ՀՀ կառավարություն

Հայաստանի ամենամեծ բյուջեն. որտեղի՞ց կառավարությանը 200 մլրդ դրամ ավել գումարը

929
(Թարմացված է 23:17 03.10.2019)
Փաշինյանի կառավարության խնայողությունների ու հաջորդ տարվա բյուջեի կառուցվածքի մասին Sputnik Արմենիան զրուցել է տնտեսագետ Ատոմ Մարգարյանի հետ։

ԵՐԵՎԱՆ, 3 հոկտեմբերի — Sputnik. 2020թ–ի բյուջեի թե՛ եկամտային և թե՛ ծախսային ցուցանիշները տպավորիչ են։ 2020թ–ի բյուջեն Հայաստանի պատմության մեջ ամենամեծն է։ Այս մասին Sputnik Արմենիայի հետ զրույցում ասաց տնտեսագետ Ատոմ Մարգարյանը` մեկնաբանելով, թե որտեղից է ՀՀ կառավարությունը շուրջ 200 մլրդ դրամ ավել գումար գտել։

«Այնտեղից, որ մոտ 1.5 տոկոսով ավելացել է հարկեր/ՀՆԱ հարաբերակցությունը, և, փաստորեն, ստվերից զգալի քանակությամբ շրջանառություն է դուրս բերվել։ Եվ, բնականաբար, հաջորդ տարվա բյուջեում դա պետք է արտացոլվեր»,– ասաց Մարգարյանը։

Հարկերը չվճարելու համար շոու բիզնեսի ներկայացուցիչներից մեկի դեմ քրգործ է հարուցվել. ՊԵԿ

Տնտեսագետը նաև հիշեցրեց, որ այս տարվա բյուջեի եկամուտների ճշգրտված ցուցանիշներով մինչև տարեվերջ արդեն  8.5 տոկոսով ավելի աճ է նախատեսվում, որը դրամական արտահայտությամբ 1 տրիլիոն 697 մլրդ դրամ է կազմում։ Ծախսերը ևս ավելացել են` նախատեսված 1 տրիլիոն 609 մլրդ դրամի փոխարեն կազմելով 1 տրիլիոն 880 մլրդ դրամ։ Արդյունքում այս տարվա դեֆիցիտը կազմելու է ընդամենը 0.6 տոկոս է, կամ ծրագրված 151 մլրդ դրամի փոխարեն 42.5 մլրդ։

«Պատճառը տնտեսումներն են, կամ ծախսերի զսպումը, հատկապես` կապիտալ ծախսերի մասով։ Այս կառավարությունը, փաստորեն, ուղղակի արգելակներ է դրել, և այդ գումարի զգալի մասը կփոխանցի հաջորդ տարվա բյուջե»,– նշեց Մարգարյանը։

Իսկ խնայած գումարի զգալի մասը, տնտեսագետի դիտարկմամբ, կապիտալ շինարարական ծրագրերի համար նախատեսված ծախսերն են, որոնք կառվարությանը հաջողվել է խնայել։

Ինչ վերաբերում է 2020թ–ի բյուջեով նախատեսվող դեֆիցիտին, այն բյուջեի նախագծով 2.6 տոկոս է` 182 տրիլիոն 567 մլրդ դրամ, ինչը, ըստ Մարգարյանի` կայունության տիրույթում է։

Եկամտային մասով 2020թ–ի բյուջեն հետաքրքրական է այնքանով, որ եկամուտների 94 տոկոսը նախատեսված է հարկային մուտքերի  հաշվին։

«Այս կառավարությունը, ինչպես երևում է, խուսափում է այլևս արտաքին աղբյուրներից, արտոնյալ պայմաններով լուրջ ֆինանսական ներգրավումներ անել»,– Նշեց Մարգարյանը։

Այս տեսակետից հաջորդ տարվա բյուջեի համար հիմնական ռիսկային գործոնները պայմանավորված են 2020թ–ի հունվարից ուժի մեջ մտնող «Հարկային օրենսգրքի» փոփոխություններով։

«Կոռուպցիոն սողանցքները փակված են». նախարարը կփրկի և՛ Սևանը, և՛ բյուջեի փողերը

«Եկամտահարկի մասով, փաստորեն, անցում է կատարվելու համահարթ` 23 տոկոս դրույքաչափի, իսկ շահութահարկի 20 տոկոս դրույքաչափը նվազեցվելու է 18 տոկոսի»,– հիշեցնում է տնտեսագետը` միաժամանակ հավելելով, որ փոխարենը բարձրացումներ են նախատեսվում ակցիզային հարկի` ծխախոտի և ալկոհոլի հարկադրույքներում։ Ատոմ Մարգարյանը հուսով է, որ այդ բարձրացումները կկոմպենսացնեն վերոհիշյալ հարկատեսակների նվազեցման արդյունքում առաջ եկող կորուստները։ 

2020թ–ի գլխավոր ֆինանսական փաստաթուղթը հատկանշական է նաև նրանով, որ հետհեղափոխական կառավարության մշակած առաջին պետական բյուջեն է։ Մինչդեռ 2019թ–ի բյուջեն, թեև ընդունել էր հեղափոխությունից հետո ձևավորված նոր գործադիր ու օրենսդիր իշխանությունը, բայց համարվում էր, որ նախկին իշխանությունից ժառանգած, տնտեսական իրողությունների վրա հիմնված, իներցիոն, անցումային բյուջե։

Թե ավանդույթի համաձայն, ինչ որակումներ կստանա հաջորդ տարվա բյուջեյի նախագիծը, թերևս պարզ կլինի արդեն խորհրդանական քննարկումների ընթացքում, իսկ մինչ այդ պարզապես արձանագրված փաստ է`Հայաստանի պատմության մեջ 2020թ–ի բյուջեն ամենամեծն է։

Համեմատության համար նշենք, որ 2019թ–ի բյուջեն կազմում էր 1 տրիլիոն 496 մլրդ, 2018–ինը` 1 տրիլիոն 308 մլրդ, 2017–ինը` 1 տրիլիոն 210 մլրդ դրամ։ 

929
թեգերը:
հարկեր, տնտեսագետ, բյուջե, Ատոմ Մարգարյան, Հայաստան
Ըստ թեմայի
«30 հազար դոլար տվեք, ավտոբուս կսարքենք». Տիգրան Հովհաննիսյան
Հարկերը չվճարելու համար շոու բիզնեսի ներկայացուցիչներից մեկի դեմ քրգործ է հարուցվել. ՊԵԿ
«Որ էսպես գնա, նորմալ կապրենք». պետությունը 500 մլն կտրամադրի աղքատ ընտանիքներին
Ծնելիության խրախուսման նոր ծրագիր. ի՞նչ է նախատեսում կառավարությունը 2020 թ–ից
Նիկոլ Փաշինյան

ՊԵԿ-ն ամփոփել է 2019-ը և միջոցառումների կատարողականը ներկայացրել Փաշինյանին

38
(Թարմացված է 19:04 03.08.2020)
2019-ին Հայաստանում տպվել է 38%-ով շատ ՀԴՄ կտրոն, քան 2018-ին, ինչի հետևանքով 2018-ի համեմատ արձանագրվել է 21.9%-ով շատ առևտրաշրջանառություն։

ԵՐԵՎԱՆ, 3 օգոստոսի – Sputnik. Պետական եկամուտների կոմիտեի նախագահ Էդվարդ Հովհաննիսյանը վարչապետ Նիկոլ Փաշինյանին է ներկայացրել 2019 թվականին կատարված ՊԵԿ-ի միջոցառումների կատարողականը: Տեղեկությունը հայտնում է վարչապետի մամուլի ծառայությունը։

Համաձայն Հովհաննիսյանի ներկայացված զեկույցի՝ 2019-ին Հայաստանում տպվել է ավելի շատ ՀԴՄ կտրոն, ՊԵԿ-ում կատարվել են ավելի շատ գանձումներ և հարուցվել են քրեական գործեր, քան 2018-ին և մնացած նախորդ տարիներին։ Օրինակ՝ 2019-ին Հայաստանում տպվել է 120 մլն կամ 38%-ով շատ ՀԴՄ կտրոն, քան 2018-ին, ինչի հետևանքով 2018-ի համեմատ արձանագրվել է 345 մլրդ դրամի կամ 21.9%-ով շատ առևտրաշրջանառություն։

ՊԵԿ իրավական գործառույթ իրականացնող ստորաբաժանումների կողմից 2019-ի ընթացքում պետական բյուջե է գանձվել 63,6 մլրդ դրամ, 2018-ին՝ 30,6 մլրդ դրամ, 2017-ին՝ 26,8 մլրդ դրամ։ 2019-ի ընթացքում հարուցվել են 454 քրեական գործեր: Հաշվետու ժամանակաշրջանում վերականգնվել է 11,9 մլրդ դրամ գումար, 55 քրեական գործով ավարտվել է նախաքննությունը, գործերը մեղադրական եզրակացությամբ ուղարկվել են դատարաններ:

Ռեկորդային ցուցանիշ. պետության պարտքը տնտեսվարող սուբյեկտներին նվազել է

Նվազել են ՊԵԿ-ի ստուգումները։ 2019-ին հարկային մարմնի իրականացրած համալիր հարկային ստուգումների քանակը 2018-ի նույն ժամանակաշրջանի համեմատ նվազել է 5.6%-ով: Իրականացված համալիր ստուգումների թվի կրճատման պայմաններում արձանագրված լրացուցիչ պարտավորությունների գումարն աճել է 81.2%-ով, միաժամանակ աճել է նաև մեկ ստուգմանը բաժին ընկնող լրացուցիչ պարտավորության գումարը 92.0%-ով: 2019-ին 2018թ-ի համեմատ էականորեն նվազել են ՀՀ սահմանով ներմուծվող բեռների նկատմամբ մաքսային մարմինների կողմից իրականացվող բեռների ֆիզիկական զննման դեպքերը։ Դրանց տեսակակար կշիռը ներմուծման հայտարարագրերի ընդհանուր թվի մեջ 2018թ-ի 22%-ի փոխարեն 2019թ. կազմել է շուրջ 12%։ Էականորեն պարզեցվել է ԵԱՏՄ անդամ պետություններում հաշվառված անձնական տրանսպորտային միջոցների ՀՀ սահմանահատման գործընթացը։

Հովհաննիսյանը տեղեկացրել է, որ ներդրվել են երրորդ անձանց վերաբերյալ ՀՀ ՊԵԿ-ին տեղեկատվություն փոխանցելու երկու նորարար վեբ-ծառայություններ:

Հովհաննիսյանը խոսել է նաև Գյումրու արտաքին տնտեսական գործունեության կենտրոնի շինաշխատանքների մասին։ Նա հայտնել է, որ շինարարության առաջին փուլը կավարտվի առաջիկա ամսվա ընթացքում, իսկ երկրորդի աշխատանքները կմեկնարկեն 2021-ին ու կավարտվի 2022-ի վերջին:

Փաշինյանը սրան ի պատասխան հանձնարարել է կենտրոնի շինաշխատանքների ուղղությամբ իրականացնել խիստ վերահսկողություն: Նա նաև հավելել է, որ պատրաստվում է առաջիկայում այցելել սահմանային անցակետեր՝ գնահատելու նախորդ այցից հետո իրականացված աշխատանքները:

Խորհրդակցության վերջում ՊԵԿ նախագահը վարչապետին ներկայացրել է ՀՀ ՊԵԿ 2020-2024 թվականների զարգացման և վարչարարության բարելավման ռազմավարական ծրագիրը:

38
թեգերը:
Պետական եկամուտների կոմիտե (ՊԵԿ), Էդվարդ Հովհաննիսյան (ՊԵԿ նախագահ), Նիկոլ Փաշինյան, Հայաստան
Ըստ թեմայի
Հայաստանում տուրիզմի ոլորտը կոլապսի մեջ է. փրկության 2 ճանապարհ կա
Հայաստանի արտակարգ ամառն ու պաշտոնյաների ձախողված արձակուրդը. ո՞վ է ամենաշատը «հոգնել»
Միջպետական ճանապարհները հիմնանորոգվում են. Փաշինյանը տեսանյութ է հրապարակել
Գևորգ Պետրոսյանը խոստացել է ավլել Հանրապետության հրապարակը, եթե...
Դրամ

Ռեկորդային ցուցանիշ. պետության պարտքը տնտեսվարող սուբյեկտներին նվազել է

73
(Թարմացված է 14:41 01.08.2020)
Տարիներ շարունակ բիզնեսի հիմնական դժգոհության թեման դարձած` պետության կողմից պարտքը իրական գերավճարի մասով, կազմում է ընդամենը 6,6 մլրդ դրամ։

ԵՐԵՎԱՆ, 1 օգոստոսի — Sputnik. Պետական եկամուտների կոմիտեն տեղեկացնում է, որ 2020 թվականի օգոստոսի 1-ի դրությամբ պետության պարտքը տնտեսավարող սուբյեկտներին նվազել է՝ 70 մլրդ դրամի շեմից կազմելով 69,4 մլրդ դրամ:

«Այս ցուցանիշը դրական առումով ռեկորդային է վերջին տասնամյակների համար: Իրական գերավճարը (սահմանված կարգով հաշվարկվող հարկային պարտավորության գումարից ավելի վճարված գումար), ինչը տարիներ շարունակ եղել է բիզնեսի հիմնական դժգոհության թեման, կազմում է ընդամենը 6,6 մլրդ դրամ»,–նշված է հաղորդագրության մեջ։

Իսկ մնացած 62,8 մլրդ դրամը վերաբերում է ավելացված արժեքի հարկի և ակցիզային հարկի դեբետային գումարներին։ Դրանք առաջացել են հարկային մարմին ներկայացված հաշվարկներում արտացոլված հաշվանցման ենթակա գումարներից:

Հիշեցնենք, որ ՀՀ վարչապետ Նիկոլ Փաշինյանը դեռ տարեսկզբին հայտնել էր` 2018 թվականի հունվարի 1-ի դրությամբ կառավարությունը հարկերի գերավճարների գծով տնտեսվարողներին պարտք է եղել 275.7 միլիարդ դրամ: 2020 թվականի հունվարի 1-ի դրությամբ նմանօրինակ պարտքը կազմում է 76.6 միլիարդ դրամ` ներառյալ նաև ԱԱՀ-ի ընթացիկ պարտքերը և դեբետները։ Նրա խոսքով` մեկուկես տարում կառավարությունը բիզնեսին վերադարձրել է մոտ 200 միլիարդ դրամի պարտք:

«Հայփոստը» Ռուսաստանի փոստի հետ համատեղ դրամական փոխանցումների նոր համակարգ է գործարկում

Հարկային օրենսգրքում փոփոխություններ և լրացումներ կատարելուց հետո` 2020-ի հունվարի 1-ից հարկ վճարողները դիմումներ են ներկայացրել և պետությունը հետ է վերադարձնում նրանց ԱԱՀ–ն։ Մինչև օրենքն ուժի մեջ կմտներ, ԱԱՀ-ի դեբետ ունեցող հարկ վճարողների թիվը շուրջ 9000–ն էր, որից շուրջ 3000-ը հին դեբետներ ունեցողներն էին։

73
թեգերը:
տնտեսություն, պարտք, Պետական եկամուտների կոմիտե (ՊԵԿ)
Ըստ թեմայի
Հայաստանի 1000 խոշոր հարկատուները. ՊԵԿ-ը հրապարակել է ցանկը
Ինչպես են ավտոներկրումներն ու կորոնավիրուսն ազդել բյուջեի վրա. ներկայացրել է ՊԵԿ նախագահը
Ֆինանսների նախկին նախարարին և ՊԵԿ–ի ծառայողներին կաշառք են տվել. հարուցվել է քրգործ
Նիկոլ Փաշինյան

Փաշինյանը կարևորել է Ֆիրդուսի թաղամասի հուշարձանային շենքերի պահպանումը

0
(Թարմացված է 18:49 07.08.2020)
Ակնկալվում է, որ Ֆիրդուսի 33-րդ թաղամասի շինարարական աշխատանքների ընթացքում ստեղծվելու է 8-10 հազար նոր աշխատատեղ:

ԵՐԵՎԱՆ, 7 օգոստոսի - Sputnik. Այսօր ՀՀ վարչապետ Նիկոլ Փաշինյանի մոտ տեղի ունեցած խորհրդակցության ընթացքում քննարկվել է Երևանի Ֆիրդուսի 33-րդ թաղամասի կառուցապատման նախագիծը։ Վարչապետի մամուլի ծառայությունից հայտնում են, որ այն դեռևս մշակման փուլում է:

«Զեկուցվել է, որ կառուցապատման ընդհանուր տարածքը կազմում է 58 հազար քմ, իրացվել է 49 հազար քմ, 9 հազար քմ տարածքը գտնվում է իրացման փուլում: Արդեն իսկ փոխհատուցվել է 378 ընտանիքի, ընթացքի մեջ է 50 ընտանիքի փոխհատուցման գործընթացը»,- նշված է հաղորդագրության մեջ։

Վարչապետին ներկայացվել է, որ թաղամասի կառուցապատման նախագծերի վրա աշխատում է 60 ճարտարապետներից կազմված ճարտարապետական 7 խումբ: Փոխհատուցման ծավալը 60 մլն դոլար, է իսկ ընդհանուր թաղամասի կառուցապատման ներդրումային արժեքը 300 մլն դոլար է գնահատվում։ Ակնկալվում է, որ շինարարական աշխատանքների ընթացքում ստեղծվելու է 8-10 հազար նոր աշխատատեղ:

Թաղամասում կառուցվելու են նաև ստորգետնյա ավտոկայանատեղիներ: Փաշինյանն ընդգծել է հուշարձան շենքերի պահպանության ուղղությամբ հետևողական աշխատանքների կարևորությունը։ Նա նաև շեշտել է, որ նախապես մշակված չափորոշիչներն անհրաժեշտ է պահպանել մինչև նախագծի ավարտը: Պատասխանատուները կառավարության ղեկավարին վստահեցրել են, որ մեծ ուշադրություն է դարձվելու հուշարձան շենքերի պահպանությանը:

Հիշեցնենք՝ Երևանի կենտրոնում գտնվող Ֆիրդուսի թաղամասն առաջին անգամ հանրային գերակա շահ հռչակվեց 2008 թվականին, նույն որոշումը վերահաստատվեց նաև 2018 թվականի մարտի 22-ին` «թավշյա հեղափոխությունից» մեկ ամիս առաջ:

Ովքեր են կառուցապատելու Ֆիրդուսի թաղամասի տարածքը, և ինչ է հայտնի նոր ներդրողների մասին

Թաղամասի կառուցապատումը նախատեսվում է ավարտել 2023-2024 թվականներին: Ըստ կառուցապատման նախագծի, որի հեղինակն, ի դեպ, Երևանի նախկին գլխավոր ճարտարապետ, ապա քաղաքաշինության կոմիտեի նախկին նախագահ, վաստակավոր ճարտարապետ Նարեկ Սարգսյանն է, Ֆիրդուսի նոր թաղամասում լինելու են ինչպես բնակելի շենքեր, այնպես էլ հյուրանոցներ ու բիզնես կենտրոններ:

Գործադիրը Ֆիրդուսի թաղամասում կառուցապատումը թույլատրել է օրենքի խախտմամբ. Սարգսյան

0
թեգերը:
Ֆիրդուսի, Նիկոլ Փաշինյան, Հայաստան
Ըստ թեմայի
Մութ գործարք. աննկատ որոշում է ընդունվել Ֆիրդուսի բնակիչների վերաբերյալ
Ֆիրդուսի թաղամասի ոդիսականը. ի՞նչն է խանգարում թաղամասի շինարարությանը արդեն 10 տարի
«Գիտե՞ք` ինչքան տուրիստ ա գալիս, էս պատի մոտ նկարվում». ֆիրդուսցիների այսօրվա կյանքը