Председатель ЦБ Артур Джавадян на совещании у премьер-министра (25 октября 2018). Еревaн

Հայաստանում ոսկու աֆինաժային գործարան կբացվի. Ջավադյան

142
(Թարմացված է 13:21 04.06.2019)
ՀՀ կառավարությունը դարձյալ ակտիվացրել է ոսկու ձուլակտորների արտադրության` տարիներ առաջ հղացած, բայց մինչ օրս չիրագործված գաղափարը։

ԵՐԵՎԱՆ, 4 հունիսի — Sputnik. Հայաստանում առաջիկայում կբացվի ոսկու աֆինաժային գործարան։ Այս մասին այսօր Ազգային ժողովի ամբիոնից հայտարարեց ՀՀ ԿԲ նախագահ Արթուր Ջավադյանը։

Նա նշեց, որ գործարանում ներդրում է ունենալու նաև ԿԲ–ը, բայց միայն չնչին տոկոսներով ու «լուռ ներդրողի կարգավիճակով»։

Իսկ հիմնական ներդրողը խոշոր շվեյցարական ընկերություն է։

«Իրենք պատրաստ են, բայց բյուրոկրատական գործողությունների մեջ են։ Տեղը մենք ընտրել ենք, բոլոր պայմանավորվածությունները կան»,– հայտնեց Ջավադյանը։

Նա նաև հայտնեց, որ գործարանը խոշոր արտադրական պոտենցիալ է ունենալու, քանի որ փոքր ծավալի դեպքում դրա աշխատանքն անիմաստ է դառնում։

«Եթե մենք ունենանք տարեկան առնվազն 5-6 տոննայի արտադրություն, ամեն ինչ նորմալ կլինի»,– ասաց Ջավադյանը` վստահեցնելով, որ գործարանը մոտ ապագայում արդեն կգործարկվի։

Հանքաքարի փոխադրման ծավալը կմեծանա. ՀԿԵ–ն ու GeoProMining Gold–ը պայմանագիր են ստորագրել

Հիշեցնենք`Հայաստանում աֆինաժային գործարան կառուցելու գաղափարը շրջանառվում էր դեռ 2007-08թթ.–ին։ Բայց համաշխարհային ֆինանսական ճգնաժամը խափանեց ՀՀ այն ժամանակվա կառավարության ծրագրերը։

Ոսկու Դորե ձուլվածք Հայաստանում այսօր արտադրում է միայն «Գեոպրոմայնինգ Գոլդ» ընկերությունը:

Աշխարհում այսօր կան մեծ թվով աֆինաժային արտադրություններ, որոնցից 6-ը`Ռուսաստանում։ Հայաստանում կառուցվող գործարանը հաջողության հասնելու համար պետք է ապահովի ցածր ինքնարժեքով արտադրություն։

Աֆինաժը տարբեր հարգի քիմիական մաքուր ոսկու ստացման գործընթացն է, որի արդյունքում ստացվում են բանկային կարիքների համար օգտագործվող ոսկու ձուլակտորներ։

142
թեգերը:
ԱԺ, Կենտրոնական բանկ (ԿԲ), Հայաստան
թեմա:
7–րդ գումարման Ազգային ժողով (79)
Ըստ թեմայի
Գագիկ Ծառուկյանին մի քանի ժամ հարցաքննել են. «Ժամանակ»
Էռնեկյան ընտանիքի գործունեությունն ունեցել է և ունի շրջադարձային նշանակություն. վարչապետ
Նիկոլ Փաշինյանը միանգամից 10 հրամանագիր է ստորագրել