Բերքի հավաքում

Ոստիկանությունը չգիտի` կանեփը թմրանյութ է, թե դեղ. ամերիկահայի խնդիրները հայրենիքում

899
(Թարմացված է 16:05 14.08.2019)
Գործարար Ռուբեն Մկրտչյանը երկար տարիներ ԱՄՆ–ում, Նիդեռլանդներում և մի շարք այլ երկրներում զբաղվում է արդյունաբերական կանեփի աճեցմամբ ու մշակմամբ։ Կանեփի այդ տեսակից յուղ են ստանում, որը բավական թանկ արժե, և օգտագործում բժշկության տարբեր ճյուղերում։

ԵՐԵՎԱՆ, 14 օգոստոսի — Sputnik. Գործարարն ԱՄՆ–ից, որը Հայաստանում որոշել է զբաղվել HEMP տեսակի կանեփի (Cánnabis satíva) աճեցմամբ, բախվել է դժվարությունների և խնդիրների ։

Գործարար Ռուբեն Մկրտչյանը երկար տարիներ ԱՄՆ–ում, Նիդեռլանդներում և մի շարք այլ երկրներում զբաղվել է արդյունաբերական կանեփի աճեցմամբ ու մշակմամբ։ Այդ տեսակից յուղ են ստանում, որը բավական թանկ արժե, այն օգտագործում են բժշկության տարբեր ճյուղերում։

Масло конопли
© Photo : kostrez
Масло конопли

Հաշվի առնելով գործունեության այս տեսակի առանձնահատկությունը` ընթացիկ տարվա մայիսին Մկրտչյանի «Արմերիկա» ընկերությունը դիմել է ոստիկանապետ Վալերիյ Օսիպյանին` նպատակ ունենալով ստանալ իրավապահների աջակցությունը ցանքատարածքների պահպանման հարցում։ Մկրտչյանի և ընկերության տնօրեն Արմեն Ումրշատյանի խոսքով` ոստիկանությունում նրանց ասել են, որ կանեփ կարող են աճեցնել ու մշակել միայն ոստիկանապետի գրավոր թույլտվությամբ։

«Մենք Օսիպյանին նամակ գրեցինք։ Մի քանի օր անց, մեզ զանգահարեցին ոստիկանության պետական պահպանության գլխավոր վարչությունից և հրավիրեցին իրենց մոտ։ Մենք հանդիպեցինք կառույցի ներկայացուցիչների հետ և պայմանագիր ստորագրեցինք, որի համաձայն ոստիկանությունը ստանձնում է ցանքատարածքների պահպանման պարտականությունը։ Մեզ ասացին, որ տարածքը պետք է ցանկապատված, լուսավորված և մեկուսացված լինի։ Մենք այդ ամենն արեցինք», – Sputnik Արմենիայի հետ զրույցում պատմեց Ումրշատյանը։

  • «Արմերիկա» ընկերության` Ոստիկանությանն ուղղված նամակների պատճենները
    «Արմերիկա» ընկերության` Ոստիկանությանն ուղղված նամակների պատճենները
    © Photo : Scan
  • «Արմերիկա» ընկերության` Ոստիկանությանն ուղղված նամակների պատճենները
    «Արմերիկա» ընկերության` Ոստիկանությանն ուղղված նամակների պատճենները
    © Photo : Scan
  • «Արմերիկա» ընկերության` Ոստիկանությանն ուղղված նամակների պատճենները
    «Արմերիկա» ընկերության` Ոստիկանությանն ուղղված նամակների պատճենները
    © Photo : Scan
  • «Արմերիկա» ընկերության` Ոստիկանությանն ուղղված նամակների պատճենները
    «Արմերիկա» ընկերության` Ոստիկանությանն ուղղված նամակների պատճենները
    © Photo : Scan
  • «Արմերիկա» ընկերության` Ոստիկանությանն ուղղված նամակների պատճենները
    «Արմերիկա» ընկերության` Ոստիկանությանն ուղղված նամակների պատճենները
    © Photo : Scan
1 / 5
© Photo : Scan
«Արմերիկա» ընկերության` Ոստիկանությանն ուղղված նամակների պատճենները

Իրավապահների կողմից «դոբրոն» ստանալով` ընկերությունը որոշում է հողատարածք վարձել երեք` Արարատի, Գեղարքունիքի և Տավուշի մարզերում։ Բոլոր բյուրոկրատական ընթացակարգերն անցնելու հետո ընկերության ղեկավարությունը արտասահմանից ներմուծում է HEMP տեսակի կանեփի սերմեր և սկսում ցանել դրանք։ Մեր զրուցակիցը, պնդում է, որ ընդհանուր առմամբ ներմուծվել է 170 հազար դոլարի սերմ։

Մկրտչյանի խոսքով` նրանք որոշել են, որ երբ սերմերը հասնեն, նմուշներ փորձաքննության կուղարկեն, որպեսզի որևէ մեկի մոտ կասկած չառաջանա։

«Սակայն օգոստոսի 4-ին մեզ մոտ հանկարծակի եկան ոստիկանության կազմակերպված հանցավորության դեմ պայքարի գլխավոր վարչության աշխատակիցները։ Նրանք սկսեցին ոչնչացնել պլանտացիաները։ Սկիզբում`Արարատի մարզում. մենք հանդիպեցինք նրանց հետ, համոզեցինք ձեռք չտալ ցանքատարածություններին, ցույց տվեցինք պետական անվտանգության վարչության հետ ստորագրած փաստաթղթերը։ Համոզեցինք։ Սակայն այնուհետև նմանատիպ գործողություններ սկսեցին իրականացնել Տավուշի և Գեղարքունիքի մարզերում։ Նույնիսկ քրեական գործ հարուցեցին», – պատմում է Ումրշատյանը։

Ինչպես պնդում է ընկերության տնօրենը, հոգեմետ նյութերի պարունակությունը բույսի այս տեսակի մեջ կազմում է 0,3%, ինչը որևէ հիմք չի տալիս այն թմրանյութ համարել։ Սակայն իրավապահ մարմինները դեռ անսասան են իրենց որոշման մեջ։

«Որևէ կրիմինալ մեր գործողություններում չկա։ Մենք ունենք բոլոր փաստաթղթերը, կա ոստիկանության ղեկավարության կողմից համապատասխան թույլտվությունը, սակայն այդ գերատեսչության առանձին կառույցները ոչ մի կերպ դա տեսնել ու հասկանալ չեն ցանկանում», – ասում է Ումրշատյանը։

Չկա ասֆալտ, չկա ներդրում. Չկալովկա գյուղի ապագան ՀՀ կառավարության ձեռքում է

Ռուբեն Մկրտչյանն իր հերթին նկատում է, որ իրենց արտադրանքը շատ պահանջված է աշխարհում, կանեփի յուղի մեկ լիտրը համաշխարհային շուկայում 1.5-2 հազար դոլար արժե։ Ընդ որում, մեկ լիտր յուղը ստացվում է պլանտացիայի 10 քմ–ից ստացված կանեփից։ Դժվար չէ պատկերացնել, թե ինչ օգուտ կարելի է քաղել պլանտացիայի մի քանի հեկտարից։

«Եթե մեզ թույլ տան նորմալ աշխատել, ապա մեր բիզնես–նախագիծը շատ արդյունավետ կլինի», – ասում է Մկրտչյանը։

Ընկերության ներկայացուցիչներին լսելով և ծանոթանալով համապատասխան փաստաթղթերին (ոստիկանության հետ կնքած պայմանագրի պատճեն, ինչպես նաև ընդարձակ բիզնես–պլանը` բոլոր ցուցանիշներով, գտնվում է խմբագրության տնօրինության տակ)` մենք դիմեցինք ոստիկանություն` մեկնաբանություններ ստանալու համար։ Ուժային կառույցի մամուլի ծառայությունում մեզ սկզբում խնդրեցին ժամանակ տալ իրենց իրավիճակն ուսումնասիրելու համար։ Մի քանի ժամ անց, մենք կրկին կապ հաստատեցինք նրանց հետ։ Ոստիկանությունում հայտարարեցին, որ իրավապահ մարմինների բոլոր գործողություններն (ցանքատարածությունների վերացման) օրինական բնույթ են կրել։ Մեր պատասխան հարցին, իսկ ինչ կասեք պլանտացիաների պահպանման մասին պայմանագրի մասին, գերատեսչությունում ավելացրեցին. «Այլ մեկնաբանություն չունենք»։

Ընկերության ղեկավարությունը հանդիպել է նաև փոխվարչապետ Տիգրան Ավինյանի գրասենյակի աշխատակիցների հետ, մանրամասն ներկայացրել գաղափարի էությունը։ Նրանց պատասխանել են, որ եթե իրավապահ մարմինների հետ նրանք խնդիր չունեն, կառավարությունում որևէ խոչընդոտ չեն տեսնում։ Ցանքատարածությունների ոչնչացման փորձից հետո մենք կապ հաստատեցինք Ավինյանի մամուլի քարտուղար Վահան Հունանյանի հետ։ Նա նշեց, որ սովորական քննարկում է եղել։ «Մենք նրանց բացատրում էինք, որ փոխվարչապետի գրասենյակը տվյալ իրավիճակում գործառույթներ չունի։ Մենք բիզնես–նախագծերի հաստատմամբ չենք զբաղվում», – նշեց Հունանյանը։

Ուկրաինացի գործարարը 10 միլիոն դոլար է շորթել Լիոնում Հայաստանի հյուպատոսից

Դեռ հայտնի չէ, ինչ հանգուցալուծում կստանա գործարարների պայքարը ոստիկանության «հողմաղացների» դեմ։ Ամեն դեպքում, չէինք ցանկանա ստեղծվեր մի իրավիճակ, որի դեպքում հերթական գործարարը որոշում է Հայաստանում փակել իր բիզնեսը։

899
թեգերը:
Դեղ, թմրանյութ, Վալերի Օսիպյան, ՀՀ Ոստիկանություն, Ամերիկայի Միացյալ Նահանգներ, գործարար, կանեփ, Հայաստան
Շաքարավազ

«Ալեքս Հոլդինգը» տուգանվել է. շաքարավազի շուկայում խախտումներ են բացահայտվել

129
(Թարմացված է 13:34 10.08.2020)
Նախկին ԱԺ պատգամավորի անվան հետ կապվող ընկերությունը շաքարավազի գինը չհիմնավորված կերպով իջեցրել է` մրցակցությունից դուրս թողնելով մյուսներին։

ԵՐԵՎԱՆ, 10 օգոստոսի — Sputnik. Տնտեսական մրցակցության պաշտպանության պետական հանձնաժողովը տեղեկացնում է, որ տուգանք են կիրառել «Ալեքս Հոլդինգի» նկատմամբ` շաքարավազի շուկայում գերիշխող դիրքը չարաշահելու համար։

«ՏՄՊՊՀ–ի որոշմամբ շուրջ 24.7 մլն դրամի չափով տուգանք է կիրառվել «Ալեքս Հոլդինգ» ՍՊԸ-ի նկատմամբ գերիշխող դիրքի չարաշահման համար: Վարույթի քննությամբ պարզվել է, որ 2018–ի հունվարից մինչև 2020–ի մարտը, «Ալեքս Հոլդինգը» չարաշահել է ապրանքային շուկայում ունեցած գերիշխող դիրքը»,–նշված է ՏՄՊՊՀ–ի Facebook սոցցանցի էջում։

Ընկերության չարաշահումը դրսևորվել է երեք խախտման հատկանիշներով՝  գների չհիմնավորված իջեցում, խտրական պայմանների և գների կիրառում, ինչպես նաև` այնպիսի պայմանների կամ վարքագծի սահմանում կամ կիրառում, որոնք հանգեցնում են կամ կարող են հանգեցնել տնտեսական մրցակցության սահմանափակմանը, կանխմանը կամ արգելմանը։

Մասնավորապես, ընկերության գործողություններն ուղղված են եղել շուկայում իր մասնաբաժինը պահպանելուն։ Շուկայում առավել էժան շաքարավազի առկայության պարագայում ընկերությունն իր կողմից արտադրված և ներմուծված շաքարավազի գինն իջեցրել է այնպես, որ հնարավոր լինի իրացնել շաքարավազը մրցունակ գնով՝ որոշ դեպքերում կրելով վնասներ: Արդյունքում, այն տնտեսվարող սուբյկետների համար, որոնք ներմուծել են «Ալեքս Հոլդինգի» կողմից իրացվող շաքարավազի գնից համեմատաբար ավելի ցածր գնով շաքարավազ, այլևս նպատակահարմար չի եղել զբաղվել այդ գործունեությամբ:

Մսամթերքն ու շաքարավազն էժանացել են. գները Հայաստանում

ՏՄՊՊՀ–ի որոշմամբ` «Ալեքս Հոլդինգին» հանձնարարվել է որոշումն ուժի մեջ մտնելուց հետո 1-ամսյա ժամկետում վերացնել օրենքի խախտումը։

Հիշեցնենք, որ հայտնի է` «Ալեքս Հոլդինգ», «Ալեքս էնդ Հոլդինգ», «Սիթի» ընկերությունները փաստացի պատկանում են ԱԺ նախկին պատգամավոր, գործարար Սամվել Ալեքսանյանին։ Ալեքսանյանն ինքը բազմիցս հայտարարել է, որ ինքը որևէ բիզնես չունի։

129
թեգերը:
Սամվել Ալեքսանյան, Տուգանք, Հայաստան, Տնտեսական մրցակցության պաշտպանության պետական հանձնաժողով (ՏՄՊՊՀ), շաքարավազ
Ըստ թեմայի
ՏՄՊՊՀ–ն թույլ տվեց, որ Եսայան եղբայրների ընկերությունը գնի Beeline-ը
«Զվարթնոցում» ավտոկայանատեղին կրկին կէժանանա. ՏՄՊՊՀ–ն պատժել է «Արմենիային»
Չարաշահումներ կարագի շուկայում. ՏՄՊՊՀ-ն որոշել է տուգանել «Սիթիին»

Մաքուր էներգիայի աղբյուր. Հայաստանում հին անվադողերից վառելիք են ստանում. լուսանկարներ

198
(Թարմացված է 22:57 07.08.2020)
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
Կոտայքի մարզի Աբովյան քաղաքում գործում է հին անվադողերի և պոլիէթիլենի վերամշակման ձեռնարկություն։

Այն, որ հին անվադողերը դեն նետելը վնասակար է՝ գիտեն բոլորը։ Սակայն ոչ բոլորին է հայտնի, որ դրանց վերամշակման արդյունքում կարելի է դիզելին մոտ վառելիք ստանալ։ Արդեն մի քանի տարի Աբովյան քաղաքում գործող վերամշակման գործարանը հենց դրանով է զբաղվում։

Անվադողերը պետք է այրել ոչ թե բաց տարածքում, այլ տաքացնել վակուումում։ Այդ ժամանակ տաք ռետինը թթվածնի հետ չի միանում և թունավոր դիօքսիններ չի առաջացնում։ Արդյունքում՝ հեղուկ վառելիք (1 տոննայից մոտ 400 լիտր) և ածխածնի փոշի է ստացվում, պարզ ասած՝մուր, որը կարելի է օգտագործել ռետինի արդյունաբերության մեջ։

Նույն ձևով կարելի է վերամշակել նաև պոլիէթիլենը, և նույնիսկ հին հագուստը։

Որ զինվորները չտանջվեն. Գյումրիում անվադողերի հավաքմանը նաև դպրոցականներն են մասնակցում

Վերամշակման ժամանակ ձեռնարկությունից գրեթե ծուխ դուրս չի գալիս։ Արտանետումներն առաջանում են միայն գազի այրումից, երբ տաքանում է վակուումային սարքը։

198
  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

թեգերը:
արտադրություն, վառելիք, Կոտայք, Հայաստան, գործարան, աղբի վերամշակում, անվադող, Աբովյան
Ըստ թեմայի
Երևանում ցուցադրում են Ադրբեջանի ԶՈՒ–ի խոցված և առգրավված անօդաչուները. լուսանկարներ
Ինչ վնասներ է հասցրել պայթյունը Մեծի Տանն Կիլիկիո կաթողիկոսարանին. լուսանկարներ
«Տարօրինակ կիրք»․ դերասանուհի Աննա Խիլկևիչի հայ ամուսինը դեմ է լողազգեստով լուսանկարներին
«Սիրուն է, չէ՞». Արծրուն Հովհաննիսյանը հրապարակել է խոցված ԱԹՍ–ի լուսանկարները
Ֆիրդուսի

Սրճարաններ, թանգարաններ և ոչ միայն․ ինչպիսի՞ն է իրականում լինելու Ֆիրդուսի թաղամասը

63
(Թարմացված է 00:12 11.08.2020)
Իշխանությունը կարծում է, որ աշխատանքներն ավարտելուց հետո Երևանում ևս մեկ զբոսաշրջային գոտի կբացվի։

ԵՐԵՎԱՆ, 10 օգոստոսի – Sputnik․ Մշակույթի ու արվեստի անվանի գործիչների թանգարան, հուշանվերների խանութներ և փայտե պատշգամբներով քարե շենքեր․ ահա այն հիմնական կետերը, որոնք նախատեսված են Երևանի Ֆիրդուսի թաղամասի վերականգնման ու կառուցապատման նախագծով։ Sputnik Արմենիայի հարցմանն ի պատասխան հայտնեցին ՀՀ փոխվարչապետ Տիգրան Ավինյանի գրասենյակից։

Ավելի վաղ ՀՀ գրասենյակի Տիգրան Ավինյանի աշխատակազմի ղեկավար Վարագ Սիսեռյանը ցույց էր տվել՝ ինչ տեսք է ունենալու Ֆիրդուսին վերականգնումից ու կառուցապատումից հետո, նա քաղաքի այդ հատվածի 3D մոդելը հրապարակել էր Facebook-ում։

Կառուցապատման ընդհանուր մակերեսը 58 հազար քառակուսի մետր է, աշխատանքներն իրականացվել են 49 հազար քառակուսի մետրում, իսկ մնացած 9 հազարը դեռ իրականացման փուլում են։

Օրերս ՀՀ վարչապետ Նիկոլ Փաշինյանի մոտ տեղի ունեցած խորհրդակցության ժամանակ նշվել է, որ արդեն իսկ փոխհատուցվել է 378 ընտանիք (60 միլիոն դոլարի չափով), ընթացքի մեջ է 50 ընտանիքի փոխհատուցման գործընթացը։

«Ֆիրդուսում այժմ ընթանում են քանդման աշխատանքներ։ Շինարարության մեկնարկը ծրագրվում է 2020 թվականի վերջին, ավարտը՝ 2024 թվականի սկզբին», - նշված է գերատեսչության պատասխանում։

Այս պահին 70 միլիոն դոլար է ներդրվել նախագծում։ Ծրագրված է ևս 200 միլիոն դոլար ներդնել։ Ենթադրվում է, որ 6-ից 8 հազար աշխատատեղ է բացվելու։

Կառուցապատման հատակագծի հեղինակը Նարեկ Սարգսյանն է (Երևանի նախկին գլխավոր ճարտարապետը – խմբ․), գլխավոր ճարտարագետը՝ Հովհաննես Մութաֆյանը։ Տարածքը բաժանվել է 18 լոտերի, յուրաքանչյուր լոտ ունենալու է իր ճարտարապետը։

Նշվում է, որ հուշարձանային տարածքում գտնվող Հանրապետության և Տիգրան Մեծ փողոցներին հարակից հուշարձանները պահպանվելու են իրենց տեղերում, և վերարժևորվելու են շենքի բակային ճակատները։ Այս հուշարձանային շենքերին հաջորդելու են 2-4 հարկանի շենքերը՝ փայտե պատշգամբով։

«Արդյունքում տվյալ տարածքում կստեղծվի նոր, համահունչ զբոսաշրջային միջավայր։ Այս տարածքը կեզրագծվի 250 մ հետիոտնային ճանապարհով, որից այն կողմ արդեն կլինեն նորակառույց շենքեր», - նշված է պատասխանի մեջ։

1–ին և 2–րդ հարկերում նախատեսվում է սրճարաններ ու հուշանվերների խանութներ բացել։ Քննարկվում է նաև պատմական միջավայրի տարածքում 2–րդ և 3–րդ հարկերում ստեղծել մշակույթի հայտնի գործիչների թանգարաններ։

Ֆիրդուսին, որտեղ ժամանակին բավականին մեծ շուկա կար և մի քանի տասնյակ բնակելի տներ, Երևանում վերջին «հյուղակների թաղամասերից» էր։ Շուկան բազում դարերի պատմություն ունի, սկզբում այստեղ մեծ մասամբ իրանցիներն էին առևտուր անում։ Հենց այդ պատճառով էլ այդ հատվածը պահպանել է պարսիկ բանաստեղծ Ֆիրդուսիի անունը։

Հայաստանի նախկին իշխանությունը նախատեսում էր քանդել թաղամասի բոլոր հին շենքերը և մոտ հինգ հեկտար տարածքում նոր թաղամաս կառուցել, որում կլինեին բնակելի շենքեր, բիզնես կենտրոններ ու հյուրանոցներ։

Նոր Ֆիրդուսիի նախագիծը բուռն քննարկումների թեմա դարձավ, հատկապես երբ 2020 թվականի հունիսի 10-ին քանդեցին «կարմիր շենքը»։ Հունիսի 13-ին Երևանի ավագանին արտահերթ նիստ հրավիրեց։ Քաղաքապետարանի առջև Ֆիրդուսիի պաշտպանությանն ուղղված ակցիա անցկացվեց։

Ավելի ուշ ակտիվիստները բաց նամակ հղեցին վարչապետ Նիկոլ Փաշինյանին ու Երևանի քաղաքապետ Հայկ Մարությանին` պահանջելով անհապաղ դադարեցնել շինարարական աշխատանքները Ֆիրդուսիում, չեղարկել Նարեկ Սարգսյանի  նախագիծը, մայրաքաղաքի կենտրոնում նախատեսվող ցանկացած նոր շինարարության համար հանրային քննարկումներ անցկացնել ու այդ հին թաղամասի համար պատմամշակութային տեսքի պահպանությամբ նախագիծ մշակել։

Նամակը ստորագրել էին մի շարք հայտնի մարդիկ` գրողներ Նարինե Աբգարյանն ու Արամ Պաչյանը, օպերային երգիչներ Հասմիկ Պապյանն ու Աննա Մայիլյանը, ռեժիսորներ Աշոտ Ադամյանը, Լևոն Աթայանը, Սեդա Գրիգորյանն ու Դավիթ Մաթևոսյանը, նկարիչներ Զարուհի Մուրադյան ու Մարինա Դիլանյանը, ճարտարապետներ Արմեն Աբրոյանն ու Աշոտ Սիմոնյանը, լրագրողներ Արտավազդ Եղիազարյանն ու Լուսինե Հովհաննիսյանը, հասարակական գործիչ Հրանուշ Խառատյանը և ուրիշներ։

63
թեգերը:
Ֆիրդուսի, Երևան, Հայաստան
Ըստ թեմայի
Հուսամ` Արթուր Մեսչյանը կլինի Երևանի վերջին գլխավոր ճարտարապետը. Մնացականյան
Սթրիթ արտ սահմանամերձ գոտում. ինչպես Բալայանի «բլոճիկները» զվարճացրին Բերդի տղաներին
Սահմանամերձ Բերդավանի և Այգեպարի փողոցները հիմնանորոգվում են
Ի՞նչ աշխատանքներ են կատարվում Լոռիում. Փաշինյանը հերթական տեսանյութն է հրապարակել