ԵԱԶԲ–ն պատրաստ է մասնակցել Հայաստանում կանաչ էներգետիկայի նախագծերին
(Թարմացված է 22:51 05.08.2019)
Հայկական ընկերությունների` արևային կայանների կառուցման հայտերը առաջնահերթության կարգով կդիտարկվեն։ ԵՐԵՎԱՆ, 5 օգոստոսի – Sputnik. Եվրասիական զարգացման բանկը պատրաստ է մասնակցել Հայաստանում և բանկի անդամ այլ երկրներում էներգիայի վերականգնվող աղբյուրների հետ կապված նախագծերին։ Նուր-Սուլթանում լրագրողների հետ զրույցում այս մասին ասաց ԵԱԶԲ վարչության փոխնախագահ Ամանգելդի Իսենովը։
Նրա խոսքով` էներգիայի վերականգնվող աղբյուրների թեման այժմ այնքան արդիական է, որ կարելի է ասել` մեր ապագան դրանց հետ է կապված լինելու։
«ԵԱԶԲ–ն դրան շատ դրական է վերաբերվում։ Ավելին` բանկում էներգիայի վերականգնվող աղբյուրների ֆինանսավորման ծրագիր է ընդունվել, որը կուղարկվի բաժնետերերի հաստատմանը»,– նշեց Իսենովը։
Բանկի չափանիշներին համապատասխանող արտադրանք ներկայացնող ընկերությունները կարող են ֆինանսավորման հայտեր ուղարկել բանկին, և դրանք կդիտարկվեն. սա բանկի համար առաջնահերթ ոլորտներից է։
Ընդհանուր առմամբ, նրա խոսքով, բանկում Հայաստանի վերաբերյալ «ճանապարհային քարտեզ» է մշակվել։ Այնտեղ նշված են ՀՀ կառավարության ու առանձին պետական կառույցների հետ համագործակցելու բոլոր հնարավորությունները։
«Դա թույլ կտա ավելի արագ իրականացնել նախագծերը», – ասաց Իսենովը։
Բանկի վարկային ռիսկերի կառավարման պետի տեղակալ Դանիար Աբեուովը Sputnik Արմենիայի հետ զրույցում նշեց, որ կազմակերպությունը ուշադիր հետևում է Հայաստանում արևային էներգիայի զարգացմանը։
«Բանկի անդամ երկրներում վերականգնող էներգիայի աղբյուրների զարգացման ծրագրեր անցկացնելով` մենք դիտարկեցինք, թե ինչ է այնտեղ արվել վերջին 5–7 տարիներին։ Արևային ինսոլյացիայի (արևային լույսով մակերեսների ճառագայթում – խմբ.) տեսակետից Հայաստանը 7–րդ լուսային գոտում է, ինչը շատ լավ է արևային էներգետիկայի զարգացման համար», – նշեց Աբեուովը։
©
Sputnik / Nelli Danielyan
Ապրիլին հայտնի դարձավ, որ գերմանական Das Enteria Solarkraftwerk ընկերությունն արևային էլեկտրակայան է կառուցելու Սևանի ափին։
Հայաստանում արդեն հինգ նման կայան կա` 1 մեգավատտ հզորությամբ։
2018 թվականի ամռանը սկսվել է 55 մեգավատտ հզորություն ունեցող «Մասրիկ–1» խոշոր կայանի շինարարությունը։
Արևից ու քամուց ստացվող էներգիան առայժմ Հայաստանում շատ քիչ է օգտագործվում, բայց կառավարությունը (և՛ նախորդ, և՛ այսօրվա) հույս ունի մինչև 2020 թվականը ներդրողներ գրավել 100 ՄՎտ հզորություն ունեցող կայաններ կառուցելու համար։
Արևային էներգետիկա. ինչպե՞ս խուսափել վերելակի վարձից և այլ հնարավորություններ
«Ի՞նչ է լինելու վաղը» հարցի պատասխանը կառավարության որևէ անդամ չի տալիս. Արամյան
(Թարմացված է 23:53 24.11.2020)
ՀՀ ֆինանսների նախկին նախարար Վարդան Արամյանը Sputnik Արմենիայի հետ զրույցում մեկնաբանել է դրամի արժեզրկման պատճառները, հնարավոր հետևանքները ու կառավարության վարքագիծն այս իրավիճակում։Այսօր` նոյեմբերի 24-ին Հայաստանում դոլարի փոխարժեքը հատեց 520 դրամի սահմանը, եվրոյինը` 620–ի։
ՀՀ ֆինանսների նախկին նախարար Վարդան Արամյանը Sputnik Արմենիայի հետ զրույցում դրամի այս արժեզրկումը օրինաչափ որակեց նշելով, որ յուրաքանչյուր երկրի ազգային արժույթ այլ երկրների արժույթների նկատմամբ արժեվորվում կամ արժեզրկվում է կապված այդ երկրի տնտեսական իրավիճակից։
«Փոխարժեքի շարժը ունի երկու գործոններով պայմանավորված վարքագիծ. մեկը կառուցվածքային գործոնն է, մյուսը՝ պահային գործոնը, որպիսին կարող է լինել պահի տակ ստեղծված պահանջարկը, առաջացած բացասական սպասումները և դրանց հիման վրա հանրության «հոտային» վարքագիծը»,– ասաց Արամյանը` շեշտելով, որ այսօր Հայաստանում ստեղծված իրողությունների պարագայում այս վերջինը հատկապես վտանգավոր է։
Նրա խոսքով, երբ տնտեսական սուբյեկտները սկսում են իրենց դրամական ակտիվները փոխել արտարժույթի, նրանց այդ վարքագծին հետևում է նաև հանրությունը։
«Այսինքն` հանրության յուրաքանչյուր անդամ, չհասկանալով, թե տնտեսության մեջ ինչ է կատարվում, ուղղակի բոլորը գնում են դեպոզիտ են հանում, կամ բոլորը գնում են արտարժույթի են փոխում իրենց խնայողությունները։ Այս «հոտային» վարքագիծը հանգեցնում է շատ վատ հետևանքների, քանի որ կարող է նպաստել, որ մեր տնտեսությունը շատ ավելի արագ արժեզրկվի»,– ասաց Արամյանը։
Կորոնավիրուսը, Հայաստանի տնտեսությունն ու պոպուլիզմը. ի՞նչ սպասել ապագայում
Բացասական հետևանքներից խուսափելու համար, նրա խոսքով, Կենտրոնական բանկը պետք է իր վարքագծում լինի բավականաչափ ագրեսիվ, այդ թվում` հանրության հետ հաղորդակցության մեջ։
«Երբ շարքային մարդը տեսնում է, որ դրամն արժեզրկվում է, իր բարեկամից, հարևանից իմանում է, որ բոլորը դոլար են գնում, բնականաբար իր վարքագիծը դառնում է մյուսների նման։ Ինֆորմացիոն վակուում է առաջանում։ Այդ ինֆորմացիաները չեն կասեցվում ու ճիշտ ինֆորմացիաներ չեն տրվում հանրությանը։ Դրա համար ես կարծում եմ, որ և՛ ԿԲ–ն, և՛ կառավարությունը բավական ագրեսիվ պետք է լինեն` հանրությանը տեղեկատվություն տրամադրելով»,– ասաց Արամյանը։
Սղաճը զսպելու մեկ այլ միջոց է տնտեսության մեջ դոլարային ինտերվենցիան, որը հնարավորություն է տալիս բավարարելու արտարժույթի նկատմամբ հանրության մեջ առաջացած պահանջարկը։ Այս գործիքի կիրառման համար, ըստ Արամյանի, ԿԲ–ի ռեզերվները միանգամայն բավարար են։
©
Sputnik / Aram Nersesyan
«Ներկա դրությամբ ԿԲ–ի արտարժութային պահուստները` առանց ոսկու և հատուկ փոխառության իրավունքի, շուրջ 2.2 մլրդ դոլար են։ Եվ սովորաբար ԿԲ-ի կարողությունը հաշվելու համար հարաբերում են այս ցուցանիշը ներմուծման ամսական ցուցանիշի հետ` հասկանալու համար, թե քանի ամսվա ներմուծման ծածկույթ ունի ԿԲ–ն։ Այս հաշվարկով, մենք 4-ից բարձր ներմուծման ծածկույթ ունենք, իսկ համաշխարհային կամֆորտային զոնան սովորաբար 3-ն է»,– մեկնաբանեց Արամյանը։
Ինչ վերաբերում է դրամի կտրուկ արժեզրկման պատճառներին, ֆինանսների նախկին նախարարը համաձայն չէ այն տեսակետին, թե դրա հիմնական պատճառը պատերազմն է։ Արամյանի համոզմամբ, շատ ավելի էական պատճառ է տնտեսության մեջ առաջացած անորոշությունը, որի հիմնական մեղավորը, ըստ նրա, կառավարությունն է։
Որքան է թանկացել կյանքը Հայաստանում արցախյան պատերազմի մեկ ամսում
«Այո, այստեղ կառավարությունն էական թերացում ունի։ 2.5 տարի ես անընդհատ խոսել եմ կառավարության էական խնդիրների մասին, որ կառավարության էական գործողություններն ու հաղորդակցությունը չեն համապատասխանում իրար, և դա խոռոչներ ու խոչընդոտներ է առաջացնում։ Եվ դրանով է նաև պայմանավորված, որ մենք 2019թ–ին ունեցանք ներդրումների անկում։ Որովհետև ներդրողները սովորաբար ցանկանում են, որ լինի կայունություն ու կառավարության գործողություններում լինի հստակություն։ Իսկ մեր կառավարությունը քնից վեր է կենում ու մի բան որոշում է»,– ասաց Արամյանը։
Նախկին նախարարի դիտարկմամբ, այսօր` պատերազմից հետո, այս անորոշությունների առկայությունը շատ ավելի էական է։ «Ի՞նչ է լինելու վաղը» հարցի պատասխանը, ըստ նրա, կառավարության ոչ մի անդամ մինչ օրս չի տվել։
Իսկ վաղը Հայաստանին նոր խնդիր է սպասում, այս անգամ` սպառողական գների թանկացման տեսքով։
©
Sputnik / Andranik Ghazaryan
Բանն այն է, որ հայաստանյան շուկան հիմնականում ձևավորվում է ներկրվող կամ ներկրված հումքով տեղում արտադրվող սպառողական ապրանքներից։ Հետևաբար, արտարժույթի թանկացումը հանգեցնելու է նաև այդ ապրանքների գների աճին։ Մի հուսադրող հանգամանք, այնուամենայնիվ, կա. մենք այնքան փող չունենք, որ միանգամից կտրուկ թանկացում կարողանանք մեզ թույլ տալ։
Ֆինանսների նախկին նախարարն այս հարցի իր բացատրությունն ունի։ Նրա համոզմամբ, Հայաստանում վերջին տարիներին գրանցված ցածր գնաճային ֆոնը ոչ թե տնտեսական կայունության, այլ հանրության ցածր վճարունակության հետևանք է։
«Գնաճային ֆոնը մեզ մոտ ցածր է, պետք չէ դրանից վախենալ։ Այնպես չէ, որ Հայաստանի տնտեսությունում դիտվում է 5 տոկոսանոց գնաճ, և այս փոխանցման ուղին կարող է հանգեցնել գնաճի սպիրալի, հետո գնաճը հսկողությունից դուրս գա... Ես այդպիսի խնդիրներ չեմ տեսնում։ Տեսնում եմ, որ ցածր գնաճային ֆոնը հիմնականում արդյունք է նրա, որ մեր տնտեսության մեջ էական պրոբլեմներ կան և՛ հանրության գնողունակության, և՛ տնտեսության մեջ, որը կառավարությունն ունակ չէ կառավարել»,–ասաց նա։
Նշենք, որ rate.am կայքի տվյալներով, ՀՀ առևտրային բանկերի սահմանած դոլարի առավելագույն փոխարժեքը առքի համար նոյեմբերի 24-ին կազմել է 510, վաճառքի համար` 522 դրամ, եվրոյի առքը կատարվել է առավելագույնը 605, վաճառքը` 629 դրամով, ռուսական ռուբլու համար առևտրային բանկերը սահմանել են 6.75 դրամ առքի, 7.10 դրամ` վաճառքի փոխարժեք։
Կենտրոնական բանկի սահմանած փոխարժեքները ևս առանձնապես չեն տարբերվում. 1 դոլարի դիմաց սահմանվել է 512.31 դրամ, եվրոյի դիմաց` 608.83, ռուսական ռուբլու դիմաց` 6.75 դրամ։
Համեմատության համար նշենք, որ մեկ ամիս առաջ` հոկտեմբերի 24-ին, պատերազմի ամենաթեժ պահին դոլարի պաշտոնական փոխարժեքը Հայաստանում 494.01 դրամ էր, եվրոյինը` 585.25, ռուսական ռուբլունը` 6.47 դրամ։
Իսկ պատերազմից առաջ` սեպտեմբերի 24-ին 1 դոլարը Հայաստանում փոխանակվում էր 485.32 դրամով, եվրոն` 565.06, ռուսական ռուբլին` 6.28 դրամով։
Փաստորեն վերջին 2 ամսվա ընթացքում արտարժույթը Հայաստանում արժևորվել է 6-7 տոկոսով, կամ, որ նույնն է` դրամն այդ չափով արժեզրկվել է։
Նշենք, որ ՀՀ կենտրոնական բանկն այսօր հայտարարություն էր տարածել, որում նշված էր, որ ֆինանսական շուկաներում մշտադիտարկում է իրականացնում ու անհրաժեշտության դեպքում կկիրառի իր ողջ գործիքակազմը գների և ֆինանսական կայունությունն ապահովելու համար։
Կենտրոնական բանկը փորձում է պահել գներն ու ֆինանսական կայունությունը. հայտարարություն
(Թարմացված է 14:01 24.11.2020)
ՀՀ Կենտրոնական բանկը հայտարարություն է տարածել, որում արձագանքել է ՀՀ ֆինանսական շուկայից ստացվող գնաճի ու սղաճի վերաբերյալ ազդակներին։
ԵՐԵՎԱՆ, 24 նոյեմբերի - Sputnik. ՀՀ կենտրոնական բանկը հայտարարություն է տարածել, որում նշված է, որ բանկը արտարժութային շուկայում իրականացվող գործառնություններով կապահովի ՀՀ ֆինանսական շուկաների բնականոն գործունեությունը։
©
Sputnik / Andranik Ghazaryan
«ԿԲ–ն շարունակում է իրականացնել ֆինանսական շուկաների մշտադիտարկում և անհրաժեշտության դեպքում կկիրառի իր գործիքակազմում առկա բոլոր գործիքները՝ երաշխավորելով գների և ֆինանսական կայունությունը»,– ասված է ԿԲ–ի հաղորդագրության մեջ։
Նշենք, որ ՀՀ ֆինանսական շուկայից արդեն իսկ որոշակի ազդակներ կան կանխատեսվող գնաճի ու սղաճի վերաբերյալ։
Հիշեցնենք` Արցախյան պատերազմից առաջ`սեպտեմբերին, ԿԲ–ն գնաճի ավելացում էր կանխատեսել` միաժամանակ հայտարարելով, որ այն արդեն հաջորդ տարվա ընթացքում կկայունանա։
Կենտրոնական բանկը նվազեցրել է վերաֆինանսավորման տոկոսադրույքը
Ի՞նչ է պետք տնտեսական ու բարոյահոգեբանական ճգնաժամերը հաղթահարելու և առաջ շարժվելու համար
«Ինչու՞ չհավաքվեցինք երեք միլիոնով, ամեն մարդ իրեն պետք է տա այս հարցը». Պողոսյան
Անդրադառնալով ԼՂ վերաբերյալ եռակողմ հայտարարությունից հետո իր հրաժարականի պահանջով կազմակերպվող հանրահավաքներին, վարչապետն ասել է, որ լայն հանրությունը չի աջակցել ընդդիմությանը։
Թևան Պողոսյանի դիտարկմամբ` խնդիրն այն չէ, որ փողոցում որոշակի քանակի մարդիկ հավաքվում են կամ չեն հավաքվում, հետևաբար պետք չէ հարցին մոտենալ զուտ քանակական իմաստով, այլ անհրաժեշտ է լրջորեն գնահատել քաղաքական ուժերի կոչերն ու գործողությունները։
«Օրինակ, օրենք են գրել, որ խորհրդարանում ընդդիմությունը կարող է բարձրացնել երկրի ղեկավարի հրաժարականի հարց, հիմա եթե ԱԺ–ում կա երկու ընդդիմադիր խմբակցություն, ուրեմն ի՞նչ, պետք է ասեն, որ ընդամենը երկու ո՞ւժ է հանդես գալիս այդ պահանջով։ Մենք պետք է ձևավորենք քաղաքական մշակույթ, որպեսզի գիտակցենք մեր կատարած քայլերի պատասխանատվությունը և դրանից ելնելով որոշումներ ընդունենք»,– նշեց «Մարդկային զարգացման միջազգային կենտրոնի» ղեկավարը։
Թևան Պողոսյանը ցավով է նշում, որ Հայաստանում քաղաքական մշակույթի բացակայությունը խոչընդոտում է ազգային միասնության կայացմանը։ Ըստ նրա` ստեղծված իրավիճակում յուրաքանչյուրը պետք է առաջնորդվի անհատական պատասխանատվությամբ և ինքնուրույն ընկալման շնորհիվ պարզի, թե ինչպես կարող է նպաստել ազգային միասնության ձևավորմանը, այլ ոչ թե պառակտի հասարակությունը։
ԳԱԱ–ն պահանջում է Փաշինյանի հրաժարականը
«Հասարակության ներսում առկա սուր հակասությունները կարող են նվազեցնել երկրի անվտանգության մակարդակը։ Արցախում տեղի ունեցածը, 44–օրյա պատերազմի արդյունքը դաս չեղա՞վ մեզ համար։ Ես լսում էի բողոքներ, թե չգնացին, չեկան, չմասնակցեցին, իսկ հարցն այն է, թե գուցե կոչերը չեն եղել ոգեշնչող կամ գուցե ոմանց հանդեպ վստահությունը եղել է ցածր, որ մարդիկ չեն հավաքվել հանուն հայրենիքի։ Չէ՞ որ ասում էինք Սարդարապատ հայրենական պատերազմ։ Ի՞նչ պատահեց, որ երեք միլիոնով չհավաքվեցինք։ Յուրաքանչյուր մարդ պետք է իրեն տա այդ հարցը և փորձի գտնել պատասխանը»,– նշեց «Մարդկային զարգացման միջազգային կենտրոնի» ղեկավարը։
Թևան Պողոսյանի համոզմամբ` նախ պետք է բացել քաղաքական դաշտը, ստեղծել հնարավորության պատուհան, որպեսզի ի հայտ գան մարդիկ, ովքեր կգիտակցեն սխալներն ու կսկսեն այլ խոսք ասել մարդկանց` հասկանալով առկա մարտահրավերները։ Ըստ նրա` մենք կանգնած ենք ճգնաժամերի շարանի առջև` տնտեսականից մինչև բարոյահոգեբանական, ուստի պետք է կարողանանք հաղթահարել բոլոր ճգնաժամերը, իսկ առաջ շարժվելու համար անհրաժեշտ է, որ փոխվի խոսքը, քանի որ մնալով հին քաղաքականության մեջ և շարունակելով հին խոսքը` որևէ տեղ չենք հասնի։
Ամերիկահայերը Փաշինյանի հրաժարականի պահանջով ստորագրահավաք են սկսել
Պողոսյանի գնահատմամբ` նորը վերաբերում է մոտեցմանը, բոլորս էլ նախկին ենք ու ինչ էլ գտնենք՝ լինելու է նախկիններից։
թեգերը: