Դավիթ Անանյան

«Սպայկայի» չվճարած 7 մլրդ դրամը կարող է աճել. Անանյան

126
ՊԵԿ–ն ստուգում է «Սպայկայի» 2016-2019թթ–ի հարկային փաստաթղթերը։ Ուսումնասիրության ավարտին արդեն հրապարակված թիվը կարող է աճել։

ԵՐԵՎԱՆ, 11 ապրիլի — Sputnik. «Սպայկայի» չվճարված 7 միլիարդ հարկային պարտավորությունը կարող է աճել։ Այս մասին այսօր կառավարության նիստից հետո լրագրողների հետ զրույցում հայտնեց ՊԵԿ նախագահ Դավիթ Անանյանը` հիշեցնելով, որ քրեական գործի հիմքում դրված ու հրապարակված հաշվարկով հարկային 7 մլրդ դրամի պարտավորությունը վերաբերում է 2015թ.–ին։

«Բայց կա նաև 2.5 տարվա ժամանակաշրջան, որոնց փաստաթղթերը ձեռք բերման պրոցեսում են։ Այդ փաստաթղթերն ունենալուն պես հաշվարկներ կկատարվեն և կհրապարակվեն»,– ասաց Անանյանը։

Մինչ այդ, սակայն, ՊԵԿ նախագահը չբացառեց, որ թիվը քրեական գործի նախաքննության ընթացքում կաճի։

Անանյանը նաև հերքեց առկա տեսակետը, թե «Սպայկայի» տնօրենի կալանավորումն ու հարուցված գործն ընկերության նկատմամբ հետապնդում է։ Ավելին` ՊԵԿ նախագահը վստահեցրեց, որ տնտեսական տեսակետից «Սպայկայի» աշխատանքը ձեռնտու է կառավարությանը։

«Մենք որպես կառավարություն ամեն ինչ կանենք, որ «Սպայկան»` որպես տնտեսավարող սուբյեկտ, իր գործունեությունը շարունակի։ Բայց այստեղ մենք դիլեմայի առաջ ենք կանգնած։ Այո՛, մենք չենք ուզում, որ «Սպայկայի» գործունեությունը խաթարվի»,– ասաց Անանյանը` հավելելով, որ հարուցված քրեական գործով պետք է տրվի «Սպայկայի» ղեկավարության գործունեության քրեաիրավական գնահատականը։

Հիշեցնենք` ՊԵԿ քննչական վարչությունում քրեական գործ է հարուցվել «Սպայկա» ընկերության տնօրեն Դավիթ Ղազարյանի նկատմամբ։

Ըստ ՊԵԿ քննչական մարմնի առաջադրած մեղադրանքի, 2015-2016թթ.–ի ընթացքում «Սպայկա» ընկերությունը թաքցրել է ՀՀ ներկրված ապրանքների դիմաց հարկային պարտավորությունները` կեղծելով «Գրինպրոդուկտ» ՍՊ ընկերության անվամբ մաքսային մարմիններին ներկայացված հարկի, տուրքի և այլ պարտադիր վճարների հաշվարկի հիմք հանդիսացող տեղեկությունները։ Արդյունքում պետական բյուջե չի վճարել 7 036 666 312 դրամ մաքսատուրք և հարկ:

«Սպայկա» ընկերության հիմնադիր–տնօրեն Դավիթ Ղազարյանն ապրիլի 8-ից կալանավորված է։

126
թեգերը:
«Սպայկա» ՍՊԸ, ՀՀ պետական եկամուտների կոմիտե, Դավիթ Անանյան, Հայաստան
թեմա:
«Սպայկա» ընկերության շուրջ ծավալվող իրադարձությունները (21)
Ըստ թեմայի
«Սպայկան» բավարարված չէ Փաշինյանի պատասխանից. ակցիան ավարտվեց` վերսկսվելու ակնկալիքով
«Սպայկան» հայտարարում է, որ 80 գյուղում մթերում չի իրականացնելու
«Սպայկան» իրարանցում է առաջացրել գյուղերում. նախարարությունն աշխատում է մթերողների հետ
Օնլայն գնումներ. արխիվային լուսանկար

Առցանց առևտուր ու բժշկություն. ինչ է փոխել կորոնավիրուսը Հայաստանի աշխատաշուկայում

396
(Թարմացված է 23:02 23.05.2020)
Կորոնավիրուսը Հայաստանի աշխատաշուկայում խաղի իր կանոններն է թելադրել: Դրանց շուրջ Sputnik Արմենիան զրուցել է ոլորտի ներկայացուցիչների հետ, համադրել պաշտոնական ու մասնավոր վիճակագրական տվյալները:

ԵՐԵՎԱՆ, 23 մայիսի - Sputnik, Նելլի Դանիելյան. Կորոնավիրուսի համավարակի ու արտակարգ դրության հետևանքով Հայաստանի աշխատաշուկան ևս որոշակի փոփոխությունների է ենթարկվել: Մի կողմից փակվել են Հայաստանի համար ավանդական դարձած զբոսաշրջային ու հանրային սննդի կազմակերպությունները, մյուս կողմից` ավելացել են առաքմամբ ու առցանց առևտրով զբաղվող ծառայություններ առաջարկող ընկերությունները: Այս իրողությունը նկատել են ոչ միայն սպառողները, այլև Զբաղվածության պետական գործակալության մասնագետները, բայց առայժմ միայն դիտորդի կարգավիճակով: Sputnik Արմենիայի հետ զրույցում ասաց Աշխատանքի և սոցիալական հարցերի նախարարության Զբաղվածության պետական գործակալության տեղեկատվության ապահովման բաժնի պետ Ցողիկ Բեժանյանն ասաց, որ թվային պաշտոնական ցուցանիշներում աշխատաշուկայի այս նոր երևույթը կարտացոլվի միայն առաջիկա վերլուծություններում:

«Բարեբախտաբար ունենք ոլորտներ, որտեղ նաև որոշակի նոր հնարավորություններ են բացվել: Օրինակ՝ ՏՏ ոլորտը, առաքման ծառայություններում մեծ պահանջարկ կա, առցանց վաճառքի ծառայությունների ոլորտում: Բայց սրանք ընդամենը կողքից դիտորդի արձանագրումներ են: Աշխատաշուկայի իրական պատկերն ամբողջությամբ պարզ կդառնա, երբ կկարողանանք իրականացնել շուկայի հերթական վերլուծությունը»,- ասաց նա:

Բայց, իհարկե ամենաշատը կորոնավիրուսի պատճառով Հայաստանի աշխատաշուկայում ավելացել է հատկապես բժիշկ-մասնագետների պահանջարկը:

«Այս ընթացքում մենք առողջապահության նախարարությունից բազմաթիվ թափուր աշխատատեղերի հայտեր ենք ստացել: Զբաղվածության պետական գործակալությունը պարբերաբար տրամադրել է գործակալության բազայում հաշվառված բժշկական մասնագիտություններ ունեցող անձանց տվյալները՝ ոլորտում առկա պահանջարկը լրացնելու նպատակով»,- ասաց Բեժանյանը:

Նույն իրողությունն արձանագրել են նաև աշխատանքի տեղավորման մասնավոր ընկերությունները:

Staff.am կազմակերպության հաղորդակցության գծով տնօրեն Նազելի Բադալյանը նշեց, որ իրենց դիտարկմամբ` կորոնավիրուսով պայմանավորված ճգնաժամը վնասել է աշխատաշուկայի գրեթե բոլոր ոլորտներին: Բացառություն են կազմել միայն ՏՏ, հեռահաղորդակցության և կապի ոլորտները:

«Ամենաշատը տուժած ոլորտները, կարելի է ասել, տուրիզմի ու հյուրընկալության ոլորտներն են»,- ասաց Բադալյանը՝ հավելելով, որ իրենց հաշվարկով` արտակարգ իրավիճակի առաջին երկու ամիսներին աշխատաշուկայի ակտիվությունը նվազել է շուրջ 40%-ով:

Կազմակերպությունում գրանցված աշխատանք փնտրողների թիվը, մեր զրուցակցի խոսքով, այս ամիսների ընթացքում էապես չի փոխվել, բայց էապես նվազել է աշխատանք առաջարկող գործատուների թիվը:

«Առաջիկա 10 օրում պետք է բացվեն տնտեսական գործունեության բոլոր ոլորտները»․ Փաշինյան

Գրեթե նույնն իրողությունն է արձանագրվել նաև պաշտոնական վիճակագրության մեջ: Զբաղվածության պետական գործակալության տվյալներով` 2020թ.-ի մայիսի 1-ի դրությամբ զբաղվածության տարածքային կենտրոններում հաշվառված աշխատանք փնտրողների թիվը կազմել է 85 900 մարդ: Համեմատության համար նշենք, որ ապրիլի 1-ի դրությամբ նրանց թիվը դարձյալ 85 900 է եղել, մարտի 1-ի դրությամբ` 85 700, իսկ փետրվարի 1-ին՝ 85 000:

«Այս տարվա ապրիլին գրանցվել է ընդամենը 490 աշխատանք փնտրող անձ: Այս ցուցանիշը նախորդ տարվա ապրիլ ամսվա համեմատ 3,5 անգամ նվազել է: 2019թ. ապրիլին զբաղվածության տարածքային կենտրոններ այցելած աշխատանք փնտրող անձանց թվաքանակը 1719 է եղել»,- Sputnik Արմենիայի հետ զրույցում ասաց Զբաղվածության պետական գործակալության տեղեկատվության ապահովման բաժնի պետ Ցողիկ Բեժանյանը:

Նման փոքր թիվը, սակայն, պայմանավորված է նրանով, որ պարետի որոշմամբ արգելված է եղել զբաղվածության կենտրոններ այցելելը: Իրականում ճիշտ հակառակն է` նրանց թիվն ավելի քան 10 անգամ ավել է եղել, ինչի մասին վկայում է տարածքային կենտրոնների ստացած հեռախոսազանգերի քանակը: Մայիսի 1-ի դրությամբ հեռախոսով խորհրդատվություն է ստացել շուրջ 51 400 քաղաքացի:

«Այս ժամանակահատվածում մենք գրանցումներ ենք արել միայն առանձնահատուկ դեպքերում: Երբ աշխատանք փնտրողը պնդել է, նրան հրավիրել ենք կենտրոն: Դա է պատճառը, որ գրանցվածների թիվն անհամեմատ փոքր է»,- պարզաբանեց Բեժանյանը:

Համավարակի անցած 2 ամիսներին գործազուրկների ավելացմանը զուգահեռ կրկնակի նվազել են նաև գործատուների առաջարկած թափուր աշխատատեղերը:

«Նախորդ տարվա նույն ժամանակահատվածում մենք ունեինք շուրջ 4 700 թափուր աշխատատեղ, այս տարի ունենք ընդամենը 2 500: Մի շարք գործատուներ դեռևս շարունակում են պարապուրդի մեջ մնալ, կամ այսպես ասած՝ սպասման մեջ են»,- ասաց նա:

Հիշեցնենք՝ 2020թ-ի մարտի 1-ին Հայաստանում պաշտոնապես հաստատվեց կորոնավիրուսով վարակի առաջին դեպքը: Մարտի 16-ին ՀՀ կառավարությունն արտակարգ դրություն հայտարարեց, որն ավելի ուշ երկու անգամ երկարացվեց ու պետք է ավարտվի հունիսի 13-ին:

Սակայն մայիսի 4-ից ՀՀ կառավարության ու պարետի որոշմամբ հանվեցին տնտեսական գործունեության գրեթե բոլոր նախկին սահմանափակումները: Բացվեցին նաև հյուրընկալության ու սննդի ծառայությունները, բայց անվտանգության միջոցների ու կանոնների խիստ պահպանման պահանջով:

Կորոնավիրուսը կկարողանա՞ բուժել Հայաստանի տնտեսության խրոնիկ հիվանդությունը

396
թեգերը:
առցանց վաճառք, աշխատատեղ, աշխատանք, Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Կնկարենք ծանոթ-անծանոթների խախտումները. ոստիկանությունը որոշել է՝ ինչպես է դա արվելու
Կորոնավիրուսը չի նահանջում, գները շարունակում են աճել, կանխատեսումները ևս լավատեսական չեն
Օրենք, որից դժգոհ են բոլորը. օնլայն տաքսիները Հայաստանում կարող են «մահանալ»
Նիկոլ Փաշինյանն Արարատի մարզում է

«Ցոգոլն իսկակա՞ն է». Փաշինյանը փորձեց հասկանալ՝ ինչու է մի ծառի բերքը շատ, մյուսինը՝ ոչ

109
(Թարմացված է 13:20 23.05.2020)
Գյուղացիները դժգոհում են, որ բանկերը վարկեր չեն տրամադրում, պահանջում են երաշխիքներ։ Գյուղացիներն առաջարկեցին` այնպիսի մեխանիզմ մշակվի, որ ավագանին իրավունք ունենա երաշխավոր լինելու։

ԵՐԵՎԱՆ, 23 մայիսի - Sputnik. ՀՀ վարչապետ Նիկոլ Փաշինյանը շարունակում է իր աշխատանքային շրջայցը Արարատի մարզում։ Վերին Դվին համայնքում վարչապետին տեսնելու համար մեծ թվով գյուղացիներ էին հավաքվել։ Վարչապետն ինքն էլ զարմացավ, թե որքան մարդ է եկել իրեն տեսնելու։

«Էս ինչքա՞ն շատ մարդ է հավաքվել, նախապես իմացե՞լ են, որ գալու ենք»,- հարցրեց վարչապետը։

Գյուղացիներն էլ կատակեցին, թե իրենց սովորությունն է այդպես, միշտ են հավաքվում։ Ի պատասխան դրան էլ վարչապետը հիշեցրեց, որ համավարակի պատճառով հավաքվել չի կարելի։ Չնայած Փաշինյանի հիշեցմանը, վարչապետի ամեն քայլի հետ նրան շրջապատած գյուղացիների թիվն ավելանում էր։ Յուրաքանչյուրը եկել էր անձամբ իր հարցը վարչապետին ուղղելու, իր խնդրի մասին պատմելու։

Գյուղացիները դժգոհում են, որ բանկերը վարկեր չեն տրամադրում, պահանջում են երաշխիqներ։ Գյուղացիներն առաջարկեցին` այնպիսի մեխանիզմ մշակվի, որ ավագանին իրավունք ունենա երաշխավոր լինելու։

Պարզ ու հին տարբերակ. ցուրտ Աշոցքում գյուղացին հնդկաձավար ու նույնիսկ ելակ է աճեցնում

Գյուղացիները նշեցին, որ անգամ կոոպերատիվներ են ցանկանում կազմել, որ գոնե միասին կարողանան անհրաժեշտ վարկ ստանալ, բանկերը կրկին մերժում են։
Էկոնոմիկայի նախարար Տիգրան Խաչատրյանը տեղում ներկայացրեց գյուղացիական տնտեսությունների համար մշակված աջակցության ծրագիրը։ Նրա խոսքով՝ կոոպերատիվի դեպքում կառավարությունը համաֆինանսավորելու է վարկի 50-75 տոկոսը, դա նշանակում է, որ գյուղացիները պետք է գրավ առաջարկեն միայն գումարի մնացած մասի համար վարկ ստանալու նպատակով։

Փաշինյանն էլ ավելացրեց, որ փորձում են հիմա այնպիսի մեխանիզմ ստեղծել, որ որպես գրավ` բանկերը հողն ընդունեն։ Այս հարցում կհաջողեն, թե ոչ՝ վարչապետը դեռ վստահ չէ, բայց հիշեցրեց, որ կառավարությունը 11 ծրագրային վարկեր է առաջարկում, որոնցից ևս կարող են օգտվել։

«Ասի` գամ մի հատ մեր թագավորին տենամ, էթամ ջուր անեմ»,- անսպասելի վարկային զրույցն ընդհատեց գյուղացիներից մեկը։

Դրանից հետո վարչապետը շարունակեց շրջել գյուղի ծիրանի այգիներից մեկում և հիանալ այգու լավ բերքով։ Գյուղացիները նշեցին, որ ցավոք, նման լավ բերք բոլոր գյուղացիները չէ, որ ստացել են։ Մեկի բախտը բերել է, մյուսինը՝ ոչ։ Ցրտահարությունն իր գործն արել է։

Այստեղ վարչապետը զարմացավ՝ այս տարի ցրտահարություն է եղե՞լ, բա ինչու է այս այգում բերքը լավ, ուրեմն մի գյուղացին մի բան ճիշտ է անում, մյուսը՝ սխալ։

«Էս ծառն իմ այցի կապակցութամբ չի սարքվել, չէ՞, ցոգոլն իսկակա՞ն է»,- ասաց վարչապետը՝ ցույց տալով ծիրանի չհասունացած պտուղներով ծանրաբեռնված ծառի ճյուղը, հետո էլ կատակելով ավելացրեց՝ «Էս ծառի տերը վերևում հաստատ ծանոթ ունի»։

Գյուղատնտեսներից մեկը բացատրեց, որ բերքատվությունը մի շարք հանգամանքներով է բացատրվում, հնարավոր է՝ հիսուն մետր հեռավորության վրա այգիները լրիվ տարբեր բերքատվություն ունենան։ Գյուղացիներից մեկն էլ նշեց, որ իրենց սովորել է պետք, որ ավելի լավ և արդյունավետ այգիները մշակեն։

Դրանից վարչապետն ուրախացավ՝ նշելով, որ սա իսկական գյուղատնտեսական հեղափոխություն է, որովհետև առաջին անգամ գյուղացին նշում է, որ գիտելիք է պետք՝ հասկանալու համար, թե ինչու է մի ծառի վիճակը լավ, մյուսինը՝ վատ։ Նրա խոսքով՝ մեր գյուղատնտեսության ամենամեծ խնդիրը հենց դա է՝ ծագում են հարցեր, որոնց պատասխանը չենք իմացել, իսկ հիմա ցանկանում ենք սովորել։

«Թող Փաշինյանը խաբար լինի` մեր օրը օր չի». կորոնավիրուսը գյուղացիներին շվարած է թողել

109
թեգերը:
տնտեսություն, գյուղացի, Արարատի մարզ, Նիկոլ Փաշինյան
թեմա:
ՀՀ վարչապետ Նիկոլ Փաշինյան
Ըստ թեմայի
«Գյուղատնտեսական վարկերի տոկոսները կզրոյացվեն»․ Փաշինյան
Սարգսյան. «ԵԱՏՄ–ում պետք է պլանավորեն գյուղատնտեսական ապրանքների արտադրության գործընթացը
Գյուղատնտեսական և բժշկական նշանակության որոշ ապրանքների ներմուծումն ազատվել է մաքսատուրքից
Սերգեյ Լավրով

Լավրովն ասաց` ով կարող է ՀԱՊԿ դիտորդ դառնալ ապագայում

0
(Թարմացված է 16:57 26.05.2020)
ՀԱՊԿ-ում դիտորդի կարգավիճակ սահմանելու համար մնում է, որ համապատասխան որոշումը վավերացնի Տաջիկստանը:

ԵՐԵՎԱՆ, 26 մայիսի – Sputnik․ Ռուսաստանի Դաշնության արտգործնախարար Սերգեյ Լավրովն այսօր, ՀԱՊԿ արտգործնախարարների խորհրդի նիստից հետո առցանց ճեպազրույցի ժամանակ հայտարարեց, որ Շանհայի համագործակցության կազմակերպությունը և ԱՊՀ-ն ապագայում կարող են Հավաքական անվտանգության պայմանագրի կազմակերպության գործընկերների կարգավիճակ ստանալ։

Նախարարը հիշեցրեց, որ ՀԱՊԿ գործընկերների և դիտորդների կարգավիճակ սահմանելու մասին որոշումը կազմակերպության անդամ պետությունների ղեկավարները երկու տարի առաջ ընդունել են Ղազախստանում։

«Որոշումը ստորագրել են պետությունների ղեկավարները, վավերացման գործընթացն ավարտվել է բոլոր երկրներում` բացի Տաջիկստանից։ Հենց որ Տաջիկստանն էլ վավերացնի, որոշումն ուժի մեջ կմտնի։ Մենք այսօր հաստատեցինք պայմանավորվածությունը, որ դա պետք է արվի փոխզիջման հիման վրա` հաշվի առնելով ՀԱՊԿ յուրաքանչյուր երկրի շահերը և այն հավելյալ օգուտը, որ կարող են քաղել մեր գործընկերներն ու դիտորդները»,-նշեց նա։

Ընդ որում՝ նման դիտորդ կարող են լինել ոչ միայն երկրները, այլ նաև կազմակերպությունները։ Լավրովը հիշեցրեց նաև, որ ՀԱՊԿ-ը սերտ կապեր ունի ՇՀԿ-ի և ԱՊՀ-ի հետ, և այսօր ուրվագծվում է նրանց դիտորդի կարգավիճակ տալու հայեցակարգը։

«Պաշտոնական խնդրանքներ չեն եղել հենց թեկուզ այն պատճառով, որ առայժմ իրավաբանական կարգավիճակ չկա»,-ասաց Լավրովը։

Բացի այդ, նրա խոսքով, կազմակերպության հետ ակտիվորեն համագործակցում է Սերբիան։

«Կարծում եմ՝ ՀԱՊԿ-ի պատասխանատվության տարածաշրջանի հարևան մյուս երկրները ևս կհետաքրքրվեն դրանով»,-ընդգծեց նախարարը։

ՀԱՊԿ անդամ երկրներն են Հայաստանը, Ռուսաստանը, Բելառուսը, Տաջիկստանը, Ղրղզստանը և Ղազախստանը։

 

0
թեգերը:
Հավաքական անվտանգության պայմանագիր կազմակերպություն (ՀԱՊԿ), Սերգեյ Լավրով, Ռուսաստան