Խանութ

Ավելի քիչ «ձախ» առևտուր. Հայաստանի խանութներում սկսել են ավելի շատ ՀԴՄ կտրոններ տրամադրել

67
(Թարմացված է 19:35 03.04.2019)
Ճիշտ է, մի կտրոնի միջին գումարն ավելի քիչ է, քան նախկինում։ Անհրաժեշտության դեպքում հարկային մարմինը կուսումնասիրի, թե ինչի հետ է դա կապված։

ԵՐԵՎԱՆ, 3 ապրիլի — Sputnik. Հայաստանի խանութներում սկսել են ավելի շատ ՀԴՄ կտրոններ են տրամադրել։ Այդ մասին մամուլի ասուլիսում ասաց Հայաստանի Պետեկամուտների կոմիտեի ղեկավար Դավիթ Անանյանը` ամփոփելով 2019թ–ի առաջին եռամսյակի արդյունքները։

2018թ–ի առաջին եռամսյակում տրամադրել են մոտավորապես 65 միլիոն հատ ՀԴՄ կտրոն, որոնցով կատարվել է 317 միլիարդ դրամի շրջանառություն։ 2019թ–ի առաջին եռամսյակում տրամադրել են 85,7 միլիոն կտրոն` 372,4 միլիարդ դրամ շրջանառությամբ։

Միաժամանակ, կտրոնները 32 տոկոսով ավելացել են, իսկ այդ կտրոններով շրջանառությունն աճել է միայն 17 տոկոսով։ Այսպիսով, մեկ կտրոնի գումարն ավելի քիչ է եղել, քան նախկինում։ Մասնավորապես, նման բան կարող է տեղի ունենալ փոքր խանութներում. դրանք աշխատում են շրջանառության հարկով և պետության ավելի թույլ վերահսկողության տակ։

«Առանց ապացույցների չի կարելի նման բան պնդել։ Բայց դա բացառված չէ։ Ուստի եթե մենք նկատենք, որ ապրիլին, մայիսին և հունիսին այդ միտումը շարունակվում է, մենք ավելի ուշադիր կուսումնասիրենք իրադրությունը», – հայտարարեց Անանյանը։

Նշենք, որ Հայաստանի մանրածախ առևտրի բոլոր կետերում տեղադրված են հսկիչ–դրամարկղային ապարատներ` շրջանառությունը վերահսկելու համար։

67
թեգերը:
Հայաստան, ՀՀ պետական եկամուտների կոմիտե
Ըստ թեմայի
Հետդարձի ճանապարհ չի լինելու. ՊԵԿ–ը բավականին շատ հարկ է հավաքել 1–ին եռամսյակում
Հայ փոխադրողների համար ի՞նչ կփոխվի. Վրաստանը ցորենի տարանցման նոր կանոններ է մտցրել
ՊԵԿ–ն ամեն ամիս պարգևատրումներ է տալու. Դավիթ Անանյանը խոստացավ