Դավիթ Անանյան

ՊԵԿ–ի ստուգումների արդյունքում մոտ 63 միլիարդ դրամի խախտումներ են բացահայտվել. ՊԵԿ նախագահ

68
(Թարմացված է 16:03 09.07.2019)
Քանի որ բիզնեսը վարչական ակտերի մեծ մասը բողոքարկել է, դեռ վաղ է ասել, որ բոլոր այդ գումարները կմտնեն բյուջե։

ԵՐԵՎԱՆ, 9 հուլիսի — Sputnik. Հայաստանի ձեռնարկություններում իրականացված հարկային ստուգումների արդյունքում 62.8 մլրդ դրամի խախտում է բացահայտվել։ Այսօր հրավիրված ասուլիսի ժամանակ այս մասին ասաց ՊԵԿ նախագահ Դավիթ Անանյանը։

2019 թվականի առաջին կիսամյակի արդյունքում հարկային ծառայությունը շուրջ 460 ստուգում է իրականացրել։ 62,8 միլիարդից 2.2 միլիարդն արդեն բողոքարկման ենթակա չեն և պետք է բյուջե վճարվեն։ Մնացած ամբողջ գումարի ակտերը բողոքարկման ընթացքում են։ Այդպիսով, դեռ վաղ է ասել, որ ամբողջ գումարը բյուջե կմտնի։

Նույն ճշտապահությամբ հարկային ծառայությունը հետևում է ոչ միայն չվճարված գումարներին, այլև գերավճարներին։ «Այն ձեռնարկությունները, որոնք հարկային ծառայությանը հարկ եղածից շատ են վճարել, դրանք հետ կստանան»,– ընդգծեց Անանյանը։

Հարկային գերավճարները (ԱԱՀ–ի և այլ հարկերի) մինչև 2018 թվականի սկիզբը կազմել են 133 մլրդ դրամ։ Այլ կերպ ասած, պետությունն այդքան գումար է պարտք եղել բիզնեսին։ 2018 թվականին պետությունը պարտքը հասցրել է 21.5 միլիարդի, այսօր այդ գումարն ընդամենը 10.5 միլիարդ է։

Հարկային ստուգումներ են իրականացվել նաև մի շարք խոշոր ձեռնարկություններում, այդ թվում` Գագիկ Ծառուկյանին պատկանող «Առինջ մոլում» և «Սպայկա» ընկերությունում։ Այդ ստուգումների արդյունքում քրեական գործեր են հարուցվել (հարկերի վճարումից խուսափելու մասին)։ Այդ գործերը դեռ ընթացքի մեջ են, այդ պատճառով ՊԵԿ նախագահը դրանք չմեկնաբանեց։

Նկատենք, որ վերջին 1.5 տարվա ընթացքում ստուգումներ են իրականացվել նաև մանրածախ առևտրի խոշոր ձեռնարկություններում, այդ թվում «Երևան սիթի» սուպերմարկետների ցանցում, ինչպես նաև բենզալցակայաններում ու գազալցակայաններում։

Միլիարդների պարտք` բանկերին ու ՀԷՑ–ին. նախարարը բացահայտեց հերթական ֆինանսական մեխանիզմը

 

68
թեգերը:
Պետական եկամուտների կոմիտե (ՊԵԿ), ստուգումներ, Դավիթ Անանյան, Հայաստան
Ըստ թեմայի
«Գրավատներն անսահմանափակ տոկոսներ են վերցնում, բայց բողոքում հարկերից». Դավիթ Անանյան
Փաշինյանը ոչ ոքի չի ստիպել աշխատանքից ազատվել. Դավիթ Անանյան
Ինչ է իրականում կատարվել Բագրատաշենի անցակետում. պարզաբանում է Դավիթ Անանյանը
ՊԵԿ–ում ոչ մեկին չեն ուղղորդում. Անանյանը հերքում է լուրերը