Նիկոլ Փաշինյան

«2019թ–ի բյուջեն կարող է թերակատարվել». Փաշինյանը դա բնական է համարում

154
(Թարմացված է 15:32 09.10.2019)
Նիկոլ Փաշինյանը մեկնաբանել է, թե ինչու այս տարվա պլանավորված ծրագրերը չեն իրականացվել։ Կառավարությունը 2019թ–ը կփակի բյուջեի թերակատարված ցուցանիշներով։

ԵՐԵՎԱՆ, 9 հոկտեմբերի — Sputnik. 2019թ–ի բյուջեն կարող է թերակատարվել։ Այս մասին այսօր կառավարությունում 2020թ–ի բյուջեի նախագծի ոլորտային քննարկման ժամանակ հայտարարեց ՀՀ վարչապետ Նիկոլ Փաշինյանը։

«Մենք բյուջեի ծախսային մասի թերակատարման ռիսկի առաջ ենք կանգնած, որովհետև անցած տարի տեղի ունեցած քաղաքական փոփոխություններից հետո բյուջետային ծախսերի` բոլորիս հայտնի տրամաբանությունը էականորեն փոխվել է»,– ասաց վարչապետը` միաժամանակ հավելելով, որ այդ գործընթացն ինքը միանգամայն բնական է համարում։

Փաշինյանը հիշեցրեց, որ ՀՀ քաղաքական ղեկավարությունը սկզբունքային խնդիր է համարում բյուջետային ծախսերի արդյունավետ իրականացումը, կոռուպցիայի և չարաշահումների բացառումը։

«Եվ այս առումով մենք տեսնում ենք, որ պետք է ունենանք ինստիտուցիոնալ լուծումներ, որ գումարները ոչ միայն ծախսվեն ու դառնան բյուջեի կատարողական, այլև ծախսվեն և դառնան իրականության մեջ արտահայտված` մեր քաղաքացիների կյանքի որակը, մեր երկրի տնտեսական աճի որակը և ընդհանրապես մեր երկրի տնտեսական մակարդակը փոխող քաղաքական ու տնտեսական իրողություններ»,– ասաց վարչապետը։

Փաշինյանը նշեց նաև, որ բյուջեի թերակատարումը հիմնականում պայմանավորված է ծրագրված, բայց չիրականացված կապիտալ ծախսերով։ Այս իրավիճակը վարչապետն այսպես բնորոշեց. «Պետությունն ունի փող, բայց դժվարություն ունի այդ փողը ծախսելու արդյունավետ գործիքակազմ կիրառելու մասով»։

Այս մտայնությամբ էլ կառավարությունը, Փաշինյանի դիտարկմամբ, որոշել է ձեռնպահ մնալ մի շարք կապիտալ ծախսեր կատարելուց։

Ինչ վերաբերում է 2020թ–ի պետական բյուջեի նախագծին, այն հանգամանալից քննարկելու համար Փաշինյանն այսօրվանից սկսած ոլորտային քննարկումներ է նախաձեռնել կառավարության անդամների մասնակցությամբ։

Վարչապետի մոտ այսօր կքննարկվեն շրջակա միջավայրի նախարարության բյուջետային հատկացումներն ու նախանշված ծրագրերը։

«Տնտեսության մեջ կարևոր են ոչ թե չոր թվերը, այլ հանրային տրամադրությունը». Փաշինյան

Քննարկման ընթացքում կներկայացվի ոլորտի ծրագրերի շուրջ ֆինանսների նախարարության տեսակետը, որից հետո շրջակա միջավայրի նախարարությունը կներկայացնի իր գնահատականները։

Քննարկումներն անցնելու են դռնփակ ռեժիմով։

«Հայաստանը կարող ենք դարձնել դրախտ տաղանդավոր մարդկանց համար». Փաշինյան

154
թեգերը:
բյուջե, Նիկոլ Փաշինյան, Հայաստան
Ըստ թեմայի
ՀՀ տնտեսությունն ունի լավ տրամադրություն. Փաշինյանը ներկայացրել է տնտեսական ցուցանիշները
Հուլիսին տնտեսական ակտիվության ցուցանիշն աճել է. Փաշինյանը «հրաշալի թվեր» է հայտնել
Պետք է աշխատենք տնտեսական կապերն ամրապնդելու ուղղությամբ. Փաշինյանը` Մոլդովայի նախագահին
Փաշինյանն այցելել է Էռնեկյանին պատկանող տնտեսություն
Խաղողի այգի, արխիվային լուսանկար

Կառավարությունը կաջակցի խաղողի մթերմանը. վարչապետի կարծում է՝ դրանից կօգտվեն գյուղացիները

42
(Թարմացված է 13:08 13.08.2020)
Կորոնավիրուսի տնտեսական հետևանքների չեզոքացման քսանչորսերորդ միջոցառումը վերաբերում է գինեգործությամբ ու կոնյակագործությամբ զբաղվող ընկերություններին։

ԵՐԵՎԱՆ, 13 օգոստոսի - Sputnik. ՀՀ կառավարությունն այսօր ընդունեց կորոնավիրուսի հետևանքների չեզոքացման 24-րդ միջոցառումը, որով նախատեսվում է աջակցել խաղողի մթերմամբ, գինեգործությամբ ու կոնյակագործությամբ զբաղվող ընկերություններին։

ՀՀ էկոնոմիկայի նախարար Տիգրան Խաչատրյանը նշեց, որ ծրագրով կառավարությունը նախատեսում է սուբսիդավորել այս ոլորտի ընկերություններին տրամադրվող վարկերի տոկոսադրույքները։

«Կորոնավիրուսի հետևանքով ինչպես ներքին շուկայում, այնպես էլ արտաքին շուկաներում կոնյակի ու գինու նկատմամբ պահանջարկը նվազել է, ինչն ազդել է նաև իրացման ծավալների վրա»,– ասաց նա։

Նրա խոսքով՝ պաշտոնական վիճակագրության համաձայն, իրացման ծավալների անկումը հասել է 30 և ավելի տոկոսի։ Այս իրավիճակի հետևանքով բանկերը սկսել են ավելի բարձր տոկոսներով ու ավելի զգուշավորությամբ վարկեր տրամադրել այդ ընկերություններին։

«Եվ դա այն ժամանակահատվածում, երբ առջևում խաղողի մթերումներն են ու մենք ունենք տեղեկություններ, որ խաղողի բերքն այս տարի ավելի բարձր է լինելու, քան նախորդ մի քանի տարիներին»,– պարզաբանեց նախարարը` հավելելով, որ նախորդ տարիների արտադրանքը չվաճառելու պարագայում վերամշակողները դժվարություններ են ունենալու խաղողի նոր բերքը մթերելու հարցում։

«Խաղողագործության համար նախատեսված ծրագրերը մեծ մասամբ չեն իրականանում». Արտակ Սարգսյան

Հետևաբար, կառավարությունը որոշել է աջակցել այս կազմակերպություններին` վարկային տոկոսների սուբսիդավորման միջոցով։

«Մենք չենք վերցնում որևէ շուկայական ռիսկ։ Վարկի վերաբերյալ որոշումները կայացնում են ֆինանսական կազմակերպությունները, իսկ մենք սուբսիդավորում ենք վարկի տոկոսն ամբողջությամբ»,– ընդգծեց Խաչատրյանը։

Վարկի առավելագույն չափ է սահմանվում 3 մլրդ դրամը, որը կարող է մարվել 3-6 ամսում։

ՀՀ վարչապետ Նիկոլ Փաշինյանը հարցի քննարկման ընթացքում նկատեց, որ այս միջոցառման վերջնական շահառուն խաղողագործներն են, գյուղացիները։

«Մենք նաև պայմանավորվածություններ ենք ձեռք բերել, որ այս տարի խաղողի լիարժեք մթերում տեղի ունենա»,– հավելեց Փաշինյանը։

Հիշեցնենք`կորոնավիրուսի համաճարակի ու արտակարգ դրության ռեժիմի հետևանքով Հայաստանում այս տարի գինու սպառումն ու արտահանումը նվազել է։

Գինու ազգային կենտրոնի նախագահ Ավագ Հարությունյանը Sputnik Արմենիային հայտնել էր, որ գինու սպառումն այս տարի անցյալ տարվա համեմատ 50 տոկոսով նվազել է, ինչը, նրա համոզմամբ,  չի կարող բացասաբար չանդրադառնալ մթերման գործընթացի վրա։

Լավագույն դեպքում` վերամշակողները խաղողը դաշտերում չեն թողնի, բայց դրա դիմաց առնվազն 20 տոկոս էժան կվճարեն` ոչ ավելի, քան 120 դրամ` 1 կգ–ի դիմաց։ Մինչդեռ, ֆերմերները պնդում են, որ բանկերից գյուղվարկեր են ստացել առնվազն 150 դրամ վաճառքի հաշվարկով։

42
թեգերը:
մթերում, վարկ, ծրագիր, կառավարություն, Խաղող
Ըստ թեմայի
Խաղողի առատ բերքը լուրջ խնդիր կառաջացնի. Հարությունյանը գնդակն ուղղում է գործադիրի դաշտ
Սարգսյան. «Խաղողի բերքը նախորդ տարվա համեմատ պակաս է 40 տոկոսով
Խաղողի բերքն առատ կլինի, լրացուցիչ վարկ կտրամադրվի. նախարարն ու գինեգործները հանդիպել են
Գինը չեն իջեցնում, բայց «նկարած թվեր» էլի կան. ստուգումներ` Հայաստանի խաղողի այգիներում
Նիկոլ Փաշինյան

Հայաստանում շինհրապարակ նշանակում է աղբանոց. Փաշինյանը դժգոհեց բիզնեսի որակից

159
(Թարմացված է 12:34 13.08.2020)
Նիկոլ Փաշինյանի բնորոշմամբ` հայաստանյան գործարարների համար գերադասելի է հնարավորինս երկար ու լայն ավտոմեքենայով և հնարավորինս երկար շարասյունով շրջել, քան գումար ներդնել գիտելիքի, տեխնոլոգիաների, ստանդարտների վրա։

ԵՐԵՎԱՆ, 13 օգոստոսի — Sputnik. Հայաստանում ճգնաժամի ավարտից հետո ՀՀ կառավարությունը ձեռնամուխ է լինելու բիզնեսի ստանդարտների  «ամենադաժան ձևով» բարձրացմանը։ Տեղեկությունն այսօր կառավարության նիստում հայտարարեց ՀՀ վարչապետ Նիկոլ Փաշինյանը` անդրադառնալով բիզնեսում տարիներ շարունակ գոյություն ունեցած «առուփախի» տրամաբանությանը։

«Մեր երկրում կա գործարարության ստանդարտ, որի արդյունքում ցանկալի է, որ հնարավորինս լայն, հնարավորինս երկար ավտոմեքենայով ու հնարավորինս երկար շարասյունով շրջեն, քան գումար ներդնեն գիտելիքի վրա, տեխնոլոգիայի վրա, ստանդարտի վրա»,– ասաց Փաշինյանը` հիշեցնելով, որ կառավարությունը պայմանավորվել էր բարձրացնել Հայաստանում առկա բոլոր ստանդարտները, բայց կորոնավիրուսի հետևանքով առաջացած ճգնաժամը հետաձգեց այդ ծրագրերը։

«Եկեք գնանք նայենք շինհրապարակները մեր երկրում։ Ես քանի անգամ բարձրացրել եմ այդ հարցը։ Մեր շինհրապարակները տեսնում ես, արդեն պատկերացում ես կազմում, թե ընդհանրապես ՀՀ–ում ինչ բիզնես կուլտուրա գոյություն ունի, որովհետև շինհրապարակ Հայաստանում առաջին հերթին նշանակում է աղբանոց` սրանից բխող մենթալիտետային հետևանքներով»,– ասաց Փաշինյանը։

Վարչապետի խոսքով բիզնեսը Հայաստանում աշխատում է հետևյալ սկզբունքով` երբ վիճակը լավ է, գործընկեր է ձևանում, հարկերը մուծելու ժամանակ լացում են։ Իսկ երբ երկրում ճգնաժամ է, սկսում են բյուջեից փող ուզել։

«Բա որտեղի՞ց, դուք ասում էիք փող չկա, որ վճարեք։ Բա դուք եք ձևավորում բյուջեն, մենք բոլորս ենք ձևավորում,– ասաց վարչապետը,– այնպես որ խնդիրներն ավելի խորն են, քան մենք երբևէ պատկերացրել ենք»։

Փաշինյանն արձագանքել է, բայց ռեստորանային բիզնեսի ցավը միայն քաղաքապետը կարող է բուժել

Նշենք, որ կառավարությունն այսօրվա նիստում հաստատեց 2020-2023 թվականների Հայաստանի Հանրապետության չափագիտության ոլորտի զարգացման ծրագիրն ու միջոցառումների ցանկը։

Դրանով կառավարությունը ծրագրում է ՀՀ արդյունաբերությունը բարձրացնել տնտեսական զարգացման ավելի բարձր մակարդակի` գիտության արդի նվաճումների վրա հիմնված առաջադեմ տեխնոլոգիաների ներդրման միջոցով։

Կառավարությունն աջակցություն կտրամադրի զբոսաշրջային ոլորտի կազմակերպություններին

Ըստ կառավարության, զարգացած տնտեսության անբաժանելի մասն են հանդիսանում ճշգրիտ չափումները, որոնք պետք է ընդունելի, հուսալի և ճանաչելի լինեն միջազգային մակարդակում։

159
թեգերը:
շինարարություն, հարկեր, բյուջե, Հայաստան, բիզնես, Նիկոլ Փաշինյան
Ըստ թեմայի
Ի՞նչ է սպասում Հայաստանի տնտեսությանը տարեվերջին. կանխատեսում են մասնագետները
ՀՀ տնտեսությունը շուրջ 5%–ով անկում է ապրել. մի փոքր օգնել են պղնձի և ոսկու «պարերը»
Արտաքին գնաճային ճնշումներ ՀՀ տնտեսության վրա չեն եղել. ԿԲ նախագահի նոր ցուցանիշները
Մինսկ

Բելառուսի ՆԳՆ ղեկավարը ներողություն է խնդրել ցույցերի ժամանակ պատահաբար տուժած մարդկանցից

0
(Թարմացված է 23:50 13.08.2020)
Հանրապետության ՆԳՆ-ի տվյալներով ՝ անկարգությունների ընթացքում մեկ մարդ է մահացել, նա փորձել է անհայտ պայթուցիկ սարք նետել իրավապահների ուղղությամբ:

ԵՐԵՎԱՆ, 13 օգոստոսի - Sputnik. Բելառուսի ներքին գործերի նախարար Յուրի Կարաևը խոսել է ցուցարարների հետ բախումների ժամանակ պատահաբար տուժած մարդկանց մասին։

ՌԻԱ Նովոստին հայտնում է, որ Կարաևը «Մարկով. անձնական ոչինչ» հաղորդման ժամանակ ներողություն է խնդրել այդ մարդկանցից։

Հիշեցնենք` կիրակի՝ օգոստոսի 9-ին, Բելառուսում նախագահական ընտրություններ են անցկացվել։ Պաշտոնական տվյալներով՝ ընտրություններում հաղթել է գործող նախագահ Ալեքսանդր Լուկաշենկոն: Նրա օգտին է քվեարկել ընտրողների 80,23 տոկոսը, Լուկաշենկոյի հիմնական մրցակից Սվետլանա Տիխանովսկայի օգտին` 9,90 տոկոսը: Քվեարկության ավարտից հետո զանգվածային բողոքի ակցիաներ են սկսվել: ՆԳՆ-ի տվյալներով ՝ անկարգությունների ընթացքում մեկ մարդ է մահացել, նա փորձել է անհայտ պայթուցիկ սարք նետել իրավապահների ուղղությամբ:

Տիխանովսկայան չի ընդունել ընտրության արդյունքներն ու Բելառուսից փախել է Լիտվա։

Բելառուսի ԲելԱԶ և ՄԱԶ գործարաններում բողոքի ակցիաներ են ընթանում. տեսանյութ

0
թեգերը:
Բողոքի ակցիա, Մինսկ, Բելառուս
Ըստ թեմայի
Բելառուսում տղամարդը շան հետ զբոսնելիս փամփուշտ է «որսացել» ու վիրավորվել. տեսանյութ
«Ձեր «սև» ուժը Ձեր թուլությունն է». Սպիվակովը հրաժարվել է Լուկաշենկոյի հանձնած շքանշանից
Բախումներ հատուկջոկատայինների և ցուցարարների միջև. ինչ է կատարվում Մինսկում. տեսանյութ
Վլադիմիր Պուտինը և Էմանուել Մակրոնը քննարկել են Բելառուսում տիրող իրավիճակը