էլեկտրամոբիլ

Ավելի շատ էլեկտրամոբիլներ՝ դեպի Հայաստան. մատակարարները արտոնություններ են պահանջում

119
(Թարմացված է 23:34 02.04.2019)
Հայաստանում ուզում են ԱԱՀ–ից ազատել էլեկտրամոբիլներ ներկրող մասնավոր անձանց։ Այժմ նույնպիսի արտոնություն են պահանջում նաև ավտոսալոնները։

ԵՐԵՎԱՆ, 2 ապրիլի — Sputnik. Ավտոմեքենաների արտասահմանյան ընկերությունների մատակարարները Հայաստան  ավելի շատ էլեկտրամոբիլներ  են ուզում  ներկրել։ Այս մասին ԱԺ տնտեսական հանձնաժողովում հանդիպման ժամանակ հայտարարեցին եվրոպական առևտրային պալատի ներկայացուցիչները։

Ինչպես նշեց հայ–բրիտանական առևտրային պալատի նախագահ Նաիրա Մանուկյանը, ՀՀ կառավարությունը հաստատել է էլեկտրամոբիլներն ԱԱՀ–ից ազատելու օրինագիծը։ Սակայն այն վերաբերվում է միայն ֆիզիկական, այլ ոչ թե իրավաբանական անձանց։ Միևնույն ժամանակ ավտոսրահները նույնպես ցանկանում են նոր էլեկտրամոբիլներ ներկրել հարկային արտոնություններով։

Հայ–բելգիական առևտրային պալատի փոխնախագահ Ֆելիքս Փայտյանն իր հերթին ներկայացրեց Բելգիայում արված հաշվարկները. 3-3,5 լիտրանոց շարժիչով մեքենայի մոտ տարեկան սպասարկման ծախսերը (ներառյալ տեխսպասարկումը, գույքահարկը, բնապահպանական վճարները, ապահովագրությունը) կարող են կազմել 3-3,5 հազար եվրո, իսկ համադրելի հզորությամբ (կիլովատներով) էլեկտրամոբիլի մոտ՝ ընդամենը 80 եվրո։

«Մենք էլեկտրամոբիլներ ներկրելու գաղափարի աջակիցն ենք։ Արտոնությունները պետք է ժամանակավոր լինեն, բայց էական, որպեսզի այդպիսի ավտոմեքենաները մտնեն առօրյա գործածության մեջ։ Դրանից հետո կրկին կարելի է հարկեր սահմանել դրանց համար։ Սակայն ներկա փուլում կարևոր է դրանց տարածումը։ Էլեկտրականությունը բենզինի կամ գազի փոխարեն լավ է և՛ բնապահպանության, և՛ ներկրվող վառելիքը տեղականով փոխարինելու համար», – նշեց պատգամավոր Հայկ Գևորգյանը։

Տնտեսական հանձնաժողովի նախագահ Բաբկեն Թունյանն ու նրա գործընկերները խոստացել են քննարկել ԱԱՀ–ի չեղարկումը նաև ավտոսրահների էլեկտրամոբիլների վրա տարածելու առաջարկը։

119
թեգերը:
էլեկտրաէներգիա, Հայաստան
Ըստ թեմայի
Էլեկտրամոբիլը շքեղություն չէ, այլ փոխադրամիջոց. նոր նախագիծ Հայաստանում
Երևանցի Դավիթն էլեկտրամոբիլ է սարքել և «թավշյա հեղափոխություն» է անում ճանապարհներին
Հայ ինժեների նոու–հաուն. հրաշք մեքենա, որը հոսանքով է աշխատում. տեսանյութ
Tesla-ն ներկայացրել է իր նոր ամենագնաց էլեկտրամեքենան. տեսանյութ և լուսանկար
Այ քեզ բան. էժան սմարթֆոնը վերանում է, մեքենան` թռչում, տիեզերագնացն էլ տպած միս է ուտում
Այ քեզ բան. հեծանիվն ու սմարթֆոնն արդեն ծալվում են, բանտերն ու մեքենաները` «խելոքանում»