Հրանտ Բագրատյան

Տնտեսական աճի «խադավոյին նայեք». ի՞նչն է մտահոգել նախկին վարչապետ Հրանտ Բագրատյանին

194
(Թարմացված է 15:25 06.08.2019)
Տնտեսական ցուցանիշների մասին իր մտահոգությունները Հրանտ Բագրատյանը բավականին հանգամանորեն շարադրել է «Facebook» սոցիալական ցանցի իր էջում:

ԵՐԵՎԱՆ, 6 օգոստոսի — Sputnik. Այս տարվա առաջին կիսամյակում, ըստ պաշտոնական վիճակագրության, տնտեսական աճի ցուցանիշը կազմել է 6,5 %: Ընդհանուր առմամբ, վատ ցուցանիշ չէ: Սակայն ՀՀ նախկին վարչապետ (1993-96թթ.), տնտեսագիտության դոկտոր Հրանտ Բագրատյանը մտահոգիչ հանգամանքներ է նկատում այդ աճի բովանդակության կամ որակի առումով:

Իր մտահոգությունները Հրանտ Բագրատյանը բավականին հանգամանորեն շարադրել է «Facebook» սոցիալական ցանցի իր էջում: Եվ ինչը կամ ավելի ճիշտ՝ ինչերն են մտահոգել նախկին վարչապետին: Նախ՝ «Տնտեսական քաղաքականությունը նույնն է, ինչ նախկինում. զարգացում՝ հիմնված սպառման ընդլայնման վրա: Սա ոչ միայն տնտեսական հեղափոխություն չէ, այլև չի տարբերվում նախկինում վարած մակրոտնտեսական քաղաքականությունից»,-նշել է Հրանտ Բագրատյանը` նկատելով, որ չնայած չի սիրում «տնտեսական հեղափոխություն» բառակապակցությունը, բայց դա կիրառելի կլիներ, եթե, օրինակ, ավելի վաղ իր նկարագրած «ներդրումային զարգացման մոդելի» նմանությամբ ծրագիր առաջադրվեր:

Ինչ վերաբերում է կոնկրետ տնտեսական աճի կիսամյակային ցուցանիշին՝ 6,5%, ապա ըստ նախկին վարչապետի, թվում է, թե դա վատ տվյալ չէ:

Պետությանը պատճառված 110,5 մլրդ դրամի վնասից 30 մլն–ը վերադարձվել է բյուջե. նոր տվյալներ

«Սակայն հենց կանգ ես առնում այդ աճի որակի վրա, ապա հիասթափությունը պաշարում է քեզ: Նախ` 2018-ի այդ նույն ժամանակահատվածում տնտեսական աճը եղել է 8.7%: Այն ժամանակ ասվում էր, որ տեսեք դեռ ինչեր են լինելու: Մասնավորապես, Փաշինյանը քննադատում էր տնտեսության կառուցվածքը և ասում, որ այդ ի՞նչ տնտեսություն է որ: Անցել է 1 տարի: Աճի գլխավոր գեներատորը` խաղերն են, ամեն տեսակի Vivaroner-ն ու Toto-ները, որոնք ներառված են զվարճությունների մեջ, ինչպես նաև ավտոմեքենաների առևտուրը (առանց մասնագիտացված խանութների միջոցով իրականացրած առևտրի): Առաջին կիսամյակում սրանց 30%-ոց աճի շնորհիվ ապահովվել է նշված 6.5%-ից 2-ը: Իրական տնտեսական աճը սոսկ 4.5% է»,-գրել է Հրանտ Բագրատյանը:

Նրա բնորոշմամբ` տնտեսական աճի նման բաղադրիչները մղում են զգուշանալու, քանզի դրանք նախ սպեկուլյատիվ են, կրում են ժամանակավոր բնույթ և «նման աճերի վրա ծախսված ռեսուրսները կորուստ են տնտեսական համակարգի համար»: Ինչ վերաբերում է մշակող արդյունաբերության աճի 8.7% լավատեսական ցուցանիշին, ապա ըստ նախկին վարչապետի՝ «աճի տեմպի առաջանցիկությունն այնքան չնչին է, որ տնտեսության կառուցվածքի դինամիկան, միևնույնն է, բացասական է»:

Հետաքրքիր է, ի դեպ, որ Հրանտ Բագրատյանն էլ լիարժեք վստահելի չի համարում պաշտոնական վիճակագրական տվյալները: Համենայն դեպս, մակրոտնտեսական ցուցանիշների հակասականությունը նրա մոտ կասկածներ է հարուցում: Խոսքն այն մասին է, որ շինարարության ոլորտում արձանագրված աճի ցուցանիշը «չի խոսում» ցեմենտի կամ ապրանքային բետոնի ցուցանիշի հետ: Ավելին` «Վատ իրավիճակ է գյուղատնտեսության ոլորտում. 7.4% անկում: Պետք է ուշքի գալ և վերականգնել գյուղնախարարությունը»,-հորդորում է Հրանտ Բագրատյանը: 

Գործերն աղմուկով հարուցվում են, անաղմուկ մոռացվում. Սևանի նկատմամբ հանցանքները անպատիժ են

Նախկին վարչապետը այլ դիտարկումներ ևս արել է վիճակագրական տարբեր ցուցանիշների վերաբերյալ: Ուշադրություն գրաված նրա դիտողություններից մեկն էլ հետևյալն է. «Վարչապետի ասածներն, աշխատատեղեր ստեղծելու մասով, իրականությանը չեն համապատասխանում: Նորերն, ինչպես եղել է միշտ, այո ստեղծվել են: Բայց ավելի շատ փակվել է: Կտրուկ ավելացել են հանցագործությունները»:

Ընդհանուր մոտեցումը, այն է, որ չնայած 6,5 տոկոս տնտեսական աճի ցուցանիշը կիսամյակի համար վատ չէ, բայց, ինչպես ասվում է հայտնի անեկդոտում՝ տնտեսական աճի «խադավոյին նայեք»:

194
թեգերը:
տնտեսություն, Նիկոլ Փաշինյան, Հրանտ Բագրատյան
Ըստ թեմայի
Սա ահռելի աճ է, որը իր դրական ազդեցությունը կունենա երկրի տնտեսության. Փաշինյան
ԵԱՏՄ–ն կարող է Հայաստանի տնտեսության համար լավ «շարժիչ» դառնալ. Ռուսակով
Հեղափոխությունն առայժմ կարգախոսների տեսքով է. տնտեսության խոցելի կետերն՝ ըստ փորձագետների
Սարգսյանն ու Վուչիչը

Ինչո՞վ ենք պակաս Սարգսյանից ու Վուչիչից, կամ ի՞նչ կարող են ՀՀ–ն ու Սերբիան ստանալ ԵԱՏՄ–ից

221
(Թարմացված է 16:24 29.07.2021)
Երկու երկրներն էլ իհարկե կարող են ալկոհոլային խմիչքներ վաճառել` ռակիա և կոնյակ, սակայն հեռանկարներ կան նաև էլեկտրատեխնիկական արդյունաբերության հարցում։

ԵՐԵՎԱՆ, 31 հուլիսի – Sputnik. Հայաստանի հետ Սերբիայի առևտուրն, իհարկե, ավելի քիչ է, քան Ռուսաստանի կամ Բելառուսի։ Սակայն այն թող որ փոքր, բայց աճ է արձանագրում ԵԱՏՄ–Սերբիա ազատ առևտրի գոտու մասին համաձայնագրի ստորագրումից հետո։ Հայաստանի խորհրդարանն այն վավերացրեց 2021 թվականի ապրիլին (համաձայնագիրը ստորագրվել էր 2019 թվականին), բայց հնարավոր է` բիզնեսը նախապես արդեն սկսել է յուրացնել շուկաները։

Հայաստանը թող որ փոքր ծավալներով (տարեկան տասնյակ հազարավոր դոլարների մակարդակով) Սերբիա կոնյակ, էլեկտրական փոխարկիչներ, կահույք և դրա համար նախատեսված դետալներ է արտահանում (հետաքրքիր զուգադիպությամբ, Սերբիայի փոքրաթիվ հայ համայնքի ներկայացուցիչներից մեկը` Չեդոմիր Արթինովիչը (Արթինյան) մանրատախտակի արտադրության փոքր ձեռնարկության սեփականատերն է)։ Դեպի Հայաստան Սերբիայի արտահանումը տարեկան 2 մլն դոլարից մի փոքր ավել է կազմում, Հայաստանի արտահանումը դեպի Սերբիա` տարեկան շուրջ 120 հազար։

Բացի այդ, տարիներ են եղել` Հայաստանը Սերբիա պղնձի խտանյութ է արտահանել։ Այժմ, ՊԵԿ–ի տվյալներով, նման արտահանում այլևս չի իրականացվում։ Սակայն Սերբիայի վիճակագրական ծառայության տվյալներով` Հայաստանը մի քանի տարի է, ինչ շարունակում է մնալ Սերբիա խտանյութի խոշորագույն մատակարարներից մեկը։ Ամենայն հավանականությամբ, խտանյութը Սերբիա է հասնում հարևան Բուլղարիայից (ուր Հայաստանը մեծ ծավալներով է արտահանում)։

«Ամենագետ» հայ սեփականատերերը, կամ ի՞նչն է խանգարում հայկական արտադրանքին ՌԴ շուկայում

Պատկերավոր համեմատություն. ԽՍՀՄ փլուզումից հետո Հայաստանում փակվեց Ալավերդու պղնձաձուլարանը, որը մաքուր պղինձ էր արտադրում։ Իր հերթին դրա հիմքով էր աշխատում Երևանի կաբելի գործարանը։ 90-ականների կեսերին գործարանը վերագործարկվեց, բայց մաքուր պղինձ այլևս չի արտադրում։

Սերբիայի Բոր քաղաքում պղնձաձուլական գործարանը արտադրությունը պահպանում էր նաև 90-ականների պատերազմի ժամանակ, երբ Սերբիան խիստ պատժամիջոցների և միջազգային շրջափակման մեջ էր։ Այսօր այդ գործարանը ոչ միայն տեղական, այլև մի շարք երկրներից ներկրած հանքաքար է մշակում, որի հիման վրա մաքուր պղինձ են ձուլում ու կաբելի արտադրություն կազմակերպում տարեկան տասնյակ հազարավոր տոննաներով։

Համագործակցության համար մեկ այլ հեռանկարային ուղղություն կարող է դառնալ էլեկտրատեխնիկան։ Այստեղ ևս մեկ շեղում է հասունանում։ Նիշ քաղաքում (որը սոցիալիստական Հարավսլավիայում էլեկտրատեխնիկայի և էլեկտրոնիկայի կենտրոններից մեկն էր) Johnson Electric ընկերությունը մի քանի տարի առաջ նոր գործարան բացեց, որը էլեկտրական շղթաների համար սարքավորումներ է թողարկում` այրման լարեր և նման այլ իրեր։ Այնտեղ ավելի քան 2000 մարդ է աշխատում, իսկ Սերբիայի իշխանություններն իրենց կողմից գործարանում մի քանի մլն եվրոյի ներդրում են իրականացրել։

«Հայթեքի ֆաբրիկան» Հայաստանում նախագծերի հերթական ընտրությունը կանցկացնի

Սերբիայի նախագահ Ալեքսանդր Վուչիչը հատուկ նշել է, որ այդ գումարները քամուն չեն տրվել, այլ գործին են ծառայել։ Իսկ Հայաստանում նման արդյունաբերական կենտրոնները լքվել են (դրանցից միայն փոքր արտադրություններ են մնացել), իսկ այդ գործարանները վերականգնել իշխանությունները կտրականապես հրաժարվում են` այն պատրվակով, թե իբր «չի կարելի ծախսել հարկատուների գումարները»։

Բարեբախտաբար, մեր կողմից էլ ուրախանալու առիթ կա. Հայաստանը, ինչպես նշեցինք, Սերբիա էլեկտրատեխնիկական ապրանքներ է արտահանում, թեև փոքր ծավալներով։ Այստեղ երկու երկրների ինժեներները կարող են ուսումնասիրել միմյանց պահանջմունքները` կապված սարքերի և դետալների հետ, և փոխշահավետ համագործակցություն հաստատել։

Իհարկե, երկու երկրները կարող են ընդլայնել ալկոհոլի առևտուրը։ Թե՛ մեկը, թե՛ մյուսը ներառված չեն ազատ առևտրի ապրանքների ցանկում, և դրանց նկատմամբ տուրքեր են սահմանված։ Սակայն կոնյակն ու ռակիան, միևնույնն է, գտնում են իրենց գնորդին (համենայն դեպս, կոնյակը Բելգրադ է արտահանվում դեռ սոցիալիստական ժամանակաշրջանից)։

Իհարկե, շահութաբերությունը կախված է բեռնափոխադրման արժեքից. երկու երկրները միմյանցից բավական հեռու են գտնվում, բայց լոգիստիկան, հավանաբար, այդքան էլ թանկ չէ, որքան կարող է թվալ։ Որքան արժե Բելգրադից Երևան բեռնված կոնտեյների առաքումը, տեղական լոգիստիկ օպերատորները միանգամից պատասխանել չկարողացան. մեր երկրների առևտրի ծավալները շարունակում են փոքր մնալ։ Սակայն հարևան Բուլղարիայից Հայաստան կոնտեյներ տեղափոխելու (մասնավորապես Բուրգասի նավահանգստից) արժեքը գրեթե այնքան է, որքան Ստամբուլից (կամ մի փոքր ավել)։

Ինչո՞ւ է հայկական դրամի փոխարժեքը նվազել, ու ի՞նչ սպասել ամռանը. պարզաբանում է փորձագետը

Բացի այդ, պետք չէ մոռանալ այն, ինչից սկսեցինք. ազատ առևտրի գոտու մասին համաձայնագրի շրջանակում բազմաթիվ ապրանքատեսակներ ազատվում են տուրքերից, ինչը կարող է կոմպենսացնել մի փոքր ավելի բարձր տրանսպորտային ծախսերը։

Այս ամենը, թող որ ոչ հարյուրտոկոսանոց, սակայն որոշակի նախադրյալներ է ստեղծում նրա համար, որ երկու երկրների բիզնեսները միմյանց նորովի դիտարկեն։ Իսկապես, ինչո՞ւ ռակիայով և կոնյակով միայն Արմեն Սարգսյանն ու Ալեքսանդր Վուչիչը պետք է բաժակ խփեն։

Ինչո՞վ ենք մենք պակաս։

221
թեգերը:
Հայաստան, Սերբիա, Եվրասիական տնտեսական միություն (ԵԱՏՄ)
Ըստ թեմայի
Իրանն ընդլայնում է համագործակցությունը ԵԱՏՄ–ի հետ. ի՞նչ դեր է հատկացված Հայաստանին
Ընդհանուր սնունդ և օդանավեր. ՌԴ փոխվարչապետը նշել է ԵԱՏՄ ինտեգրման առաջնահերթությունները
ԵԱՏՄ-ն ու Իրանը ազատ առևտրի մասին նոր համաձայնագիր կստորագրեն
ԵԱՏՄ–ն աշխատանքի որոնման կայք է գործարկել անդամ երկրների տարածքում
Վահան Քերոբյանը Վրաստանում հանդիպել է Լաշա Խուցիշվիլիի հետ

Վահան Քերոբյանը Վրաստանում հանդիպել է Լաշա Խուցիշվիլիի հետ, ապա հայտնել` ինչ են քննարկել

51
(Թարմացված է 10:16 30.07.2021)
Քերոբյանի հետ Թբիլիսի են մեկնել նաև նախարարի տեղակալ Ավագ Ավանեսյանն ու էկոնոմիկայի նախարարության արտաքին կապերի վարչության պետ Արմեն Այվազյանը։

ԵՐԵՎԱՆ, 30 հուլիսի - Sputnik. ՀՀ Էկոնոմիկայի նախարարի պաշտոնակատար Վահան Քերոբյանը հանդիպել է Վրաստանի ֆինանսների նախարար Լաշա Խուցիշվիլիի հետ։ Տեղեկությունը նա հայտնել է Facebook–ի իր էջում։

«Գործընկերոջս հետ խոսել ենք մեր երկրների միջև տարբեր ոլորտներում համագործակցության հնարավորությունների և տնտեսական կապերի ամրապնդման մասին, անդրադարձել հարկային ու մաքսային ոլորտներում համագործակցության կարևորության հարցերին։
Քննարկել ենք նաև Վրաստանի տարածքով տարանցիկ փոխադրումների հետ կապված խնդիրները»,–գրել է Քերոբյանը։

Նշենք, որ էկոնոմիկայի նախարարի պաշտոնակատարը երկօրյա աշխատանքային այցով (հուլիսի 29-30-ը) գտնվում է Վրաստանի Հանրապետությունում։

Քերոբյանի հետ Թբիլիսի են մեկնել նաև նախարարի տեղակալ Ավագ Ավանեսյանն ու էկոնոմիկայի նախարարության արտաքին կապերի վարչության պետ Արմեն Այվազյանը։ Նպատակն առևտրատնտեսական ոլորտին առնչվող հայ-վրացական երկկողմ համագործակցության ընդլայնման հնարավորությունները քննարկելն է։

Քերոբյանը գործուղումից վերադառնալուց հետո պետք է եռօրյա ժամկետում հաշվետվություն ներկայացնի ՀՀ վարչապետի աշխատակազմ և ԱԳՆ։

Կատակով եմ ասել. Քերոբյանը` խոպանչիներին «բերման ենթարկելու» մասին

51
թեգերը:
Վահան Քերոբյան, Թբիլիսի, Նախարար, Վրաստանի Հանրապետություն
Ըստ թեմայի
Վահան Քերոբյանը մեկնում է Վրաստան
Վահան Քերոբյանը գինեգործների ու կոնյակագործների հետ քննարկել է խաղողի մթերման հարցերը
«Տնտեսվարողների հետ չի քննարկվել». Քերոբյանն ասաց` ինչու են հանքատերերի տուրքը բարձրացնում
Վահան Քերոբյանը կոչ է անում «բերման ենթարկել» «խոպանի» գնացած բարեկամներին
Երեմ Սարգսյան

Սյունիքի համայնքապետների բողոքների քննության հարցում կիրառվում է ընտրովի արդարադատություն

0
(Թարմացված է 18:20 31.07.2021)
Փաստաբան Երեմ Սարգսյանի խոսքով`Վերաքննիչ դատարանում ամեն ինչ հատուկ է արվում, որ հանրային հետաքրքրություն ունեցող գործերի մակագրումները դատարանի նախագահի ձեռքով տակով անցնեն։
«Այո՛, պետք է ազատ արձակվեն». փաստաբանը` մանդատ ստացած Սյունիքի համայնքապետերի մասին

Օգոստոսի 2-ին «Հայաստան» դաշինքի պատգամավորներից առնվազն երկուսը չեն մասնակցի 8-րդ գումարման ԱԺ առաջին նիստին. Մեղրիի նախկին քաղաքապետ Մխիթար Զաքարյանն ու Քաջարանի համայնքապետ Մանվել Փարամազյանը, չնայած Կենտրոնական ընտրական հանձնաժողովից ստացել են իրենց մանդատները, սակայն շարունակում են կալանավորված մնալ։

Նրանց կալանավորելու մասին որոշումը խորհրդարանի աշխատանքների մեկնարկից սկսած կորցնո՞ւմ է ուժը, արդյո՞ք նրանք ձեռք չեն բերում պատգամավորական անձեռնմխելիություն` հետաքրքրվեցինք Մխիթար Զաքարյանի փաստաբան Երեմ Սարգսյանից։ Սարգսյանը, գործի քննության շահերից ելնելով, նախընտրեց ձեռնպահ մնալ։ Խոստացավ հարցին անդրադառնալ Վերաքննիչ դատարանում իր վստահորդի կալանավորման դեմ բողոքի քննությունից հետո։

«Ճիշտ չեմ համարում բացահայտել այն հիմնավորումները, որոնք ես պատրաստվում եմ ներկայացնել, բայց պնդում եմ` այո՛, պետք է նրանք ազատ արձակվեն»,- Sputnik Արմենիայի հետ զրույցում ասաց Սարգսյանը։

Փաստաբանը, սակայն ուշադրություն է հրավիրում Սյունիքի համայնքապետների բողոքների քննության հարցում կիրառվող ընտրովի արդարադատության վրա։ Ասում է` տպավորություն է, որ մինչև տվյալ դատավորից երաշխիք չեն ստանում ցանկալի որոշում կայացնելու համար, գործը նրան չեն մակագրում։

«Մխիթար Զաքարյանի գործը մակագրված է Ռուզաննա Բարսեղյանին։ Դատավորի մասով այս պահին ոչինչ չեմ ասի։ Բայց, եթե վիճակագրությունը նայենք, կտեսնենք, որ ընդհանարապես այն դատավորները, որոնք աչքի են ընկնում ակնհայտ անկախությամբ, նրանց որևէ նման գործ չի մակագրվում»,- նշեց Սարգսյանը։

Վերաքննիչ քրեական դատարանում հուլիսի 22-ից բոլոր բողոքները ձեռագիր են մակագրվում. ԱԱԾ աշխատակիցները` ի թիվս այլ համակարգիչների, առգրավել են նաև համակարգիչը, որով գործերն ավտոմատ համակարգի միջոցով մակագրվում էին դատավորներին։

Փաշինյանը Մեղրիի համայնքապետի ԺՊ է նշանակել ՔՊ–ականի

Նշենք, որ 8-րդ գումարման ԱԺ առաջին նիստը նախատեսված է օգոստոսի 2-ին. նույն օրը` ժամը 16։30, Վերաքննիչ դատարանը կքննարկի Մխիթար Զաքարյանի կալանավորման դեմ բողոքը։

Հիշեցնենք, որ հուլիսի 11-ին ՀՀ ԿԸՀ–ն բավարարել էր դատախազության միջնորդությունը՝ Մեղրի համայնքի նախկին քաղաքապետ, «Հայաստան» դաշինքի պատգամավորության թեկնածու Մխիթար Զաքարյանի նկատմամբ քրեական հետապնդում հարուցելու ու նրան կալանավորելու թույլտվություն տալու մասին:

Հուլիսի 9–ին Մխիթար Զաքարյանը հրաժարվել էր համայնքի ղեկավարի պաշտոնից և նշել, որ ամենայն հավանականությամբ կգնա խորհրդարան։

Նշենք, որ Քաջարանի քաղաքապետ Մանվել Փարամազյանը կալանավորվել է հուլիսի 10-ին՝ երկու ամիս ժամկետով։ Նրան մեղադրանք է առաջադրվել ՀՀ քրեական օրենսգրքի 38-178-րդ հոդվածի (խարդախության օժանդակելը կամ կազմակերպելը), 311-րդ հոդվածի (կաշառք ստանալը) և 154.2-րդ հոդվածի (ընտրողներին կաշառք տալը, կաշառք ստանալը, ընտրությունների ժամանակ բարեգործության արգելքի խախտումը կամ ընտրողի ազատ կամքի իրականացմանը խոչընդոտելը) հատկանիշներով։

Փարամազյանն առաջադրված մեղադրանքները չի ընդունում. գտնում է, որ այս ամենն իր նկատմամբ սանձազերծված քաղաքական հետապնդման շղթայի մի մասն է:

 

0
թեգերը:
Սյունիք, Մեղրի, Քաջարան, Երեմ Սարգսյան, Մխիթար Զաքարյան, Մանվել Փարամազյան
Ըստ թեմայի
Բոլոր նորմերն անցել են. փաստաբանը` Մեղրիի նախկին համայնքապետին բերման ենթարկելու մասին
Ստանդարտ սցենարով. Մեղրիի նախկին համայնքապետն էլ կալանավորվեց
Ինչո՞ւ է կալանավորվել Մեղրիի նախկին համայնքապետը. ՔԿ–ն հաղորդագրություն է տարածել