«Առինջ մոլ»

«40 հոգով չէ, ուզում են 1500 հոգով գային». Ծառուկյանը խոսեց «Առինջ մոլի» մասին

146
ԲՀԿ առաջնորդի խոսքով` ՊԵԿ–ն իր գործողություններով վնասել է ոչ թե «Առինջ մոլին», այլ երկրին, ժողովրդին։

ԵՐԵՎԱՆ, 16 ապրիլի — Sputnik. Ծառուկյանին ոչ մի բան չեն կարող անել: Ինչ անում են, ի վնաս երկրի տնտեսության են անում: Այսօր ԱԺ-ում, լրագրողների հետ զրույցում հայտարարեց ԲՀԿ նախագահ Գագիկ Ծառուկյանը` պատասխանելով նախորդ շաբաթ իր ընտանիքին պատկանող «Առինջ մոլ» առևտրի կենտրոնում ՊԵԿ իրականացրած գործողությունների մասին հարցին:

«Ես կողքից, իրոք, տեսա, որ մարդկի վախից հաջորդ օրը չեն եկել խանութ, ու 1500 վաճառող ամբողջ օրվա ընթացքում վաճառել են 1 հատ խաղալիք»,- ասաց նա` հավելելով, որ այդ առևտրի կենտրոնում վաճառողներին բոլոր հարցերում միշտ ընդառաջել են, որ մանր բիզնեսը կայանա:

«40 հոգով չէ, ուզում են 1500 հոգով գային: Քամին քարից ինչ պիտի տանի: Դա վնաս է երկրին, ժողովրդին»,- ասաց նա` անդրադառնալով ՊԵԿ 40 աշխատակիցների` «Առինջ մոլ»-ում կատարած ուսումնասիրություններին: Իսկ ՊԵԿ-ի փնտրած ու գտածի մասին Ծառուկյանը չցանկացավ խոսել` խոստանալով այդ մասին մանրամասն պատմել, երբ ժամանակը գա:

Հիշեցնենք` ապրիլի 9–ին, առավոտյան 10։30-ից ՊԵԿ հետախուզական վարչության աշխատակիցները ստուգումներ են իրականացրել Գագիկ Ծառուկյանին պատկանող «Առինջ մոլ» առևտրի կենտրոնում:

ՊԵԿ-ի տեղեկություններով` «Առինջ մոլը» տաղավարների վարձակալությունից ստացած իրական եկամուտները թաքցրել է և դրանց դիմաց քիչ հարկ վճարել։

Առևտրի կենտրոնի տնօրեն Մանվել Հակոբյանն այս մեղադրանքը չի ընդունում։ Նա ՊԵԿ–ի գործողություները որակում է որպես շոու։

146
թեգերը:
Գագիկ Ծառուկյան, Բարգավաճ Հայաստան կուսակցություն (ԲՀԿ), ՀՀ Ազգային ժողով, Հայաստան
Ըստ թեմայի
«Առինջ մոլի» տնօրենը մեկնաբանել է ստեղծված վիճակը. հարկային ստուգումները շարունակվում են
ՊԵԿ–ն «Առինջ մոլից» հեռացավ առգրավված իրերի տասնյակ փաթեթներով
Վարչապետի զայրույթը, ՊԵԿ-ն ու «Առինջ մոլը». եթե՝ «գնա, դիմում գրի», ապա ի՞նչն է փոխվել