՀ կառավարությունը պատրաստ է աջակցել ոլորտի զարգացմանն ու առաջընթացին:

ԵՐԵՎԱՆ, 1 նոյեմբերի — Sputnik. Երևանի նորաբաց հագուստի ֆաբրիկաները ներկայում ստեղծել են 1000 նոր աշխատատեղ, առաջիկայում այդ թիվը նախատեսվում է հասցնել 3 հազարի: Ֆաբրիկաներում արտադրվելու են բաճկոններ, կաշվի կտոր, գործված հագուստ:

Премьер-министр Никол Пашинян на открытии новых фабрик по пошиву одежды (1 ноября 2019). Еревaн
Նիկոլ Փաշինյանը ներկա է գտնվել հագուստի արտադրության նոր ֆաբրիկաների բացման արարողությանը

Ինչպես տեղեկացնում են ՀՀ կառավարության մամուլի ծառայությունից, վարչապետ Նիկոլ Փաշինյանն այսօր Երևանում ներկա է գտնվել հագուստի արտադրության այս նոր ֆաբրիկաների բացման արարողությանը: Մեկ մասնաշենքում գործունեություն են ծավալելու «Ալեքս տեքստիլ», «Սարտեքս» «Ասա Գարմենտ» ապրանքանիշների կարի ֆաբրիկաները:

Премьер-министр Никол Пашинян на открытии новых фабрик по пошиву одежды (1 ноября 2019). Еревaн
Նիկոլ Փաշինյանը ներկա է գտնվել հագուստի արտադրության նոր ֆաբրիկաների բացման արարողությանը

Վարչապետը շրջայց է կատարել արտադրամասերում, ծանոթացել արտադրական գործունեությանն ու տեսականուն: Գործադիրի ղեկավարը ողջունել է թեթև արդյունաբերության ոլորտում նոր ներդրումային ծրագրերի իրականացումը և նշել, որ ՀՀ կառավարությունը պատրաստ է իր գործիքակազմերի շրջանակում աջակցել ոլորտի զարգացմանն ու առաջընթացին:

Премьер-министр Никол Пашинян на открытии новых фабрик по пошиву одежды (1 ноября 2019). Еревaн
Նիկոլ Փաշինյանը ներկա է գտնվել հագուստի արտադրության նոր ֆաբրիկաների բացման արարողությանը

«Սարտեքս» ֆաբրիկան ստեղծվել է «Ալեքս տեքստիլի» և իտալական «Սարտիս» ընկերության համագործակցությամբ, որը զբաղվում է հայտնի MaxMara, Moncler, Peuterey, Dolce&Gabana, Dainese և այլ հանրահայտ բրենդների հագուստի արտադրությամբ: Երևանյան արտադրանքն ամբողջությամբ արտահանվելու է Իտալիա: «Ալեքս տեքստիլը» համագործակցում է նաև Չինաստանում բրենդային վերնահագուստ արտադրող խոշորագույն ընկերություններից մեկի հետ: Համագործակցության արդյունքում արտադրված ամբողջ տեսականին ևս արտահանվելու է արտերկիր:

«Ես թոշակի եմ անցել, յան տվեք». Սամվել Ալեքսանյանը խուսափեց լրագրողներից

2020 թվականին «Ալեքս տեքստիլը» նախատեսում է Արտաշատում բացել տնային տեքստիլի և սրբիչի արտադրություն, ինչպես նաև ևս մեկ կարի ֆաբրիկա: Ընդհանուր առմամբ նախատեսվում է ստեղծել ևս 1500 նոր աշխատատեղ:

Հայաստանում շաքարավազ չի արտադրվում. Հակամրցակցային մարմինն ուսումնասիրում է շաքարի շուկան

167
թեգերը:
գործարան, գործարար, հագուստ, Նիկոլ Փաշինյան, Սամվել Ալեքսանյան, Հայաստան
Ըստ թեմայի
Մակարյան. «Գործազրկության 2.5 տոկոս նվազման համար եղել են իրական հնարավորություններ»
Փաշինյանը չի հրաժարվել 10 մլն ծառ տնկելու գաղափարից. վարչապետը կրկնեց իր հայտարարությունը
Ավելի քան 300 աշխատատեղ` ուսանողների համար. կայացավ աշխատանքի տոնավաճառը