ԵՐԵՎԱՆ, 29 հոկտեմբերի — Sputnik. Իրական սեփականատերերի բացահայտման ինստիտուտը բոլոր ոլորտների համար է գործելու՝ հանքարդյունաբերության, մեդիադաշտի և այլն։ Այս մասին «Իրական սեփականատերերի թափանցիկության» թեմայով աշխատաժողովի ժամանակ լրագրողների հետ զրույցում ասաց արդարադատության նախարար Ռուստամ Բադասյանը:
«Իրական սեփականատերերի ինստիտուտի ներդրման առումով լուրջ քայլեր նոր–նոր են կատարվում, քանի որ այն համակարգը, որն ունենք, արդյունավետ չէ։ Այսինքն` ռեգիստրում իրավաբանական անձ գրանցելիս միայն տնօրենի հայտարարությունն իրական սեփականատիրոջ մասին, բնականաբար, չի կարող արդյունավետ լինել»,–ասաց նախարարը։
Բադասյանի խոսքով` դեռ պարզ չէ, թե իրական սեփականատերերին ի՞նչ գործիքների միջոցով պետք պարզեն։ Նա նշեց, որ, օրինակ, միջազգային պրակտիկայում սեփականատերերի մասին հավաքվող ինֆորմացիան տարբեր է, և տարբեր դրա հասանելիության աստիճանը:
«Ներդրողները, որոնք ուզում են գործունեություն ծավալել ու ներդրում անել, պետք է իմանան` ում հետ են աշխատում և գործարք կնքում»,–ասաց Բադասյանը։
Փաշինյանը լրատվամիջոցներին մեղադրել է իրենց իշխանությանը «հանրապետականացնելու» մեջ
Հիշեցնենք, որ ՀՀ ազգային ժողովի տնտեսական հարցերի մշտական հանձնաժողովն ապրիլինի դրական եզրակացություն էր տվել կառավարության ներկայացրած օրենսդրական նոր նախաձեռնությանը, որով կարգավորվում է ընդերք օգտագործող կազմակերպությունների իրական սեփականատերերի բացահայտման գործընթացը:
