Հայկական դրամի նմուշներ՝ ցուցադրված ՀՀ Կենտրոնական բանկում

Դրամը կ'արժեզրկուի՞. Կը մեկնաբանէ Հայաստանի Կեդրոնական դրամատունը

117
Տոլարի նկատմամբ դրամի փոխարժէքի ձեւաւորման կայացած համակարգն անհնար կը դարձնէ ազգային արժոյթի արժեզրկման վերաբերեալ իւրաքանչիւր պայմանաւորուածութիւն:

ԵՐԵՒԱՆ, 3 ապրիլի — Sputnik. Հայաստանի Կեդրոնական դրամատան մէջ անհեթեթ կը համարեն լուրերն այն մասին, որ կառավարութեան եւ Կեդրոնական դրամատան միջեւ ձեռք բերուած պայմանաւորուածութեան ծիրէն ներս մինչեւ տարեվերջ դրամը կ’արժեզրկուի մօտ 20 դրամով` հատելով 500 դրամի հոգեբանական շեմը: Նախապէս  նման կանխատեսում ըրած էր «Ժամանակ» թերթը` նշելով, որ ատիկա պիտի ըլլայ  արտահանումը խթանելու համար:

ԿԲ մամլոյ քարտուղար Յարութիւն Բերբերեան Sputnik Արմենիայի թղթակիցին հետ զրոյցին յիշեցուց, որ ԿԲ–ն արդէն երկար տարիներ կ’իրականացնէ ազգային արժոյթի լողացող փոխարժէքի քաղաքականութիւն:

«Ատիկա կը նշանակէ, որ դրամի փոխարժէքը կ’որոշէ շուկան, այլ ոչ թէ այս կամ այն գերատեսչութիւնը: ԿԲ–ն սահմանած է որոշակի կանոն, եւ իւրաքանչիւր արժութային միջամտութիւն արտացոլուած է կառոյցի կայքին մէջ:  Ոեւէ մէկը կրնայ տեսնել ԿԲ կողմէ գնուած կամ վաճառուած արժոյթի ծաւալը: Ելլելով  անկէ` նման հրապարակումները չեն դիմանար որեւէ քննադատութեան», – նշեց Բերբերեան:

Մեր զրուցակիցին կարծիքով` տոլարի նկատմամբ դրամի փոխարժէքի ձեւաւորման կայացած համակարգն անհնար կը դարձնէ ազգային արժոյթի արժեզրկման վերաբերեալ որեւէ պայմանաւորուածութիւն: Եւ Հայաստանի մէջ չի կրնար ըլլալ իրավիճակ, որուն պարագային  պէտք է արհեստականօրէն նուազեցնել կամ բարձրացնել դրամի փոխարժէքը:

Ապրիլ 3–ի դրութեամբ տոլարի փոխարժէքը կը կազմէ 486,47 դրամ: Վերջին երեք ամիսներուն ընթացքին հայկական արժոյթը ցոյց  տուած է արժեզրկման աննշան միտում:

117
թեգերը:
Կենտրոնական բանկ (ԿԲ), Հայաստան
թեմա:
Sputnik Արմենիան` արևմտահայերենով (108)
Ըստ թեմայի
Կառավարութիւնը կը նպաստէ մինչեւ 10 հեկտար պտղատու այգիներ ստեղծելու նախաձեռնութեան
Պետութիւնը կը ծրագրէ երիտասարդներուն վարձով բնակարաններ տալ` ամիսը 10 տոլարով
Ադամեանը «կը բողոքէ» Google-ին` Ստեփանակերտի անունն ուղղելով եւ վայրը դարձնելով Արցախ