Հրազդան

Գազային «դավադրություն» և իրական պատճառներ. ինչո՞ւ էր Հայաստանում «թռչկոտում» լույսը

794
(Թարմացված է 18:30 11.07.2019)
Հայաստանը մի քանի ժամ «ցնցվում էր» հոսանքի տատանումներից. վերջին 6 տարում սա ամենախոշոր անջատումն էր: Sputnik Արմենիան փորձել է ամփոփել հոսանքազրկված օրվա արդյունքները:

Արամ Գարեգինյան, Sputnik Արմենիա

Լույսը սկսեցին անջատել մոտավորապես ժամը 14:00-ին: Ինչ–որ տեղ ավելի շատ, ինչ–որ տեղ ավելի քիչ, սակայն հոսանքը «տատանվեց» և անջատվեց Երևանի գրեթե բոլոր շրջաններում: Խափանվեց նաև մետրոյի աշխատանքը. մի քանի ժամով փակեցին կայարանների մուտքերը:

Բարձրավոլտ ցանցերում տեղի ունեցած արտակարգ իրավիճակի պատճառով վթարային անջատումներ էին գրանցվել երկու խոշոր ՋԷԿ-երում. Երևանի ՋԷԿ-ում ու «Հրազդան–5»-ում: Ատոմակայանը ոչնչով չէր կարող օգնել, որովհետև վերանորոգվում է։ Այդ պատճառով ամբողջ հզորությամբ աշխատեցին ՀԷԿ–երը` Սևան-Հրազդան և Որոտանի կասկադները: Դրանից բացի, էլեկտրաէներգիա «բերվեց» Վրաստանից և Իրանից:

Քաղաքի մի քանի խաչմերուկներում անջատվեցին լուսացույցները, ոստիկանները փորձեցին շտկել իրավիճակը:

Իսկ մինչ սոցցանցերի օգտատերերը գրեցին «էներգետիկ ճգնաժամի» մասին, էներգետիկներն արեցին հնարավորը, որպեսզի իսկական ճգնաժամ տեղի չունենա: Մետրոյի թունելներում մնացած գնացքները մոտեցրին կայարաններին և տարհանեցին բոլոր ուղևորներին: Քաղաքային հիվանդանոցները միացրին պահեստային սնուցման գեներատորները, և որևէ վիրահատություն չչեղարկվեց։ Բանկերն ու բանկոմատները գրեթե անխափան աշխատեցին, իսկ կապի հետ կապված խնդիրներն արագ վերացվեցին:

Երկաթգծում ժամանակին տեղ հասցրին բոլոր ապրանքային շարժակազմերը:

Այդ ժամերին մայրաքաղաքի բոլոր շրջաններում ուժեղացված հերթապահություն իրականացրին «Շտապօգնության» մեքենաները:

Մոտավորապես ժամը 20:00-ին երկու կայանները վերագործարկվեցին, և հանրապետության նորմալ էներգամատակարարումը վերականգնվեց:

Իսկ ոմանք նույնիսկ չնկատեցին

Երևանում մտահոգվեցին ինտերնետի և օդորակիչների պատճառով, իսկ տասնյակ հազարավոր մարդիկ այդ նույն ժամերին հանգիստ զբաղված էին հոսանքի հետ չկապված գործերով (դաշտ, այգի, բանջարանոց):

«Լույսն անջատե՞լ էին: Ես չէի էլ նկատել: Առավոտյան վեր կացա, հոսանք կար, երեկոյան տուն եկա, էլի կար: Ամբողջ օրը այգում, դաշտում էի աշխատում», – այսպես կամ մոտավորապես այսպես մեզ պատասխանեցին տարբեր համայնքներում ապրող մի քանի գյուղացիները։

Եթե խոսենք մարզերի մասին, ապա պիտի ասենք, որ ամենից շատ երկրի հարավի բախտը բերեց: Այստեղ գործում է Որոտանի կասկադ ՀԷԿ–ը, որտեղից էլեկտրաէներգիան արագ հասնում է սպառողին: Այդ էլեկտրաէներգիայի մի մասը վթարային ռեժիմով ուղարկում էին հյուսիս` հոսանքազրկված շրջաններ: Սակայն այն, ինչ մնում էր, հերիքում էր տեղում անխափան մատակարարում իրականացնելու համար:

Սյունիքի մարզի (Սիսիանից մինչև Ագարակ) գործարարներն ու գերատեսչությունների ղեկավարները, որոնց հետ կապ հաստատեցինք, ասացին, որ իրենց մոտ հոսանքի հետ կապված ամեն ինչ նորմալ է: Եվ ոչ միայն քաղաքներում և ձեռնարկություններում, այլև հեռու լեռներում` Շիկահողի արգելոցում: Թեև այնտեղ դրան քիչ էին ուշադրություն դարձնում։ Աշխատակիցներն ամբողջ օրը շրջում են լեռներով ու անտառով, հետևում կենդանիների տեղաշարժին, այդ թվում` արջերի և կովկասյան ընձառյուծների: Իսկ արջերի համար հաստատ մեկ է, թե Երևանում երբ կմիացնեն լույսը:

ԱԱԾ–ն կքննի էլեկտրաէներգետիկ համակարգում տեղի ունեցած կոլապսը

Իսկ ահա Հայաստանի կենտրոնական և հյուսիսային շրջաններում լույսն անջատել էին այնպես, ինչպես Երևանում: Լոռու և Տավուշի մարզերի էլեկտրամատակարարումը մի քանի ժամով միացրել էին Վրաստանի էներգահամակարգին:

«Էլեկտրաէներգիա մե՛կ կար, մե՛կ անջատում էին: Հաստոցները, շոգեագրեգատները ստիպված անջատում-միացնում էինք», – ասաց սահմանից քիչ հեռու գտնվող Բերդավան գյուղի գինու գործարանի տնօրեն Արշակ Ավագյանը:

Գազային «դավադրություն» և իրական պատճառներ

Ինչպես նշեցինք, անջատվել էին անմիջապես երկու խոշոր ՋԷԿ–եր` Երևանի ՋԷԿ-ն ու «Հրազդան–5»-ը, որոնք աշխատում են գազով: Տարօրինակ զուգադիպություն է, նշում էին սոցցանցերի որոշ օգտատերեր:

Իրականում գազի հետ կապված որևէ խնդիր չի եղել. Ռուսաստանից և Իրանից եկող գազատարները նորմալ էին աշխատում, իսկ կայաններն անջատվել էին՝ թեթևացնելու համար էլեկտրացանցը: Երբ այնտեղ լուրջ ծանրաբեռնվածություն է առաջանում, ապա հոսանքի հաճախականությունը կարող է տատանվել: Եթե տատանումներն անցնում են վթարային սահմանը, որոշակի կայաններ կարող են ավտոմատ կերպով անջատվել, որպեսզի հաճախականությունը նորմայի գա: Հենց այդպես էլ եղել էր:

Գերբեռնման պատճառները դեռ ճշտվում են: Գուցե դրանք առաջացել են հարևան Իրանում, որի հետ փոխկապակցված է Հայաստանի բարձրավոլտ էլեկտրացանցը: Ամռանն այնտեղ մեծանում է ցանցի բեռնվածությունը օդորակիչների և սառեցման համակարգերի պատճառով: Սակայն գուցե գերբեռնվածություններ են եղել նաև Հայաստանի ներսում: Մինչև վերջ պատճառները դեռ չեն պարզվել:

Ընդգծենք` բուն կայաններում վթար չի եղել: Դրանք անջատել էին՝ կայունացնելու համար համակարգը: Իսկ որպեսզի կայանները կրկին միացնեին ցանցին, մի քանի ժամ էր պետք, որովհետև ՋԷԿ–ը գազի ջրատաքացուցիչ չէ, մեկ մատնազարկով այն չես միացնի:

Իսկ ինչո՞ւ անջատեցին հենց ՋԷԿ–երը, ոչ թե ՀԷԿ–երը կամ ԱԷԿ-ը: Ատոմակայանի հարցում ամեն ինչ շատ պարզ է. այն ամբողջությամբ կապիտալ վերանորոգման է կանգնած մինչև օգոստոսի 1-ը: Իսկ մնացած կայաններից ընտրություն է կատարել դիսպետչերական ծրագիրը, որով աշխատում է ազգային «Էլեկտրաէներգետիկական համակարգի օպերատորը»: Ընտրությունն արվել է հաշված վայրկյանների ընթացքում. այստեղ այդ վայրկյանները շատ բան են որոշում:

Ինչպե՞ս կարելի է սրանից խուսափել ապագայում

Որքան ավելի շատ լինեն էլեկտրահաղորդման նոր գծերը, այնքան ավելի շատ կլինեն էլեկտրաէներգիայի փոխանցման պահեստային երթուղիները: Նոր գծերը մասամբ օգնեցին նաև այս անգամ: Համաշխարհային բանկի տրամադրած վարկով այս տարի ավարտեցին կենտրոնից Հայաստանի հարավ (Որոտանի կասկադ ՀԷԿ) գնացող նոր գծերի կառուցման աշխատանքները: Հին գիծը փոխարինվեց նորով և օգնեց ավելի շատ հոսանք փոխանցել հարավից կենտրոն և Հայաստանի հյուսիս:

Վթարված երկու խոշոր էլեկտրակայաններն էլ արդեն աշխատում են. Ավինյան

Շուտով պետք է ավարտվի Հայաստան-Իրան 400 ԿՎտ լարման էլեկտրահաղորդման օդային նոր բարձրավոլտ գծի շինարարությունը: Այդ ժամանակ էլեկտրաէներգիայի փոխանակումն (այդ թվում արտակարգ իրավիճակների դեպքում) ավելի հեշտ կլինի իրականացնել:

Ատոմակայանն անջատված է ցանցից. որևէ տեխնածին աղետ տեղի չի ունեցել

794
թեգերը:
վթար, էլեկտրաէներգիա, Հայաստան
Ըստ թեմայի
Մութ կայարաններ, շփոթված ուղևորներ. ի՞նչ էր կատարվում Երևանի մետրոյում. տեսանյութ
Հայաստանում էլեկտրաէներգիայի լուրջ դեֆիցիտ կա. նախարար

Մաքուր էներգիայի աղբյուր. Հայաստանում հին անվադողերից վառելիք են ստանում. լուսանկարներ

132
(Թարմացված է 22:57 07.08.2020)
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
  • Օգտագործված անվադողերի վերամշակման գործարան, Աբովյան
Կոտայքի մարզի Աբովյան քաղաքում գործում է հին անվադողերի և պոլիէթիլենի վերամշակման ձեռնարկություն։

Այն, որ հին անվադողերը դեն նետելը վնասակար է՝ գիտեն բոլորը։ Սակայն ոչ բոլորին է հայտնի, որ դրանց վերամշակման արդյունքում կարելի է դիզելին մոտ վառելիք ստանալ։ Արդեն մի քանի տարի Աբովյան քաղաքում գործող վերամշակման գործարանը հենց դրանով է զբաղվում։

Անվադողերը պետք է այրել ոչ թե բաց տարածքում, այլ տաքացնել վակուումում։ Այդ ժամանակ տաք ռետինը թթվածնի հետ չի միանում և թունավոր դիօքսիններ չի առաջացնում։ Արդյունքում՝ հեղուկ վառելիք (1 տոննայից մոտ 400 լիտր) և ածխածնի փոշի է ստացվում, պարզ ասած՝մուր, որը կարելի է օգտագործել ռետինի արդյունաբերության մեջ։

Նույն ձևով կարելի է վերամշակել նաև պոլիէթիլենը, և նույնիսկ հին հագուստը։

Որ զինվորները չտանջվեն. Գյումրիում անվադողերի հավաքմանը նաև դպրոցականներն են մասնակցում

Վերամշակման ժամանակ ձեռնարկությունից գրեթե ծուխ դուրս չի գալիս։ Արտանետումներն առաջանում են միայն գազի այրումից, երբ տաքանում է վակուումային սարքը։

132
  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

  • Օգտագործված անվադողերի վերամշակման գործարան, Աբովյան
    © Sputnik / Asatur Yesayants

    Օգտագործված անվադողերի վերամշակման գործարան, Աբովյան

թեգերը:
արտադրություն, վառելիք, Կոտայք, Հայաստան, գործարան, աղբի վերամշակում, անվադող, Աբովյան
Ըստ թեմայի
Երևանում ցուցադրում են Ադրբեջանի ԶՈՒ–ի խոցված և առգրավված անօդաչուները. լուսանկարներ
Ինչ վնասներ է հասցրել պայթյունը Մեծի Տանն Կիլիկիո կաթողիկոսարանին. լուսանկարներ
«Տարօրինակ կիրք»․ դերասանուհի Աննա Խիլկևիչի հայ ամուսինը դեմ է լողազգեստով լուսանկարներին
«Սիրուն է, չէ՞». Արծրուն Հովհաննիսյանը հրապարակել է խոցված ԱԹՍ–ի լուսանկարները
Կարի արտադրամաս

Շունչ քաշեցի՞ր, գնացինք առաջ. ի՞նչ է առաջարկել ՀՀ իշխանությունը բիզնեսի զարգացման համար

118
(Թարմացված է 21:20 07.08.2020)
ՀՀ կառավարությունը մի ծրագիր է մշակել, որի նպատակն է բիզնեսին աջակցել ոչ միայն գոյատևելու, այլև ճգնաժամից հետո զարգանալու համար։

ԵՐԵՎԱՆ, 7 օգոստոսի – Sputnik. ՀՀ էկոնոմիկայի փոխնախարար Նաիրա Մարգարյանը Sputnik Արմենիային հայտնեց, որ հետճգնաժամային զարգացման առաջին ծրագրին մասնակցելու համար արդեն ավելի քան 300 ընկերություն է հայտ ներկայացրել։

Հակաճգնաժամային միջոցառումների շարքում այս ծրագիրը թվով 19-րդն է և առաջինը, որն ուղղված է ոչ թե բիզնեսի ընթացիկ վիճակին աջակցելուն, այլ ճգնաժամից հետո զարգանալուն։

Մասնավորապես, Հայաստանի կառավարությունը արտոնյալ վարկերի երաշխիքներ կառաջարկի այն ընկերություններին, որոնք ցանկանում են զրոյից բիզնես սկսել, կամ այն ձեռնարկություններին, որոնք գործում են ոչ ավել, քան երեք տարի և ցանկանում են զարգացնել իրենց բիզնեսը:

«Պարզ է, որ նոր բիզնեսը հազիվ թե վարկային պատմություն կամ բավարար գրավ ունենա։ Նման ընկերությունների համար մենք դեռ մի քանի տարի առաջ ենք սկսել «Հաջող սկիզբ» ծրագիրը, իսկ այսօր պարզապես զարգացնում ենք այն», – նշեց Մարգարյանը։

Սկզբնական փուլում վարկային երաշխիքներ տրամադրելու համար կառավարությունը 1.5 մլրդ դրամ կհատկացնի։ Ծրագրին մասնակցող բանկերը տարեկան 7-10% իրական տոկոսադրույքով վարկ կտրամադրեն մինչև 60 ամիս ժամկետով` արտոնյալ մինչև 6 ամիս ժամկետի հնարավորությամբ։ Նոր ձեռնարկություններին կարող է տրամադրվել մինչև 10 մլն դրամ վարկ, իսկ մինչև երեք տարի գործողներին` մինչև 20 մլն։ Հայտատուն իր կողմից պետք է ֆինանսական երաշխավորություն ներկայացնի։ Մինչև երեք տարի գործող ընկերությունների համար պարտադիր կլինի վարկային լավ պատմություն ունենալու պահանջը։

Մարգարյանի խոսքով` այս ծրագրում նախևառաջ հաշվի են առնվելու հայտատուի ոչ թե ակտիվները կամ ընթացիկ ֆինանսական վիճակը, այլ նրա ծրագրի հեռանկարները։ Այլ կերպ ասած` կառավարությունը որոշակի առումով վենչուրային հիմնադրամի դերում հանդես կգա։

«Իհարկե, մենք պետք է զգույշ լինենք պետական միջոցները ծախսելիս, այդ պատճառով հիմնվելու ենք բանկերի` հաճախորդների ռիսկերի գնահատման փորձի վրա։ Սակայն հիմնական շեշտն այնուամենայնիվ դնելու ենք ծրագրի, նրա հեռանկարների վրա։ Միևնույն ժամանակ գնահատելու ենք ոչ թե ինքնին գաղափարը, այլև դրա մշակման խորությունն ու լրջությունը, ինչպես նաև ընկերության աշխատակազմի որակավորումը», – ընդգծեց փոխնախարարը։

Նախևառաջ խթանվելու են Հայաստանի համար նոր արտադրությունները կամ նախագծերը, որոնք նոր տեխնոլոգիաներ են կիրառելու (օրինակ` էներգախնայողության)։ Այժմ քննարկվում են այն չափանիշները, որոնցով գնահատվելու է նախագծի նորարարության աստիճանը։

Կա ևս մեկ պահանջ. նոր նախագծերը պետք է իրականացվեն մարզերում։ Սա նոր աշխատատեղեր ստեղծելու ևս մեկ ձև է նրանց համար, ովքեր այս տարի չեն կարողացել սեզոնային աշխատանքի մեկնել։ Ապագայում դա թույլ կտա նրանց աշխատել Հայաստանում արդեն մշտական հիմունքով։

Բիզնես պլանը նախապատրաստելու համար հայտատուները դասընթացներ կանցնեն, որոնք կտևեն մի քանի շաբաթ։ Նրանք ոչ միայն առցանց դասախոսություններ կլսեն, այլև տնային առաջադրանքներ կանեն ու կընթերցեն առաջարկվող գրականությունը։ Հաջորդ մոդուլների հնարավոր կլինի անցնել միայն նախորդ մոդուլի բոլոր առաջադրանքները կատարելուց ու ստուգարքներ հանձնելուց հետո։

«Ուսուցման ընթացքում մենք առանձնացնում ենք նրանց, ովքեր առավել մոտիվացված են բիզնես գիտելիք ձեռք բերել», – հավելեց Մարգարյանը։

Դասընթացները կանցկացնեն թե՛ առանձին ոլորտների (ֆինանսների, մարքեթինգի, հասարակայնության հետ կապերի գծով) և ընդհանուր հարցերի մասնագետները, որոնց ցանկացած ժամանակ հնարավոր կլինի դիմել խորհուրդ ստանալու համար։

«Հետագայում մենք ուզում ենք այս նախագիծը բիզնեսի համար մշտական առցանց դպրոցի վերածել, որը կօգնի սկսնակ ձեռնարկատերերին», – ասաց փոխնախարարը։

Կրթական ծրագրին կարող են մասնակցել բոլորը, այդ թվում` երևանյան ձեռնարկությունները։ Նրանք կկարողանան ֆինանսավորում ստանալ, եթե արտադրություն սկսեն կամ մասնաճյուղ բացեն մարզերում։

Բիզնեսի երկարաժամկետ աջակցման նաև այլ ծրագրեր են քննարկվում։ Դրանցից մեկի համաձայն` պետությունը ժամանակավոր ներդրում կանի ձեռնարկության կապիտալում` աստիճանաբար դուրս գալով այնտեղից և հետ վաճառելով իր բաժնետոմսերը։ Ընդ որում` այս պարագայում ևս գնահատվելու է ծրագրի հեռանկարն ու ակնկալվող ֆինանսական հոսքերը։

Հիշեցնենք, որ ՀՀ կառավարությունը 2020 թվականին հակաճգնաժամային աջակցությանը (տնտեսական և սոցիալական) ընդհանուր առմամբ 150 մլրդ դրամ կհատկացնի, որից 80 միլիարդը կուղղվի ձեռնարկությունների վերականգնմանն ու նոր արտադրությունների ստեղծմանը։

118
թեգերը:
բիզնես, Հայաստան, Նաիրա Մարգարյան
Ըստ թեմայի
Արտոնյալ վարկերի ռիսկերը. ինչպես է կատարվելու ձեռնարկությունների ընտրությունը
«Caucasus Online»-ի բաժնետոմսերը Բաքվին վաճառելը ինչո՞վ է սպառնում Հայաստանին
ՊԵԿ աշխատակիցը պատմել է, թե ինչ մեթոդներով են բացահայտում անբարեխիղճ հարկատուներին
Նժդեհ Հովսեփյան

Ինչ խնդիր է լուծում ՀՀ իշխանությունը` արտակարգ դրությունը երկարաձգելով

0
(Թարմացված է 23:53 08.08.2020)
«Օրբելի» կենտրոնի վերլուծաբան Նժդեհ Հովսեփյանը Sputnik Արմենիայի եթերում անդրադարձել է Հայաստանում համավարակով պայմանավորված արտակարգ դրության ռեժիմի հերթական անգամ երկարաձգելուն և այն հանգամանքին, որ մեղմացվելու են մի շարք արգելքներ։
Հովսեփյան. «Հավաքների սահմանափակումն ընդամենը միտված էր վարակի տարածումը կանխելուն»

Նժդեհ Հովսեփյանի դիտարկմամբ` նախ պետք է հաշվի առնել` արդյո՞ք արտակարգ ռեժիմի անցնելու որոշում կայացնելիս իշխանությունը մտքում ուներ հենց հավաքների ազատության իրավունքի սահմանափակումը։ Ըստ նրա` ակնհայտ է, որ հայտնի շրջանակները, որոնք իշխանության նկատմամբ վերահսկողություն ստանալու խնդիր ունեն, միշտ այդ հարցը շահարկում էին, բայց միևնույն ժամանակ շատ լավ գիտեին, որ զանգվածային միջոցառումներ անցկացնելու պոտենցիալ անգամ չունեն, հետևաբար արտակարգ դրության ռեժիմի վերաբերյալ նրանց հայտարարությունները կրում էին ընդամենը սադրիչ քաղաքական շահարկումների բնույթ։

«Սահմանափակումների թուլացման հետ կապված որոշումը գալիս է փաստելու, որ արտակարգ դրության ռեժիմն ի սկզբանե չի սահմանվել լոկ հավաքների ազատության ռեժիմ դարձնելու համար։ Այդ սահմանափակումն ընդամենը միտված էր վարակի տարածումը կանխարգելելուն»,– նշում է վերլուծաբանը։

Հովսեփյանի համոզմամբ` արտակարգ դրության ռեժիմի պահպանման հիմնական խնդիրն իշխանությանն արտակարգ լիազորություններ թողնելն է, որովհետև ցանկացած պահի կարող ենք ունենալ համավարակի տարօրինակ բռնկում, հետևաբար իշխանությունը նման իրավիճակում պետք է օժտված լինի արտակարգ լիազորություններով, որպեսզի արագ արձագանքի և համապատասխան գործիքակազմը ներդնի ու կիրառի։

Վերլուծաբանի կարծիքով` սահմանափակումների մեղմացումը պայմանավորված է վերջին երկու շաբաթվա կտրվածքով հավամարակի տարածման տեմպերի զգալի թուլացմամբ, ինչպես նաև այն հանգամանքով, որ բողոքավոր զանգվածներին հնարավորություն տրվի իրենց բողոքն արտահայտել ավելի ազատ կերպով, քան նախկինում։

Կես տարվա արտակարգ կյանք Հայաստանում. դրությունը պահպանվում է, փոխվում են կանոնները

Հիշեցնենք` մարտի 16–ից Հայաստանում արտակարգ դրություն է, որն արդեն մի քանի անգամ երկարաձգվել է։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից Հայաստանում աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջիններս պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Հուլիսի 13-ին կառավարությունը որոշեց արտակարգ դրության ռեժիմը երկարացնել մինչև օգոստոսի 12-ը։

Օգոստոսի 5–ին ՀՀ փոխվարչապետ Տիգրան Ավինյանը հայտնեց, որ օգոստոսի 12-ին ավարտվող արտակարգ դրությունը կերկարաձգվի ևս մեկ ամսով, բայց սա վերջին երկարաձգումը կլինի։

0
թեգերը:
Նժդեհ Հովսեփյան, Արտակարգ դրություն, Հայաստան
Ըստ թեմայի
Ներքին զբոսաշրջությունը չի փրկի. ինչն է Հայաստանում «սպանում» տուրօպերատորներին
Արման Թաթոյանը ՀԿ-ների հետ քննարկման արդյունքներն ուղարկել է պարետատուն
Արտակարգ դրության պատճառով Հայաստանում մնացած 4071 քաղաքացի Ռուսաստան են վերադարձել