Հին տուն Կոնդ թաղամասում

Հայաստանում ցանկանում են փոխել անշարժ գույքի արժեքը ապագա հարկերի համար

386
Անշարժ գույքի գնահատման նոր մեթոդիկան կարող է հանգեցնել հողի հարկի և գույքահարկի չափի փոփոխության։

ԵՐԵՎԱՆ, 13 հունիսի — Sputnik. Անշարժ գույքի գնահատման նոր մեթոդիկան մոտեցնում է նրա արժեքը շուկայականին։ Այդ մասին հայտարարեց կառավարությանն առընթեր Անշարժ գույքի կադաստրի պետական կոմիտեի պետի տեղակալ Արայիկ Սահակյանը։

Առաջարկվում է կադաստրային գները հաշվարկել նոր բանաձևով՝ ավելի մոտ շուկայական գներին։ Նպատակը հողի հարկի և գույքահարկի նոր, արդարացի համակարգն է։

Հիմնականում պետք է բարձրանա Երևանի կենտրոնում անշարժ գույքի կադաստրային արժեքը։ Ծայրամասերում և հատկապես մարզերում այն ավելի քիչ կբարձրանա։ Միաժամանակ, նշեց Պետրոսյանը, առայժմ փոխվում է անշարժ գույքի կադաստրային արժեքը: Բուն հարկերի փոփոխության մասին խոսք դեռ չկա։

«Մեր գործը կադաստրային արժեքը որոշելն է։ Իսկ ինչպիսին կլինեն հողի հարկն ու գույքահարկը, կառաջարկի ֆինանսների նախարարությունը», – հիշեցրեց Սահակյանը։

Հարկը կախված է կադաստրային գնից, ուստի կադաստրային արժեքը բարձրանալու դեպքում կարող են բարձրանալ նաև հողի հարկը և գույքահարկը։

Ավելի վաղ ֆինանսների նախարարության ներկայացուցիչները նշել են, որ բնակչության առանձին խմբերի համար կարող է առաջարկվել հատուկ մոտեցում. օրինակ, Երևանի կենտրոնի այն բնակիչների պարագայում, որոնք ժառանգել են ծնողների բնակարանները, այսինքն անպայման չէ, որ կպատկանեն բնակչության բարեկեցիկ խավին։

Ֆինանսների նախարարությունն առայժմ իր առաջարկները չի արել։ Բայց նույնիսկ եթե պայմանականորեն վերցնեն եղած հարկերը և դրանք հաշվարկեն գույքի նոր առաջարկվող արժեքներից, գյուղերում գույքահարկը կբարձրանա մի քանի հարյուր դրամով, առավելագույնը` մեկ–երկու հազարով։ Ընդ որում, ինչպես նշեց Սահակյանը, ոչ թե ամսական, այլ տարեկան։

Հիշեցնենք, որ կադաստրային արժեքում փոփոխությունները նախատեսված են «Անշարժ գույքի հարկման նպատակով շուկայական գնահատման կարգը սահմանելու մասին» ՀՀ օրենքի նախագծով։ Այն դրվել է հանրային քննարկման 2019թ–ի մարտին։

386
Ըստ թեմայի
Անհարմար է, ախր, Վլադիմի՛ր Իլյիչ… Պուշկինի փողոցի լուռ գաղտնիքները. լուսանկարներ
Պարտադիր պրոֆեսիոնալներ են պետք, կամ ինչպես փրկել Երևանը կենսաբանական մահից
«Սարուխանա կարտոլն» ու հայ–ռուսական հարաբերությունները, կամ ժողովուրդը միշտ ճիշտ է
Ի՞նչ է թաքնված Հանրապետության հրապարակի տակ. Մեսչյանը կասկածում է դրա կարևոր նշանակությանը
Մեսչյանը հետաքրքրված է․ Հանրապետության հրապարակի տակ գտնվող ստորգետնյա քաղաքը կբացե՞ն
Բանկ

Պատերազմի պատճառով հանրության ֆինանսական վարքագծում խուճապային տրամադրություն չկա

41
(Թարմացված է 17:26 27.10.2020)
ՀՀ ԿԲ–ն ֆինանսական շուկայի կայունությունն ապահովելու իր գործառույթներն իրականացրել է մինիմալ ծախսերով, քանի որ հանրության կողմից վայրիվերումներ, աժիոտաժ ու խուճապային տրամադրություններ չեն եղել։

ԵՐԵՎԱՆ, 27 հոկտեմբերի — Sputnik. Հայաստանում ու Արցախում պատերազմական իրավիճակով պայմանավորված հանրության ֆինանսական վարքագծում խուճապային տրամադրություններ չեն նկատվում։ Տեղեկությունն այսօր լրագրողների հետ հանդիպմանը հայտնեց ՀՀ ԿԲ նախագահ Մարտին Գալստյանը։

«Մենք ունենք չափազանց գիտակից ու խելամիտ հասարակություն, որովհետև այս մեկ ամսվա ընթացքում այն, ինչ հաջողվեց անել Կենտրոնական բանկին` ֆինանսական կայունության առումով` ֆինանսական շուկաներում, մեր ոլորտում, անհնար կլիներ, եթե չլիներ հասարակության կողմից չափազանց ընկալունակ լինելու փաստը»,– ասաց նա։

Նրա խոսքով` ՀՀ ԿԲ–ն ֆինանսական շուկայի կայունությունն ապահովելու իր գործառույթներն իրականացրել է մինիմալ ծախսերով, քանի որ հանրության կողմից վայրիվերումներ, աժիոտաժ ու խուճապային տրամադրություններ չեն եղել։

«Դա նախ հասարակության արժանիքների մասին է խոսում, ապա նաև խոսում է այն մասին, որ այն երկխոսությունը, որը մենք որպես պետական կառույց ունենք հասարակության հետ ստացվել է»,– ասաց ԿԲ նախագահը` հույս հայտնելով, որ դա նաև շարունակական կլինի, քանի որ բխում է ՀՀ ազգային շահերից։

Պատերազմն ու կորոնավիրուսն ազդել են. տնտեսական ակտիվությունը նվազել է 7.5%–ով

ԿԲ–ն նաև ամփոփել է 2020թ.–ի առաջին երեք եռամսյակների տնտեսական արդյունքները։ Դրանց համաձայն, սեպտեմբերին արձանագրվել է 0.2% գնանկում՝ նախորդ տարվա նույն ամսվա 0.2% գնաճի դիմաց։ Արդյունքում` 12-ամսյա գնաճը կազմել է 1.4%, իսկ բնականոն գնաճը փոքր-ինչ ավելացել է՝ կազմելով 1.3%։

41
թեգերը:
Մարտին Գալստյան, Արցախ, Պատերազմ, փող, Հայաստան, Կենտրոնական բանկ (ԿԲ)
Ըստ թեմայի
Զինծառայողների և գերիների նկատմամբ անմարդկային վերաբերմունք. ՄԻՊ–ը զեկույց է պատրաստել
Էդուարդո Էռնեկյանը «Հայաստան» հիմնադրամին 3,5 մլն դոլար է նվիրաբերել
Մոսկվայում քննարկել են Ղարաբաղի թեման ու որոշել հայերին օգնելու ծրագիր կազմել
В условиях военного положения воинские части Вооруженных Сил РА приведены в полную боевую готовность

Պատերազմ գնացողները գումարը հանում ու թողնում են ընտանիքի անդամներին. ավանդները նվազել են

358
(Թարմացված է 18:37 27.10.2020)
ՀՀ ԿԲ նախագահը նաև հայտնել է, որ որոշ դեպքերում ՀՀ քաղաքացիներն ու կազմակերպություններն իրենց բանկային ավանդները փոխանցել են Արցախին կամ բանակին աջակցող հիմնադրամներին։

ԵՐԵՎԱՆ, 27 հոկտեմբերի - Sputnik. Հայաստանում ու Արցախում պատերազմական իրավիճակի հետևանքով ՀՀ բանկային համակարգով ավանդների ծավալը նվազել է։ Այս մասին այսօր լրագրողների հետ հանդիպմանն ասաց ՀՀ ԿԲ նախագահ Մարտին Գալստյանը` հավելելով, որ քաղաքացիներն ու կազմակերպությունները ինչ-ինչ պատճառներով նվազեցրել են բանկերում իրենց ավանդների չափը։

«Այսինքն` մարդիկ և կազմակերպությունները որոշակիորեն նվազեցրել են իրենց խնայողությունները բանկերում, բայց ոչ էական չափով։ Եթե թվային արտահայտությամբ ասեմ, դա ընդհանուր ավանդների չափի 1-1.5 տոկոսը չի գերազանցում»,– ասաց Գալստյանը։

Այդուհանդերձ, ԿԲ նախագահի մեկնաբանմամբ, ավանդների նվազումը կապված չէ բանկային համակարգում ռիսկերի ավելացման հետ։

«Ոչ թե մարդիկ իրենց ավանդները հետ են վերցրել, որովհետև մենք ունենք ինչ–որ խնդիրներ։ Բնավ։ Մեր գնահատմամբ դա տեղի է ունեցել մի քանի պատճառներով. նախ, պայմանավորված կորոնավիրուսով ու ընդհանուր տնտեսական իրավիճակով, բնականաբար, տնային տնտեսությունների մոտ կա որոշակի եկամտի նվազում, ու մարդիկ դա կոմպենսացնում են նախկինում կուտակած խնայողությունների հաշվին։ Երկրորդը` առաջնագիծ կամ պատերազմ գնացող մեր հայրենակիցների մոտ կա վարքագծի այն դրսևորումը, որ գումարը հանում են, թողնում տանը, որ ընտանիքի անդամները ունենան որոշակի ֆինանսական միջոցներ իրենց բացակայության ընթացքում»,– ասաց Գալստյանը։

Ի՞նչ հետևանք կունենա թուրքական ապրանքների ներկրման արգելքը ՀՀ տնտեսության վրա

Կա նաև երրորդ տարբերակը. ՀՀ քաղաքացիները կամ կազմակերպությունները փակել են իրենց բանկային ավանդներն ու առկա խնայողությունները փոխանցել Արցախին կամ բանակին օգնող հիմնադրամներին։

358
թեգերը:
ավանդ, Կենտրոնական բանկ (ԿԲ), Արցախյան պատերազմ
Ըստ թեմայի
Ժամանակն է, որ բանկերը պատասխանատվություն վերցնեն. ինչպե՞ս են որոշելու` ում վարկը ներել
Ինչն է թանկացել պատերազմի ընթացքում. ՏՄՊՊՀ–ն ներկայացրել է դիտարկման արդյունքները
Ինչո՞ւ են որոշ ապրանքներ թանկացել, ու ինչ անել առանց թուրքական արտադրանքի
Ռեջեփ Թայիփ Էրդողան

«Նա ցանցառի մեկն է». ֆրանսիական Charlie Hebdo–ն պատկերել է Էրդողանի ծաղրանկարը. լուսանկար

49
(Թարմացված է 00:10 28.10.2020)
Ավելի վաղ Թուրքիայի նախագահը Ֆրանսիայի ղեկավարին խորհուրդ էր տվել զբաղվել իր հոգեկան առողջության խնդիրներով։

ԵՐԵՎԱՆ, 28 հոկտեմբերի - Sputnik. Ֆրանսիական Charlie Hebdo ամսագիրը պատկերել է Թուրքիայի նախագահ Ռեջեբ Թայիփ Էրդողանի ծաղրանկարը։ Այն հայտնվել է ամսագրի Twitter-ի էջում։

Ծաղրանկարում Էրդողանը կիսամերկ նստած է բազկաթոռին։ Նրա մի ձեռքում խմիչք է, իսկ մյուսով բարձրացնում է կնոջ զգեստը։ Ծաղրանկարի տակ գրված է. «Անձնական կյանքում Էրդողանը լավ էլ ցանցառի մեկն է»` նկատի ունենալով, որ թուրքական ղեկավարի իսլամի և հավատքի մասին խոսքերը զուտ խոսքեր են։

Փարիզի ահաբեկչություններից հետո Charlie Hebdo-ն հայտարարություն է տարածել

Ավելի վաղ Թուրքիայի նախագահը Ֆրանսիայի ղեկավարին խորհուրդ էր տվել զբաղվել իր հոգեկան առողջությամբ։ Դրանից հետո երկու երկրների հարաբերությունները սրվել էին, և Ֆրանսիան Թուրքիայից հետ էր կանչել իր դեսպանին։

49
թեգերը:
ծաղրանկար, ամսագիր, Ֆրանսիա, Ռեջեփ Թայիփ Էրդողան
Ըստ թեմայի
Խաղաղությունը պարտադրում են, կամ ինչպես կարող է Մոսկվան ճնշել Բաքվին և Անկարային
Պուտինը Էրդողանին իր մտահոգությունն է հայտնել Արցախում կռվող ահաբեկիչների վերաբերյալ