Փող

Հայաստանի մէջ նուազագոյն աշխատավարձը կը բարձրանայ.կառավարութիւնն աւելի առատաձեռն գտնուեցաւ

32
(Թարմացված է 17:13 27.06.2019)
Գործադիրն առաջարկեց նուազագոյն աշխատավարձի չափը սահմանել աւելի շատ, քան կ’առաջարկէին օրինագիծի հեղինակ պատգամաւորները:

ԵՐԵՒԱՆ, 27 յունիսի — Sputnik. Հայաստանի մէջ նուազագոյն աշխատավարձը կը բարձրանայ եւ կը կազմէ 68 000 դրամ: Այս մասին յայտարարուեցաւ ՀՀ կառավարութեան այսօրուան նիստին:

Աշխատանքի եւ հասարակական հարցերու փոխնախարար Գեմաֆին Գասպարեան առաջարկեց օրակարգին մէջ ներառել ԱԺ «Իմ քայլը» խմբակցութեան պատգամաւորներ Բաբգէն Թունեանի ու Տիգրան Կարապետեանի օրէնսդրական նախաձեռնութիւնը, ըստ որուն` նուազագոյն աշխատավարձը ներկայիս 55 000 դրամէն պէտք է հասցնել 63 000 դրամի: Բայց փոխնախարարը յայտնեց, որ նախարարութիւնը կ’առաջարկէ այն հասցնել 68 000 դրամի:

«Մինչ իրենց ներկայացուցած նախագիծը մենք շուրջ 3 ամիս առաջ մեր հասարակական հետազօտութիւններու ազգային հիմնարկին պատուիրակած էինք հետազօտութիւն, որմով պէտք է գնահատուէր նուազագոյն աշխատավարձի սոցիալ տնտեսական օրինաչափ մեծութիւնը»,– ըսաւ Գասպարեան:

Հայաստանի իշխանութիւնը չի ներեր «Նայիրիտի» պարտքերը. գործարանի փրկութիւնը չի քննարկուիր

Անոր խօսքով` հետազօտութիւններու արդիւնքով որոշուած է նուազագոյն աշխատավարձի չափը սահմանել ոչ թէ 63, այլ 68 հազար դրամ:

Գործադիրը հաւանութիւն տուաւ օրինագիծին, որ վերջնական ընդունման համար պիտի ներկայացուի ԱԺ:

 

 

32
թեգերը:
աշխատավարձ, աշխատանք, Հայաստան
թեմա:
Sputnik Արմենիան` արևմտահայերենով (229)
Ըստ թեմայի
Պոլսոյ մէջ բացուած է Հրանդ Տինքին նուիրուած «Յիշողութեան կեդրոն»
Հայերու դերը Վալերի Կերկիեւի, որպէս երաժիշտ կայանալու հարցին մէջ
Հայաստանի մէջ ճաշարան մը բացուած է, ուր մատուցողները թոշակառու կանայք են. լուսանկարներ