Հակոբ Արշակյան

Nvidia–ն, Intel–ը և IBM–ը Հայաստանում շուտով կարող են մասնաճյուղեր ունենալ. Արշակյան

42
Հայ ծրագրավորողների և ինժեներների որակավորումը հետաքրքրում է խոշորագույն միջազգային ընկերություններին։

ԵՐԵՎԱՆ, 13 հունիսի — Sputnik. Հայաստանում շուտով կարող են հայտնվել այնպիսի խոշոր ընկերությունների մասնաճյուղեր, ինչպիսիք են Nvidia–ն, Intel–ը և IBM–ը։ Այս մասին կառավարության նիստից հետո լրագրողներին հայտնեց բարձր տեխնոլոգիական արդյունաբերության նախարար Հակոբ Արշակյանը։

Այս և այլ ընկերությունների ղեկավարների հետ նա հանդիպել է ԱՄՆ` վերջերս տեղի ունեցած իր այցի ժամանակ։ Վերոնշյալ միջազգային ընկերությունները Հայաստանը դիտարկում են որպես լավ պատրաստված մասնագետներով երկիր։ Այդ պատճառով նրանք ցանկանում են այստեղ գրասենյակներ ունենալ, որտեղ կաշխատեն տեղի մասնագետները։

«Այնպես որ շանս կա, որ այս ընկերություններից մի քանիսը Հայաստանում մասնաճյուղեր կբացեն», – ավելացրեց նախարարը։

ԱՄՆ–ում նախարարը հանդիպումներ է ունեցել նաև խոշոր աքսելերատորների (կենսաինժեներիայի, էլեկտրոնիկայի և բարձր տեխնոլոգիաների այլ ուղղություններում սկսնակ նախագծերի աջակցման ընկերություններ) հետ։ Դրանց ներկայացուցիչները, հավանաբար, առաջիկայում նույնպես Հայաստան կայցելեն։

42
թեգերը:
Հակոբ Արշակյան, Հայաստան
Ըստ թեմայի
Հայկական hi tech-ը Սինգապուրում. կխորանա՞ արդյոք համագործակցությունը ՏՏ ոլորտում
Ղազախստանյան բիզնեսը հետաքրքրված է Հայաստանի ՏՏ ոլորտով ու նավթամթերքի շուկայով
Երևանի ՏՏ կոնգրեսին կմասնակցեն իսրայելական ընկերություններ. Փաշինյանը հանդիպել է Ահարոնին