Հարավկովկասյան երկաթուղի

Ստուգումները չեն խանգարել. ՀԿԵ–ն ավելացրել է փոխադրումների ծավալը

28
«Հարավկովկասյան երկաթուղի» ընկերության գլխավոր տնօրենն ամփոփել է ինն ամսվա աշխատանքն ու խոսել թվերով։

ԵՐԵՎԱՆ, 4 հոկտեմբերի – Sputnik. «Հարավկովկասյան երկաթուղի» ՓԲԸ–ն 2019 թվականի հունվար-սեպտեմբեր պահպանել է փոխադրումների աճի միտումը։ Հոկտեմբերի 4-ին կայացած խորհրդակցության ընթացքում այս մասին ասել է ընկերության գլխավոր տնօրեն Սերգեյ Վալկոն` ամփոփելով նշված ժամանակահատվածի աշխատանքի արդյունքները:

«Բեռնափոխադրումների ծավալը գերազանցել է 2,3 մլն տոննան՝ 2018 թվականի հետ համեմատ աճելով 7,7%-ով: Բեռնաշրջանառությունն ավելացել է 14,3%-ով, բեռնումը՝ 8,1%-ով: Փոխադրումներն արտահանման հաղորդակցությունում գերազանցել են նախորդ տարվա շեմը 76,2 հազար տոննայով, տեղական փոխադրումներն ավելացել են 54,8 հազար տոննայով, իսկ ներմուծումը՝ 35,5 հազար տոննայով»,– ասել է նա:

12,8%-ով աճել են նաև երկաթուղային ուղևորափոխադրումները: Հունվար-սեպտեմբերին երկաթուղին սպասարկել է 335 հազար ուղևորի, ընդ որում միջազգային փոխադրումներն ավելացել են 13,6%-ով, տեղականները՝ 11,1%:

Կատարելագործվել են նաև երկաթուղու աշխատանքի մի շարք որակական ցուցանիշներ, մասնավորապես` գնացքի միջին քաշը, լոկոմոտիվի միջին օրական արտադրողականությունն ու վազքը, տեղամասային և տեխնիկական արագությունը:

Աճել են շարժակազմի վերանորոգման և սպասարկման ծավալները՝ վագոնների վերանորոգումը դեպոներում աճել է 24,4%-ով, ընթացիկ վերանորոգումը՝ 4,3%-ով, լոկոմոտիվների ընթացիկ սպասարկումը՝ 5,3%-ով, իսկ ընթացիկ վերանորոգումը՝ 3%-ով:

Հունվար-սեպտեմբերին երկաթուղին սպասարկել է 10 647 գնացք, որից 10 521-ն ընթացել են ըստ չվացուցակի: ՀԿԵ գլխավոր տնօրենն ընդգծել է միջազգային և ներպետական ուղևորատար գնացքների ուղերթերի ժամանակացույցի կատարելագործման անհրաժեշտությունը:

Հատուկ կարևորելով անվտանգ երթևեկության հարցը՝ ընկերության ղեկավարը նշել է, որ 2019 թվականին գծի գնահատականը բարելավվել է 1 կետով՝ կազմելով 74 միավոր:

Երկաթուղում շարունակվում է գծային տնտեսության և ենթակառուցվածքի բարեկարգումը, էլեկտրաֆիկացման և էներգամատակարարման, ինչպես նաև կապի և հեռամեխանիկայի տնտեսությունների արդիականացումը:

Ընկերության առաջնային խնդիրների շարքում «ՀԿԵ» ՓԲԸ գլխավոր տնօրենը նշել է բեռնափոխադրումների և ուղևորափոխադրումների նոր ծավալների ներգրավվումը, բյուջեի եկամտային և ծախսային հոդվածների բալանսի ապահովումը, ծրագրված ցուցանիշների կատարումը, ձմեռային շրջանում աշխատանքին նախապատրաստումը:

Հիշեցնենք, որ 2018 թվականի օգոստոսին ՀԿԵ–ում խուզարկություններ անցկացվեցին, որոնց ընթացքում աշխատանքային փաստաթղթեր առգրավվեցին։ Իսկ սեպտեմբերին ՀՀ վարչապետ Նիկոլ Փաշինյանը «Կոմերսանտ» թերթի հետ հարցազրույցում ասաց, որ չարաշահումները մոտ 60 միլիոն դոլար են կազմել։ ՀՀ ՊԵԿ–ը կամ կառավարությունը դեռ չեն հայտնել ստուգումների ավարտի մասին ու իրավական բնույթի եզրահանգում չեն արել։

Ռուսները կգնան, բայց չինացիները չեն գա. ինչ կտա Հայաստանին ՀԿԵ–ի շուրջ ծավալված աղմուկը

Սեպտեմբերի 20–ին Ռուսաստանի տրանսպորտի նախարարությունը հայտնեց, որ ՌԴ կառավարությունը դիտարկում է Հայաստանի երկաթուղու կառավարումը դադարեցնելու հնարավորությունը։

«ՀԿԵ» ՓԲԸ-ն «Ռուսական երկաթուղիներ» ԲԲԸ-ի դուստր ընկերությունն է և զբաղվում է Հայաստանի երկաթուղային համակարգի կոնցեսիոն կառավարմամբ: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի՝ կողմերի փոխադարձ համաձայնությամբ ևս 10 տարի երկարացման իրավունքով:

Չի կարելի Հարավկովկասյանի հարցը օդից կախված թողնել. Հայաստանում ՌԴ առևտրային ներկայացուցիչ

28
թեգերը:
Սերգեյ Վալկո, Հարավկովկասյան երկաթուղի (ՀԿԵ), Հայաստան
Ըստ թեմայի
Փաշինյանը հայտնել է, որ ՀԿԵ–ում մոտ 60 մլն դոլարի խախտումներ են եղել
«Ռուսական երկաթուղին» հեռանո՞ւմ է Հայաստանից. ընկերությունը պատասխանել է հրապարակումներին
Ի պատասխան ԶԼՄ-ների հրապարակումների. ՀԿԵ-ն դիտարկում է դատարան դիմելու հնարավորությունը