Դավիթ Անանյան

Հետդարձի ճանապարհ չի լինելու. ՊԵԿ–ը բավականին շատ հարկ է հավաքել 1–ին եռամսյակում

124
(Թարմացված է 18:02 03.04.2019)
ՀՀ ՊԵԿ–ն ուրախալի լուր է հայտնել. երկրում հարկերի հավաքագրումն անսպասելիորեն աճել է 2018թ.–ի նույն ժամանակաշրջանի համեմատ։

ԵՐԵՎԱՆ, 3 ապրիլի — Sputnik. Հայաստանում պետական բյուջեի հավաքագրումներն աննախադեպ աճ է գրանցել 2019թ–ի սկզբին։ Այդ մասին լրագրողներին հայտնեց Հայաստանի Պետական եկամուտների կոմիտեի նախագահ Դավիթ Անանյանը` ներկայացնելով տարվա առաջին եռամսյակի արդյունքները։

Այս տարվա առաջին եռամսյակում հավաքագրվել է 296.5 մլրդ դրամ՝ նախատեսված 285.1 մլրդ դրամի փոխարեն: Հարկային մարմինները հավաքագրվել են 226.2 մլրդ դրամ 2018թ.–ի 171,1 մլրդի համեմատ։ ԱՃը կազմել է 55,5 տոկոս։ Իսկ մաքսային մարմինները հավաքագրվել են 70.3 մլրդ դրամ (2,8 տոկոսով ավելի, քան 2018թ.–ին): 2019 թվականի ընթացքում նախատեսվում է հավաքագրել 1 տրլն 401 մլրդ 875.6 մլն դրամ:

ՊԵԿ–ը հիմնականում հետևել է ոչ թե ապրանքների ներկրմանը, այլ դրանց շրջանառությանը մաքսատնից անցնելուց հետո։ Այլ խոսքով` ապրանքներն անցել են մաքսատնով առանց ուշացումների, իսկ երկրի ներսում դրանց շրջանառությունը պատշաճ կերպով ստուգվել է։

Հիմնականում արձանագրվել է եկամտահարկի և ԱԱՀ աճ։ Այսինքն`ստուգվել է ոչ միայն անօրինական շրջանառությունը, այլ նաև ստվերային զբաղվածությունը։ Բացառված չէ, որ երկրորդ եռամսյակում աճն ավելի շատ լինի, քանի որ ապրիլին բիզնեսը սկսում է շահութահարկի տարեկան հաշվետվություն ներկայացնել։

Նշենք, որ այդ աճը վերաբերում է ոչ թե վճարման ենթակա գումարներին, այլ փաստացի հավաքված միջոցներին։

Անանյանի խոսքով` հետդարձի ճանապարհ չի լինելու։ Հարկերը բարեխղճորեն կհավաքեն այն ամենն իրագործելու համար, ինչ նախանշել է կառավարությունը` 300 կմ ճանապարհային շինարարություն, ուսուցիչների և զինվորականների աշխատավարձերի բարձրացում և այլն։

124
թեգերը:
Բյուջե, Դավիթ Անանյան, Պետական եկամուտների կոմիտե (ՊԵԿ), Հայաստան
Ըստ թեմայի
Նիկոլ Փաշինյանի և ՊԵԿ-ի տվյալները չեն համընկնում. ո՞րն է «ստվերի» գաղտնիքը
ՊԵԿ-ն իր առջև նպատակ է դրել ոչ թե պատժել տնտեսվարողին, այլ կանխարգելել խախտումները
Փաշինյանն ամփոփել է ՊԵԿ–ի աշխատանքի արդյունքները. գերակատարումներ ու գերազանցումներ