Հայաստանում Իսրայելի դեսպան

«Շատ գործարարների կգրավի». Իսրայելի դեսպանը` Գյումրիում նախատեսված խոշոր նախագծի մասին

190
(Թարմացված է 22:47 10.07.2019)
Դեսպանը կարծում է, որ նախագծի իրականացումը կներգրավի իսրայելցի գործարարներին։

ԵՐԵՎԱՆ, 10 հուլիսի — Sputnik. Իսրայելական կողմն աշխատում է Գյումրիում լոգիստիկ հանգույց ստեղծելու ուղղությամբ։ Այսօր Երևանում, Իսրայելի անկախության 71-ամյակին նվիրված ընդունելության ժամանակ այս մասին ասաց Հայաստանում Իսրայելի դեսպան Էլի Բելոցերկովսկին` պատասխանելով Sputnik Արմենիայի հարցին։

Հայաստանում Իսրայելի նախկին դեսպան Էլիյահու Յերուշալմին Sputnik Արմենիայի հետ զրույցում ասել էր, որ իսրայելցի գործարարները մտադիր են Գյումրու օդանավակայանի մերձակայքում բիզնես սկսել, որն Իսրայելից ԵԱՏՄ, ԵՄ–ից ԵԱՏՄ և հակառակ ուղղությամբ ապրանքների ներկրմամբ և արտահանմամբ զբաղվող ընկերություն կլինի։

«Հեռանկարներ կան, մենք աշխատում ենք այդ ուղղությամբ։ Հույս ունենք, որ նախագիծը հաջողություն կունենա։ Եթե իսկապես հաջողվի, ապա կարող է բազմաթիվ իսրայելցի գործարարների ներգրավել», – ընդգծեց Բելոցերկովսկին։

Նրա խոսքով` նախագծի իրականացումը իսրայելցի գործարարներին կապացուցի, որ Հայաստանում բիզնեսի լավ հնարավորություններ կան։

Ընդհանուր առմամբ, դեսպանի կարծիքով, Հայաստանի և Իսրայելի գործակցությունն արդյունավետ կլինի, այդ թվում գիտելիքահեն տեխնոլոգիաների և ՏՏ ոլորտում։

Հնարավոր գործակցության այլ ոլորտների թվում նա նշեց կրթությունը։ Բելոցերկովսկին չբացառեց տաղանդավոր հայ ուսանողներին կրթելու հնարավորությունը, ինչպես նաև բժիշկների վերապատրաստումը Իսրայելում։

2018 թվականի փետրվարի 21-ին Լոջիսթիկ FTZ իսրայելական ընկերությունը Գյումրու քաղաքապետարանի հետ փոխըմբռնման հուշագիր է ստորագրել, որի համաձայն` ընկերությանը 330 հեկտար է տրամադրվել ազատ տնտեսական գոտու համար։

Նախնական գնահատականներով` նախագծի իրականացումը պետք է մինչև 10 հազար աշխատատեղ բացի։

Նախագծի նպատակը ազատ տնտեսական գոտի ստեղծելն է, հիմնականում այն ընկերությունների համար, որոնք լոգիստիկ գործառույթներ են իրականացնում։ Կլինեն նաև ընկերություններ, որոնք զբաղվում են դեղերի կշռածրարմամբ կամ կենցաղային ու էլեկտրոնային սարքավորումների արտադրությամբ։ Դրանք խոշոր միջազգային ընկերություններ են, որոնք աշխարհի տարբեր ծայրերում իրենց մասնաճյուղերն ունեն։

Նշենք, որ նորանշանակ դեսպանը երեկ հավատարմագրեր է հանձնել ՀՀ նախագահ Արմեն Սարգսյանին։ Նրա նստավայրը լինելու է Իսրայելում։ Նախկինում Բելոցերկովսկին եղել է Ուկրաինայում Իսրայելի դեսպանի պաշտոնը։

Հայաստանը մտադիր է դեսպանատուն բացել Իսրայելում. հարցը ոչ թե «երբն» է, այլ «որտեղը»

190
թեգերը:
գործարար, Իսրայել, Հայաստան
Ըստ թեմայի
Իրավիճակն այնպիսին է, որ լուցկու մեկ հատիկից կարող է հսկայական պայթյուն լինել. Պետրոսյան
Իսրայելը հարված է հասցրել Դամասկոսին ու Հոմսին. խաղաղ բնակիչներ են մահացել
«Ձեզ համար առևտուր, մեզ համար` մահ». ԱԳ նախարարը` Բաքվին իսրայելական զենք վաճառելու մասին
Խաղողի այգի, արխիվային լուսանկար

Կառավարությունը կաջակցի խաղողի մթերմանը. վարչապետի կարծում է՝ դրանից կօգտվեն գյուղացիները

42
(Թարմացված է 13:08 13.08.2020)
Կորոնավիրուսի տնտեսական հետևանքների չեզոքացման քսանչորսերորդ միջոցառումը վերաբերում է գինեգործությամբ ու կոնյակագործությամբ զբաղվող ընկերություններին։

ԵՐԵՎԱՆ, 13 օգոստոսի - Sputnik. ՀՀ կառավարությունն այսօր ընդունեց կորոնավիրուսի հետևանքների չեզոքացման 24-րդ միջոցառումը, որով նախատեսվում է աջակցել խաղողի մթերմամբ, գինեգործությամբ ու կոնյակագործությամբ զբաղվող ընկերություններին։

ՀՀ էկոնոմիկայի նախարար Տիգրան Խաչատրյանը նշեց, որ ծրագրով կառավարությունը նախատեսում է սուբսիդավորել այս ոլորտի ընկերություններին տրամադրվող վարկերի տոկոսադրույքները։

«Կորոնավիրուսի հետևանքով ինչպես ներքին շուկայում, այնպես էլ արտաքին շուկաներում կոնյակի ու գինու նկատմամբ պահանջարկը նվազել է, ինչն ազդել է նաև իրացման ծավալների վրա»,– ասաց նա։

Նրա խոսքով՝ պաշտոնական վիճակագրության համաձայն, իրացման ծավալների անկումը հասել է 30 և ավելի տոկոսի։ Այս իրավիճակի հետևանքով բանկերը սկսել են ավելի բարձր տոկոսներով ու ավելի զգուշավորությամբ վարկեր տրամադրել այդ ընկերություններին։

«Եվ դա այն ժամանակահատվածում, երբ առջևում խաղողի մթերումներն են ու մենք ունենք տեղեկություններ, որ խաղողի բերքն այս տարի ավելի բարձր է լինելու, քան նախորդ մի քանի տարիներին»,– պարզաբանեց նախարարը` հավելելով, որ նախորդ տարիների արտադրանքը չվաճառելու պարագայում վերամշակողները դժվարություններ են ունենալու խաղողի նոր բերքը մթերելու հարցում։

«Խաղողագործության համար նախատեսված ծրագրերը մեծ մասամբ չեն իրականանում». Արտակ Սարգսյան

Հետևաբար, կառավարությունը որոշել է աջակցել այս կազմակերպություններին` վարկային տոկոսների սուբսիդավորման միջոցով։

«Մենք չենք վերցնում որևէ շուկայական ռիսկ։ Վարկի վերաբերյալ որոշումները կայացնում են ֆինանսական կազմակերպությունները, իսկ մենք սուբսիդավորում ենք վարկի տոկոսն ամբողջությամբ»,– ընդգծեց Խաչատրյանը։

Վարկի առավելագույն չափ է սահմանվում 3 մլրդ դրամը, որը կարող է մարվել 3-6 ամսում։

ՀՀ վարչապետ Նիկոլ Փաշինյանը հարցի քննարկման ընթացքում նկատեց, որ այս միջոցառման վերջնական շահառուն խաղողագործներն են, գյուղացիները։

«Մենք նաև պայմանավորվածություններ ենք ձեռք բերել, որ այս տարի խաղողի լիարժեք մթերում տեղի ունենա»,– հավելեց Փաշինյանը։

Հիշեցնենք`կորոնավիրուսի համաճարակի ու արտակարգ դրության ռեժիմի հետևանքով Հայաստանում այս տարի գինու սպառումն ու արտահանումը նվազել է։

Գինու ազգային կենտրոնի նախագահ Ավագ Հարությունյանը Sputnik Արմենիային հայտնել էր, որ գինու սպառումն այս տարի անցյալ տարվա համեմատ 50 տոկոսով նվազել է, ինչը, նրա համոզմամբ,  չի կարող բացասաբար չանդրադառնալ մթերման գործընթացի վրա։

Լավագույն դեպքում` վերամշակողները խաղողը դաշտերում չեն թողնի, բայց դրա դիմաց առնվազն 20 տոկոս էժան կվճարեն` ոչ ավելի, քան 120 դրամ` 1 կգ–ի դիմաց։ Մինչդեռ, ֆերմերները պնդում են, որ բանկերից գյուղվարկեր են ստացել առնվազն 150 դրամ վաճառքի հաշվարկով։

42
թեգերը:
մթերում, վարկ, ծրագիր, կառավարություն, Խաղող
Ըստ թեմայի
Խաղողի առատ բերքը լուրջ խնդիր կառաջացնի. Հարությունյանը գնդակն ուղղում է գործադիրի դաշտ
Սարգսյան. «Խաղողի բերքը նախորդ տարվա համեմատ պակաս է 40 տոկոսով
Խաղողի բերքն առատ կլինի, լրացուցիչ վարկ կտրամադրվի. նախարարն ու գինեգործները հանդիպել են
Գինը չեն իջեցնում, բայց «նկարած թվեր» էլի կան. ստուգումներ` Հայաստանի խաղողի այգիներում
Նիկոլ Փաշինյան

Հայաստանում շինհրապարակ նշանակում է աղբանոց. Փաշինյանը դժգոհեց բիզնեսի որակից

159
(Թարմացված է 12:34 13.08.2020)
Նիկոլ Փաշինյանի բնորոշմամբ` հայաստանյան գործարարների համար գերադասելի է հնարավորինս երկար ու լայն ավտոմեքենայով և հնարավորինս երկար շարասյունով շրջել, քան գումար ներդնել գիտելիքի, տեխնոլոգիաների, ստանդարտների վրա։

ԵՐԵՎԱՆ, 13 օգոստոսի — Sputnik. Հայաստանում ճգնաժամի ավարտից հետո ՀՀ կառավարությունը ձեռնամուխ է լինելու բիզնեսի ստանդարտների  «ամենադաժան ձևով» բարձրացմանը։ Տեղեկությունն այսօր կառավարության նիստում հայտարարեց ՀՀ վարչապետ Նիկոլ Փաշինյանը` անդրադառնալով բիզնեսում տարիներ շարունակ գոյություն ունեցած «առուփախի» տրամաբանությանը։

«Մեր երկրում կա գործարարության ստանդարտ, որի արդյունքում ցանկալի է, որ հնարավորինս լայն, հնարավորինս երկար ավտոմեքենայով ու հնարավորինս երկար շարասյունով շրջեն, քան գումար ներդնեն գիտելիքի վրա, տեխնոլոգիայի վրա, ստանդարտի վրա»,– ասաց Փաշինյանը` հիշեցնելով, որ կառավարությունը պայմանավորվել էր բարձրացնել Հայաստանում առկա բոլոր ստանդարտները, բայց կորոնավիրուսի հետևանքով առաջացած ճգնաժամը հետաձգեց այդ ծրագրերը։

«Եկեք գնանք նայենք շինհրապարակները մեր երկրում։ Ես քանի անգամ բարձրացրել եմ այդ հարցը։ Մեր շինհրապարակները տեսնում ես, արդեն պատկերացում ես կազմում, թե ընդհանրապես ՀՀ–ում ինչ բիզնես կուլտուրա գոյություն ունի, որովհետև շինհրապարակ Հայաստանում առաջին հերթին նշանակում է աղբանոց` սրանից բխող մենթալիտետային հետևանքներով»,– ասաց Փաշինյանը։

Վարչապետի խոսքով բիզնեսը Հայաստանում աշխատում է հետևյալ սկզբունքով` երբ վիճակը լավ է, գործընկեր է ձևանում, հարկերը մուծելու ժամանակ լացում են։ Իսկ երբ երկրում ճգնաժամ է, սկսում են բյուջեից փող ուզել։

«Բա որտեղի՞ց, դուք ասում էիք փող չկա, որ վճարեք։ Բա դուք եք ձևավորում բյուջեն, մենք բոլորս ենք ձևավորում,– ասաց վարչապետը,– այնպես որ խնդիրներն ավելի խորն են, քան մենք երբևէ պատկերացրել ենք»։

Փաշինյանն արձագանքել է, բայց ռեստորանային բիզնեսի ցավը միայն քաղաքապետը կարող է բուժել

Նշենք, որ կառավարությունն այսօրվա նիստում հաստատեց 2020-2023 թվականների Հայաստանի Հանրապետության չափագիտության ոլորտի զարգացման ծրագիրն ու միջոցառումների ցանկը։

Դրանով կառավարությունը ծրագրում է ՀՀ արդյունաբերությունը բարձրացնել տնտեսական զարգացման ավելի բարձր մակարդակի` գիտության արդի նվաճումների վրա հիմնված առաջադեմ տեխնոլոգիաների ներդրման միջոցով։

Կառավարությունն աջակցություն կտրամադրի զբոսաշրջային ոլորտի կազմակերպություններին

Ըստ կառավարության, զարգացած տնտեսության անբաժանելի մասն են հանդիսանում ճշգրիտ չափումները, որոնք պետք է ընդունելի, հուսալի և ճանաչելի լինեն միջազգային մակարդակում։

159
թեգերը:
շինարարություն, հարկեր, բյուջե, Հայաստան, բիզնես, Նիկոլ Փաշինյան
Ըստ թեմայի
Ի՞նչ է սպասում Հայաստանի տնտեսությանը տարեվերջին. կանխատեսում են մասնագետները
ՀՀ տնտեսությունը շուրջ 5%–ով անկում է ապրել. մի փոքր օգնել են պղնձի և ոսկու «պարերը»
Արտաքին գնաճային ճնշումներ ՀՀ տնտեսության վրա չեն եղել. ԿԲ նախագահի նոր ցուցանիշները
Մինսկ

Բելառուսի ՆԳՆ ղեկավարը ներողություն է խնդրել ցույցերի ժամանակ պատահաբար տուժած մարդկանցից

0
(Թարմացված է 23:50 13.08.2020)
Հանրապետության ՆԳՆ-ի տվյալներով ՝ անկարգությունների ընթացքում մեկ մարդ է մահացել, նա փորձել է անհայտ պայթուցիկ սարք նետել իրավապահների ուղղությամբ:

ԵՐԵՎԱՆ, 13 օգոստոսի - Sputnik. Բելառուսի ներքին գործերի նախարար Յուրի Կարաևը խոսել է ցուցարարների հետ բախումների ժամանակ պատահաբար տուժած մարդկանց մասին։

ՌԻԱ Նովոստին հայտնում է, որ Կարաևը «Մարկով. անձնական ոչինչ» հաղորդման ժամանակ ներողություն է խնդրել այդ մարդկանցից։

Հիշեցնենք` կիրակի՝ օգոստոսի 9-ին, Բելառուսում նախագահական ընտրություններ են անցկացվել։ Պաշտոնական տվյալներով՝ ընտրություններում հաղթել է գործող նախագահ Ալեքսանդր Լուկաշենկոն: Նրա օգտին է քվեարկել ընտրողների 80,23 տոկոսը, Լուկաշենկոյի հիմնական մրցակից Սվետլանա Տիխանովսկայի օգտին` 9,90 տոկոսը: Քվեարկության ավարտից հետո զանգվածային բողոքի ակցիաներ են սկսվել: ՆԳՆ-ի տվյալներով ՝ անկարգությունների ընթացքում մեկ մարդ է մահացել, նա փորձել է անհայտ պայթուցիկ սարք նետել իրավապահների ուղղությամբ:

Տիխանովսկայան չի ընդունել ընտրության արդյունքներն ու Բելառուսից փախել է Լիտվա։

Բելառուսի ԲելԱԶ և ՄԱԶ գործարաններում բողոքի ակցիաներ են ընթանում. տեսանյութ

0
թեգերը:
Բողոքի ակցիա, Մինսկ, Բելառուս
Ըստ թեմայի
Բելառուսում տղամարդը շան հետ զբոսնելիս փամփուշտ է «որսացել» ու վիրավորվել. տեսանյութ
«Ձեր «սև» ուժը Ձեր թուլությունն է». Սպիվակովը հրաժարվել է Լուկաշենկոյի հանձնած շքանշանից
Բախումներ հատուկջոկատայինների և ցուցարարների միջև. ինչ է կատարվում Մինսկում. տեսանյութ
Վլադիմիր Պուտինը և Էմանուել Մակրոնը քննարկել են Բելառուսում տիրող իրավիճակը