Սուպերմարկետ

Ու՞մ վրա է մնում պանրի ու գինու հարկը. Հայաստանի իշխանությունը փոխում է օրենսգիրքը

122
Գյուղացիներից խաղող, լոլիկ կամ միս գնելիս` սուպերմարկետներն ու գործարանները հարկերի պակասեցում չեն ստանում ու ստիպված են կրկնակի վճարել։

ԵՐԵՎԱՆ, 30 ապրիլի — Sputnik. Հայաստանի ֆինանսների նախարարությունը գյուղմթերքի հարկային հաշվառման նոր նախագիծ կառաջարկի։ Այս մասին այսօր խորհրդարանում կայացած քննարկումների ժամանակ ասաց Հայաստանի ֆինանսների փոխնախարար Արման Պողոսյանը։

Հարկային օրենսգրքի փոփոխման թեմայով խորհրդարանական քննարկումները կայացան ԱԺ տնտեսական հարցերի մշտական հանձնաժողովի նախաձեռնությամբ։

Քննարկման ընթացքում նշվեց, որ ցանկացած բիզնես, որը գյուղացուց մթերք է գնում (լինի դա միրգ, բանջարեղեն, կաթ թե միս) հարկային հաշվառման հետ կապված խնդիրներ է ունենում։ Օրինակ, երբ խանութում պանիր ես գնում, ապա դրա գնի մեջ կարող է հարկ ներառված լինել։ Բայց պանրի գործարանը չի կարող դրանից հարկային հանում (լինի դա ԱԱՀ, թե շրջանառության հարկ) ստանալ, քանի որ գյուղացուց կաթ գնելիս գործարանը չի կարող նրա հետ հաշիվ–ապրանքագիր կնքել։ Իսկ եթե չկա փաստաթուղթ, չկա նաև հարկերի նվազեցում։

Խնդիրներ են առաջանում նաև գինու, մուրաբայի ու տեղական հումքով պատրաստվող ցանկացած այլ մթերք արտադրողների համար։ Նույն խնդիրներն առաջանում են խոշոր սուպերմարկետների մոտ, որոնք միրգ ու բանջարեղեն են գնում, բայց դրանց վաճառքից ԱԱՀ–ի հանում չեն կարողանում ստանալ։ Հենց դրանով էին պայմանավորված «Երևան Սիթի» սուպերմարկետների ցանցում անցած տարի մեծ աղմուկ արած ստուգումները։

«Այդ պատճառով ուզում ենք քննարկել Արևմուտքում կիրառվող մեխանիզմը։ Գործարաններն ու խանութները ԱԱՀ–ի հատուկ տեսակով հումք կգնեն գյուղացիներից», – ասաց փոխնախարարը։

Ո՞րն է  տարբերությունը։ Սովորական ԱԱՀ–ով դուք հումք եք գնում, ապրանք ենք սարքում  ու վաճառում եք։ Բայց դուք կարող եք թեթևացնել այն գնումների դեբետի հաշին։ Օրինակ, էլեկտրականության ու գազ գնումից։ Իսկ այստեղ չեք կարող նման բան անել։ Ինչու՞։ Քանի որ գյուղմթերքի համար ԱԱՀ  հատուկ դրույք է գործելու։ Իսկ նույն հարկի երկու տարբեր դրույքները չի կարելի խառնել։

Կառավարությունում կարծում են, որ նման որոշումը կօգնի գոնե ինչ-որ կերպ հարթել բիզնեսի ու գյուղացիների հարաբերությունները։

Նշենք` մեկ տարի առաջ` դեռ Կարապետյանի օրոք, նման օրինագիծ արդեն քննարկվել էր, բայց հետո քննարկումը հետաձգվել է։

122
թեգերը:
Հայաստան
Ըստ թեմայի
Ծաղկաձորի ճոպանուղին տարիներ շարունակ թաքցրել է հարկերը
Վերաքննիչ քրեական դատարանը հրապարակեց «Սպայկայի» տնօրենի կալանքի վերաբերյալ որոշումը
ՊԵԿ նախագահը Գագիկ Ծառուկյան անուն-ազգանունով գործարար չի ճանաչում
Վալենտին Պոդպոմոգովի առեղծվածը․ նա ապրեց Երևանում և հեռացավ ամպրոպի հետ