Խանութ Երևանում

Հայաստանի խանութները գործարաններից եկամտաբեր են. Արամյանն առաջարկում է «հարկերով շտկել դա»

82
(Թարմացված է 00:13 01.05.2019)
Արամյանը վստահ է, որ աշխատանքի ու արտադրության հարկերը պետք է նվազեցնել, իսկ սպառման, հատկապես` թանկարժեք սպառման հարկերը` բարձրացնել։

ԵՐԵՎԱՆ, 1 մայիսի — Sputnik. Հարկերը Հայաստանում պետք է ավելի շատ ուղղվեն արդյունաբերությանը, քան առևտրին։

Այս մասին խորհրդարանական լսումների ժամանակ ասաց ՀՀ ֆինանսների նախկին նախարար Վարդան Արամյանը` մեկնաբանելով Հարկային օրենսգրքի բարեփոխումները։

Նա ընդգծեց, որ բարեփոխումները ճիշտ ուղղությունով են ընթանում։ Նրա խոսքով` ավելի լավ կլինի, եթե բոլորն անկախ աշխատավարձից հարկի նույն տոկոսը վճարեն։

Նա ասաց, որ դա կարող է անարդար թվալ, բայց պարզաբանեց, որ արդարությունը կլինի այն, որ խոշոր հարկեր կգանձվեն թանկարժեք ունեցվածքից։

«Այսինքն, շեշտը կդրվի ոչ թե եկամտի, այլ ունեցվածքի վրա։ Վաղ թե ուշ այդ եկամտով մի բան գնում են», – նշեց Արամյանը։

Այլ կերպ ասած, պետք է ավելի շատ հարկ դնել ոչ թե աշխատանքի ու արտադրության, այլ սպառման վրա, ընդգծեց նա։

Նրա խոսքով` այդ դեպքում տնտեսական աճը երկրում կապահովվի ոչ թե գնորդների պահանջարկով, այսինքն` առևտրով, այլ առաջարկով, այսինքն` արդյունաբերությամբ»։

Արտադրությունն  ամեն ինչի հիմքում է։ Իսկ, նրա խոսքով, հասկանալու համար, թե ինչ է լինում, երբ հակառակն է տեղի ունենում, բավական է հիշել` ինչպես էր Հայաստանը տանում 2009 թվականի ճգնաժամը։

2000–ականներին` մինչ ճգնաժամը, աճը բարձր էր, բայց այն թելադրվում, էր առաջին հերթին  բնակարաններին, հիմնականում` թանկ բնակարանների շինարարությամբ։ Այդ պատճառով անկումն ուժեղ ու ցավալի էր։

«Բայց եկեք նայեք` ինչ է կատարվում այսօր։ Ինչու՞ է հանրապետությունում պայմանականորեն ասած երեք-չորս առևտրա–ժամանցային կենտրոնի դիմաց միայն մեկ գործարան բացվում։ Պատճառն այն , որ հիմա մեր երկրում ավելի ձեռնտու է առևտրով, քան արդյունաբերությամբ զբաղվել։ Բիզնեսը տեսնում է դա։ Ինչպե՞ս դա ուղղել։ Զբաղվածության ու արդյունաբերության օգտին հարկային քաղաքականությունով», – ասաց Արամյանը։

Նշենք` ըստ կառավարության պատրաստած հարկային օրենսգրքի փոփոխությունների առաջարկվում է նվազեցնել ֆիզիկական անձանց եկամտի ու բիզնեսի հարկը։ Դրա փոխարեն առաջարկվում է բարձրացնել ծխախոտի ու ալկոհոլի ակցիզները (այդ թվում` Եվրասիական միության ներքին համաձայնագրերով)։  Աշնանը կներկայացվի բարեփոխումների երկրորդ փաթեթը. Այստեղ կվերանայվի թանկարժեք անշարժ գույքի հարկումը։ Այսպիսով` բարձր աշխատավարձի հարկը կնվազի, իսկ թանկ բնակարանների հարկը` կբարձրանա։ Այդ օրինագծերն ուժի մեջ կմտնեն 2020 թվականից։

82
թեգերը:
Հայաստան, Վարդան Արամյան
Ըստ թեմայի
Վերաքննիչ քրեական դատարանը հրապարակեց «Սպայկայի» տնօրենի կալանքի վերաբերյալ որոշումը
ՊԵԿ նախագահը Գագիկ Ծառուկյան անուն-ազգանունով գործարար չի ճանաչում
Ծաղկաձորի ճոպանուղին տարիներ շարունակ թաքցրել է հարկերը